אסתר

וַיְהִ֣יa ׀ בַּיֹּ֣ום הַשְּׁלִישִׁ֗י וַתִּלְבַּ֤שׁb אֶסְתֵּר֙ מַלְכ֔וּת וַֽתַּעֲמֹ֞דc בַּחֲצַ֤ר בֵּית־הַמֶּ֨לֶךְ֙ הַפְּנִימִ֔יתd נֹ֖כַחe בֵּ֣ית הַמֶּ֑לֶךְ וְ֠הַמֶּלֶךְ יֹושֵׁ֞בf עַל־כִּסֵּ֤א מַלְכוּתֹו֙ בְּבֵ֣ית הַמַּלְכ֔וּת נֹ֖כַחg פֶּ֥תַח הַבָּֽיִת׃

2 וַיְהִי֩a כִרְאֹ֨ותb הַמֶּ֜לֶךְ אֶת־אֶסְתֵּ֣ר הַמַּלְכָּ֗הc עֹמֶ֨דֶת֙d בֶּֽחָצֵ֔ר נָשְׂאָ֥הe חֵ֖ן בְּעֵינָ֑יו וַיֹּ֨ושֶׁטf הַמֶּ֜לֶךְ לְאֶסְתֵּ֗ר אֶת־שַׁרְבִ֤יטg הַזָּהָב֙ אֲשֶׁ֣ר בְּיָדֹ֔ו וַתִּקְרַ֣בh אֶסְתֵּ֔ר וַתִּגַּ֖עi בְּרֹ֥אשׁ הַשַּׁרְבִֽיטj ׃ ס

3 וַיֹּ֤אמֶרa לָהּ֙ הַמֶּ֔לֶךְ מַה־לָּ֖ךְ אֶסְתֵּ֣ר הַמַּלְכָּ֑הb וּמַה־בַּקָּשָׁתֵ֛ךְc עַד־חֲצִ֥י הַמַּלְכ֖וּת וְיִנָּ֥תֵֽןd לָֽךְ׃

4 וַתֹּ֣אמֶרa אֶסְתֵּ֔ר אִם־עַל־הַמֶּ֖לֶךְ טֹ֑וב יָבֹ֨ואb הַמֶּ֤לֶךְ וְהָמָן֙ הַיֹּ֔ום אֶל־הַמִּשְׁתֶּ֖הc אֲשֶׁר־עָשִׂ֥יתִיd לֹֽו׃

5 וַיֹּ֣אמֶרa הַמֶּ֔לֶךְ מַהֲרוּ֙b אֶת־הָמָ֔ן לַעֲשֹׂ֖ותc אֶת־דְּבַ֣ר אֶסְתֵּ֑ר וַיָּבֹ֤אd הַמֶּ֨לֶךְ֙ וְהָמָ֔ן אֶל־הַמִּשְׁתֶּ֖הe אֲשֶׁר־עָשְׂתָ֥הf אֶסְתֵּֽר׃

6 וַיֹּ֨אמֶרa הַמֶּ֤לֶךְ לְאֶסְתֵּר֙ בְּמִשְׁתֵּ֣הb הַיַּ֔יִן מַה־שְּׁאֵלָתֵ֖ךְc וְיִנָּ֣תֵֽןd לָ֑ךְ וּמַה־בַּקָּשָׁתֵ֛ךְe עַד־חֲצִ֥י הַמַּלְכ֖וּת וְתֵעָֽשׂf ׃

7 וַתַּ֥עַןa אֶסְתֵּ֖ר וַתֹּאמַ֑רb שְׁאֵלָתִ֖יc וּבַקָּשָׁתִֽיd ׃

8 אִם־מָצָ֨אתִיa חֵ֜ן בְּעֵינֵ֣י הַמֶּ֗לֶךְ וְאִם־עַל־הַמֶּ֨לֶךְ֙ טֹ֔וב לָתֵת֙b אֶת־שְׁאֵ֣לָתִ֔יc וְלַעֲשֹׂ֖ותd אֶת־בַּקָּשָׁתִ֑יe יָבֹ֧ואf הַמֶּ֣לֶךְ וְהָמָ֗ן אֶל־הַמִּשְׁתֶּה֙g אֲשֶׁ֣ר אֶֽעֱשֶׂ֣הh לָהֶ֔ם וּמָחָ֥ר אֶֽעֱשֶׂ֖הi כִּדְבַ֥ר הַמֶּֽלֶךְ׃

