שמות

וַיְדַבֵּ֥רa יְהֹוָ֖ה אֶל־מֹשֶׁ֥ה לֵּאמֹֽרb ׃

2 דַּבֵּר֮a אֶל־בְּנֵ֣י יִשְׂרָאֵל֒ וְיָשֻׁ֗בוּb וְיַחֲנוּ֙c לִפְנֵי֙ פִּ֣י הַחִירֹ֔תd בֵּ֥ין מִגְדֹּ֖לe וּבֵ֣ין הַיָּ֑ם לִפְנֵי֙ בַּ֣עַל צְפֹ֔ןf נִכְחֹ֥וg תַחֲנ֖וּh עַל־הַיָּֽם׃

3 וְאָמַ֤רa פַּרְעֹה֙ לִבְנֵ֣י יִשְׂרָאֵ֔ל נְבֻכִ֥יםb הֵ֖ם בָּאָ֑רֶץ סָגַ֥רc עֲלֵיהֶ֖ם הַמִּדְבָּֽר׃

4 וְחִזַּקְתִּ֣יa אֶת־לֵב־פַּרְעֹה֮ וְרָדַ֣ףb אַחֲרֵיהֶם֒ וְאִכָּבְדָ֤הc בְּפַרְעֹה֙ וּבְכָל־חֵילֹ֔ו וְיָדְע֥וּd מִצְרַ֖יִם כִּֽי־אֲנִ֣י יְהוָ֑ה וַיַּֽעֲשׂוּe ־כֵֽן׃

5 וַיֻּגַּד֙a לְמֶ֣לֶךְ מִצְרַ֔יִם כִּ֥י בָרַ֖חb הָעָ֑ם וַ֠יֵּהָפֵךְc לְבַ֨ב פַּרְעֹ֤ה וַעֲבָדָיו֙ אֶל־הָעָ֔ם וַיֹּֽאמרוּ֙d מַה־זֹּ֣את עָשִׂ֔ינוּe כִּֽי־שִׁלַּ֥חְנוּf אֶת־יִשְׂרָאֵ֖ל מֵעָבְדֵֽנוּg ׃

6 וַיֶּאְסֹ֖רa אֶת־רִכְבֹּ֑ו וְאֶת־עַמֹּ֖ו לָקַ֥חb עִמֹּֽו׃

7 וַיִּקַּ֗חa שֵׁשׁ־מֵאֹ֥ות רֶ֨כֶב֙ בָּח֔וּר וְכֹ֖ל רֶ֣כֶב מִצְרָ֑יִם וְשָׁלִשִׁ֖םb עַל־כֻּלֹּֽו׃

8 וַיְחַזֵּ֣קa יְהֹוָ֗ה אֶת־לֵ֤ב פַּרְעֹה֙ מֶ֣לֶךְ מִצְרַ֔יִם וַיִּרְדֹּ֕ףb אַחֲרֵ֖י בְּנֵ֣י יִשְׂרָאֵ֑ל וּבְנֵ֣י יִשְׂרָאֵ֔ל יֹצְאִ֖יםc בְּיָ֥ד רָמָֽה׃

9 וַיִּרְדְּפ֨וּa מִצְרַ֜יִם אַחֲרֵיהֶ֗ם וַיַּשִּׂ֤יגוּb אֹותָם֙ חֹנִ֣יםc עַל־הַיָּ֔ם כָּל־סוּס֙ רֶ֣כֶב פַּרְעֹ֔ה וּפָרָשָׁ֖יו וְחֵילֹ֑ו עַל־פִּי֙ הַֽחִירֹ֔תd לִפְנֵ֖י בַּ֥עַל צְפֹֽןe ׃

10 וּפַרְעֹ֖ה הִקְרִ֑יבa וַיִּשְׂאוּ֩b בְנֵֽי־יִשְׂרָאֵ֨ל אֶת־עֵינֵיהֶ֜ם וְהִנֵּ֥ה מִצְרַ֣יִם׀ נֹסֵ֣עַc אַחֲרֵיהֶ֗ם וַיִּֽירְאוּ֙d מְאֹ֔ד וַיִּצְעֲק֥וּe בְנֵֽי־יִשְׂרָאֵ֖ל אֶל־יְהוָֽה׃

11 וַיֹּאמְרוּ֮a אֶל־מֹשֶׁה֒ הַֽמִבְּלִ֤י אֵין־קְבָרִים֙ בְּמִצְרַ֔יִם לְקַחְתָּ֖נוּb לָמ֣וּתc בַּמִּדְבָּ֑ר מַה־זֹּאת֙ עָשִׂ֣יתָd לָּ֔נוּ לְהֹוצִיאָ֖נוּe מִמִּצְרָֽיִם׃

