אסתר

וּבִשְׁנֵים֩ עָשָׂ֨ר חֹ֜דֶשׁ הוּא־חֹ֣דֶשׁ אֲדָ֗רa בִּשְׁלֹושָׁ֨ה עָשָׂ֥ר יֹום֙ בֹּ֔ו אֲשֶׁ֨ר הִגִּ֧יעַb דְּבַר־הַמֶּ֛לֶךְ וְדָתֹ֖וc לְהֵעָשֹׂ֑ותd בַּיֹּ֗ום אֲשֶׁ֨ר שִׂבְּר֜וּe אֹיְבֵ֤י הַיְּהוּדִים֙ לִשְׁלֹ֣וטf בָּהֶ֔ם וְנַהֲפֹ֣וךְg ה֔וּא אֲשֶׁ֨ר יִשְׁלְט֧וּh הַיְּהוּדִ֛ים הֵ֖מָּה בְּשֹׂנְאֵיהֶֽם׃

2 נִקְהֲל֨וּa הַיְּהוּדִ֜ים בְּעָרֵיהֶ֗ם בְּכָל־מְדִינֹות֙ הַמֶּ֣לֶךְ אֳחַשְׁוֵרֹ֔ושׁb לִשְׁלֹ֣חַc יָ֔ד בִּמְבַקְשֵׁ֖י רָֽעָתָ֑ם וְאִישׁ֙ לֹא־עָמַ֣דd לִפְנֵיהֶ֔ם כִּֽי־נָפַ֥לe פַּחְדָּ֖םf עַל־כָּל־הָעַמִּֽים׃

3 וְכָל־שָׂרֵ֨י הַמְּדִינֹ֜ות וְהָאֲחַשְׁדַּרְפְּנִ֣יםa וְהַפַּחֹ֗ותb וְעֹשֵׂ֤י הַמְּלָאכָה֙ אֲשֶׁ֣ר לַמֶּ֔לֶךְ מְנַשְּׂאִ֖יםc אֶת־הַיְּהוּדִ֑ים כִּֽי־נָפַ֥לd פַּֽחַדe ־מָרְדֳּכַ֖י עֲלֵיהֶֽם׃

4 כִּֽי־גָ֤דֹול מָרְדֳּכַי֙ בְּבֵ֣ית הַמֶּ֔לֶךְ וְשָׁמְעֹ֖וa הֹולֵ֣ךְb בְּכָל־הַמְּדִינֹ֑ות כִּֽי־הָאִ֥ישׁ מָרְדֳּכַ֖י הֹולֵ֥ךְc וְגָדֹֽול׃ פ

5 וַיַּכּ֤וּa הַיְּהוּדִים֙ בְּכָל־אֹ֣יְבֵיהֶ֔ם מַכַּתb ־חֶ֥רֶב וְהֶ֖רֶגc וְאַבְדָ֑ןd וַיַּֽעֲשׂ֥וּe בְשֹׂנְאֵיהֶ֖ם כִּרְצֹונָֽם׃

6 וּבְשׁוּשַׁ֣ןa הַבִּירָ֗הb הָרְג֤וּc הַיְּהוּדִים֙ וְאַבֵּ֔דd חֲמֵ֥שׁ מֵאֹ֖ות אִֽישׁ׃

7 וְאֵ֧ת׀ פַּרְשַׁנְדָּ֛תָאa וְאֵ֥ת׀ דַּֽלְפֹ֖וןb וְאֵ֥ת׀ אַסְפָּֽתָאc ׃

8 וְאֵ֧ת׀ פֹּורָ֛תָאa וְאֵ֥ת׀ אֲדַלְיָ֖אb וְאֵ֥ת׀ אֲרִידָֽתָאc ׃

9 וְאֵ֤ת׀ פַּרְמַ֨שְׁתָּא֙a וְאֵ֣ת׀ אֲרִיסַ֔יb וְאֵ֥ת׀ אֲרִדַ֖יc וְאֵ֥ת׀ וַיְזָֽתָאd ׃

10 עֲ֠שֶׂרֶת בְּנֵ֨י הָמָ֧ן בֶּֽן־הַמְּדָ֛תָאa צֹרֵ֥רb הַיְּהוּדִ֖ים הָרָ֑גוּc וּבַ֨בִּזָּ֔הd לֹ֥א שָׁלְח֖וּe אֶת־יָדָֽם׃