9 וַיֵּצֵ֤אa הָמָן֙ בַּיֹּ֣ום הַה֔וּא שָׂמֵ֖חַb וְטֹ֣וב לֵ֑ב וְכִרְאֹות֩c הָמָ֨ן אֶֽת־מָרְדֳּכַ֜י בְּשַׁ֣עַר הַמֶּ֗לֶךְ וְלֹא־קָם֙d וְלֹא־זָ֣עe מִמֶּ֔נּוּ וַיִּמָּלֵ֥אf הָמָ֛ן עַֽל־מָרְדֳּכַ֖י חֵמָֽה׃

10 וַיִּתְאַפַּ֣קa הָמָ֔ן וַיָּבֹ֖ואb אֶל־בֵּיתֹ֑ו וַיִּשְׁלַ֛חc וַיָּבֵ֥אd אֶת־אֹהֲבָ֖יו וְאֶת־זֶ֥רֶשׁe אִשְׁתֹּֽו׃

11 וַיְסַפֵּ֨רa לָהֶ֥ם הָמָ֛ן אֶת־כְּבֹ֥וד עָשְׁרֹ֖וb וְרֹ֣ב בָּנָ֑יו וְאֵת֩ כָּל־אֲשֶׁ֨ר גִּדְּלֹ֤וc הַמֶּ֨לֶךְ֙ וְאֵ֣ת אֲשֶׁ֣ר נִשְּׂאֹ֔וd עַל־הַשָּׂרִ֖ים וְעַבְדֵ֥י הַמֶּֽלֶךְ׃

12 וַיֹּאמֶר֮a הָמָן֒ אַ֣ף לֹא־הֵבִיאָה֩b אֶסְתֵּ֨ר הַמַּלְכָּ֧הc עִם־הַמֶּ֛לֶךְ אֶל־הַמִּשְׁתֶּ֥הd אֲשֶׁר־עָשָׂ֖תָהe כִּ֣י אִם־אֹותִ֑י וְגַם־לְמָחָ֛ר אֲנִ֥י קָֽרוּאf ־לָ֖הּ עִם־הַמֶּֽלֶךְ׃

13 וְכָל־זֶ֕ה אֵינֶ֥נּוּ שֹׁוֶ֖הa לִ֑י בְּכָל־עֵ֗ת אֲשֶׁ֨ר אֲנִ֤י רֹאֶה֙b אֶת־מָרְדֳּכַ֣י הַיְּהוּדִ֔י יֹושֵׁ֖בc בְּשַׁ֥עַר הַמֶּֽלֶךְ׃

14 וַתֹּ֣אמֶרa לֹו֩ זֶ֨רֶשׁb אִשְׁתֹּ֜ו וְכָל־אֹֽהֲבָ֗יו יַֽעֲשׂוּc ־עֵץ֮ גָּבֹ֣הַּd חֲמִשִּׁ֣ים אַמָּה֒ וּבַבֹּ֣קֶר׀ אֱמֹ֣רe לַמֶּ֗לֶךְ וְיִתְל֤וּf אֶֽת־מָרְדֳּכַי֙ עָלָ֔יו וּבֹֽאg ־עִם־הַמֶּ֥לֶךְ אֶל־הַמִּשְׁתֶּ֖הh שָׂמֵ֑חַi וַיִּיטַ֧בj הַדָּבָ֛ר לִפְנֵ֥י הָמָ֖ן וַיַּ֥עַשׂk הָעֵֽץ׃ פ