שמות

וַיֹּ֤אמֶרa יְהוָה֙ אֶל־מֹשֶׁ֣ה וְאֶֽל־אַהֲרֹ֔ן בְּאֶ֥רֶץ מִצְרַ֖יִם לֵאמֹֽרb ׃

2 הַחֹ֧דֶשׁ הַזֶּ֛ה לָכֶ֖ם רֹ֣אשׁ חֳדָשִׁ֑ים רִאשֹׁ֥ון הוּא֙ לָכֶ֔ם לְחָדְשֵׁ֖י הַשָּׁנָֽה׃

3 דַּבְּר֗וּa אֶֽל־כָּל־עֲדַ֤ת יִשְׂרָאֵל֙ לֵאמֹ֔רb בֶּעָשֹׂ֖רc לַחֹ֣דֶשׁ הַזֶּ֑ה וְיִקְח֣וּd לָהֶ֗ם אִ֛ישׁ שֶׂ֥הe לְבֵית־אָבֹ֖ת שֶׂ֥הf לַבָּֽיִת׃

4 וְאִם־יִמְעַ֣טa הַבַּיִת֮ מִהְיֹ֣תb מִשֶּׂה֒c וְלָקַ֣חd ה֗וּא וּשְׁכֵנֹ֛וe הַקָּרֹ֥ב אֶל־בֵּיתֹ֖ו בְּמִכְסַ֣תf נְפָשֹׁ֑ת אִ֚ישׁ לְפִ֣י אָכְלֹ֔וg תָּכֹ֖סּוּh עַל־הַשֶּֽׂהi ׃

5 שֶׂ֥הa תָמִ֛ים זָכָ֥ר בֶּן־שָׁנָ֖ה יִהְיֶ֣הb לָכֶ֑ם מִן־הַכְּבָשִׂ֥ים וּמִן־הָעִזִּ֖ים תִּקָּֽחוּc ׃

6 וְהָיָ֤הa לָכֶם֙ לְמִשְׁמֶ֔רֶת עַ֣ד אַרְבָּעָ֥ה עָשָׂ֛ר יֹ֖ום לַחֹ֣דֶשׁ הַזֶּ֑ה וְשָׁחֲט֣וּb אֹתֹ֗ו כֹּ֛ל קְהַ֥ל עֲדַֽת־יִשְׂרָאֵ֖ל בֵּ֥ין הָעַרְבָּֽיִם׃

7 וְלָֽקְחוּ֙a מִן־הַדָּ֔ם וְנָֽתְנ֛וּb עַל־שְׁתֵּ֥י הַמְּזוּזֹ֖תc וְעַל־הַמַּשְׁקֹ֑וףd עַ֚ל הַבָּ֣תִּ֔ים אֲשֶׁר־יֹאכְל֥וּe אֹתֹ֖ו בָּהֶֽם׃

8 וְאָכְל֥וּa אֶת־הַבָּשָׂ֖ר בַּלַּ֣יְלָה הַזֶּ֑ה צְלִיb ־אֵ֣שׁ וּמַצֹּ֔ות עַל־מְרֹרִ֖יםc יֹאכְלֻֽהוּd ׃

9 אַל־תֹּאכְל֤וּa מִמֶּ֨נּוּ֙ נָ֔אb וּבָשֵׁ֥לc מְבֻשָּׁ֖לd בַּמָּ֑יִם כִּ֣י אִם־צְלִיe ־אֵ֔שׁ רֹאשֹׁ֥ו עַל־כְּרָעָ֖יוf וְעַל־קִרְבֹּֽו׃

10 וְלֹא־תֹותִ֥ירוּa מִמֶּ֖נּוּ עַד־בֹּ֑קֶר וְהַנֹּתָ֥רb מִמֶּ֛נּוּ עַד־בֹּ֖קֶר בָּאֵ֥שׁ תִּשְׂרֹֽפוּc ׃

11 וְכָכָה֮a תֹּאכְל֣וּb אֹתֹו֒ מָתְנֵיכֶ֣םc חֲגֻרִ֔יםd נַֽעֲלֵיכֶם֙e בְּרַגְלֵיכֶ֔ם וּמַקֶּלְכֶ֖םf בְּיֶדְכֶ֑ם וַאֲכַלְתֶּ֤םg אֹתֹו֙ בְּחִפָּזֹ֔וןh פֶּ֥סַחi ה֖וּא לַיהוָֽה׃

