קהלת

יֵ֣שׁ רָעָ֔ה אֲשֶׁ֥ר רָאִ֖יתִיa תַּ֣חַת הַשָּׁ֑מֶשׁ וְרַבָּ֥ה הִ֖יא עַל־הָאָדָֽם׃

2 אִ֣ישׁ אֲשֶׁ֣ר יִתֶּןa ־לֹ֣ו הָאֱלֹהִ֡ים עֹשֶׁר֩b וּנְכָסִ֨יםc וְכָבֹ֜וד וְֽאֵינֶ֨נּוּ חָסֵ֥רd לְנַפְשֹׁ֣ו׀ מִכֹּ֣ל אֲשֶׁר־יִתְאַוֶּ֗הe וְלֹֽא־יַשְׁלִיטֶ֤נּוּf הָֽאֱלֹהִים֙ לֶאֱכֹ֣לg מִמֶּ֔נּוּ כִּ֛י אִ֥ישׁ נָכְרִ֖יh יֹֽאכֲלֶ֑נּוּi זֶ֥ה הֶ֛בֶל וָחֳלִ֥יj רָ֖ע הֽוּא׃

3 אִם־יֹולִ֣ידa אִ֣ישׁ מֵאָ֡ה וְשָׁנִים֩ רַבֹּ֨ות יִֽחְיֶ֜הb וְרַ֣ב׀ שֶׁיִּהְי֣וּc יְמֵֽי־שָׁנָ֗יו וְנַפְשֹׁו֙ לֹא־תִשְׂבַּ֣עd מִן־הַטֹּובָ֔ה וְגַם־קְבוּרָ֖הe לֹא־הָ֣יְתָהf לֹּ֑ו אָמַ֕רְתִּיg טֹ֥וב מִמֶּ֖נּוּ הַנָּֽפֶלh ׃

4 כִּֽי־בַהֶ֥בֶל בָּ֖אa וּבַחֹ֣שֶׁךְ יֵלֵ֑ךְb וּבַחֹ֖שֶׁךְ שְׁמֹ֥ו יְכֻסֶּֽהc ׃

5 גַּם־שֶׁ֥מֶשׁ לֹא־רָאָ֖הa וְלֹ֣א יָדָ֑עb נַ֥חַתc לָזֶ֖ה מִזֶּֽה׃

6 וְאִלּ֣וּa חָיָ֗הb אֶ֤לֶף שָׁנִים֙ פַּעֲמַ֔יִם וְטֹובָ֖ה לֹ֣א רָאָ֑הc הֲלֹ֛א אֶל־מָקֹ֥ום אֶחָ֖ד הַכֹּ֥ל הֹולֵֽךְd ׃

7 כָּל־עֲמַ֥ל הָאָדָ֖ם לְפִ֑יהוּ וְגַם־הַנֶּ֖פֶשׁ לֹ֥א תִמָּלֵֽאa ׃

8 כִּ֛י מַה־יֹּותֵ֥רa לֶחָכָ֖ם מִֽן־הַכְּסִ֑יל מַה־לֶּעָנִ֣י יֹודֵ֔עַb לַהֲלֹ֖ךְc נֶ֥גֶד הַחַיִּֽים׃

9 טֹ֛וב מַרְאֵ֥ה עֵינַ֖יִם מֵֽהֲלָךְa ־נָ֑פֶשׁ גַּם־זֶ֥ה הֶ֖בֶל וּרְע֥וּתb רֽוּחַ׃

10 מַה־שֶּֽׁהָיָ֗הa כְּבָר֙b נִקְרָ֣אc שְׁמֹ֔ו וְנֹודָ֖עd אֲשֶׁר־ה֣וּא אָדָ֑ם וְלֹא־יוּכַ֣לe לָדִ֔יןf עִ֥ם שׁהתקיףg מִמֶּֽנּוּ׃

11 כִּ֛י יֵשׁ־דְּבָרִ֥ים הַרְבֵּ֖ה מַרְבִּ֣יםa הָ֑בֶל מַה־יֹּתֵ֖רb לָאָדָֽם׃

12 כִּ֣י מִֽי־יֹודֵעַ֩a מַה־טֹּ֨וב לָֽאָדָ֜ם בַּֽחַיִּ֗ים מִסְפַּ֛ר יְמֵי־חַיֵּ֥י הֶבְלֹ֖ו וְיַעֲשֵׂ֣םb כַּצֵּ֑ל אֲשֶׁר֙ מִֽי־יַגִּ֣ידc לָֽאָדָ֔ם מַה־יִּהְיֶ֥הd אַחֲרָ֖יו תַּ֥חַת הַשָּֽׁמֶשׁ׃