שמות

וַיִּסְעוּ֙a מֵֽאֵילִ֔םb וַיָּבֹ֜אוּc כָּל־עֲדַ֤ת בְּנֵֽי־יִשְׂרָאֵל֙ אֶל־מִדְבַּר־סִ֔יןd אֲשֶׁ֥ר בֵּין־אֵילִ֖םe וּבֵ֣ין סִינָ֑יf בַּחֲמִשָּׁ֨ה עָשָׂ֥ר יֹום֙ לַחֹ֣דֶשׁ הַשֵּׁנִ֔י לְצֵאתָ֖םg מֵאֶ֥רֶץ מִצְרָֽיִם׃

2 וילינוa כָּל־עֲדַ֧ת בְּנֵי־יִשְׂרָאֵ֛ל עַל־מֹשֶׁ֥ה וְעַֽל־אַהֲרֹ֖ן בַּמִּדְבָּֽר׃

3 וַיֹּאמְר֨וּa אֲלֵהֶ֜ם בְּנֵ֣י יִשְׂרָאֵ֗ל מִֽי־יִתֵּ֨ןb מוּתֵ֤נוּc בְיַד־יְהוָה֙ בְּאֶ֣רֶץ מִצְרַ֔יִם בְּשִׁבְתֵּ֨נוּ֙d עַל־סִ֣ירe הַבָּשָׂ֔ר בְּאָכְלֵ֥נוּf לֶ֖חֶם לָשֹׂ֑בַעg כִּֽי־הֹוצֵאתֶ֤םh אֹתָ֨נוּ֙ אֶל־הַמִּדְבָּ֣ר הַזֶּ֔ה לְהָמִ֛יתi אֶת־כָּל־הַקָּהָ֥ל הַזֶּ֖ה בָּרָעָֽב׃ ס

4 וַיֹּ֤אמֶרa יְהוָה֙ אֶל־מֹשֶׁ֔ה הִנְנִ֨י מַמְטִ֥ירb לָכֶ֛ם לֶ֖חֶם מִן־הַשָּׁמָ֑יִם וְיָצָ֨אc הָעָ֤ם וְלָֽקְטוּ֙d דְּבַר־יֹ֣ום בְּיֹומֹ֔ו לְמַ֧עַן אֲנַסֶּ֛נּוּe הֲיֵלֵ֥ךְf בְּתֹורָתִ֖י אִם־לֹֽא׃

5 וְהָיָה֙a בַּיֹּ֣ום הַשִּׁשִּׁ֔יb וְהֵכִ֖ינוּc אֵ֣ת אֲשֶׁר־יָבִ֑יאוּd וְהָיָ֣הe מִשְׁנֶ֔הf עַ֥ל אֲשֶֽׁר־יִלְקְט֖וּg יֹ֥ום׀ יֹֽום׃ ס

6 וַיֹּ֤אמֶרa מֹשֶׁה֙ וְאַהֲרֹ֔ן אֶֽל־כָּל־בְּנֵ֖י יִשְׂרָאֵ֑ל עֶ֕רֶב וִֽידַעְתֶּ֕םb כִּ֧י יְהוָ֛ה הֹוצִ֥יאc אֶתְכֶ֖ם מֵאֶ֥רֶץ מִצְרָֽיִם׃

7 וּבֹ֗קֶר וּרְאִיתֶם֙a אֶת־כְּבֹ֣וד יְהוָ֔ה בְּשָׁמְעֹ֥וb אֶת־תְּלֻנֹּתֵיכֶ֖םc עַל־יְהוָ֑ה וְנַ֣חְנוּd מָ֔ה כִּ֥י תלונוe עָלֵֽינוּ׃

