אסתר

וַיָּבֹ֤אa הַמֶּ֨לֶךְ֙ וְהָמָ֔ן לִשְׁתֹּ֖ותb עִם־אֶסְתֵּ֥ר הַמַּלְכָּֽהc ׃

2 וַיֹּאמֶר֩a הַמֶּ֨לֶךְ לְאֶסְתֵּ֜ר גַּ֣ם בַּיֹּ֤ום הַשֵּׁנִי֙ בְּמִשְׁתֵּ֣הb הַיַּ֔יִן מַה־שְּׁאֵלָתֵ֛ךְc אֶסְתֵּ֥ר הַמַּלְכָּ֖הd וְתִנָּ֣תֵֽןe לָ֑ךְ וּמַה־בַּקָּשָׁתֵ֛ךְf עַד־חֲצִ֥י הַמַּלְכ֖וּת וְתֵעָֽשׂg ׃

3 וַתַּ֨עַןa אֶסְתֵּ֤ר הַמַּלְכָּה֙b וַתֹּאמַ֔רc אִם־מָצָ֨אתִיd חֵ֤ן בְּעֵינֶ֨יךָ֙ הַמֶּ֔לֶךְ וְאִם־עַל־הַמֶּ֖לֶךְ טֹ֑וב תִּנָּֽתֶןe ־לִ֤י נַפְשִׁי֙ בִּשְׁאֵ֣לָתִ֔יf וְעַמִּ֖י בְּבַקָּשָׁתִֽיg ׃

4 כִּ֤י נִמְכַּ֨רְנוּ֙a אֲנִ֣י וְעַמִּ֔י לְהַשְׁמִ֖ידb לַהֲרֹ֣וגc וּלְאַבֵּ֑דd וְ֠אִלּוּe לַעֲבָדִ֨ים וְלִשְׁפָחֹ֤ות נִמְכַּ֨רְנוּ֙f הֶחֱרַ֔שְׁתִּיg כִּ֣י אֵ֥ין הַצָּ֛ר שֹׁוֶ֖הh בְּנֵ֥זֶקi הַמֶּֽלֶךְ׃ ס

5 וַיֹּ֨אמֶר֙a הַמֶּ֣לֶךְ אֲחַשְׁוֵרֹ֔ושׁb וַיֹּ֖אמֶרc לְאֶסְתֵּ֣ר הַמַּלְכָּ֑הd מִ֣י ה֥וּא זֶה֙ וְאֵֽיe ־זֶ֣ה ה֔וּא אֲשֶׁר־מְלָאֹ֥וf לִבֹּ֖ו לַעֲשֹׂ֥ותg כֵּֽן׃

6 וַתֹּ֣אמֶרa ־אֶסְתֵּ֔ר אִ֚ישׁ צַ֣ר וְאֹויֵ֔ב הָמָ֥ן הָרָ֖ע הַזֶּ֑ה וְהָמָ֣ן נִבְעַ֔תb מִלִּפְנֵ֥י הַמֶּ֖לֶךְ וְהַמַּלְכָּֽהc ׃

7 וְהַמֶּ֜לֶךְ קָ֤םa בַּחֲמָתֹו֙ מִמִּשְׁתֵּ֣הb הַיַּ֔יִן אֶל־גִּנַּ֖תc הַבִּיתָ֑ןd וְהָמָ֣ן עָמַ֗דe לְבַקֵּ֤שׁf עַל־נַפְשֹׁו֙ מֵֽאֶסְתֵּ֣ר הַמַּלְכָּ֔הg כִּ֣י רָאָ֔הh כִּֽי־כָלְתָ֥הi אֵלָ֛יו הָרָעָ֖ה מֵאֵ֥ת הַמֶּֽלֶךְ׃

8 וְהַמֶּ֡לֶךְ שָׁב֩a מִגִּנַּ֨תb הַבִּיתָ֜ןc אֶל־בֵּ֣ית׀ מִשְׁתֵּ֣הd הַיַּ֗יִן וְהָמָן֙ נֹפֵ֔לe עַל־הַמִּטָּה֙f אֲשֶׁ֣ר אֶסְתֵּ֣ר עָלֶ֔יהָ וַיֹּ֣אמֶרg הַמֶּ֔לֶךְ הֲ֠גַם לִכְבֹּ֧ושׁh אֶת־הַמַּלְכָּ֛הi עִמִּ֖י בַּבָּ֑יִת הַדָּבָ֗ר יָצָא֙j מִפִּ֣י הַמֶּ֔לֶךְ וּפְנֵ֥י הָמָ֖ן חָפֽוּk ׃ ס

9 וַיֹּ֣אמֶרa חַ֠רְבֹונָהb אֶחָ֨ד מִן־הַסָּרִיסִ֜יםc לִפְנֵ֣י הַמֶּ֗לֶךְ גַּ֣ם הִנֵּה־הָעֵ֣ץ אֲשֶׁר־עָשָׂ֪הd הָמָ֟ן לְֽמָרְדֳּכַ֞י אֲשֶׁ֧ר דִּבֶּרe ־טֹ֣וב עַל־הַמֶּ֗לֶךְ עֹמֵד֙f בְּבֵ֣ית הָמָ֔ן גָּבֹ֖הַּg חֲמִשִּׁ֣ים אַמָּ֑ה וַיֹּ֥אמֶרh הַמֶּ֖לֶךְ תְּלֻ֥הוּi עָלָֽיו׃

10 וַיִּתְלוּ֙a אֶת־הָמָ֔ן עַל־הָעֵ֖ץ אֲשֶׁר־הֵכִ֣יןb לְמָרְדֳּכָ֑י וַחֲמַ֥ת הַמֶּ֖לֶךְ שָׁכָֽכָהc ׃ פ