שמות

לֹ֥א תִשָּׂ֖אa שֵׁ֣מַעb שָׁ֑וְא אַל־תָּ֤שֶׁתc יָֽדְךָ֙ עִם־רָשָׁ֔ע לִהְיֹ֖תd עֵ֥ד חָמָֽס׃ ס

2 לֹֽא־תִהְיֶ֥הa אַחֲרֵֽי־רַבִּ֖ים לְרָעֹ֑ת וְלֹא־תַעֲנֶ֣הb עַל־רִ֗ב לִנְטֹ֛תc אַחֲרֵ֥י רַבִּ֖ים לְהַטֹּֽתd ׃

3 וְדָ֕לa לֹ֥א תֶהְדַּ֖רb בְּרִיבֹֽו׃ ס

4 כִּ֣י תִפְגַּ֞עa שֹׁ֧ור אֹֽיִבְךָ֛ אֹ֥ו חֲמֹרֹ֖ו תֹּעֶ֑הb הָשֵׁ֥ב תְּשִׁיבֶ֖נּוּc לֹֽו׃ ס

5 כִּֽי־תִרְאֶ֞הa חֲמֹ֣ור שֹׂנַאֲךָ֗ רֹבֵץ֙b תַּ֣חַת מַשָּׂאֹ֔וc וְחָדַלְתָּ֖d מֵעֲזֹ֣בe לֹ֑ו עָזֹ֥ב תַּעֲזֹ֖בf עִמֹּֽו׃ ס

6 לֹ֥א תַטֶּ֛הa מִשְׁפַּ֥ט אֶבְיֹנְךָ֖ בְּרִיבֹֽו׃

7 מִדְּבַר־שֶׁ֖קֶר תִּרְחָ֑קa וְנָקִ֤יb וְצַדִּיק֙ אַֽל־תַּהֲרֹ֔גc כִּ֥י לֹא־אַצְדִּ֖יקd רָשָֽׁע׃

8 וְשֹׁ֖חַדa לֹ֣א תִקָּ֑חb כִּ֤י הַשֹּׁ֨חַד֙c יְעַוֵּ֣רd פִּקְחִ֔יםe וִֽיסַלֵּ֖ףf דִּבְרֵ֥י צַדִּיקִֽים׃

9 וְגֵ֖ר לֹ֣א תִלְחָ֑ץa וְאַתֶּ֗ם יְדַעְתֶּם֙b אֶת־נֶ֣פֶשׁ הַגֵּ֔ר כִּֽי־גֵרִ֥ים הֱיִיתֶ֖םc בְּאֶ֥רֶץ מִצְרָֽיִם׃

10 וְשֵׁ֥שׁ שָׁנִ֖ים תִּזְרַ֣עa אֶת־אַרְצֶ֑ךָ וְאָסַפְתָּ֖b אֶת־תְּבוּאָתָֽהּc ׃

11 וְהַשְּׁבִיעִ֞ת תִּשְׁמְטֶ֣נָּהa וּנְטַשְׁתָּ֗הּb וְאָֽכְלוּ֙c אֶבְיֹנֵ֣י עַמֶּ֔ךָ וְיִתְרָ֕ם תֹּאכַ֖לd חַיַּ֣ת הַשָּׂדֶ֑ה כֵּֽן־תַּעֲשֶׂ֥הe לְכַרְמְךָ֖ לְזֵיתֶֽךָf ׃

12 שֵׁ֤שֶׁת יָמִים֙ תַּעֲשֶׂ֣הa מַעֲשֶׂ֔יךָ וּבַיֹּ֥ום הַשְּׁבִיעִ֖י תִּשְׁבֹּ֑תb לְמַ֣עַן יָנ֗וּחַc שֹֽׁורְךָ֙ וַחֲמֹרֶ֔ךָ וְיִנָּפֵ֥שׁd בֶּן־אֲמָתְךָ֖ וְהַגֵּֽר׃