12 הֲלֹא־זֶ֣ה הַדָּבָ֗ר אֲשֶׁר֩ דִּבַּ֨רְנוּa אֵלֶ֤יךָ בְמִצְרַ֨יִם֙ לֵאמֹ֔רb חֲדַ֥לc מִמֶּ֖נּוּ וְנַֽעַבְדָ֣הd אֶת־מִצְרָ֑יִם כִּ֣י טֹ֥וב לָ֨נוּ֙ עֲבֹ֣דe אֶת־מִצְרַ֔יִם מִמֻּתֵ֖נוּf בַּמִּדְבָּֽר׃

13 וַיֹּ֨אמֶרa מֹשֶׁ֣ה אֶל־הָעָם֮ אַל־תִּירָאוּ֒b הִֽתְיַצְב֗וּc וּרְאוּ֙d אֶת־יְשׁוּעַ֣ת יְהוָ֔ה אֲשֶׁר־יַעֲשֶׂ֥הe לָכֶ֖ם הַיֹּ֑ום כִּ֗י אֲשֶׁ֨ר רְאִיתֶ֤םf אֶת־מִצְרַ֨יִם֙ הַיֹּ֔ום לֹ֥א תֹסִ֛יפוּg לִרְאֹתָ֥םh עֹ֖וד עַד־עֹולָֽם׃

14 יְהוָ֖ה יִלָּחֵ֣םa לָכֶ֑ם וְאַתֶּ֖ם תַּחֲרִישֽׁוּןb ׃ פ

15 וַיֹּ֤אמֶרa יְהוָה֙ אֶל־מֹשֶׁ֔ה מַה־תִּצְעַ֖קb אֵלָ֑י דַּבֵּ֥רc אֶל־בְּנֵי־יִשְׂרָאֵ֖ל וְיִסָּֽעוּd ׃

16 וְאַתָּ֞ה הָרֵ֣םa אֶֽת־מַטְּךָ֗ וּנְטֵ֧הb אֶת־יָדְךָ֛ עַל־הַיָּ֖ם וּבְקָעֵ֑הוּc וְיָבֹ֧אוּd בְנֵֽי־יִשְׂרָאֵ֛ל בְּתֹ֥וךְ הַיָּ֖ם בַּיַּבָּשָֽׁהe ׃

17 וַאֲנִ֗י הִנְנִ֤י מְחַזֵּק֙a אֶת־לֵ֣ב מִצְרַ֔יִם וְיָבֹ֖אוּb אַחֲרֵיהֶ֑ם וְאִכָּבְדָ֤הc בְּפַרְעֹה֙ וּבְכָל־חֵילֹ֔ו בְּרִכְבֹּ֖ו וּבְפָרָשָֽׁיו׃

18 וְיָדְע֥וּa מִצְרַ֖יִם כִּי־אֲנִ֣י יְהוָ֑ה בְּהִכָּבְדִ֣יb בְּפַרְעֹ֔ה בְּרִכְבֹּ֖ו וּבְפָרָשָֽׁיו׃

19 וַיִּסַּ֞עa מַלְאַ֣ךְ הָאֱלֹהִ֗ים הַהֹלֵךְ֙b לִפְנֵי֙ מַחֲנֵ֣ה יִשְׂרָאֵ֔ל וַיֵּ֖לֶךְc מֵאַחֲרֵיהֶ֑ם וַיִּסַּ֞עd עַמּ֤וּד הֶֽעָנָן֙ מִפְּנֵיהֶ֔ם וַיַּֽעֲמֹ֖דe מֵאַחֲרֵיהֶֽם׃

20 וַיָּבֹ֞אa בֵּ֣ין׀ מַחֲנֵ֣ה מִצְרַ֗יִם וּבֵין֙ מַחֲנֵ֣ה יִשְׂרָאֵ֔ל וַיְהִ֤יb הֶֽעָנָן֙ וְהַחֹ֔שֶׁךְ וַיָּ֖אֶרc אֶת־הַלָּ֑יְלָה וְלֹא־קָרַ֥בd זֶ֛ה אֶל־זֶ֖ה כָּל־הַלָּֽיְלָה׃

21 וַיֵּ֨טa מֹשֶׁ֣ה אֶת־יָדֹו֮ עַל־הַיָּם֒ וַיֹּ֣ולֶךְb יְהוָ֣ה׀ אֶת־הַ֠יָּם בְּר֨וּחַ קָדִ֤ים עַזָּה֙c כָּל־הַלַּ֔יְלָה וַיָּ֥שֶׂםd אֶת־הַיָּ֖ם לֶחָרָבָ֑הe וַיִּבָּקְע֖וּf הַמָּֽיִם׃

