שמות

וַיֹּ֨אמֶרa יְהוָ֜ה אֶל־מֹשֶׁ֗ה עֹ֣וד נֶ֤גַע אֶחָד֙ אָבִ֤יאb עַל־פַּרְעֹה֙ וְעַל־מִצְרַ֔יִם אַֽחֲרֵי־כֵ֕ן יְשַׁלַּ֥חc אֶתְכֶ֖ם מִזֶּ֑ה כְּשַׁ֨לְּחֹ֔וd כָּלָ֕הe גָּרֵ֛שׁf יְגָרֵ֥שׁg אֶתְכֶ֖ם מִזֶּֽה׃

2 דַּבֶּרa ־נָ֖א בְּאָזְנֵ֣י הָעָ֑ם וְיִשְׁאֲל֞וּb אִ֣ישׁ׀ מֵאֵ֣ת רֵעֵ֗הוּ וְאִשָּׁה֙ מֵאֵ֣ת רְעוּתָ֔הּc כְּלֵי־כֶ֖סֶף וּכְלֵ֥י זָהָֽב׃

3 וַיִּתֵּ֧ןa יְהוָ֛ה אֶת־חֵ֥ן הָעָ֖ם בְּעֵינֵ֣י מִצְרָ֑יִם גַּ֣ם׀ הָאִ֣ישׁ מֹשֶׁ֗ה גָּדֹ֤ול מְאֹד֙ בְּאֶ֣רֶץ מִצְרַ֔יִם בְּעֵינֵ֥י עַבְדֵֽי־פַרְעֹ֖ה וּבְעֵינֵ֥י הָעָֽם׃ ס

4 וַיֹּ֣אמֶרa מֹשֶׁ֔ה כֹּ֖ה אָמַ֣רb יְהוָ֑ה כַּחֲצֹ֣תc הַלַּ֔יְלָה אֲנִ֥י יֹוצֵ֖אd בְּתֹ֥וךְ מִצְרָֽיִם׃

5 וּמֵ֣תa כָּל־בְּכֹור֮ בְּאֶ֣רֶץ מִצְרַיִם֒ מִבְּכֹ֤ור פַּרְעֹה֙ הַיֹּשֵׁ֣בb עַל־כִּסְאֹ֔ו עַ֚ד בְּכֹ֣ור הַשִּׁפְחָ֔ה אֲשֶׁ֖ר אַחַ֣ר הָרֵחָ֑יִםc וְכֹ֖ל בְּכֹ֥ור בְּהֵמָֽה׃

6 וְהָֽיְתָ֛הa צְעָקָ֥הb גְדֹלָ֖ה בְּכָל־אֶ֣רֶץ מִצְרָ֑יִם אֲשֶׁ֤ר כָּמֹ֨הוּ֙ לֹ֣א נִהְיָ֔תָהc וְכָמֹ֖הוּ לֹ֥א תֹסִֽףd ׃

7 וּלְכֹ֣ל׀ בְּנֵ֣י יִשְׂרָאֵ֗ל לֹ֤א יֶֽחֱרַץa ־כֶּ֨לֶב֙b לְשֹׁנֹ֔ו לְמֵאִ֖ישׁ וְעַד־בְּהֵמָ֑ה לְמַ֨עַן֙ תֵּֽדְע֔וּןc אֲשֶׁר֙ יַפְלֶ֣הd יְהוָ֔ה בֵּ֥ין מִצְרַ֖יִם וּבֵ֥ין יִשְׂרָאֵֽל׃

8 וְיָרְד֣וּa כָל־עֲבָדֶיךָ֩ אֵ֨לֶּה אֵלַ֜י וְהִשְׁתַּֽחֲוּוּb ־לִ֣י לֵאמֹ֗רc צֵ֤אd אַתָּה֙ וְכָל־הָעָ֣ם אֲשֶׁר־בְּרַגְלֶ֔יךָ וְאַחֲרֵי־כֵ֖ן אֵצֵ֑אe וַיֵּצֵ֥אf מֵֽעִם־פַּרְעֹ֖ה בָּחֳרִיg ־אָֽף׃ ס

9 וַיֹּ֤אמֶרa יְהוָה֙ אֶל־מֹשֶׁ֔ה לֹא־יִשְׁמַ֥עb אֲלֵיכֶ֖ם פַּרְעֹ֑ה לְמַ֛עַן רְבֹ֥ותc מֹופְתַ֖יd בְּאֶ֥רֶץ מִצְרָֽיִם׃

10 וּמֹשֶׁ֣ה וְאַהֲרֹ֗ן עָשׂ֛וּa אֶת־כָּל־הַמֹּפְתִ֥יםb הָאֵ֖לֶּה לִפְנֵ֣י פַרְעֹ֑ה וַיְחַזֵּ֤קc יְהוָה֙ אֶת־לֵ֣ב פַּרְעֹ֔ה וְלֹֽא־שִׁלַּ֥חd אֶת־בְּנֵֽי־יִשְׂרָאֵ֖ל מֵאַרְצֹֽו׃ פ