שמות

אִם־בַּמַּחְתֶּ֛רֶתa יִמָּצֵ֥אb הַגַּנָּ֖בc וְהֻכָּ֣הd וָמֵ֑תe אֵ֥ין לֹ֖ו דָּמִֽים׃

2 אִם־זָרְחָ֥הa הַשֶּׁ֛מֶשׁ עָלָ֖יו דָּמִ֣ים לֹ֑ו שַׁלֵּ֣ם יְשַׁלֵּ֔םb אִם־אֵ֣ין לֹ֔ו וְנִמְכַּ֖רc בִּגְנֵבָתֹֽוd ׃

3 אִֽם־הִמָּצֵא֩ תִמָּצֵ֨אa בְיָדֹ֜ו הַגְּנֵבָ֗הb מִשֹּׁ֧ור עַד־חֲמֹ֛ור עַד־שֶׂ֖הc חַיִּ֑ים שְׁנַ֖יִם יְשַׁלֵּֽםd ׃ ס

4 כִּ֤י יַבְעֶרa ־אִישׁ֙ שָׂדֶ֣ה אֹו־כֶ֔רֶם וְשִׁלַּח֙b אֶת־בעירהc וּבִעֵ֖רd בִּשְׂדֵ֣ה אַחֵ֑ר מֵיטַ֥בe שָׂדֵ֛הוּ וּמֵיטַ֥בf כַּרְמֹ֖ו יְשַׁלֵּֽםg ׃ ס

5 כִּֽי־תֵצֵ֨אa אֵ֜שׁ וּמָצְאָ֤הb קֹצִים֙c וְנֶאֱכַ֣לd גָּדִ֔ישׁe אֹ֥ו הַקָּמָ֖הf אֹ֣ו הַשָּׂדֶ֑ה שַׁלֵּ֣ם יְשַׁלֵּ֔םg הַמַּבְעִ֖רh אֶת־הַבְּעֵרָֽהi ׃ ס

6 כִּֽי־יִתֵּן֩a אִ֨ישׁ אֶל־רֵעֵ֜הוּ כֶּ֤סֶף אֹֽו־כֵלִים֙ לִשְׁמֹ֔רb וְגֻנַּ֖בc מִבֵּ֣ית הָאִ֑ישׁ אִם־יִמָּצֵ֥אd הַגַּנָּ֖בe יְשַׁלֵּ֥םf שְׁנָֽיִם׃

7 אִם־לֹ֤א יִמָּצֵא֙a הַגַּנָּ֔בb וְנִקְרַ֥בc בַּֽעַל־הַבַּ֖יִת אֶל־הָֽאֱלֹהִ֑ים אִם־לֹ֥א שָׁלַ֛חd יָדֹ֖ו בִּמְלֶ֥אכֶת רֵעֵֽהוּ׃

8 עַֽל־כָּל־דְּבַר־פֶּ֡שַׁע עַל־שֹׁ֡ור עַל־חֲ֠מֹור עַל־שֶׂ֨הa עַל־שַׂלְמָ֜הb עַל־כָּל־אֲבֵדָ֗הc אֲשֶׁ֤ר יֹאמַר֙d כִּי־ה֣וּא זֶ֔ה עַ֚ד הָֽאֱלֹהִ֔ים יָבֹ֖אe דְּבַר־שְׁנֵיהֶ֑ם אֲשֶׁ֤ר יַרְשִׁיעֻן֙f אֱלֹהִ֔ים יְשַׁלֵּ֥םg שְׁנַ֖יִם לְרֵעֵֽהוּ׃ ס

9 כִּֽי־יִתֵּן֩a אִ֨ישׁ אֶל־רֵעֵ֜הוּ חֲמֹ֨ור אֹו־שֹׁ֥ור אֹו־שֶׂ֛הb וְכָל־בְּהֵמָ֖ה לִשְׁמֹ֑רc וּמֵ֛תd אֹו־נִשְׁבַּ֥רe אֹו־נִשְׁבָּ֖הf אֵ֥ין רֹאֶֽהg ׃

10 שְׁבֻעַ֣תa יְהוָ֗ה תִּהְיֶה֙b בֵּ֣ין שְׁנֵיהֶ֔ם אִם־לֹ֥א שָׁלַ֛חc יָדֹ֖ו בִּמְלֶ֣אכֶת רֵעֵ֑הוּ וְלָקַ֥חd בְּעָלָ֖יו וְלֹ֥א יְשַׁלֵּֽםe ׃

11 וְאִם־גָּנֹ֥בa יִגָּנֵ֖בb מֵעִמֹּ֑ו יְשַׁלֵּ֖םc לִבְעָלָֽיו׃

12 אִם־טָרֹ֥ףa יִטָּרֵ֖ףb יְבִאֵ֣הוּc עֵ֑ד הַטְּרֵפָ֖הd לֹ֥א יְשַׁלֵּֽםe ׃ פ

13 וְכִֽי־יִשְׁאַ֥לa אִ֛ישׁ מֵעִ֥ם רֵעֵ֖הוּ וְנִשְׁבַּ֣רb אֹו־מֵ֑תc בְּעָלָ֥יו אֵין־עִמֹּ֖ו שַׁלֵּ֥ם יְשַׁלֵּֽםd ׃