11 בַּיֹּ֣ום הַה֗וּא בָּ֣אa מִסְפַּ֧ר הַֽהֲרוּגִ֛ים בְּשׁוּשַׁ֥ןb הַבִּירָ֖הc לִפְנֵ֥י הַמֶּֽלֶךְ׃ ס

12 וַיֹּ֨אמֶרa הַמֶּ֜לֶךְ לְאֶסְתֵּ֣ר הַמַּלְכָּ֗הb בְּשׁוּשַׁ֣ןc הַבִּירָ֡הd הָרְגוּ֩e הַיְּהוּדִ֨ים וְאַבֵּ֜דf חֲמֵ֧שׁ מֵאֹ֣ות אִ֗ישׁ וְאֵת֙ עֲשֶׂ֣רֶת בְּנֵֽי־הָמָ֔ן בִּשְׁאָ֛רg מְדִינֹ֥ות הַמֶּ֖לֶךְ מֶ֣ה עָשׂ֑וּh וּמַה־שְּׁאֵֽלָתֵךְ֙i וְיִנָּ֣תֵֽןj לָ֔ךְ וּמַה־בַּקָּשָׁתֵ֥ךְk עֹ֖וד וְתֵעָֽשׂl ׃

13 וַתֹּ֤אמֶרa אֶסְתֵּר֙ אִם־עַל־הַמֶּ֣לֶךְ טֹ֔וב יִנָּתֵ֣ןb גַּם־מָחָ֗ר לַיְּהוּדִים֙ אֲשֶׁ֣ר בְּשׁוּשָׁ֔ןc לַעֲשֹׂ֖ותd כְּדָ֣תe הַיֹּ֑ום וְאֵ֛ת עֲשֶׂ֥רֶת בְּנֵֽי־הָמָ֖ן יִתְל֥וּf עַל־הָעֵֽץ׃

14 וַיֹּ֤אמֶרa הַמֶּ֨לֶךְ֙ לְהֵֽעָשֹׂ֣ותb כֵּ֔ן וַתִּנָּתֵ֥ןc דָּ֖תd בְּשׁוּשָׁ֑ןe וְאֵ֛ת עֲשֶׂ֥רֶת בְּנֵֽי־הָמָ֖ן תָּלֽוּf ׃

15 וַיִּֽקָּהֲל֞וּa היהודייםb אֲשֶׁר־בְּשׁוּשָׁ֗ןc גַּ֠ם בְּיֹ֣ום אַרְבָּעָ֤ה עָשָׂר֙ לְחֹ֣דֶשׁ אֲדָ֔רd וַיַּֽהַרְג֣וּe בְשׁוּשָׁ֔ןf שְׁלֹ֥שׁ מֵאֹ֖ות אִ֑ישׁ וּבַ֨בִּזָּ֔הg לֹ֥א שָׁלְח֖וּh אֶת־יָדָֽם׃

16 וּשְׁאָ֣רa הַיְּהוּדִ֡ים אֲשֶׁר֩ בִּמְדִינֹ֨ות הַמֶּ֜לֶךְ נִקְהֲל֣וּb ׀ וְעָמֹ֣דc עַל־נַפְשָׁ֗ם וְנֹ֨וחַ֙d מֵאֹ֣יְבֵיהֶ֔ם וְהָרֹג֙e בְּשֹׂ֣נְאֵיהֶ֔ם חֲמִשָּׁ֥ה וְשִׁבְעִ֖ים אָ֑לֶף וּבַ֨בִּזָּ֔הf לֹ֥א שָֽׁלְח֖וּg אֶת־יָדָֽם׃

17 בְּיֹום־שְׁלֹשָׁ֥ה עָשָׂ֖ר לְחֹ֣דֶשׁ אֲדָ֑רa וְנֹ֗וחַb בְּאַרְבָּעָ֤ה עָשָׂר֙ בֹּ֔ו וְעָשֹׂ֣הc אֹתֹ֔ו יֹ֖ום מִשְׁתֶּ֥הd וְשִׂמְחָֽה׃