8 וַיֹּ֣אמֶרa מֹשֶׁ֗ה בְּתֵ֣תb יְהוָה֩ לָכֶ֨ם בָּעֶ֜רֶב בָּשָׂ֣ר לֶאֱכֹ֗לc וְלֶ֤חֶם בַּבֹּ֨קֶר֙ לִשְׂבֹּ֔עַd בִּשְׁמֹ֤עַe יְהוָה֙ אֶת־תְּלֻנֹּ֣תֵיכֶ֔םf אֲשֶׁר־אַתֶּ֥ם מַלִּינִ֖םg עָלָ֑יו וְנַ֣חְנוּh מָ֔ה לֹא־עָלֵ֥ינוּ תְלֻנֹּתֵיכֶ֖םi כִּ֥י עַל־יְהוָֽה׃

9 וַיֹּ֤אמֶרa מֹשֶׁה֙ אֶֽל־אַהֲרֹ֔ן אֱמֹ֗רb אֶֽל־כָּל־עֲדַת֙ בְּנֵ֣י יִשְׂרָאֵ֔ל קִרְב֖וּc לִפְנֵ֣י יְהוָ֑ה כִּ֣י שָׁמַ֔עd אֵ֖ת תְּלֻנֹּתֵיכֶֽםe ׃

10 וַיְהִ֗יa כְּדַבֵּ֤רb אַהֲרֹן֙ אֶל־כָּל־עֲדַ֣ת בְּנֵֽי־יִשְׂרָאֵ֔ל וַיִּפְנ֖וּc אֶל־הַמִּדְבָּ֑ר וְהִנֵּה֙ כְּבֹ֣וד יְהוָ֔ה נִרְאָ֖הd בֶּעָנָֽן׃ פ

11 וַיְדַבֵּ֥רa יְהוָ֖ה אֶל־מֹשֶׁ֥ה לֵּאמֹֽרb ׃

12 שָׁמַ֗עְתִּיa אֶת־תְּלוּנֹּת֮b בְּנֵ֣י יִשְׂרָאֵל֒ דַּבֵּ֨רc אֲלֵהֶ֜ם לֵאמֹ֗רd בֵּ֤ין הָֽעַרְבַּ֨יִם֙ תֹּאכְל֣וּe בָשָׂ֔ר וּבַבֹּ֖קֶר תִּשְׂבְּעוּf ־לָ֑חֶם וִֽידַעְתֶּ֕םg כִּ֛י אֲנִ֥י יְהוָ֖ה אֱלֹהֵיכֶֽם׃

13 וַיְהִ֣יa בָעֶ֔רֶב וַתַּ֣עַלb הַשְּׂלָ֔וc וַתְּכַ֖סd אֶת־הַֽמַּחֲנֶ֑ה וּבַבֹּ֗קֶר הָֽיְתָה֙e שִׁכְבַ֣תf הַטַּ֔לg סָבִ֖יב לַֽמַּחֲנֶֽה׃

14 וַתַּ֖עַלa שִׁכְבַ֣תb הַטָּ֑לc וְהִנֵּ֞ה עַל־פְּנֵ֤י הַמִּדְבָּר֙ דַּ֣קd מְחֻסְפָּ֔סe דַּ֥קf כַּכְּפֹ֖רg עַל־הָאָֽרֶץ׃

15 וַיִּרְא֣וּa בְנֵֽי־יִשְׂרָאֵ֗ל וַיֹּ֨אמְר֜וּb אִ֤ישׁ אֶל־אָחִיו֙ מָ֣ןc ה֔וּא כִּ֛י לֹ֥א יָדְע֖וּd מַה־ה֑וּא וַיֹּ֤אמֶרe מֹשֶׁה֙ אֲלֵהֶ֔ם ה֣וּא הַלֶּ֔חֶם אֲשֶׁ֨ר נָתַ֧ןf יְהוָ֛ה לָכֶ֖ם לְאָכְלָֽהg ׃

16 זֶ֤ה הַדָּבָר֙ אֲשֶׁ֣ר צִוָּ֣הa יְהוָ֔ה לִקְט֣וּb מִמֶּ֔נּוּ אִ֖ישׁ לְפִ֣י אָכְלֹ֑וc עֹ֣מֶרd לַגֻּלְגֹּ֗לֶתe מִסְפַּר֙ נַפְשֹׁ֣תֵיכֶ֔ם אִ֛ישׁ לַאֲשֶׁ֥ר בְּאָהֳלֹ֖ו תִּקָּֽחוּf ׃