22 וַיָּבֹ֧אוּa בְנֵֽי־יִשְׂרָאֵ֛ל בְּתֹ֥וךְ הַיָּ֖ם בַּיַּבָּשָׁ֑הb וְהַמַּ֤יִם לָהֶם֙ חֹמָ֔ה מִֽימִינָ֖ם וּמִשְּׂמֹאלָֽם׃

23 וַיִּרְדְּפ֤וּa מִצְרַ֨יִם֙ וַיָּבֹ֣אוּb אַחֲרֵיהֶ֔ם כֹּ֚ל ס֣וּס פַּרְעֹ֔ה רִכְבֹּ֖ו וּפָרָשָׁ֑יו אֶל־תֹּ֖וךְ הַיָּֽם׃

24 וַֽיְהִי֙a בְּאַשְׁמֹ֣רֶתb הַבֹּ֔קֶר וַיַּשְׁקֵ֤ףc יְהוָה֙ אֶל־מַחֲנֵ֣ה מִצְרַ֔יִם בְּעַמּ֥וּד אֵ֖שׁ וְעָנָ֑ן וַיָּ֕הָםd אֵ֖ת מַחֲנֵ֥ה מִצְרָֽיִם׃

25 וַיָּ֗סַרa אֵ֚ת אֹפַ֣ןb מַרְכְּבֹתָ֔יוc וַֽיְנַהֲגֵ֖הוּd בִּכְבֵדֻ֑תe וַיֹּ֣אמֶרf מִצְרַ֗יִם אָנ֨וּסָה֙g מִפְּנֵ֣י יִשְׂרָאֵ֔ל כִּ֣י יְהוָ֔ה נִלְחָ֥םh לָהֶ֖ם בְּמִצְרָֽיִם׃ פ

26 וַיֹּ֤אמֶרa יְהוָה֙ אֶל־מֹשֶׁ֔ה נְטֵ֥הb אֶת־יָדְךָ֖ עַל־הַיָּ֑ם וְיָשֻׁ֤בוּc הַמַּ֨יִם֙ עַל־מִצְרַ֔יִם עַל־רִכְבֹּ֖ו וְעַל־פָּרָשָֽׁיו׃

27 וַיֵּט֩a מֹשֶׁ֨ה אֶת־יָדֹ֜ו עַל־הַיָּ֗ם וַיָּ֨שָׁבb הַיָּ֜ם לִפְנֹ֥ותc בֹּ֨קֶר֙ לְאֵ֣יתָנֹ֔וd וּמִצְרַ֖יִם נָסִ֣יםe לִקְרָאתֹ֑וf וַיְנַעֵ֧רg יְהוָ֛ה אֶת־מִצְרַ֖יִם בְּתֹ֥וךְ הַיָּֽם׃

28 וַיָּשֻׁ֣בוּa הַמַּ֗יִם וַיְכַסּ֤וּb אֶת־הָרֶ֨כֶב֙ וְאֶת־הַפָּ֣רָשִׁ֔ים לְכֹל֙ חֵ֣יל פַּרְעֹ֔ה הַבָּאִ֥יםc אַחֲרֵיהֶ֖ם בַּיָּ֑ם לֹֽא־נִשְׁאַ֥רd בָּהֶ֖ם עַד־אֶחָֽד׃

29 וּבְנֵ֧י יִשְׂרָאֵ֛ל הָלְכ֥וּa בַיַּבָּשָׁ֖הb בְּתֹ֣וךְ הַיָּ֑ם וְהַמַּ֤יִם לָהֶם֙ חֹמָ֔ה מִֽימִינָ֖ם וּמִשְּׂמֹאלָֽם׃

30 וַיֹּ֨ושַׁעa יְהוָ֜ה בַּיֹּ֥ום הַה֛וּא אֶת־יִשְׂרָאֵ֖ל מִיַּ֣ד מִצְרָ֑יִם וַיַּ֤רְאb יִשְׂרָאֵל֙ אֶת־מִצְרַ֔יִם מֵ֖תc עַל־שְׂפַ֥ת הַיָּֽם׃

31 וַיַּ֨רְאa יִשְׂרָאֵ֜ל אֶת־הַיָּ֣ד הַגְּדֹלָ֗ה אֲשֶׁ֨ר עָשָׂ֤הb יְהוָה֙ בְּמִצְרַ֔יִם וַיִּֽירְא֥וּc הָעָ֖ם אֶת־יְהוָ֑ה וַיַּֽאֲמִ֨ינוּ֙d בַּֽיהוָ֔ה וּבְמֹשֶׁ֖ה עַבְדֹּֽו׃ פ