אסתר

וַיְהִ֖יa בִּימֵ֣י אֲחַשְׁוֵרֹ֑ושׁb ה֣וּא אֲחַשְׁוֵרֹ֗ושׁc הַמֹּלֵךְ֙d מֵהֹ֣דּוּe וְעַד־כּ֔וּשׁf שֶׁ֛בַע וְעֶשְׂרִ֥ים וּמֵאָ֖ה מְדִינָֽה׃

2 בַּיָּמִ֖ים הָהֵ֑ם כְּשֶׁ֣בֶתa ׀ הַמֶּ֣לֶךְ אֲחַשְׁוֵרֹ֗ושׁb עַ֚ל כִּסֵּ֣א מַלְכוּתֹ֔ו אֲשֶׁ֖ר בְּשׁוּשַׁ֥ןc הַבִּירָֽהd ׃

3 בִּשְׁנַ֤ת שָׁלֹושׁ֙ לְמָלְכֹ֔וa עָשָׂ֣הb מִשְׁתֶּ֔הc לְכָל־שָׂרָ֖יו וַעֲבָדָ֑יו חֵ֣יל׀ פָּרַ֣סd וּמָדַ֗יe הַֽפַּרְתְּמִ֛יםf וְשָׂרֵ֥י הַמְּדִינֹ֖ות לְפָנָֽיו׃

4 בְּהַרְאֹתֹ֗וa אֶת־עֹ֨שֶׁר֙b כְּבֹ֣וד מַלְכוּתֹ֔ו וְאֶ֨ת־יְקָ֔רc תִּפְאֶ֖רֶתd גְּדוּלָּתֹ֑וe יָמִ֣ים רַבִּ֔ים שְׁמֹונִ֥ים וּמְאַ֖ת יֹֽום׃

5 וּבִמְלֹ֣ואתa ׀ הַיָּמִ֣ים הָאֵ֗לֶּה עָשָׂ֣הb הַמֶּ֡לֶךְ לְכָל־הָעָ֣ם הַנִּמְצְאִים֩c בְּשׁוּשַׁ֨ןd הַבִּירָ֜הe לְמִגָּ֧דֹול וְעַד־קָטָ֛ןf מִשְׁתֶּ֖הg שִׁבְעַ֣ת יָמִ֑ים בַּחֲצַ֕ר גִּנַּ֥תh בִּיתַ֖ןi הַמֶּֽלֶךְ׃

6 ח֣וּרa ׀ כַּרְפַּ֣סb וּתְכֵ֗לֶתc אָחוּז֙d בְּחַבְלֵי־ב֣וּץe וְאַרְגָּמָ֔ןf עַל־גְּלִ֥ילֵיg כֶ֖סֶף וְעַמּ֣וּדֵי שֵׁ֑שׁh מִטֹּ֣ותi ׀ זָהָ֣ב וָכֶ֗סֶף עַ֛ל רִֽצְפַ֥תj בַּהַטk ־וָשֵׁ֖שׁl וְדַ֥רm וְסֹחָֽרֶתn ׃

7 וְהַשְׁקֹות֙a בִּכְלֵ֣י זָהָ֔ב וְכֵלִ֖ים מִכֵּלִ֣ים שֹׁונִ֑יםb וְיֵ֥ין מַלְכ֛וּת רָ֖ב כְּיַ֥ד הַמֶּֽלֶךְ׃

8 וְהַשְּׁתִיָּ֥הa כַדָּ֖תb אֵ֣ין אֹנֵ֑סc כִּי־כֵ֣ן׀ יִסַּ֣דd הַמֶּ֗לֶךְ עַ֚ל כָּל־רַ֣בe בֵּיתֹ֔ו לַעֲשֹׂ֖ותf כִּרְצֹ֥ון אִישׁ־וָאִֽישׁ׃

