שמות

וַיִּשְׁמַ֞עa יִתְרֹ֨וb כֹהֵ֤ן מִדְיָן֙ חֹתֵ֣ןc מֹשֶׁ֔ה אֵת֩ כָּל־אֲשֶׁ֨ר עָשָׂ֤הd אֱלֹהִים֙ לְמֹשֶׁ֔ה וּלְיִשְׂרָאֵ֖ל עַמֹּ֑ו כִּֽי־הֹוצִ֧יאe יְהוָ֛ה אֶת־יִשְׂרָאֵ֖ל מִמִּצְרָֽיִם׃

2 וַיִּקַּ֗חa יִתְרֹו֙b חֹתֵ֣ןc מֹשֶׁ֔ה אֶת־צִפֹּרָ֖הd אֵ֣שֶׁת מֹשֶׁ֑ה אַחַ֖ר שִׁלּוּחֶֽיהָe ׃

3 וְאֵ֖ת שְׁנֵ֣י בָנֶ֑יהָ אֲשֶׁ֨ר שֵׁ֤ם הָֽאֶחָד֙ גֵּֽרְשֹׁ֔םa כִּ֣י אָמַ֔רb גֵּ֣ר הָיִ֔יתִיc בְּאֶ֖רֶץ נָכְרִיָּֽהd ׃

4 וְשֵׁ֥ם הָאֶחָ֖ד אֱלִיעֶ֑זֶרa כִּֽי־אֱלֹהֵ֤י אָבִי֙ בְּעֶזְרִ֔יb וַיַּצִּלֵ֖נִיc מֵחֶ֥רֶב פַּרְעֹֽה׃

5 וַיָּבֹ֞אa יִתְרֹ֨וb חֹתֵ֥ןc מֹשֶׁ֛ה וּבָנָ֥יו וְאִשְׁתֹּ֖ו אֶל־מֹשֶׁ֑ה אֶל־הַמִּדְבָּ֗ר אֲשֶׁר־ה֛וּא חֹנֶ֥הd שָׁ֖ם הַ֥ר הָאֱלֹהִֽים׃

6 וַיֹּ֨אמֶר֙a אֶל־מֹשֶׁ֔ה אֲנִ֛י חֹתֶנְךָ֥b יִתְרֹ֖וc בָּ֣אd אֵלֶ֑יךָ וְאִ֨שְׁתְּךָ֔ וּשְׁנֵ֥י בָנֶ֖יהָ עִמָּֽהּ׃

7 וַיֵּצֵ֨אa מֹשֶׁ֜ה לִקְרַ֣אתb חֹֽתְנֹ֗וc וַיִּשְׁתַּ֨חוּ֙d וַיִּשַּׁקe ־לֹ֔ו וַיִּשְׁאֲל֥וּf אִישׁ־לְרֵעֵ֖הוּ לְשָׁלֹ֑ום וַיָּבֹ֖אוּg הָאֹֽהֱלָה׃

8 וַיְסַפֵּ֤רa מֹשֶׁה֙ לְחֹ֣תְנֹ֔וb אֵת֩ כָּל־אֲשֶׁ֨ר עָשָׂ֤הc יְהוָה֙ לְפַרְעֹ֣ה וּלְמִצְרַ֔יִם עַ֖ל אֹודֹ֣תd יִשְׂרָאֵ֑ל אֵ֤ת כָּל־הַתְּלָאָה֙e אֲשֶׁ֣ר מְצָאָ֣תַםf בַּדֶּ֔רֶךְ וַיַּצִּלֵ֖םg יְהוָֽה׃

9 וַיִּ֣חַדְּa יִתְרֹ֔וb עַ֚ל כָּל־הַטֹּובָ֔ה אֲשֶׁר־עָשָׂ֥הc יְהוָ֖ה לְיִשְׂרָאֵ֑ל אֲשֶׁ֥ר הִצִּילֹ֖וd מִיַּ֥ד מִצְרָֽיִם׃

