קהלת

טֹ֥וב שֵׁ֖ם מִשֶּׁ֣מֶן טֹ֑וב וְיֹ֣ום הַמָּ֔וֶת מִיֹּ֖ום הִוָּלְדֹֽוa ׃

2 טֹ֞וב לָלֶ֣כֶתa אֶל־בֵּֽית־אֵ֗בֶלb מִלֶּ֨כֶת֙c אֶל־בֵּ֣ית מִשְׁתֶּ֔הd בַּאֲשֶׁ֕ר ה֖וּא סֹ֣וףe כָּל־הָאָדָ֑ם וְהַחַ֖י יִתֵּ֥ןf אֶל־לִבֹּֽו׃

3 טֹ֥וב כַּ֖עַסa מִשְּׂחֹ֑קb כִּֽי־בְרֹ֥עַc פָּנִ֖ים יִ֥יטַבd לֵֽב׃

4 לֵ֤ב חֲכָמִים֙ בְּבֵ֣ית אֵ֔בֶלa וְלֵ֥ב כְּסִילִ֖ים בְּבֵ֥ית שִׂמְחָֽה׃

5 טֹ֕וב לִשְׁמֹ֖עַa גַּעֲרַ֣תb חָכָ֑ם מֵאִ֕ישׁ שֹׁמֵ֖עַc שִׁ֥יר כְּסִילִֽים׃

6 כִּ֣י כְקֹ֤ול הַסִּירִים֙a תַּ֣חַת הַסִּ֔ירb כֵּ֖ן שְׂחֹ֣קc הַכְּסִ֑יל וְגַם־זֶ֖ה הָֽבֶל׃

7 כִּ֥י הָעֹ֖שֶׁקa יְהֹולֵ֣לb חָכָ֑ם וִֽיאַבֵּ֥דc אֶת־לֵ֖ב מַתָּנָֽהd ׃

8 טֹ֛וב אַחֲרִ֥ית דָּבָ֖ר מֵֽרֵאשִׁיתֹ֑ו טֹ֥וב אֶֽרֶךְa ־ר֖וּחַ מִגְּבַהּb ־רֽוּחַ׃

9 אַל־תְּבַהֵ֥לa בְּרֽוּחֲךָ֖ לִכְעֹ֑וסb כִּ֣י כַ֔עַסc בְּחֵ֥יקd כְּסִילִ֖ים יָנֽוּחַe ׃

10 אַל־תֹּאמַר֙a מֶ֣ה הָיָ֔הb שֶׁ֤הַיָּמִים֙ הָרִ֣אשֹׁנִ֔ים הָי֥וּc טֹובִ֖ים מֵאֵ֑לֶּה כִּ֛י לֹ֥א מֵחָכְמָ֖ה שָׁאַ֥לְתָּd עַל־זֶֽה׃

11 טֹובָ֥ה חָכְמָ֖ה עִֽם־נַחֲלָ֑ה וְיֹתֵ֖רa לְרֹאֵ֥י הַשָּֽׁמֶשׁ׃

12 כִּ֛י בְּצֵ֥ל הַֽחָכְמָ֖ה בְּצֵ֣ל הַכָּ֑סֶף וְיִתְרֹ֣וןa דַּ֔עַת הַֽחָכְמָ֖ה תְּחַיֶּ֥הb בְעָלֶֽיהָ׃

13 רְאֵ֖הa אֶת־מַעֲשֵׂ֣ה הָאֱלֹהִ֑ים כִּ֣י מִ֤י יוּכַל֙b לְתַקֵּ֔ןc אֵ֖ת אֲשֶׁ֥ר עִוְּתֹֽוd ׃

14 בְּיֹ֤ום טֹובָה֙ הֱיֵ֣הa בְטֹ֔וב וּבְיֹ֥ום רָעָ֖ה רְאֵ֑הb גַּ֣ם אֶת־זֶ֤ה לְעֻמַּתc ־זֶה֙ עָשָׂ֣הd הָֽאֱלֹהִ֔ים עַל־דִּבְרַ֗תe שֶׁלֹּ֨א יִמְצָ֧אf הָֽאָדָ֛ם אַחֲרָ֖יו מְאֽוּמָהg ׃

15 אֶת־הַכֹּ֥ל רָאִ֖יתִיa בִּימֵ֣י הֶבְלִ֑י יֵ֤שׁ צַדִּיק֙ אֹבֵ֣דb בְּצִדְקֹ֔ו וְיֵ֣שׁ רָשָׁ֔ע מַאֲרִ֖יךְc בְּרָעָתֹֽו׃