13 וּבְכֹ֛ל אֲשֶׁר־אָמַ֥רְתִּיa אֲלֵיכֶ֖ם תִּשָּׁמֵ֑רוּb וְשֵׁ֨ם אֱלֹהִ֤ים אֲחֵרִים֙ לֹ֣א תַזְכִּ֔ירוּc לֹ֥א יִשָּׁמַ֖עd עַל־פִּֽיךָ׃

14 שָׁלֹ֣שׁ רְגָלִ֔ים תָּחֹ֥גa לִ֖י בַּשָּׁנָֽה׃

15 אֶת־חַ֣ג הַמַּצֹּות֮ תִּשְׁמֹר֒a שִׁבְעַ֣ת יָמִים֩ תֹּאכַ֨לb מַצֹּ֜ות כַּֽאֲשֶׁ֣ר צִוִּיתִ֗ךָc לְמֹועֵד֙ חֹ֣דֶשׁ הָֽאָבִ֔יבd כִּי־בֹ֖ו יָצָ֣אתָe מִמִּצְרָ֑יִם וְלֹא־יֵרָא֥וּf פָנַ֖י רֵיקָֽםg ׃

16 וְחַ֤ג הַקָּצִיר֙a בִּכּוּרֵ֣יb מַעֲשֶׂ֔יךָ אֲשֶׁ֥ר תִּזְרַ֖עc בַּשָּׂדֶ֑ה וְחַ֤ג הָֽאָסִף֙d בְּצֵ֣אתe הַשָּׁנָ֔ה בְּאָסְפְּךָ֥f אֶֽת־מַעֲשֶׂ֖יךָ מִן־הַשָּׂדֶֽה׃

17 שָׁלֹ֥שׁ פְּעָמִ֖ים בַּשָּׁנָ֑ה יֵרָאֶה֙a כָּל־זְכ֣וּרְךָ֔b אֶל־פְּנֵ֖י הָאָדֹ֥ן׀ יְהוָֽה׃

18 לֹֽא־תִזְבַּ֥חa עַל־חָמֵ֖ץb דַּם־זִבְחִ֑י וְלֹֽא־יָלִ֥יןc חֵֽלֶב־חַגִּ֖י עַד־בֹּֽקֶר׃

19 רֵאשִׁ֗ית בִּכּוּרֵי֙a אַדְמָ֣תְךָ֔ תָּבִ֕יאb בֵּ֖ית יְהוָ֣ה אֱלֹהֶ֑יךָ לֹֽא־תְבַשֵּׁ֥לc גְּדִ֖יd בַּחֲלֵ֥בe אִמֹּֽו׃ ס

20 הִנֵּ֨ה אָנֹכִ֜י שֹׁלֵ֤חַa מַלְאָךְ֙ לְפָנֶ֔יךָ לִשְׁמָרְךָ֖b בַּדָּ֑רֶךְ וְלַהֲבִ֣יאֲךָ֔c אֶל־הַמָּקֹ֖ום אֲשֶׁ֥ר הֲכִנֹֽתִיd ׃

21 הִשָּׁ֧מֶרa מִפָּנָ֛יו וּשְׁמַ֥עb בְּקֹלֹ֖ו אַל־תַּמֵּ֣רc בֹּ֑ו כִּ֣י לֹ֤א יִשָּׂא֙d לְפִשְׁעֲכֶ֔ם כִּ֥י שְׁמִ֖י בְּקִרְבֹּֽו׃

22 כִּ֣י אִם־שָׁמֹ֤עַ תִּשְׁמַע֙a בְּקֹלֹ֔ו וְעָשִׂ֕יתָb כֹּ֖ל אֲשֶׁ֣ר אֲדַבֵּ֑רc וְאָֽיַבְתִּי֙d אֶת־אֹ֣יְבֶ֔יךָ וְצַרְתִּ֖יe אֶת־צֹרְרֶֽיךָf ׃

23 כִּֽי־יֵלֵ֣ךְa מַלְאָכִי֮ לְפָנֶיךָ֒ וֶהֱבִֽיאֲךָ֗b אֶל־הָֽאֱמֹרִי֙ וְהַ֣חִתִּ֔יc וְהַפְּרִזִּי֙d וְהַֽכְּנַעֲנִ֔י הַחִוִּ֖יe וְהַיְבוּסִ֑יf וְהִכְחַדְתִּֽיוg ׃