12 וְעָבַרְתִּ֣יa בְאֶֽרֶץ־מִצְרַיִם֮ בַּלַּ֣יְלָה הַזֶּה֒ וְהִכֵּיתִ֤יb כָל־בְּכֹור֙ בְּאֶ֣רֶץ מִצְרַ֔יִם מֵאָדָ֖ם וְעַד־בְּהֵמָ֑ה וּבְכָל־אֱלֹהֵ֥י מִצְרַ֛יִם אֶֽעֱשֶׂ֥הc שְׁפָטִ֖יםd אֲנִ֥י יְהוָֽה׃

13 וְהָיָה֩a הַדָּ֨ם לָכֶ֜ם לְאֹ֗ת עַ֤ל הַבָּתִּים֙ אֲשֶׁ֣ר אַתֶּ֣ם שָׁ֔ם וְרָאִ֨יתִי֙b אֶת־הַדָּ֔ם וּפָסַחְתִּ֖יc עֲלֵכֶ֑ם וְלֹֽא־יִֽהְיֶ֨הd בָכֶ֥ם נֶ֨גֶף֙e לְמַשְׁחִ֔יתf בְּהַכֹּתִ֖יg בְּאֶ֥רֶץ מִצְרָֽיִם׃

14 וְהָיָה֩a הַיֹּ֨ום הַזֶּ֤ה לָכֶם֙ לְזִכָּרֹ֔וןb וְחַגֹּתֶ֥םc אֹתֹ֖ו חַ֣ג לַֽיהוָ֑ה לְדֹרֹ֣תֵיכֶ֔ם חֻקַּ֥ת עֹולָ֖ם תְּחָגֻּֽהוּd ׃

15 שִׁבְעַ֤ת יָמִים֙ מַצֹּ֣ות תֹּאכֵ֔לוּa אַ֚ךְ בַּיֹּ֣ום הָרִאשֹׁ֔ון תַּשְׁבִּ֥יתוּb שְּׂאֹ֖רc מִבָּתֵּיכֶ֑ם כִּ֣י׀ כָּל־אֹכֵ֣לd חָמֵ֗ץe וְנִכְרְתָ֞הf הַנֶּ֤פֶשׁ הַהִוא֙ מִיִּשְׂרָאֵ֔ל מִיֹּ֥ום הָרִאשֹׁ֖ן עַד־יֹ֥ום הַשְּׁבִעִֽי׃

16 וּבַיֹּ֤ום הָרִאשֹׁון֙ מִקְרָאa ־קֹ֔דֶשׁ וּבַיֹּום֙ הַשְּׁבִיעִ֔י מִקְרָאb ־קֹ֖דֶשׁ יִהְיֶ֣הc לָכֶ֑ם כָּל־מְלָאכָה֙ לֹא־יֵעָשֶׂ֣הd בָהֶ֔ם אַ֚ךְ אֲשֶׁ֣ר יֵאָכֵ֣לe לְכָל־נֶ֔פֶשׁ ה֥וּא לְבַדֹּ֖ו יֵעָשֶׂ֥הf לָכֶֽם׃

17 וּשְׁמַרְתֶּם֮a אֶת־הַמַּצֹּות֒ כִּ֗י בְּעֶ֨צֶם֙ הַיֹּ֣ום הַזֶּ֔ה הֹוצֵ֥אתִיb אֶת־צִבְאֹותֵיכֶ֖ם מֵאֶ֣רֶץ מִצְרָ֑יִם וּשְׁמַרְתֶּ֞םc אֶת־הַיֹּ֥ום הַזֶּ֛ה לְדֹרֹתֵיכֶ֖ם חֻקַּ֥ת עֹולָֽם׃

18 בָּרִאשֹׁ֡ן בְּאַרְבָּעָה֩ עָשָׂ֨ר יֹ֤ום לַחֹ֨דֶשׁ֙ בָּעֶ֔רֶב תֹּאכְל֖וּa מַצֹּ֑ת עַ֠ד יֹ֣ום הָאֶחָ֧ד וְעֶשְׂרִ֛ים לַחֹ֖דֶשׁ בָּעָֽרֶב׃

