שמות

וְאֵ֨לֶּה֙ הַמִּשְׁפָּטִ֔ים אֲשֶׁ֥ר תָּשִׂ֖יםa לִפְנֵיהֶֽם׃

2 כִּ֤י תִקְנֶה֙a עֶ֣בֶד עִבְרִ֔יb שֵׁ֥שׁ שָׁנִ֖ים יַעֲבֹ֑דc וּבַ֨שְּׁבִעִ֔ת יֵצֵ֥אd לַֽחָפְשִׁ֖יe חִנָּֽםf ׃

3 אִם־בְּגַפֹּ֥וa יָבֹ֖אb בְּגַפֹּ֣וc יֵצֵ֑אd אִם־בַּ֤עַל אִשָּׁה֙ ה֔וּא וְיָצְאָ֥הe אִשְׁתֹּ֖ו עִמֹּֽו׃

4 אִם־אֲדֹנָיו֙ יִתֶּןa ־לֹ֣ו אִשָּׁ֔ה וְיָלְדָהb ־לֹ֥ו בָנִ֖ים אֹ֣ו בָנֹ֑ות הָאִשָּׁ֣ה וִילָדֶ֗יהָ תִּהְיֶה֙c לַֽאדֹנֶ֔יהָ וְה֖וּא יֵצֵ֥אd בְגַפֹּֽוe ׃

5 וְאִם־אָמֹ֤ר יֹאמַר֙a הָעֶ֔בֶד אָהַ֨בְתִּי֙b אֶת־אֲדֹנִ֔י אֶת־אִשְׁתִּ֖י וְאֶת־בָּנָ֑י לֹ֥א אֵצֵ֖אc חָפְשִֽׁיd ׃

6 וְהִגִּישֹׁ֤וa אֲדֹנָיו֙ אֶל־הָ֣אֱלֹהִ֔ים וְהִגִּישֹׁו֙b אֶל־הַדֶּ֔לֶת אֹ֖ו אֶל־הַמְּזוּזָ֑הc וְרָצַ֨עd אֲדֹנָ֤יו אֶת־אָזְנֹו֙ בַּמַּרְצֵ֔עַe וַעֲבָדֹ֖וf לְעֹלָֽם׃ ס

7 וְכִֽי־יִמְכֹּ֥רa אִ֛ישׁ אֶת־בִּתֹּ֖ו לְאָמָ֑ה לֹ֥א תֵצֵ֖אb כְּצֵ֥אתc הָעֲבָדִֽים׃

8 אִם־רָעָ֞הa בְּעֵינֵ֧י אֲדֹנֶ֛יהָ אֲשֶׁר־לאb יְעָדָ֖הּc וְהֶפְדָּ֑הּd לְעַ֥ם נָכְרִ֛יe לֹא־יִמְשֹׁ֥לf לְמָכְרָ֖הּg בְּבִגְדֹוh ־בָֽהּ׃

9 וְאִם־לִבְנֹ֖ו יִֽיעָדֶ֑נָּהa כְּמִשְׁפַּ֥ט הַבָּנֹ֖ות יַעֲשֶׂהb ־לָּֽהּ׃

10 אִם־אַחֶ֖רֶת יִֽקַּֽחa ־לֹ֑ו שְׁאֵרָ֛הּb כְּסוּתָ֥הּc וְעֹנָתָ֖הּd לֹ֥א יִגְרָֽעe ׃

11 וְאִם־שְׁלָ֨שׁ־אֵ֔לֶּה לֹ֥א יַעֲשֶׂ֖הa לָ֑הּ וְיָצְאָ֥הb חִנָּ֖םc אֵ֥ין כָּֽסֶף׃ ס

12 מַכֵּ֥הa אִ֛ישׁ וָמֵ֖תb מֹ֥ות יוּמָֽתc ׃

13 וַאֲשֶׁר֙ לֹ֣א צָדָ֔הa וְהָאֱלֹהִ֖ים אִנָּ֣הb לְיָדֹ֑ו וְשַׂמְתִּ֤יc לְךָ֙ מָקֹ֔ום אֲשֶׁ֥ר יָנ֖וּסd שָֽׁמָּה׃ ס

