אסתר

אַחַ֣ר׀ הַדְּבָרִ֣ים הָאֵ֗לֶּה גִּדַּל֩a הַמֶּ֨לֶךְ אֲחַשְׁוֵרֹ֜ושׁb אֶת־הָמָ֧ן בֶּֽן־הַמְּדָ֛תָאc הָאֲגָגִ֖יd וַֽיְנַשְּׂאֵ֑הוּe וַיָּ֨שֶׂם֙f אֶת־כִּסְאֹ֔ו מֵעַ֕ל כָּל־הַשָּׂרִ֖ים אֲשֶׁ֥ר אִתֹּֽו׃

2 וְכָל־עַבְדֵ֨י הַמֶּ֜לֶךְ אֲשֶׁר־בְּשַׁ֣עַר הַמֶּ֗לֶךְ כֹּרְעִ֤יםa וּמִֽשְׁתַּחֲוִים֙b לְהָמָ֔ן כִּי־כֵ֖ן צִוָּהc ־לֹ֣ו הַמֶּ֑לֶךְ וּמָ֨רְדֳּכַ֔י לֹ֥א יִכְרַ֖עd וְלֹ֥א יִֽשְׁתַּחֲוֶֽהe ׃

3 וַיֹּ֨אמְר֜וּa עַבְדֵ֥י הַמֶּ֛לֶךְ אֲשֶׁר־בְּשַׁ֥עַר הַמֶּ֖לֶךְ לְמָרְדֳּכָ֑י מַדּ֨וּעַ֙ אַתָּ֣ה עֹובֵ֔רb אֵ֖ת מִצְוַ֥ת הַמֶּֽלֶךְ׃

4 וַיְהִ֗יa באמרםb אֵלָיו֙ יֹ֣ום וָיֹ֔ום וְלֹ֥א שָׁמַ֖עc אֲלֵיהֶ֑ם וַיַּגִּ֣ידוּd לְהָמָ֗ן לִרְאֹות֙e הֲיַֽעַמְדוּ֙f דִּבְרֵ֣י מָרְדֳּכַ֔י כִּֽי־הִגִּ֥ידg לָהֶ֖ם אֲשֶׁר־ה֥וּא יְהוּדִֽי׃

5 וַיַּ֣רְאa הָמָ֔ן כִּי־אֵ֣ין מָרְדֳּכַ֔י כֹּרֵ֥עַb וּמִֽשְׁתַּחֲוֶ֖הc לֹ֑ו וַיִּמָּלֵ֥אd הָמָ֖ן חֵמָֽה׃

6 וַיִּ֣בֶזa בְּעֵינָ֗יו לִשְׁלֹ֤חb יָד֙ בְּמָרְדֳּכַ֣י לְבַדֹּ֔ו כִּֽי־הִגִּ֥ידוּc לֹ֖ו אֶת־עַ֣ם מָרְדֳּכָ֑י וַיְבַקֵּ֣שׁd הָמָ֗ן לְהַשְׁמִ֧ידe אֶת־כָּל־הַיְּהוּדִ֛ים אֲשֶׁ֛ר בְּכָל־מַלְכ֥וּת אֲחַשְׁוֵרֹ֖ושׁf עַ֥ם מָרְדֳּכָֽי׃

7 בַּחֹ֤דֶשׁ הָרִאשֹׁון֙ הוּא־חֹ֣דֶשׁ נִיסָ֔ןa בִּשְׁנַת֙ שְׁתֵּ֣ים עֶשְׂרֵ֔ה לַמֶּ֖לֶךְ אֲחַשְׁוֵרֹ֑ושׁb הִפִּ֣ילc פּוּר֩d ה֨וּא הַגֹּורָ֜ל לִפְנֵ֣י הָמָ֗ן מִיֹּ֧ום׀ לְיֹ֛ום וּמֵחֹ֛דֶשׁ לְחֹ֥דֶשׁ שְׁנֵים־עָשָׂ֖ר הוּא־חֹ֥דֶשׁ אֲדָֽרe ׃ ס

8 וַיֹּ֤אמֶרa הָמָן֙ לַמֶּ֣לֶךְ אֲחַשְׁוֵרֹ֔ושׁb יֶשְׁנֹ֣ו עַם־אֶחָ֗ד מְפֻזָּ֤רc וּמְפֹרָד֙d בֵּ֣ין הָֽעַמִּ֔ים בְּכֹ֖ל מְדִינֹ֣ות מַלְכוּתֶ֑ךָ וְדָתֵיהֶ֞םe שֹׁנֹ֣ותf מִכָּל־עָ֗ם וְאֶת־דָּתֵ֤יg הַמֶּ֨לֶךְ֙ אֵינָ֣ם עֹשִׂ֔יםh וְלַמֶּ֥לֶךְ אֵין־שֹׁוֶ֖הi לְהַנִּיחָֽםj ׃

