שמות

וַיְדַבֵּ֣רa אֱלֹהִ֔ים אֵ֛ת כָּל־הַדְּבָרִ֥ים הָאֵ֖לֶּה לֵאמֹֽרb ׃ ס

2 אָֽנֹכִ֖י֙ יְהוָ֣ה אֱלֹהֶ֑֔יךָ אֲשֶׁ֧ר הֹוצֵאתִ֛יךָa מֵאֶ֥רֶץ מִצְרַ֖יִם מִבֵּ֣֥ית עֲבָדִֽ֑ים׃

3 לֹֽ֣א יִהְיֶֽהa ־לְךָ֛֩ אֱלֹהִ֥֨ים אֲחֵרִ֖֜ים עַל־פָּנָֽ֗יַ׃

4 לֹֽ֣א תַֽעֲשֶׂ֨הa ־לְךָ֥֣ פֶ֣֨סֶל֙b ׀ וְכָל־תְּמוּנָ֡֔הc אֲשֶׁ֤֣ר בַּשָּׁמַ֣֨יִם֙׀ מִמַּ֡֔עַל וַֽאֲשֶׁ֥ר֩ בָּאָ֖֨רֶץ מִתַָּ֑֜חַת וַאֲשֶׁ֥֣ר בַּמַּ֖֣יִם׀ מִתַּ֥֣חַת לָאָֽ֗רֶץ׃

5 לֹֽא־תִשְׁתַּחְוֶ֥֣הa לָהֶ֖ם֮ וְלֹ֣א תָעָבְדֵ֑ם֒b כִּ֣י אָֽנֹכִ֞י יְהוָ֤ה אֱלֹהֶ֨יךָ֙ אֵ֣ל קַנָּ֔אc פֹּ֠קֵדd עֲוֹ֨ן אָבֹ֧ת עַל־בָּנִ֛ים עַל־שִׁלֵּשִׁ֥יםe וְעַל־רִבֵּעִ֖יםf לְשֹׂנְאָֽ֑י׃

6 וְעֹ֥֤שֶׂהa חֶ֖֨סֶד֙ לַאֲלָפִ֑֔ים לְאֹהֲבַ֖י וּלְשֹׁמְרֵ֥י מִצְוֹתָֽי׃ ס

7 לֹ֥א תִשָּׂ֛אa אֶת־שֵֽׁם־יְהוָ֥ה אֱלֹהֶ֖יךָ לַשָּׁ֑וְא כִּ֣י לֹ֤א יְנַקֶּה֙b יְהוָ֔ה אֵ֛ת אֲשֶׁר־יִשָּׂ֥אc אֶת־שְׁמֹ֖ו לַשָּֽׁוְא׃ פ

8 זָכֹ֛ור֩a אֶת־יֹ֥֨ום הַשַּׁבָּ֖֜ת לְקַדְּשֹֽׁ֗וb ׃

9 שֵׁ֤֣שֶׁת יָמִ֣ים֙ תַּֽעֲבֹ֔ד֮a וְעָשִׂ֖֣יתָb כָּל־מְלַאכְתֶּֽךָ֒׃

10 וְיֹ֨ום֙ הַשְּׁבִיעִ֔֜י שַׁבָּ֖֣ת׀ לַיהוָ֣ה אֱלֹהֶ֑֗יךָ לֹֽ֣א־תַעֲשֶׂ֣֨הa כָל־מְלָאכָ֡֜ה אַתָּ֣ה׀ וּבִנְךָֽ֣־וּ֠בִתֶּ֗ךָ עַבְדְּךָ֤֨ וַאֲמָֽתְךָ֜֙ וּבְהֶמְתֶּ֔֗ךָ וְגֵרְךָ֖֙ אֲשֶׁ֥֣ר בִּשְׁעָרֶֽ֔יךָ׃

11 כִּ֣י שֵֽׁשֶׁת־יָמִים֩ עָשָׂ֨הa יְהוָ֜ה אֶת־הַשָּׁמַ֣יִם וְאֶת־הָאָ֗רֶץ אֶת־הַיָּם֙ וְאֶת־כָּל־אֲשֶׁר־בָּ֔ם וַיָּ֖נַחb בַּיֹּ֣ום הַשְּׁבִיעִ֑י עַל־כֵּ֗ן בֵּרַ֧ךְc יְהוָ֛ה אֶת־יֹ֥ום הַשַּׁבָּ֖ת וַֽיְקַדְּשֵֽׁהוּd ׃ ס

12 כַּבֵּ֥דa אֶת־אָבִ֖יךָ וְאֶת־אִמֶּ֑ךָ לְמַ֨עַן֙ יַאֲרִכ֣וּןb יָמֶ֔יךָ עַ֚ל הָאֲדָמָ֔ה אֲשֶׁר־יְהוָ֥ה אֱלֹהֶ֖יךָ נֹתֵ֥ןc לָֽךְ׃ ס