14 וְכִֽי־יָזִ֥דa אִ֛ישׁ עַל־רֵעֵ֖הוּ לְהָרְגֹ֣וb בְעָרְמָ֑הc מֵעִ֣ם מִזְבְּחִ֔י תִּקָּחֶ֖נּוּd לָמֽוּתe ׃ ס

15 וּמַכֵּ֥הa אָבִ֛יו וְאִמֹּ֖ו מֹ֥ות יוּמָֽתb ׃

16 וְגֹנֵ֨בa אִ֧ישׁ וּמְכָרֹ֛וb וְנִמְצָ֥אc בְיָדֹ֖ו מֹ֥ות יוּמָֽתd ׃ ס

17 וּמְקַלֵּ֥לa אָבִ֛יו וְאִמֹּ֖ו מֹ֥ות יוּמָֽתb ׃ ס

18 וְכִֽי־יְרִיבֻ֣ןa אֲנָשִׁ֔ים וְהִכָּהb ־אִישׁ֙ אֶת־רֵעֵ֔הוּ בְּאֶ֖בֶן אֹ֣ו בְאֶגְרֹ֑ףc וְלֹ֥א יָמ֖וּתd וְנָפַ֥לe לְמִשְׁכָּֽבf ׃

19 אִם־יָק֞וּםa וְהִתְהַלֵּ֥ךְb בַּח֛וּץ עַל־מִשְׁעַנְתֹּ֖וc וְנִקָּ֣הd הַמַּכֶּ֑הe רַ֥ק שִׁבְתֹּ֛וf יִתֵּ֖ןg וְרַפֹּ֥א יְרַפֵּֽאh ׃ ס

20 וְכִֽי־יַכֶּה֩a אִ֨ישׁ אֶת־עַבְדֹּ֜ו אֹ֤ו אֶת־אֲמָתֹו֙ בַּשֵּׁ֔בֶט וּמֵ֖תb תַּ֣חַת יָדֹ֑ו נָקֹ֖םc יִנָּקֵֽםd ׃

21 אַ֥ךְ אִם־יֹ֛ום אֹ֥ו יֹומַ֖יִם יַעֲמֹ֑דa לֹ֣א יֻקַּ֔םb כִּ֥י כַסְפֹּ֖ו הֽוּא׃ ס

22 וְכִֽי־יִנָּצ֣וּa אֲנָשִׁ֗ים וְנָ֨גְפ֜וּb אִשָּׁ֤ה הָרָה֙c וְיָצְא֣וּd יְלָדֶ֔יהָ וְלֹ֥א יִהְיֶ֖הe אָסֹ֑וןf עָנֹ֣ושׁg יֵעָנֵ֗שׁh כַּֽאֲשֶׁ֨ר יָשִׁ֤יתi עָלָיו֙ בַּ֣עַל הָֽאִשָּׁ֔ה וְנָתַ֖ןj בִּפְלִלִֽיםk ׃

23 וְאִם־אָסֹ֖וןa יִהְיֶ֑הb וְנָתַתָּ֥הc נֶ֖פֶשׁ תַּ֥חַת נָֽפֶשׁ׃

24 עַ֚יִן תַּ֣חַת עַ֔יִן שֵׁ֖ן תַּ֣חַת שֵׁ֑ן יָ֚ד תַּ֣חַת יָ֔ד רֶ֖גֶל תַּ֥חַת רָֽגֶל׃

25 כְּוִיָּה֙a תַּ֣חַת כְּוִיָּ֔הb פֶּ֖צַעc תַּ֣חַת פָּ֑צַעd חַבּוּרָ֕הe תַּ֖חַת חַבּוּרָֽהf ׃ ס

26 וְכִֽי־יַכֶּ֨הa אִ֜ישׁ אֶת־עֵ֥ין עַבְדֹּ֛ו אֹֽו־אֶת־עֵ֥ין אֲמָתֹ֖ו וְשִֽׁחֲתָ֑הּb לַֽחָפְשִׁ֥יc יְשַׁלְּחֶ֖נּוּd תַּ֥חַת עֵינֹֽו׃ ס

27 וְאִם־שֵׁ֥ן עַבְדֹּ֛ו אֹֽו־שֵׁ֥ן אֲמָתֹ֖ו יַפִּ֑ילa לַֽחָפְשִׁ֥יb יְשַׁלְּחֶ֖נּוּc תַּ֥חַת שִׁנֹּֽו׃ פ