9 גַּ֚ם וַשְׁתִּ֣יa הַמַּלְכָּ֔הb עָשְׂתָ֖הc מִשְׁתֵּ֣הd נָשִׁ֑ים בֵּ֚ית הַמַּלְכ֔וּת אֲשֶׁ֖ר לַמֶּ֥לֶךְ אֲחַשְׁוֵרֹֽושׁe ׃ ס

10 בַּיֹּום֙ הַשְּׁבִיעִ֔י כְּטֹ֥ובa לֵב־הַמֶּ֖לֶךְ בַּיָּ֑יִן אָמַ֡רb לִ֠מְהוּמָןc בִּזְּתָ֨אd חַרְבֹונָ֜אe בִּגְתָ֤אf וַאֲבַגְתָא֙g זֵתַ֣רh וְכַרְכַּ֔סi שִׁבְעַת֙ הַסָּ֣רִיסִ֔יםj הַמְשָׁ֣רְתִ֔יםk אֶת־פְּנֵ֖י הַמֶּ֥לֶךְ אֲחַשְׁוֵרֹֽושׁl ׃

11 לְ֠הָבִיאa אֶת־וַשְׁתִּ֧יb הַמַּלְכָּ֛הc לִפְנֵ֥י הַמֶּ֖לֶךְ בְּכֶ֣תֶרd מַלְכ֑וּת לְהַרְאֹ֨ותe הָֽעַמִּ֤ים וְהַשָּׂרִים֙ אֶת־יָפְיָ֔הּf כִּֽי־טֹובַ֥ת מַרְאֶ֖ה הִֽיא׃

12 וַתְּמָאֵ֞ןa הַמַּלְכָּ֣הb וַשְׁתִּ֗יc לָבֹוא֙d בִּדְבַ֣ר הַמֶּ֔לֶךְ אֲשֶׁ֖ר בְּיַ֣ד הַסָּרִיסִ֑יםe וַיִּקְצֹ֤ףf הַמֶּ֨לֶךְ֙ מְאֹ֔ד וַחֲמָתֹ֖ו בָּעֲרָ֥הg בֹֽו׃

13 וַיֹּ֣אמֶרa הַמֶּ֔לֶךְ לַחֲכָמִ֖ים יֹדְעֵ֣י הָֽעִתִּ֑ים כִּי־כֵן֙ דְּבַ֣ר הַמֶּ֔לֶךְ לִפְנֵ֕י כָּל־יֹדְעֵ֖י דָּ֥תb וָדִֽיןc ׃

14 וְהַקָּרֹ֣ב אֵלָ֗יו כַּרְשְׁנָ֤אa שֵׁתָר֙b אַדְמָ֣תָאc תַרְשִׁ֔ישׁd מֶ֥רֶסe מַרְסְנָ֖אf מְמוּכָ֑ןg שִׁבְעַ֞ת שָׂרֵ֣י׀ פָּרַ֣סh וּמָדַ֗יi רֹאֵי֙ פְּנֵ֣י הַמֶּ֔לֶךְ הַיֹּשְׁבִ֥יםj רִאשֹׁנָ֖ה בַּמַּלְכֽוּת׃

15 כְּדָת֙a מַֽה־לַּעֲשֹׂ֔ותb בַּמַּלְכָּ֖הc וַשְׁתִּ֑יd עַ֣ל׀ אֲשֶׁ֣ר לֹֽא־עָשְׂתָ֗הe אֶֽת־מַאֲמַר֙f הַמֶּ֣לֶךְ אֲחַשְׁוֵרֹ֔ושׁg בְּיַ֖ד הַסָּרִיסִֽיםh ׃ ס