19 שִׁבְעַ֣ת יָמִ֔ים שְׂאֹ֕רa לֹ֥א יִמָּצֵ֖אb בְּבָתֵּיכֶ֑ם כִּ֣י׀ כָּל־אֹכֵ֣לc מַחְמֶ֗צֶתd וְנִכְרְתָ֞הe הַנֶּ֤פֶשׁ הַהִוא֙ מֵעֲדַ֣ת יִשְׂרָאֵ֔ל בַּגֵּ֖ר וּבְאֶזְרַ֥חf הָאָֽרֶץ׃

20 כָּל־מַחְמֶ֖צֶתa לֹ֣א תֹאכֵ֑לוּb בְּכֹל֙ מֹושְׁבֹ֣תֵיכֶ֔םc תֹּאכְל֖וּd מַצֹּֽות׃ פ

21 וַיִּקְרָ֥אa מֹשֶׁ֛ה לְכָל־זִקְנֵ֥י יִשְׂרָאֵ֖ל וַיֹּ֣אמֶרb אֲלֵהֶ֑ם מִֽשְׁכ֗וּc וּקְח֨וּd לָכֶ֥ם צֹ֛אן לְמִשְׁפְּחֹתֵיכֶ֖ם וְשַׁחֲט֥וּe הַפָּֽסַחf ׃

22 וּלְקַחְתֶּ֞םa אֲגֻדַּ֣תb אֵזֹ֗ובc וּטְבַלְתֶּם֮d בַּדָּ֣ם אֲשֶׁר־בַּסַּף֒e וְהִגַּעְתֶּ֤םf אֶל־הַמַּשְׁקֹוף֙g וְאֶל־שְׁתֵּ֣י הַמְּזוּזֹ֔תh מִן־הַדָּ֖ם אֲשֶׁ֣ר בַּסָּ֑ףi וְאַתֶּ֗ם לֹ֥א תֵצְא֛וּj אִ֥ישׁ מִפֶּֽתַח־בֵּיתֹ֖ו עַד־בֹּֽקֶר׃

23 וְעָבַ֣רa יְהוָה֮ לִנְגֹּ֣ףb אֶת־מִצְרַיִם֒ וְרָאָ֤הc אֶת־הַדָּם֙ עַל־הַמַּשְׁקֹ֔וףd וְעַ֖ל שְׁתֵּ֣י הַמְּזוּזֹ֑תe וּפָסַ֤חf יְהוָה֙ עַל־הַפֶּ֔תַח וְלֹ֤א יִתֵּן֙g הַמַּשְׁחִ֔יתh לָבֹ֥אi אֶל־בָּתֵּיכֶ֖ם לִנְגֹּֽףj ׃

24 וּשְׁמַרְתֶּ֖םa אֶת־הַדָּבָ֣ר הַזֶּ֑ה לְחָק־לְךָ֥ וּלְבָנֶ֖יךָ עַד־עֹולָֽם׃

25 וְהָיָ֞הa כִּֽי־תָבֹ֣אוּb אֶל־הָאָ֗רֶץ אֲשֶׁ֨ר יִתֵּ֧ןc יְהוָ֛ה לָכֶ֖ם כַּאֲשֶׁ֣ר דִּבֵּ֑רd וּשְׁמַרְתֶּ֖םe אֶת־הָעֲבֹדָ֥ה הַזֹּֽאת׃

26 וְהָיָ֕הa כִּֽי־יֹאמְר֥וּb אֲלֵיכֶ֖ם בְּנֵיכֶ֑ם מָ֛ה הָעֲבֹדָ֥ה הַזֹּ֖את לָכֶֽם׃

27 וַאֲמַרְתֶּ֡םa זֶֽבַח־פֶּ֨סַחb ה֜וּא לַֽיהוָ֗ה אֲשֶׁ֣ר פָּ֠סַחc עַל־בָּתֵּ֤י בְנֵֽי־יִשְׂרָאֵל֙ בְּמִצְרַ֔יִם בְּנָגְפֹּ֥וd אֶת־מִצְרַ֖יִם וְאֶת־בָּתֵּ֣ינוּ הִצִּ֑ילe וַיִּקֹּ֥דf הָעָ֖ם וַיִּֽשְׁתַּחֲוּֽוּg ׃

28 וַיֵּלְכ֥וּa וַיַּֽעֲשׂ֖וּb בְּנֵ֣י יִשְׂרָאֵ֑ל כַּאֲשֶׁ֨ר צִוָּ֧הc יְהוָ֛ה אֶת־מֹשֶׁ֥ה וְאַהֲרֹ֖ן כֵּ֥ן עָשֽׂוּd ׃ ס