17 וַיַּעֲשׂוּa ־כֵ֖ן בְּנֵ֣י יִשְׂרָאֵ֑ל וַֽיִּלְקְט֔וּb הַמַּרְבֶּ֖הc וְהַמַּמְעִֽיטd ׃

18 וַיָּמֹ֣דּוּa בָעֹ֔מֶרb וְלֹ֤א הֶעְדִּיף֙c הַמַּרְבֶּ֔הd וְהַמַּמְעִ֖יטe לֹ֣א הֶחְסִ֑ירf אִ֥ישׁ לְפִֽי־אָכְלֹ֖וg לָקָֽטוּh ׃

19 וַיֹּ֥אמֶרa מֹשֶׁ֖ה אֲלֵהֶ֑ם אִ֕ישׁ אַל־יֹותֵ֥רb מִמֶּ֖נּוּ עַד־בֹּֽקֶר׃

20 וְלֹא־שָׁמְע֣וּa אֶל־מֹשֶׁ֗ה וַיֹּותִ֨רוּb אֲנָשִׁ֤ים מִמֶּ֨נּוּ֙ עַד־בֹּ֔קֶר וַיָּ֥רֻםc תֹּולָעִ֖יםd וַיִּבְאַ֑שׁe וַיִּקְצֹ֥ףf עֲלֵהֶ֖ם מֹשֶֽׁה׃

21 וַיִּלְקְט֤וּa אֹתֹו֙ בַּבֹּ֣קֶר בַּבֹּ֔קֶר אִ֖ישׁ כְּפִ֣י אָכְלֹ֑וb וְחַ֥םc הַשֶּׁ֖מֶשׁ וְנָמָֽסd ׃

22 וַיְהִ֣יa ׀ בַּיֹּ֣ום הַשִּׁשִּׁ֗יb לָֽקְט֥וּc לֶ֨חֶם֙ מִשְׁנֶ֔הd שְׁנֵ֥י הָעֹ֖מֶרe לָאֶחָ֑ד וַיָּבֹ֨אוּ֙f כָּל־נְשִׂיאֵ֣י הָֽעֵדָ֔ה וַיַּגִּ֖ידוּg לְמֹשֶֽׁה׃

23 וַיֹּ֣אמֶרa אֲלֵהֶ֗ם ה֚וּא אֲשֶׁ֣ר דִּבֶּ֣רb יְהוָ֔ה שַׁבָּתֹ֧וןc שַׁבַּת־קֹ֛דֶשׁ לַֽיהוָ֖ה מָחָ֑ר אֵ֣ת אֲשֶׁר־תֹּאפ֞וּd אֵפ֗וּe וְאֵ֤ת אֲשֶֽׁר־תְּבַשְּׁלוּ֙f בַּשֵּׁ֔לוּg וְאֵת֙ כָּל־הָ֣עֹדֵ֔ףh הַנִּ֧יחוּi לָכֶ֛ם לְמִשְׁמֶ֖רֶת עַד־הַבֹּֽקֶר׃

24 וַיַּנִּ֤יחוּa אֹתֹו֙ עַד־הַבֹּ֔קֶר כַּאֲשֶׁ֖ר צִוָּ֣הb מֹשֶׁ֑ה וְלֹ֣א הִבְאִ֔ישׁc וְרִמָּ֖הd לֹא־הָ֥יְתָהe בֹּֽו׃

25 וַיֹּ֤אמֶרa מֹשֶׁה֙ אִכְלֻ֣הוּb הַיֹּ֔ום כִּֽי־שַׁבָּ֥ת הַיֹּ֖ום לַיהוָ֑ה הַיֹּ֕ום לֹ֥א תִמְצָאֻ֖הוּc בַּשָּׂדֶֽה׃

26 שֵׁ֥שֶׁת יָמִ֖ים תִּלְקְטֻ֑הוּa וּבַיֹּ֧ום הַשְּׁבִיעִ֛י שַׁבָּ֖ת לֹ֥א יִֽהְיֶהb ־בֹּֽו׃