28 וְכִֽי־יִגַּ֨חa שֹׁ֥ור אֶת־אִ֛ישׁ אֹ֥ו אֶת־אִשָּׁ֖ה וָמֵ֑תb סָקֹ֨ולc יִסָּקֵ֜לd הַשֹּׁ֗ור וְלֹ֤א יֵאָכֵל֙e אֶת־בְּשָׂרֹ֔ו וּבַ֥עַל הַשֹּׁ֖ור נָקִֽיf ׃

29 וְאִ֡ם שֹׁור֩ נַגָּ֨חa ה֜וּא מִתְּמֹ֣לb שִׁלְשֹׁ֗םc וְהוּעַ֤דd בִּבְעָלָיו֙ וְלֹ֣א יִשְׁמְרֶ֔נּוּe וְהֵמִ֥יתf אִ֖ישׁ אֹ֣ו אִשָּׁ֑ה הַשֹּׁור֙ יִסָּקֵ֔לg וְגַם־בְּעָלָ֖יו יוּמָֽתh ׃

30 אִם־כֹּ֖פֶרa יוּשַׁ֣תb עָלָ֑יו וְנָתַן֙c פִּדְיֹ֣ןd נַפְשֹׁ֔ו כְּכֹ֥ל אֲשֶׁר־יוּשַׁ֖תe עָלָֽיו׃

31 אֹו־בֵ֥ן יִגָּ֖חa אֹו־בַ֣ת יִגָּ֑חb כַּמִּשְׁפָּ֥ט הַזֶּ֖ה יֵעָ֥שֶׂהc לֹּֽו׃

32 אִם־עֶ֛בֶד יִגַּ֥חa הַשֹּׁ֖ור אֹ֣ו אָמָ֑ה כֶּ֣סֶף׀ שְׁלֹשִׁ֣ים שְׁקָלִ֗ים יִתֵּן֙b לַֽאדֹנָ֔יו וְהַשֹּׁ֖ור יִסָּקֵֽלc ׃ ס

33 וְכִֽי־יִפְתַּ֨חa אִ֜ישׁ בֹּ֗ור אֹ֠ו כִּֽי־יִכְרֶ֥הb אִ֛ישׁ בֹּ֖ר וְלֹ֣א יְכַסֶּ֑נּוּc וְנָֽפַלd ־שָׁ֥מָּה שֹּׁ֖ור אֹ֥ו חֲמֹֽור׃

34 בַּ֤עַל הַבֹּור֙ יְשַׁלֵּ֔םa כֶּ֖סֶף יָשִׁ֣יבb לִבְעָלָ֑יו וְהַמֵּ֖ת יִֽהְיֶהc ־לֹּֽו׃ ס

35 וְכִֽי־יִגֹּ֧ףa שֹֽׁור־אִ֛ישׁ אֶת־שֹׁ֥ור רֵעֵ֖הוּ וָמֵ֑תb וּמָ֨כְר֜וּc אֶת־הַשֹּׁ֤ור הַחַי֙ וְחָצ֣וּd אֶת־כַּסְפֹּ֔ו וְגַ֥ם אֶת־הַמֵּ֖ת יֶֽחֱצֽוּןe ׃

36 אֹ֣ו נֹודַ֗עa כִּ֠י שֹׁ֣ור נַגָּ֥חb הוּא֙ מִתְּמֹ֣ולc שִׁלְשֹׁ֔םd וְלֹ֥א יִשְׁמְרֶ֖נּוּe בְּעָלָ֑יו שַׁלֵּ֨ם יְשַׁלֵּ֥םf שֹׁור֙ תַּ֣חַת הַשֹּׁ֔ור וְהַמֵּ֖ת יִֽהְיֶהg ־לֹּֽו׃ ס

37 כִּ֤י יִגְנֹֽבa ־אִישׁ֙ שֹׁ֣ור אֹו־שֶׂ֔הb וּטְבָחֹ֖וc אֹ֣ו מְכָרֹ֑וd חֲמִשָּׁ֣ה בָקָ֗ר יְשַׁלֵּם֙e תַּ֣חַת הַשֹּׁ֔ור וְאַרְבַּע־צֹ֖אן תַּ֥חַת הַשֶּֽׂהf ׃