16 וַיֹּ֣אמֶרa מומכןb לִפְנֵ֤י הַמֶּ֨לֶךְ֙ וְהַשָּׂרִ֔ים לֹ֤א עַל־הַמֶּ֨לֶךְ֙ לְבַדֹּ֔ו עָוְתָ֖הc וַשְׁתִּ֣יd הַמַּלְכָּ֑הe כִּ֤י עַל־כָּל־הַשָּׂרִים֙ וְעַל־כָּל־הָ֣עַמִּ֔ים אֲשֶׁ֕ר בְּכָל־מְדִינֹ֖ות הַמֶּ֥לֶךְ אֲחַשְׁוֵרֹֽושׁf ׃

17 כִּֽי־יֵצֵ֤אa דְבַר־הַמַּלְכָּה֙b עַל־כָּל־הַנָּשִׁ֔ים לְהַבְזֹ֥ותc בַּעְלֵיהֶ֖ן בְּעֵינֵיהֶ֑ן בְּאָמְרָ֗םd הַמֶּ֣לֶךְ אֲחַשְׁוֵרֹ֡ושׁe אָמַ֞רf לְהָבִ֨יאg אֶת־וַשְׁתִּ֧יh הַמַּלְכָּ֛הi לְפָנָ֖יו וְלֹא־בָֽאָהj ׃

18 וְֽהַיֹּ֨ום הַזֶּ֜ה תֹּאמַ֣רְנָהa ׀ שָׂרֹ֣ותb פָּֽרַסc ־וּמָדַ֗יd אֲשֶׁ֤ר שָֽׁמְעוּ֙e אֶת־דְּבַ֣ר הַמַּלְכָּ֔הf לְכֹ֖ל שָׂרֵ֣י הַמֶּ֑לֶךְ וּכְדַ֖יg בִּזָּיֹ֥וןh וָקָֽצֶףi ׃

19 אִם־עַל־הַמֶּ֣לֶךְ טֹ֗וב יֵצֵ֤אa דְבַר־מַלְכוּת֙ מִלְּפָנָ֔יו וְיִכָּתֵ֛בb בְּדָתֵ֥יc פָֽרַסd ־וּמָדַ֖יe וְלֹ֣א יַעֲבֹ֑ורf אֲשֶׁ֨ר לֹֽא־תָבֹ֜ואg וַשְׁתִּ֗יh לִפְנֵי֙ הַמֶּ֣לֶךְ אֲחַשְׁוֵרֹ֔ושׁi וּמַלְכוּתָהּ֙ יִתֵּ֣ןj הַמֶּ֔לֶךְ לִרְעוּתָ֖הּk הַטֹּובָ֥ה מִמֶּֽנָּה׃

20 וְנִשְׁמַע֩a פִּתְגָ֨םb הַמֶּ֤לֶךְ אֲשֶֽׁר־יַעֲשֶׂה֙c בְּכָל־מַלְכוּתֹ֔ו כִּ֥י רַבָּ֖ה הִ֑יא וְכָל־הַנָּשִׁ֗ים יִתְּנ֤וּd יְקָר֙e לְבַעְלֵיהֶ֔ן לְמִגָּדֹ֖ול וְעַד־קָטָֽןf ׃

21 וַיִּיטַב֙a הַדָּבָ֔ר בְּעֵינֵ֥י הַמֶּ֖לֶךְ וְהַשָּׂרִ֑ים וַיַּ֥עַשׂb הַמֶּ֖לֶךְ כִּדְבַ֥ר מְמוּכָֽןc ׃

22 וַיִּשְׁלַ֤חa סְפָרִים֙ אֶל־כָּל־מְדִינֹ֣ות הַמֶּ֔לֶךְ אֶל־מְדִינָ֤ה וּמְדִינָה֙ כִּכְתָבָ֔הּb וְאֶל־עַ֥ם וָעָ֖ם כִּלְשֹׁונֹ֑ו לִהְיֹ֤ותc כָּל־אִישׁ֙ שֹׂרֵ֣רd בְּבֵיתֹ֔ו וּמְדַבֵּ֖רe כִּלְשֹׁ֥ון עַמֹּֽו׃ פ