29 וַיְהִ֣יa ׀ בַּחֲצִ֣י הַלַּ֗יְלָה וַֽיהוָה֮ הִכָּ֣הb כָל־בְּכֹור֮ בְּאֶ֣רֶץ מִצְרַיִם֒ מִבְּכֹ֤ר פַּרְעֹה֙ הַיֹּשֵׁ֣בc עַל־כִּסְאֹ֔ו עַ֚ד בְּכֹ֣ור הַשְּׁבִ֔יd אֲשֶׁ֖ר בְּבֵ֣ית הַבֹּ֑ור וְכֹ֖ל בְּכֹ֥ור בְּהֵמָֽה׃

30 וַיָּ֨קָםa פַּרְעֹ֜ה לַ֗יְלָה ה֤וּא וְכָל־עֲבָדָיו֙ וְכָל־מִצְרַ֔יִם וַתְּהִ֛יb צְעָקָ֥הc גְדֹלָ֖ה בְּמִצְרָ֑יִם כִּֽי־אֵ֣ין בַּ֔יִת אֲשֶׁ֥ר אֵֽין־שָׁ֖ם מֵֽתd ׃

31 וַיִּקְרָא֩a לְמֹשֶׁ֨ה וּֽלְאַהֲרֹ֜ן לַ֗יְלָה וַיֹּ֨אמֶר֙b ק֤וּמוּc צְּאוּ֙d מִתֹּ֣וךְ עַמִּ֔י גַּם־אַתֶּ֖ם גַּם־בְּנֵ֣י יִשְׂרָאֵ֑ל וּלְכ֛וּe עִבְד֥וּf אֶת־יְהוָ֖ה כְּדַבֶּרְכֶֽםg ׃

32 גַּם־צֹאנְכֶ֨ם גַּם־בְּקַרְכֶ֥ם קְח֛וּa כַּאֲשֶׁ֥ר דִּבַּרְתֶּ֖םb וָלֵ֑כוּc וּבֵֽרַכְתֶּ֖םd גַּם־אֹתִֽי׃

33 וַתֶּחֱזַ֤קa מִצְרַ֨יִם֙ עַל־הָעָ֔ם לְמַהֵ֖רb לְשַׁלְּחָ֣םc מִן־הָאָ֑רֶץ כִּ֥י אָמְר֖וּd כֻּלָּ֥נוּ מֵתִֽיםe ׃

34 וַיִּשָּׂ֥אa הָעָ֛ם אֶת־בְּצֵקֹ֖וb טֶ֣רֶם יֶחְמָ֑ץc מִשְׁאֲרֹתָ֛םd צְרֻרֹ֥תe בְּשִׂמְלֹתָ֖םf עַל־שִׁכְמָֽםg ׃

35 וּבְנֵי־יִשְׂרָאֵ֥ל עָשׂ֖וּa כִּדְבַ֣ר מֹשֶׁ֑ה וַֽיִּשְׁאֲלוּ֙b מִמִּצְרַ֔יִם כְּלֵי־כֶ֛סֶף וּכְלֵ֥י זָהָ֖ב וּשְׂמָלֹֽתc ׃

36 וַֽיהוָ֞ה נָתַ֨ןa אֶת־חֵ֥ן הָעָ֛ם בְּעֵינֵ֥י מִצְרַ֖יִם וַיַּשְׁאִל֑וּםb וַֽיְנַצְּל֖וּc אֶת־מִצְרָֽיִם׃ פ

37 וַיִּסְע֧וּa בְנֵֽי־יִשְׂרָאֵ֛ל מֵרַעְמְסֵ֖סb סֻכֹּ֑תָהc כְּשֵׁשׁ־מֵאֹ֨ות אֶ֧לֶף רַגְלִ֛יd הַגְּבָרִ֖ים לְבַ֥ד מִטָּֽףe ׃

38 וְגַם־עֵ֥רֶבa רַ֖ב עָלָ֣הb אִתָּ֑ם וְצֹ֣אן וּבָקָ֔ר מִקְנֶ֖ה כָּבֵ֥דc מְאֹֽד׃

39 וַיֹּאפ֨וּa אֶת־הַבָּצֵ֜קb אֲשֶׁ֨ר הֹוצִ֧יאוּc מִמִּצְרַ֛יִם עֻגֹ֥תd מַצֹּ֖ות כִּ֣י לֹ֣א חָמֵ֑ץe כִּֽי־גֹרְשׁ֣וּf מִמִּצְרַ֗יִם וְלֹ֤א יָֽכְלוּ֙g לְהִתְמַהְמֵ֔הַּh וְגַם־צֵדָ֖הi לֹא־עָשׂ֥וּj לָהֶֽם׃