10 וַיֹּאמֶר֮a יִתְרֹו֒b בָּר֣וּךְc יְהוָ֔ה אֲשֶׁ֨ר הִצִּ֥ילd אֶתְכֶ֛ם מִיַּ֥ד מִצְרַ֖יִם וּמִיַּ֣ד פַּרְעֹ֑ה אֲשֶׁ֤ר הִצִּיל֙e אֶת־הָעָ֔ם מִתַּ֖חַת יַד־מִצְרָֽיִם׃

11 עַתָּ֣ה יָדַ֔עְתִּיa כִּֽי־גָדֹ֥ול יְהוָ֖ה מִכָּל־הָאֱלֹהִ֑ים כִּ֣י בַדָּבָ֔ר אֲשֶׁ֥ר זָד֖וּb עֲלֵיהֶֽם׃

12 וַיִּקַּ֞חa יִתְרֹ֨וb חֹתֵ֥ןc מֹשֶׁ֛ה עֹלָ֥ה וּזְבָחִ֖ים לֵֽאלֹהִ֑ים וַיָּבֹ֨אd אַהֲרֹ֜ן וְכֹ֣ל׀ זִקְנֵ֣י יִשְׂרָאֵ֗ל לֶאֱכָלe ־לֶ֛חֶם עִם־חֹתֵ֥ןf מֹשֶׁ֖ה לִפְנֵ֥י הָאֱלֹהִֽים׃

13 וַיְהִי֙a מִֽמָּחֳרָ֔תb וַיֵּ֥שֶׁבc מֹשֶׁ֖ה לִשְׁפֹּ֣טd אֶת־הָעָ֑ם וַיַּעֲמֹ֤דe הָעָם֙ עַל־מֹשֶׁ֔ה מִן־הַבֹּ֖קֶר עַד־הָעָֽרֶב׃

14 וַיַּרְא֙a חֹתֵ֣ןb מֹשֶׁ֔ה אֵ֛ת כָּל־אֲשֶׁר־ה֥וּא עֹשֶׂ֖הc לָעָ֑ם וַיֹּ֗אמֶרd מָֽה־הַדָּבָ֤ר הַזֶּה֙ אֲשֶׁ֨ר אַתָּ֤ה עֹשֶׂה֙e לָעָ֔ם מַדּ֗וּעַ אַתָּ֤ה יֹושֵׁב֙f לְבַדֶּ֔ךָ וְכָל־הָעָ֛ם נִצָּ֥בg עָלֶ֖יךָ מִן־בֹּ֥קֶר עַד־עָֽרֶב׃

15 וַיֹּ֥אמֶרa מֹשֶׁ֖ה לְחֹתְנֹ֑וb כִּֽי־יָבֹ֥אc אֵלַ֛י הָעָ֖ם לִדְרֹ֥שׁd אֱלֹהִֽים׃

16 כִּֽי־יִהְיֶ֨הa לָהֶ֤ם דָּבָר֙ בָּ֣אb אֵלַ֔י וְשָׁ֣פַטְתִּ֔יc בֵּ֥ין אִ֖ישׁ וּבֵ֣ין רֵעֵ֑הוּ וְהֹודַעְתִּ֛יd אֶת־חֻקֵּ֥י הָאֱלֹהִ֖ים וְאֶת־תֹּורֹתָֽיו׃

17 וַיֹּ֛אמֶרa חֹתֵ֥ןb מֹשֶׁ֖ה אֵלָ֑יו לֹא־טֹוב֙ הַדָּבָ֔ר אֲשֶׁ֥ר אַתָּ֖ה עֹשֶֽׂהc ׃

18 נָבֹ֣לa תִּבֹּ֔לb גַּם־אַתָּ֕ה גַּם־הָעָ֥ם הַזֶּ֖ה אֲשֶׁ֣ר עִמָּ֑ךְ כִּֽי־כָבֵ֤דc מִמְּךָ֙ הַדָּבָ֔ר לֹא־תוּכַ֥לd עֲשֹׂ֖הוּe לְבַדֶּֽךָ׃