9 אִם־עַל־הַמֶּ֣לֶךְ טֹ֔וב יִכָּתֵ֖בa לְאַבְּדָ֑םb וַעֲשֶׂ֨רֶת אֲלָפִ֜ים כִּכַּר־כֶּ֗סֶף אֶשְׁקֹול֙c עַל־יְדֵי֙ עֹשֵׂ֣י הַמְּלָאכָ֔ה לְהָבִ֖יאd אֶל־גִּנְזֵ֥יe הַמֶּֽלֶךְ׃

10 וַיָּ֧סַרa הַמֶּ֛לֶךְ אֶת־טַבַּעְתֹּ֖וb מֵעַ֣ל יָדֹ֑ו וַֽיִּתְּנָ֗הּc לְהָמָ֧ן בֶּֽן־הַמְּדָ֛תָאd הָאֲגָגִ֖יe צֹרֵ֥רf הַיְּהוּדִֽים׃

11 וַיֹּ֤אמֶרa הַמֶּ֨לֶךְ֙ לְהָמָ֔ן הַכֶּ֖סֶף נָת֣וּןb לָ֑ךְ וְהָעָ֕ם לַעֲשֹׂ֥ותc בֹּ֖ו כַּטֹּ֥וב בְּעֵינֶֽיךָ׃

12 וַיִּקָּרְאוּ֩a סֹפְרֵ֨י הַמֶּ֜לֶךְ בַּחֹ֣דֶשׁ הָרִאשֹׁ֗ון בִּשְׁלֹושָׁ֨ה עָשָׂ֣ר יֹום֮ בֹּו֒ וַיִּכָּתֵ֣בb כְּֽכָל־אֲשֶׁר־צִוָּ֣הc הָמָ֡ן אֶ֣ל אֲחַשְׁדַּרְפְּנֵֽיd ־הַ֠מֶּלֶךְ וְֽאֶל־הַפַּחֹ֞ותe אֲשֶׁ֣ר׀ עַל־מְדִינָ֣ה וּמְדִינָ֗ה וְאֶל־שָׂ֤רֵי עַם֙ וָעָ֔ם מְדִינָ֤ה וּמְדִינָה֙ כִּכְתָבָ֔הּf וְעַ֥ם וָעָ֖ם כִּלְשֹׁונֹ֑ו בְּשֵׁ֨ם הַמֶּ֤לֶךְ אֲחַשְׁוֵרֹשׁ֙g נִכְתָּ֔ב וְנֶחְתָּ֖םh בְּטַבַּ֥עַתi הַמֶּֽלֶךְ׃

13 וְנִשְׁלֹ֨וחַa סְפָרִ֜ים בְּיַ֣ד הָרָצִים֮ אֶל־כָּל־מְדִינֹ֣ות הַמֶּלֶךְ֒ לְהַשְׁמִ֡ידb לַהֲרֹ֣גc וּלְאַבֵּ֣דd אֶת־כָּל־הַ֠יְּהוּדִים מִנַּ֨עַר וְעַד־זָקֵ֨ן טַ֤ףe וְנָשִׁים֙ בְּיֹ֣ום אֶחָ֔ד בִּשְׁלֹושָׁ֥ה עָשָׂ֛ר לְחֹ֥דֶשׁ שְׁנֵים־עָשָׂ֖ר הוּא־חֹ֣דֶשׁ אֲדָ֑רf וּשְׁלָלָ֖ם לָבֹֽוזg ׃

14 פַּתְשֶׁ֣גֶןa הַכְּתָ֗בb לְהִנָּ֤תֵֽןc דָּת֙d בְּכָל־מְדִינָ֣ה וּמְדִינָ֔ה גָּל֖וּיe לְכָל־הָֽעַמִּ֑ים לִהְיֹ֥ותf עֲתִדִ֖יםg לַיֹּ֥ום הַזֶּֽה׃

15 הָֽרָצִ֞ים יָצְא֤וּa דְחוּפִים֙b בִּדְבַ֣ר הַמֶּ֔לֶךְ וְהַדָּ֥תc נִתְּנָ֖הd בְּשׁוּשַׁ֣ןe הַבִּירָ֑הf וְהַמֶּ֤לֶךְ וְהָמָן֙ יָשְׁב֣וּg לִשְׁתֹּ֔ותh וְהָעִ֥יר שׁוּשָׁ֖ןi נָבֹֽוכָהj ׃ פ