שמות

וְאֵ֗לֶּה שְׁמֹות֙ בְּנֵ֣י יִשְׂרָאֵ֔ל הַבָּאִ֖יםa מִצְרָ֑יְמָה אֵ֣ת יַעֲקֹ֔ב אִ֥ישׁ וּבֵיתֹ֖ו בָּֽאוּb ׃

2 רְאוּבֵ֣ן שִׁמְעֹ֔וןa לֵוִ֖י וִיהוּדָֽה׃

3 יִשָּׂשכָ֥רa זְבוּלֻ֖ןb וּבְנְיָמִֽן׃

4 דָּ֥ן וְנַפְתָּלִ֖י גָּ֥ד וְאָשֵֽׁרa ׃

5 וַֽיְהִ֗יa כָּל־נֶ֛פֶשׁ יֹצְאֵ֥י יֶֽרֶךְb ־יַעֲקֹ֖ב שִׁבְעִ֣ים נָ֑פֶשׁ וְיֹוסֵ֖ף הָיָ֥הc בְמִצְרָֽיִם׃

6 וַיָּ֤מָתa יֹוסֵף֙ וְכָל־אֶחָ֔יו וְכֹ֖ל הַדֹּ֥ור הַהֽוּא׃

7 וּבְנֵ֣י יִשְׂרָאֵ֗ל פָּר֧וּa וַֽיִּשְׁרְצ֛וּb וַיִּרְבּ֥וּc וַיַּֽעַצְמ֖וּd בִּמְאֹ֣ד מְאֹ֑ד וַתִּמָּלֵ֥אe הָאָ֖רֶץ אֹתָֽם׃ פ

8 וַיָּ֥קָםa מֶֽלֶךְ־חָדָ֖שׁ עַל־מִצְרָ֑יִם אֲשֶׁ֥ר לֹֽא־יָדַ֖עb אֶת־יֹוסֵֽף׃

9 וַיֹּ֖אמֶרa אֶל־עַמֹּ֑ו הִנֵּ֗ה עַ֚ם בְּנֵ֣י יִשְׂרָאֵ֔ל רַ֥ב וְעָצ֖וּםb מִמֶּֽנּוּ׃

10 הָ֥בָהa נִֽתְחַכְּמָ֖הb לֹ֑ו פֶּן־יִרְבֶּ֗הc וְהָיָ֞הd כִּֽי־תִקְרֶ֤אנָהe מִלְחָמָה֙ וְנֹוסַ֤ףf גַּם־הוּא֙ עַל־שֹׂ֣נְאֵ֔ינוּ וְנִלְחַםg ־בָּ֖נוּ וְעָלָ֥הh מִן־הָאָֽרֶץ׃

11 וַיָּשִׂ֤ימוּa עָלָיו֙ שָׂרֵ֣י מִסִּ֔יםb לְמַ֥עַן עַנֹּתֹ֖וc בְּסִבְלֹתָ֑םd וַיִּ֜בֶןe עָרֵ֤י מִסְכְּנֹות֙f לְפַרְעֹ֔ה אֶת־פִּתֹ֖םg וְאֶת־רַעַמְסֵֽסh ׃

12 וְכַאֲשֶׁר֙ יְעַנּ֣וּa אֹתֹ֔ו כֵּ֥ן יִרְבֶּ֖הb וְכֵ֣ן יִפְרֹ֑ץc וַיָּקֻ֕צוּd מִפְּנֵ֖י בְּנֵ֥י יִשְׂרָאֵֽל׃

13 וַיַּעֲבִ֧דוּa מִצְרַ֛יִם אֶת־בְּנֵ֥י יִשְׂרָאֵ֖ל בְּפָֽרֶךְb ׃

14 וַיְמָרְר֨וּa אֶת־חַיֵּיהֶ֜ם בַּעֲבֹדָ֣ה קָשָׁ֗הb בְּחֹ֨מֶר֙c וּבִלְבֵנִ֔יםd וּבְכָל־עֲבֹדָ֖ה בַּשָּׂדֶ֑ה אֵ֚ת כָּל־עֲבֹ֣דָתָ֔ם אֲשֶׁר־עָבְד֥וּe בָהֶ֖ם בְּפָֽרֶךְf ׃

15 וַיֹּ֨אמֶר֙a מֶ֣לֶךְ מִצְרַ֔יִם לַֽמְיַלְּדֹ֖ת הָֽעִבְרִיֹּ֑תb אֲשֶׁ֨ר שֵׁ֤ם הָֽאַחַת֙ שִׁפְרָ֔הc וְשֵׁ֥ם הַשֵּׁנִ֖ית פּוּעָֽהd ׃

16 וַיֹּ֗אמֶרa בְּיַלֶּדְכֶן֙b אֶת־הָֽעִבְרִיֹּ֔ותc וּרְאִיתֶ֖ןd עַל־הָאָבְנָ֑יִםe אִם־בֵּ֥ן הוּא֙ וַהֲמִתֶּ֣ןf אֹתֹ֔ו וְאִם־בַּ֥ת הִ֖יא וָחָֽיָהg ׃

17 וַתִּירֶ֤אןָa הַֽמְיַלְּדֹת֙ אֶת־הָ֣אֱלֹהִ֔ים וְלֹ֣א עָשׂ֔וּb כַּאֲשֶׁ֛ר דִּבֶּ֥רc אֲלֵיהֶ֖ן מֶ֣לֶךְ מִצְרָ֑יִם וַתְּחַיֶּ֖יןָd אֶת־הַיְלָדִֽים׃

18 וַיִּקְרָ֤אa מֶֽלֶךְ־מִצְרַ֨יִם֙ לַֽמְיַלְּדֹ֔ת וַיֹּ֣אמֶרb לָהֶ֔ן מַדּ֥וּעַ עֲשִׂיתֶ֖ןc הַדָּבָ֣ר הַזֶּ֑ה וַתְּחַיֶּ֖יןָd אֶת־הַיְלָדִֽים׃

19 וַתֹּאמַ֤רְןָa הַֽמְיַלְּדֹת֙ אֶל־פַּרְעֹ֔ה כִּ֣י לֹ֧א כַנָּשִׁ֛ים הַמִּצְרִיֹּ֖תb הָֽעִבְרִיֹּ֑תc כִּֽי־חָיֹ֣ותd הֵ֔נָּהe בְּטֶ֨רֶם תָּבֹ֧ואf אֲלֵהֶ֛ן הַמְיַלֶּ֖דֶת וְיָלָֽדוּg ׃

20 וַיֵּ֥יטֶבa אֱלֹהִ֖ים לַֽמְיַלְּדֹ֑ת וַיִּ֧רֶבb הָעָ֛ם וַיַּֽעַצְמ֖וּc מְאֹֽד׃

21 וַיְהִ֕יa כִּֽי־יָֽרְא֥וּb הַֽמְיַלְּדֹ֖ת אֶת־הָאֱלֹהִ֑ים וַיַּ֥עַשׂc לָהֶ֖ם בָּתִּֽים׃

22 וַיְצַ֣וa פַּרְעֹ֔ה לְכָל־עַמֹּ֖ו לֵאמֹ֑רb כָּל־הַבֵּ֣ן הַיִּלֹּ֗ודc הַיְאֹ֨רָה֙d תַּשְׁלִיכֻ֔הוּe וְכָל־הַבַּ֖ת תְּחַיּֽוּןf ׃ ס