24 לֹֽא־תִשְׁתַּחֲוֶ֤הa לֵאלֹֽהֵיהֶם֙ וְלֹ֣א תָֽעָבְדֵ֔םb וְלֹ֥א תַעֲשֶׂ֖הc כְּמַֽעֲשֵׂיהֶ֑ם כִּ֤י הָרֵס֙d תְּהָ֣רְסֵ֔םe וְשַׁבֵּ֥ר תְּשַׁבֵּ֖רf מַצֵּבֹתֵיהֶֽםg ׃

25 וַעֲבַדְתֶּ֗םa אֵ֚ת יְהוָ֣ה אֱלֹֽהֵיכֶ֔ם וּבֵרַ֥ךְb אֶֽת־לַחְמְךָ֖ וְאֶת־מֵימֶ֑יךָ וַהֲסִרֹתִ֥יc מַחֲלָ֖הd מִקִּרְבֶּֽךָ׃

26 לֹ֥א תִהְיֶ֛הa מְשַׁכֵּלָ֥הb וַעֲקָרָ֖הc בְּאַרְצֶ֑ךָ אֶת־מִסְפַּ֥ר יָמֶ֖יךָ אֲמַלֵּֽאd ׃

27 אֶת־אֵֽימָתִי֙a אֲשַׁלַּ֣חb לְפָנֶ֔יךָ וְהַמֹּתִי֙c אֶת־כָּל־הָעָ֔ם אֲשֶׁ֥ר תָּבֹ֖אd בָּהֶ֑ם וְנָתַתִּ֧יe אֶת־כָּל־אֹיְבֶ֛יךָ אֵלֶ֖יךָ עֹֽרֶףf ׃

28 וְשָׁלַחְתִּ֥יa אֶת־הַצִּרְעָ֖הb לְפָנֶ֑יךָ וְגֵרְשָׁ֗הc אֶת־הַחִוִּ֧יd אֶת־הַֽכְּנַעֲנִ֛י וְאֶת־הַחִתִּ֖יe מִלְּפָנֶֽיךָ׃

29 לֹ֧א אֲגָרְשֶׁ֛נּוּa מִפָּנֶ֖יךָ בְּשָׁנָ֣ה אֶחָ֑ת פֶּן־תִּהְיֶ֤הb הָאָ֨רֶץ֙ שְׁמָמָ֔ה וְרַבָּ֥הc עָלֶ֖יךָ חַיַּ֥ת הַשָּׂדֶֽה׃

30 מְעַ֥ט מְעַ֛ט אֲגָרְשֶׁ֖נּוּa מִפָּנֶ֑יךָ עַ֚ד אֲשֶׁ֣ר תִּפְרֶ֔הb וְנָחַלְתָּ֖c אֶת־הָאָֽרֶץ׃

31 וְשַׁתִּ֣יa אֶת־גְּבֻלְךָ֗ מִיַּם־סוּף֙b וְעַד־יָ֣ם פְּלִשְׁתִּ֔ים וּמִמִּדְבָּ֖ר עַד־הַנָּהָ֑ר כִּ֣י׀ אֶתֵּ֣ןc בְּיֶדְכֶ֗ם אֵ֚ת יֹשְׁבֵ֣י הָאָ֔רֶץ וְגֵרַשְׁתָּ֖מֹוd מִפָּנֶֽיךָ׃

32 לֹֽא־תִכְרֹ֥תa לָהֶ֛ם וְלֵאלֹֽהֵיהֶ֖ם בְּרִֽית׃

33 לֹ֤א יֵשְׁבוּ֙a בְּאַרְצְךָ֔ פֶּן־יַחֲטִ֥יאוּb אֹתְךָ֖ לִ֑י כִּ֤י תַעֲבֹד֙c אֶת־אֱלֹ֣הֵיהֶ֔ם כִּֽי־יִהְיֶ֥הd לְךָ֖ לְמֹוקֵֽשׁe ׃ פ