18 והיהודייםa אֲשֶׁר־בְּשׁוּשָׁ֗ןb נִקְהֲלוּ֙c בִּשְׁלֹשָׁ֤ה עָשָׂר֙ בֹּ֔ו וּבְאַרְבָּעָ֥ה עָשָׂ֖ר בֹּ֑ו וְנֹ֗וחַd בַּחֲמִשָּׁ֤ה עָשָׂר֙ בֹּ֔ו וְעָשֹׂ֣הe אֹתֹ֔ו יֹ֖ום מִשְׁתֶּ֥הf וְשִׂמְחָֽה׃

19 עַל־כֵּ֞ן הַיְּהוּדִ֣ים הפרוזיםa הַיֹּשְׁבִים֮b בְּעָרֵ֣י הַפְּרָזֹות֒c עֹשִׂ֗יםd אֵ֠ת יֹ֣ום אַרְבָּעָ֤ה עָשָׂר֙ לְחֹ֣דֶשׁ אֲדָ֔רe שִׂמְחָ֥ה וּמִשְׁתֶּ֖הf וְיֹ֣ום טֹ֑וב וּמִשְׁלֹ֥וחַg מָנֹ֖ותh אִ֥ישׁ לְרֵעֵֽהוּ׃ פ

20 וַיִּכְתֹּ֣בa מָרְדֳּכַ֔י אֶת־הַדְּבָרִ֖ים הָאֵ֑לֶּה וַיִּשְׁלַ֨חb סְפָרִ֜ים אֶל־כָּל־הַיְּהוּדִ֗ים אֲשֶׁר֙ בְּכָל־מְדִינֹות֙ הַמֶּ֣לֶךְ אֲחַשְׁוֵרֹ֔ושׁc הַקְּרֹובִ֖ים וְהָרְחֹוקִֽים׃

21 לְקַיֵּם֮a עֲלֵיהֶם֒ לִהְיֹ֣ותb עֹשִׂ֗יםc אֵ֠ת יֹ֣ום אַרְבָּעָ֤ה עָשָׂר֙ לְחֹ֣דֶשׁ אֲדָ֔רd וְאֵ֛ת יֹום־חֲמִשָּׁ֥ה עָשָׂ֖ר בֹּ֑ו בְּכָל־שָׁנָ֖ה וְשָׁנָֽה׃

22 כַּיָּמִ֗ים אֲשֶׁר־נָ֨חוּa בָהֶ֤ם הַיְּהוּדִים֙ מֵאֹ֣ויְבֵיהֶ֔ם וְהַחֹ֗דֶשׁ אֲשֶׁר֩ נֶהְפַּ֨ךְb לָהֶ֤ם מִיָּגֹון֙c לְשִׂמְחָ֔ה וּמֵאֵ֖בֶלd לְיֹ֣ום טֹ֑וב לַעֲשֹׂ֣ותe אֹותָ֗ם יְמֵי֙ מִשְׁתֶּ֣הf וְשִׂמְחָ֔ה וּמִשְׁלֹ֤וחַg מָנֹות֙h אִ֣ישׁ לְרֵעֵ֔הוּ וּמַתָּנֹ֖ותi לָֽאֶבְיֹונִֽים׃

23 וְקִבֵּל֙a הַיְּהוּדִ֔ים אֵ֥ת אֲשֶׁר־הֵחֵ֖לּוּb לַעֲשֹׂ֑ותc וְאֵ֛ת אֲשֶׁר־כָּתַ֥בd מָרְדֳּכַ֖י אֲלֵיהֶֽם׃

24 כִּי֩ הָמָ֨ן בֶּֽן־הַמְּדָ֜תָאa הָֽאֲגָגִ֗יb צֹרֵר֙c כָּל־הַיְּהוּדִ֔ים חָשַׁ֥בd עַל־הַיְּהוּדִ֖ים לְאַבְּדָ֑םe וְהִפִּ֥ילf פּוּר֙g ה֣וּא הַגֹּורָ֔ל לְהֻמָּ֖םh וּֽלְאַבְּדָֽםi ׃