19 עַתָּ֞ה שְׁמַ֤עa בְּקֹלִי֙ אִיעָ֣צְךָ֔b וִיהִ֥יc אֱלֹהִ֖ים עִמָּ֑ךְ הֱיֵ֧הd אַתָּ֣ה לָעָ֗ם מ֚וּלe הָֽאֱלֹהִ֔ים וְהֵבֵאתָ֥f אַתָּ֛ה אֶת־הַדְּבָרִ֖ים אֶל־הָאֱלֹהִֽים׃

20 וְהִזְהַרְתָּ֣הa אֶתְהֶ֔ם אֶת־הַחֻקִּ֖ים וְאֶת־הַתֹּורֹ֑ת וְהֹודַעְתָּ֣b לָהֶ֗ם אֶת־הַדֶּ֨רֶךְ֙ יֵ֣לְכוּc בָ֔הּ וְאֶת־הַֽמַּעֲשֶׂ֖ה אֲשֶׁ֥ר יַעֲשֽׂוּןd ׃

21 וְאַתָּ֣ה תֶחֱזֶ֣הa מִכָּל־הָ֠עָם אַנְשֵׁי־חַ֜יִל יִרְאֵ֧יb אֱלֹהִ֛ים אַנְשֵׁ֥י אֱמֶ֖ת שֹׂ֣נְאֵי בָ֑צַעc וְשַׂמְתָּ֣d עֲלֵהֶ֗ם שָׂרֵ֤י אֲלָפִים֙ שָׂרֵ֣י מֵאֹ֔ות שָׂרֵ֥י חֲמִשִּׁ֖ים וְשָׂרֵ֥י עֲשָׂרֹֽת׃

22 וְשָׁפְט֣וּa אֶת־הָעָם֮ בְּכָל־עֵת֒ וְהָיָ֞הb כָּל־הַדָּבָ֤ר הַגָּדֹל֙ יָבִ֣יאוּc אֵלֶ֔יךָ וְכָל־הַדָּבָ֥ר הַקָּטֹ֖ן יִשְׁפְּטוּd ־הֵ֑ם וְהָקֵל֙e מֵֽעָלֶ֔יךָ וְנָשְׂא֖וּf אִתָּֽךְ׃

23 אִ֣ם אֶת־הַדָּבָ֤ר הַזֶּה֙ תַּעֲשֶׂ֔הa וְצִוְּךָ֣b אֱלֹהִ֔ים וְיָֽכָלְתָּ֖c עֲמֹ֑דd וְגַם֙ כָּל־הָעָ֣ם הַזֶּ֔ה עַל־מְקֹמֹ֖ו יָבֹ֥אe בְשָׁלֹֽום׃

24 וַיִּשְׁמַ֥עa מֹשֶׁ֖ה לְקֹ֣ול חֹתְנֹ֑וb וַיַּ֕עַשׂc כֹּ֖ל אֲשֶׁ֥ר אָמָֽרd ׃

25 וַיִּבְחַ֨רa מֹשֶׁ֤ה אַנְשֵׁי־חַ֨יִל֙ מִכָּל־יִשְׂרָאֵ֔ל וַיִּתֵּ֥ןb אֹתָ֛ם רָאשִׁ֖ים עַל־הָעָ֑ם שָׂרֵ֤י אֲלָפִים֙ שָׂרֵ֣י מֵאֹ֔ות שָׂרֵ֥י חֲמִשִּׁ֖ים וְשָׂרֵ֥י עֲשָׂרֹֽת׃

26 וְשָׁפְט֥וּa אֶת־הָעָ֖ם בְּכָל־עֵ֑ת אֶת־הַדָּבָ֤ר הַקָּשֶׁה֙b יְבִיא֣וּןc אֶל־מֹשֶׁ֔ה וְכָל־הַדָּבָ֥ר הַקָּטֹ֖ן יִשְׁפּוּט֥וּd הֵֽם׃

27 וַיְשַׁלַּ֥חa מֹשֶׁ֖ה אֶת־חֹתְנֹ֑וb וַיֵּ֥לֶךְc לֹ֖ו אֶל־אַרְצֹֽו׃ פ