13 לֹ֥֖א תִּֿרְצָֽ֖חa ׃ ס

14 לֹ֣֖א תִּֿנְאָֽ֑ףa ׃ ס

15 לֹ֣֖א תִּֿגְנֹֽ֔בa ׃ ס

16 לֹֽא־תַעֲנֶ֥הa בְרֵעֲךָ֖ עֵ֥ד שָֽׁקֶר׃ ס

17 לֹ֥א תַחְמֹ֖דa בֵּ֣ית רֵעֶ֑ךָ לֹֽא־תַחְמֹ֞דb אֵ֣שֶׁת רֵעֶ֗ךָ וְעַבְדֹּ֤ו וַאֲמָתֹו֙ וְשֹׁורֹ֣ו וַחֲמֹרֹ֔ו וְכֹ֖ל אֲשֶׁ֥ר לְרֵעֶֽךָ׃ פ

18 וְכָל־הָעָם֩ רֹאִ֨יםa אֶת־הַקֹּולֹ֜ת וְאֶת־הַלַּפִּידִ֗םb וְאֵת֙ קֹ֣ול הַשֹּׁפָ֔ר וְאֶת־הָהָ֖ר עָשֵׁ֑ןc וַיַּ֤רְאd הָעָם֙ וַיָּנֻ֔עוּe וַיַּֽעַמְד֖וּf מֵֽרָחֹֽק׃

19 וַיֹּֽאמְרוּ֙a אֶל־מֹשֶׁ֔ה דַּבֵּרb ־אַתָּ֥ה עִמָּ֖נוּ וְנִשְׁמָ֑עָהc וְאַל־יְדַבֵּ֥רd עִמָּ֛נוּ אֱלֹהִ֖ים פֶּן־נָמֽוּתe ׃

20 וַיֹּ֨אמֶרa מֹשֶׁ֣ה אֶל־הָעָם֮ אַל־תִּירָאוּ֒b כִּ֗י לְבַֽעֲבוּר֙c נַסֹּ֣ותd אֶתְכֶ֔ם בָּ֖אe הָאֱלֹהִ֑ים וּבַעֲב֗וּרf תִּהְיֶ֧הg יִרְאָתֹ֛וh עַל־פְּנֵיכֶ֖ם לְבִלְתִּ֥י תֶחֱטָֽאוּi ׃

21 וַיַּעֲמֹ֥דa הָעָ֖ם מֵרָחֹ֑ק וּמֹשֶׁה֙ נִגַּ֣שׁb אֶל־הָֽעֲרָפֶ֔לc אֲשֶׁר־שָׁ֖ם הָאֱלֹהִֽים׃ פ

22 וַיֹּ֤אמֶרa יְהוָה֙ אֶל־מֹשֶׁ֔ה כֹּ֥ה תֹאמַ֖רb אֶל־בְּנֵ֣י יִשְׂרָאֵ֑ל אַתֶּ֣ם רְאִיתֶ֔םc כִּ֚י מִן־הַשָּׁמַ֔יִם דִּבַּ֖רְתִּיd עִמָּכֶֽם׃

23 לֹ֥א תַעֲשׂ֖וּןa אִתִּ֑י אֱלֹ֤הֵי כֶ֨סֶף֙ וֵאלֹהֵ֣י זָהָ֔ב לֹ֥א תַעֲשׂ֖וּb לָכֶֽם׃

24 מִזְבַּ֣ח אֲדָמָה֮ תַּעֲשֶׂהa ־לִּי֒ וְזָבַחְתָּ֣b עָלָ֗יו אֶת־עֹלֹתֶ֨יךָ֙ וְאֶת־שְׁלָמֶ֔יךָ אֶת־צֹֽאנְךָ֖ וְאֶת־בְּקָרֶ֑ךָ בְּכָל־הַמָּקֹום֙ אֲשֶׁ֣ר אַזְכִּ֣ירc אֶת־שְׁמִ֔י אָבֹ֥ואd אֵלֶ֖יךָ וּבֵרַכְתִּֽיךָe ׃

25 וְאִם־מִזְבַּ֤ח אֲבָנִים֙ תַּֽעֲשֶׂהa ־לִּ֔י לֹֽא־תִבְנֶ֥הb אֶתְהֶ֖ן גָּזִ֑יתc כִּ֧י חַרְבְּךָ֛ הֵנַ֥פְתָּd עָלֶ֖יהָ וַתְּחַֽלְלֶֽהָe ׃

26 וְלֹֽא־תַעֲלֶ֥הa בְמַעֲלֹ֖תb עַֽל־מִזְבְּחִ֑י אֲשֶׁ֛ר לֹֽא־תִגָּלֶ֥הc עֶרְוָתְךָ֖ עָלָֽיו׃ פ