25 וּבְבֹאָהּ֮a לִפְנֵ֣י הַמֶּלֶךְ֒ אָמַ֣רb עִם־הַסֵּ֔פֶר יָשׁ֞וּבc מַחֲשַׁבְתֹּ֧וd הָרָעָ֛ה אֲשֶׁר־חָשַׁ֥בe עַל־הַיְּהוּדִ֖ים עַל־רֹאשֹׁ֑ו וְתָל֥וּf אֹתֹ֛ו וְאֶת־בָּנָ֖יו עַל־הָעֵֽץ׃

26 עַל־כֵּ֡ן קָֽרְאוּ֩a לַיָּמִ֨ים הָאֵ֤לֶּה פוּרִים֙b עַל־שֵׁ֣ם הַפּ֔וּרc עַל־כֵּ֕ן עַל־כָּל־דִּבְרֵ֖י הָאִגֶּ֣רֶתd הַזֹּ֑את וּמָֽה־רָא֣וּe עַל־כָּ֔כָהf וּמָ֥ה הִגִּ֖יעַg אֲלֵיהֶֽם׃

27 קִיְּמ֣וּa וקבלb הַיְּהוּדִים֩׀ עֲלֵיהֶ֨ם׀ וְעַל־זַרְעָ֜ם וְעַ֨ל כָּל־הַנִּלְוִ֤יםc עֲלֵיהֶם֙ וְלֹ֣א יַעֲבֹ֔ורd לִהְיֹ֣ותe עֹשִׂ֗יםf אֵ֣ת שְׁנֵ֤י הַיָּמִים֙ הָאֵ֔לֶּה כִּכְתָבָ֖םg וְכִזְמַנָּ֑םh בְּכָל־שָׁנָ֖ה וְשָׁנָֽה׃

28 וְהַיָּמִ֣ים הָ֠אֵלֶּה נִזְכָּרִ֨יםa וְנַעֲשִׂ֜יםb בְּכָל־דֹּ֣ור וָדֹ֗ור מִשְׁפָּחָה֙ וּמִשְׁפָּחָ֔ה מְדִינָ֥ה וּמְדִינָ֖ה וְעִ֣יר וָעִ֑יר וִימֵ֞י הַפּוּרִ֣יםc הָאֵ֗לֶּה לֹ֤א יַֽעַבְרוּ֙d מִתֹּ֣וךְ הַיְּהוּדִ֔ים וְזִכְרָ֖םe לֹא־יָס֥וּףf מִזַּרְעָֽם׃ ס

29 וַ֠תִּכְתֹּבa אֶסְתֵּ֨ר הַמַּלְכָּ֧הb בַת־אֲבִיחַ֛יִלc וּמָרְדֳּכַ֥י הַיְּהוּדִ֖י אֶת־כָּל־תֹּ֑קֶףd לְקַיֵּ֗םe אֵ֣ת אִגֶּ֧רֶתf הַפּוּרִ֛יםg הַזֹּ֖את הַשֵּׁנִֽית׃

30 וַיִּשְׁלַ֨חa סְפָרִ֜ים אֶל־כָּל־הַיְּהוּדִ֗ים אֶל־שֶׁ֨בַע וְעֶשְׂרִ֤ים וּמֵאָה֙ מְדִינָ֔ה מַלְכ֖וּת אֲחַשְׁוֵרֹ֑ושׁb דִּבְרֵ֥י שָׁלֹ֖ום וֶאֱמֶֽת׃

31 לְקַיֵּ֡םa אֵת־יְמֵי֩ הַפֻּרִ֨יםb הָאֵ֜לֶּה בִּזְמַנֵּיהֶ֗םc כַּאֲשֶׁר֩ קִיַּ֨םd עֲלֵיהֶ֜ם מָרְדֳּכַ֤י הַיְּהוּדִי֙ וְאֶסְתֵּ֣ר הַמַּלְכָּ֔הe וְכַאֲשֶׁ֛ר קִיְּמ֥וּf עַל־נַפְשָׁ֖ם וְעַל־זַרְעָ֑ם דִּבְרֵ֥י הַצֹּמֹ֖ותg וְזַעֲקָתָֽםh ׃

32 וּמַאֲמַ֣רa אֶסְתֵּ֔ר קִיַּ֕םb דִּבְרֵ֥י הַפֻּרִ֖יםc הָאֵ֑לֶּה וְנִכְתָּ֖בd בַּסֵּֽפֶר׃ פ