16 אַל־תְּהִ֤יa צַדִּיק֙ הַרְבֵּ֔ה וְאַל־תִּתְחַכַּ֖םb יֹותֵ֑רc לָ֖מָּה תִּשֹּׁומֵֽםd ׃

17 אַל־תִּרְשַׁ֥עa הַרְבֵּ֖ה וְאַל־תְּהִ֣יb סָכָ֑לc לָ֥מָּה תָמ֖וּתd בְּלֹ֥א עִתֶּֽךָ׃

18 טֹ֚וב אֲשֶׁ֣ר תֶּאֱחֹ֣זa בָּזֶ֔ה וְגַם־מִזֶּ֖ה אַל־תַּנַּ֣חb אֶת־יָדֶ֑ךָ כִּֽי־יְרֵ֥אc אֱלֹהִ֖ים יֵצֵ֥אd אֶת־כֻּלָּֽם׃

19 הַֽחָכְמָ֖ה תָּעֹ֣זa לֶחָכָ֑ם מֵֽעֲשָׂרָה֙ שַׁלִּיטִ֔יםb אֲשֶׁ֥ר הָי֖וּc בָּעִֽיר׃

20 כִּ֣י אָדָ֔ם אֵ֥ין צַדִּ֖יק בָּאָ֑רֶץ אֲשֶׁ֥ר יַעֲשֶׂהa ־טֹּ֖וב וְלֹ֥א יֶחֱטָֽאb ׃

21 גַּ֤ם לְכָל־הַדְּבָרִים֙ אֲשֶׁ֣ר יְדַבֵּ֔רוּa אַל־תִּתֵּ֖ןb לִבֶּ֑ךָ אֲשֶׁ֥ר לֹֽא־תִשְׁמַ֥עc אֶֽת־עַבְדְּךָ֖ מְקַלְלֶֽךָd ׃

22 כִּ֛י גַּם־פְּעָמִ֥ים רַבֹּ֖ות יָדַ֣עa לִבֶּ֑ךָ אֲשֶׁ֥ר גַּם־אתb קִלַּ֥לְתָּc אֲחֵרִֽים׃

23 כָּל־זֹ֖הa נִסִּ֣יתִיb בַֽחָכְמָ֑ה אָמַ֣רְתִּיc אֶחְכָּ֔מָהd וְהִ֖יא רְחֹוקָ֥ה מִמֶּֽנִּי׃

24 רָחֹ֖וק מַה־שֶּׁהָיָ֑הa וְעָמֹ֥קb ׀ עָמֹ֖קc מִ֥י יִמְצָאֶֽנּוּd ׃

25 סַבֹּ֨ותִֽיa אֲנִ֤י וְלִבִּי֙ לָדַ֣עַתb וְלָת֔וּרc וּבַקֵּ֥שׁd חָכְמָ֖ה וְחֶשְׁבֹּ֑וןe וְלָדַ֨עַת֙f רֶ֣שַׁעg כֶּ֔סֶלh וְהַסִּכְל֖וּתi הֹולֵלֹֽותj ׃

26 וּמֹוצֶ֨אa אֲנִ֜י מַ֣רb מִמָּ֗וֶת אֶת־הָֽאִשָּׁה֙ אֲשֶׁר־הִ֨יא מְצֹודִ֧יםc וַחֲרָמִ֛יםd לִבָּ֖הּ אֲסוּרִ֣יםe יָדֶ֑יהָ טֹ֞וב לִפְנֵ֤י הָאֱלֹהִים֙ יִמָּלֵ֣טf מִמֶּ֔נָּה וְחֹוטֵ֖א יִלָּ֥כֶדg בָּֽהּ׃

27 רְאֵה֙a זֶ֣ה מָצָ֔אתִיb אָמְרָ֖הc קֹהֶ֑לֶתd אַחַ֥ת לְאַחַ֖ת לִמְצֹ֥אe חֶשְׁבֹּֽוןf ׃

28 אֲשֶׁ֛ר עֹוד־בִּקְשָׁ֥הa נַפְשִׁ֖י וְלֹ֣א מָצָ֑אתִיb אָדָ֞ם אֶחָ֤ד מֵאֶ֨לֶף֙ מָצָ֔אתִיc וְאִשָּׁ֥ה בְכָל־אֵ֖לֶּה לֹ֥א מָצָֽאתִיd ׃

29 לְבַד֙ רְאֵהa ־זֶ֣ה מָצָ֔אתִיb אֲשֶׁ֨ר עָשָׂ֧הc הָאֱלֹהִ֛ים אֶת־הָאָדָ֖ם יָשָׁ֑ר וְהֵ֥מָּה בִקְשׁ֖וּd חִשְּׁבֹנֹ֥ותe רַבִּֽים׃