40 וּמֹושַׁב֙a בְּנֵ֣י יִשְׂרָאֵ֔ל אֲשֶׁ֥ר יָשְׁב֖וּb בְּמִצְרָ֑יִם שְׁלֹשִׁ֣ים שָׁנָ֔ה וְאַרְבַּ֥ע מֵאֹ֖ות שָׁנָֽה׃

41 וַיְהִ֗יa מִקֵּץ֙ שְׁלֹשִׁ֣ים שָׁנָ֔ה וְאַרְבַּ֥ע מֵאֹ֖ות שָׁנָ֑ה וַיְהִ֗יb בְּעֶ֨צֶם֙ הַיֹּ֣ום הַזֶּ֔ה יָֽצְא֛וּc כָּל־צִבְאֹ֥ות יְהוָ֖ה מֵאֶ֥רֶץ מִצְרָֽיִם׃

42 לֵ֣ילa שִׁמֻּרִ֥יםb הוּא֙ לַֽיהוָ֔ה לְהֹוצִיאָ֖םc מֵאֶ֣רֶץ מִצְרָ֑יִם הֽוּא־הַלַּ֤יְלָה הַזֶּה֙ לַֽיהוָ֔ה שִׁמֻּרִ֛יםd לְכָל־בְּנֵ֥י יִשְׂרָאֵ֖ל לְדֹרֹתָֽם׃ פ

43 וַיֹּ֤אמֶרa יְהוָה֙ אֶל־מֹשֶׁ֣ה וְאַהֲרֹ֔ן זֹ֖את חֻקַּ֣ת הַפָּ֑סַחb כָּל־בֶּן־נֵכָ֖רc לֹא־יֹ֥אכַלd בֹּֽו׃

44 וְכָל־עֶ֥בֶד אִ֖ישׁ מִקְנַתa ־כָּ֑סֶף וּמַלְתָּ֣הb אֹתֹ֔ו אָ֖ז יֹ֥אכַלc בֹּֽו׃

45 תֹּושָׁ֥בa וְשָׂכִ֖ירb לֹא־יֹ֥אכַלc ־בֹּֽו׃

46 בְּבַ֤יִת אֶחָד֙ יֵאָכֵ֔לa לֹא־תֹוצִ֧יאb מִן־הַבַּ֛יִת מִן־הַבָּשָׂ֖ר ח֑וּצָה וְעֶ֖צֶם לֹ֥א תִשְׁבְּרוּc ־בֹֽו׃

47 כָּל־עֲדַ֥ת יִשְׂרָאֵ֖ל יַעֲשׂ֥וּa אֹתֹֽו׃

48 וְכִֽי־יָג֨וּרa אִתְּךָ֜ גֵּ֗ר וְעָ֣שָׂהb פֶסַח֮c לַיהוָה֒ הִמֹּ֧ולd לֹ֣ו כָל־זָכָ֗ר וְאָז֙ יִקְרַ֣בe לַעֲשֹׂתֹ֔וf וְהָיָ֖הg כְּאֶזְרַ֣חh הָאָ֑רֶץ וְכָל־עָרֵ֖לi לֹֽא־יֹ֥אכַלj בֹּֽו׃

49 תֹּורָ֣ה אַחַ֔ת יִהְיֶ֖הa לָֽאֶזְרָ֑חb וְלַגֵּ֖ר הַגָּ֥רc בְּתֹוכְכֶֽם׃

50 וַיַּֽעֲשׂ֖וּa כָּל־בְּנֵ֣י יִשְׂרָאֵ֑ל כַּאֲשֶׁ֨ר צִוָּ֧הb יְהוָ֛ה אֶת־מֹשֶׁ֥ה וְאֶֽת־אַהֲרֹ֖ן כֵּ֥ן עָשֽׂוּc ׃ ס

51 וַיְהִ֕יa בְּעֶ֖צֶם הַיֹּ֣ום הַזֶּ֑ה הֹוצִ֨יאb יְהוָ֜ה אֶת־בְּנֵ֧י יִשְׂרָאֵ֛ל מֵאֶ֥רֶץ מִצְרַ֖יִם עַל־צִבְאֹתָֽם׃ פ