27 וַֽיְהִי֙a בַּיֹּ֣ום הַשְּׁבִיעִ֔י יָצְא֥וּb מִן־הָעָ֖ם לִלְקֹ֑טc וְלֹ֖א מָצָֽאוּd ׃ ס

28 וַיֹּ֥אמֶרa יְהוָ֖ה אֶל־מֹשֶׁ֑ה עַד־אָ֨נָה֙b מֵֽאַנְתֶּ֔םc לִשְׁמֹ֥רd מִצְוֹתַ֖י וְתֹורֹתָֽי׃

29 רְא֗וּa כִּֽי־יְהוָה֮ נָתַ֣ןb לָכֶ֣ם הַשַּׁבָּת֒ עַל־כֵּ֠ן ה֣וּא נֹתֵ֥ןc לָכֶ֛ם בַּיֹּ֥ום הַשִּׁשִּׁ֖יd לֶ֣חֶם יֹומָ֑יִם שְׁב֣וּe ׀ אִ֣ישׁ תַּחְתָּ֗יו אַל־יֵ֥צֵאf אִ֛ישׁ מִמְּקֹמֹ֖ו בַּיֹּ֥ום הַשְּׁבִיעִֽי׃

30 וַיִּשְׁבְּת֥וּa הָעָ֖ם בַּיֹּ֥ום הַשְּׁבִעִֽי׃

31 וַיִּקְרְא֧וּa בֵֽית־יִשְׂרָאֵ֛ל אֶת־שְׁמֹ֖ו מָ֑ןb וְה֗וּא כְּזֶ֤רַע גַּד֙c לָבָ֔ןd וְטַעְמֹ֖וe כְּצַפִּיחִ֥תf בִּדְבָֽשׁ׃

32 וַיֹּ֣אמֶרa מֹשֶׁ֗ה זֶ֤ה הַדָּבָר֙ אֲשֶׁ֣ר צִוָּ֣הb יְהוָ֔ה מְלֹ֤אc הָעֹ֨מֶר֙d מִמֶּ֔נּוּ לְמִשְׁמֶ֖רֶת לְדֹרֹתֵיכֶ֑ם לְמַ֣עַן׀ יִרְא֣וּe אֶת־הַלֶּ֗חֶם אֲשֶׁ֨ר הֶאֱכַ֤לְתִּיf אֶתְכֶם֙ בַּמִּדְבָּ֔ר בְּהֹוצִיאִ֥יg אֶתְכֶ֖ם מֵאֶ֥רֶץ מִצְרָֽיִם׃

33 וַיֹּ֨אמֶרa מֹשֶׁ֜ה אֶֽל־אַהֲרֹ֗ן קַ֚חb צִנְצֶ֣נֶתc אַחַ֔ת וְתֶןd ־שָׁ֥מָּה מְלֹֽאe ־הָעֹ֖מֶרf מָ֑ןg וְהַנַּ֤חh אֹתֹו֙ לִפְנֵ֣י יְהוָ֔ה לְמִשְׁמֶ֖רֶת לְדֹרֹתֵיכֶֽם׃

34 כַּאֲשֶׁ֛ר צִוָּ֥הa יְהוָ֖ה אֶל־מֹשֶׁ֑ה וַיַּנִּיחֵ֧הוּb אַהֲרֹ֛ן לִפְנֵ֥י הָעֵדֻ֖ת לְמִשְׁמָֽרֶת׃

35 וּבְנֵ֣י יִשְׂרָאֵ֗ל אָֽכְל֤וּa אֶת־הַמָּן֙b אַרְבָּעִ֣ים שָׁנָ֔ה עַד־בֹּאָ֖םc אֶל־אֶ֣רֶץ נֹושָׁ֑בֶת אֶת־הַמָּן֙d אָֽכְל֔וּe עַד־בֹּאָ֕םf אֶל־קְצֵ֖ה אֶ֥רֶץ כְּנָֽעַן׃

36 וְהָעֹ֕מֶרa עֲשִׂרִ֥יתb הָאֵיפָ֖הc הֽוּא׃ פ