14 אִם־בְּעָלָ֥יו עִמֹּ֖ו לֹ֣א יְשַׁלֵּ֑םa אִם־שָׂכִ֣ירb ה֔וּא בָּ֖אc בִּשְׂכָרֹֽוd ׃ ס

15 וְכִֽי־יְפַתֶּ֣הa אִ֗ישׁ בְּתוּלָ֛ה אֲשֶׁ֥ר לֹא־אֹרָ֖שָׂהb וְשָׁכַ֣בc עִמָּ֑הּ מָהֹ֛רd יִמְהָרֶ֥נָּהe לֹּ֖ו לְאִשָּֽׁה׃

16 אִם־מָאֵ֧ןa יְמָאֵ֛ןb אָבִ֖יהָ לְתִתָּ֣הּc לֹ֑ו כֶּ֣סֶף יִשְׁקֹ֔לd כְּמֹ֖הַרe הַבְּתוּלֹֽת׃ ס

17 מְכַשֵּׁפָ֖הa לֹ֥א תְחַיֶּֽהb ׃ ס

18 כָּל־שֹׁכֵ֥בa עִם־בְּהֵמָ֖ה מֹ֥ות יוּמָֽתb ׃ ס

19 זֹבֵ֥חַa לָאֱלֹהִ֖ים יָֽחֳרָ֑םb בִּלְתִּ֥י לַיהוָ֖ה לְבַדֹּֽו׃

20 וְגֵ֥ר לֹא־תֹונֶ֖הa וְלֹ֣א תִלְחָצֶ֑נּוּb כִּֽי־גֵרִ֥ים הֱיִיתֶ֖םc בְּאֶ֥רֶץ מִצְרָֽיִם׃

21 כָּל־אַלְמָנָ֥ה וְיָתֹ֖וםa לֹ֥א תְעַנּֽוּןb ׃

22 אִם־עַנֵּ֥ה תְעַנֶּ֖הa אֹתֹ֑ו כִּ֣י אִם־צָעֹ֤ק יִצְעַק֙b אֵלַ֔י שָׁמֹ֥עַ אֶשְׁמַ֖עc צַעֲקָתֹֽוd ׃

23 וְחָרָ֣הa אַפִּ֔י וְהָרַגְתִּ֥יb אֶתְכֶ֖ם בֶּחָ֑רֶב וְהָי֤וּc נְשֵׁיכֶם֙ אַלְמָנֹ֔ות וּבְנֵיכֶ֖ם יְתֹמִֽיםd ׃ פ

24 אִם־כֶּ֣סֶף׀ תַּלְוֶ֣הa אֶת־עַמִּ֗י אֶת־הֶֽעָנִי֙ עִמָּ֔ךְ לֹא־תִהְיֶ֥הb לֹ֖ו כְּנֹשֶׁ֑הc לֹֽא־תְשִׂימ֥וּןd עָלָ֖יו נֶֽשֶׁךְe ׃

25 אִם־חָבֹ֥לa תַּחְבֹּ֖לb שַׂלְמַ֣תc רֵעֶ֑ךָ עַד־בֹּ֥אd הַשֶּׁ֖מֶשׁ תְּשִׁיבֶ֥נּוּe לֹֽו׃

26 כִּ֣י הִ֤וא כסותהa לְבַדָּ֔הּ הִ֥וא שִׂמְלָתֹ֖וb לְעֹרֹ֑ו בַּמֶּ֣ה יִשְׁכָּ֔בc וְהָיָה֙d כִּֽי־יִצְעַ֣קe אֵלַ֔י וְשָׁמַעְתִּ֖יf כִּֽי־חַנּ֥וּןg אָֽנִי׃ ס

27 אֱלֹהִ֖ים לֹ֣א תְקַלֵּ֑לa וְנָשִׂ֥יא בְעַמְּךָ֖ לֹ֥א תָאֹֽרb ׃

28 מְלֵאָתְךָ֥a וְדִמְעֲךָ֖b לֹ֣א תְאַחֵ֑רc בְּכֹ֥ור בָּנֶ֖יךָ תִּתֶּןd ־לִּֽי׃

29 כֵּֽן־תַּעֲשֶׂ֥הa לְשֹׁרְךָ֖ לְצֹאנֶ֑ךָ שִׁבְעַ֤ת יָמִים֙ יִהְיֶ֣הb עִם־אִמֹּ֔ו בַּיֹּ֥ום הַשְּׁמִינִ֖יc תִּתְּנֹוd ־לִֽי׃

30 וְאַנְשֵׁי־קֹ֖דֶשׁ תִּהְי֣וּןa לִ֑י וּבָשָׂ֨ר בַּשָּׂדֶ֤ה טְרֵפָה֙b לֹ֣א תֹאכֵ֔לוּc לַכֶּ֖לֶבd תַּשְׁלִכ֥וּןe אֹתֹֽו׃ ס