קהלת

אַל־תְּבַהֵ֨לa עַל־פִּ֜יךָ וְלִבְּךָ֧ אַל־יְמַהֵ֛רb לְהֹוצִ֥יאc דָבָ֖ר לִפְנֵ֣י הָאֱלֹהִ֑ים כִּ֣י הָאֱלֹהִ֤ים בַּשָּׁמַ֨יִם֙ וְאַתָּ֣ה עַל־הָאָ֔רֶץ עַֽל־כֵּ֛ן יִהְי֥וּd דְבָרֶ֖יךָ מְעַטִּֽים׃

2 כִּ֛י בָּ֥אa הַחֲלֹ֖ום בְּרֹ֣ב עִנְיָ֑ןb וְקֹ֥ול כְּסִ֖יל בְּרֹ֥ב דְּבָרִֽים׃

3 כַּאֲשֶׁר֩ תִּדֹּ֨רa נֶ֜דֶר לֵֽאלֹהִ֗ים אַל־תְּאַחֵר֙b לְשַׁלְּמֹ֔וc כִּ֛י אֵ֥ין חֵ֖פֶץd בַּכְּסִילִ֑ים אֵ֥ת אֲשֶׁר־תִּדֹּ֖רe שַׁלֵּֽםf ׃

4 טֹ֖וב אֲשֶׁ֣ר לֹֽא־תִדֹּ֑רa מִשֶּׁתִּדֹּ֖ורb וְלֹ֥א תְשַׁלֵּֽםc ׃

5 אַל־תִּתֵּ֤ןa אֶת־פִּ֨יךָ֙ לַחֲטִ֣יאb אֶת־בְּשָׂרֶ֔ךָ וְאַל־תֹּאמַר֙c לִפְנֵ֣י הַמַּלְאָ֔ךְ כִּ֥י שְׁגָגָ֖הd הִ֑יא לָ֣מָּה יִקְצֹ֤ףe הָֽאֱלֹהִים֙ עַל־קֹולֶ֔ךָ וְחִבֵּ֖לf אֶת־מַעֲשֵׂ֥ה יָדֶֽיךָ׃

6 כִּ֣י בְרֹ֤ב חֲלֹמֹות֙ וַהֲבָלִ֔ים וּדְבָרִ֖ים הַרְבֵּ֑הa כִּ֥י אֶת־הָאֱלֹהִ֖ים יְרָֽאb ׃

7 אִם־עֹ֣שֶׁקa רָ֠שׁb וְגֵ֨זֶלc מִשְׁפָּ֤ט וָצֶ֨דֶק֙ תִּרְאֶ֣הd בַמְּדִינָ֔ה אַל־תִּתְמַ֖הּe עַל־הַחֵ֑פֶץf כִּ֣י גָבֹ֜הַּg מֵעַ֤ל גָּבֹ֨הַּ֙h שֹׁמֵ֔רi וּגְבֹהִ֖יםj עֲלֵיהֶֽם׃

8 וְיִתְרֹ֥וןa אֶ֖רֶץ בַּכֹּ֣ל היאb מֶ֥לֶךְ לְשָׂדֶ֖ה נֶעֱבָֽדc ׃

9 אֹהֵ֥בa כֶּ֨סֶף֙ לֹא־יִשְׂבַּ֣עb כֶּ֔סֶף וּמִֽי־אֹהֵ֥בc בֶּהָמֹ֖ון לֹ֣א תְבוּאָ֑הd גַּם־זֶ֖ה הָֽבֶל׃

10 בִּרְבֹות֙a הַטֹּובָ֔ה רַבּ֖וּb אֹוכְלֶ֑יהָ וּמַה־כִּשְׁרֹון֙c לִבְעָלֶ֔יהָ כִּ֖י אִם־ראיתd עֵינָֽיו׃

11 מְתוּקָה֙a שְׁנַ֣תb הָעֹבֵ֔ד אִם־מְעַ֥ט וְאִם־הַרְבֵּ֖ה יֹאכֵ֑לc וְהַשָּׂבָע֙d לֶֽעָשִׁ֔ירe אֵינֶ֛נּוּ מַנִּ֥יחַֽf לֹ֖ו לִישֹֽׁוןg ׃

12 יֵ֚שׁ רָעָ֣ה חֹולָ֔ה רָאִ֖יתִיa תַּ֣חַת הַשָּׁ֑מֶשׁ עֹ֛שֶׁרb שָׁמ֥וּרc לִבְעָלָ֖יו לְרָעָתֹֽו׃

13 וְאָבַ֛דa הָעֹ֥שֶׁרb הַה֖וּא בְּעִנְיַ֣ןc רָ֑ע וְהֹולִ֣ידd בֵּ֔ן וְאֵ֥ין בְּיָדֹ֖ו מְאֽוּמָהe ׃

14 כַּאֲשֶׁ֤ר יָצָא֙a מִבֶּ֣טֶן אִמֹּ֔ו עָרֹ֛וםb יָשׁ֥וּבc לָלֶ֖כֶתd כְּשֶׁבָּ֑אe וּמְא֨וּמָה֙f לֹא־יִשָּׂ֣אg בַעֲמָלֹ֔ו שֶׁיֹּלֵ֖ךְh בְּיָדֹֽו׃

15 וְגַם־זֹה֙a רָעָ֣ה חֹולָ֔ה כָּל־עֻמַּ֥תb שֶׁבָּ֖אc כֵּ֣ן יֵלֵ֑ךְd וּמַה־יִּתְרֹ֣וןe לֹ֔ו שֶֽׁיַּעֲמֹ֖לf לָרֽוּחַ׃

16 גַּ֥ם כָּל־יָמָ֖יו בַּחֹ֣שֶׁךְ יֹאכֵ֑לa וְכָעַ֥סb הַרְבֵּ֖ה וְחָלְיֹ֥וc וָקָֽצֶףd ׃

17 הִנֵּ֞ה אֲשֶׁר־רָאִ֣יתִיa אָ֗נִי טֹ֣וב אֲשֶׁר־יָפֶ֣הb לֶֽאֶכֹולc ־וְ֠לִשְׁתֹּותd וְלִרְאֹ֨ותe טֹובָ֜ה בְּכָל־עֲמָלֹ֣ו׀ שֶׁיַּעֲמֹ֣לf תַּֽחַת־הַשֶּׁ֗מֶשׁ מִסְפַּ֧ר יְמֵי־חַיָּ֛ו אֲשֶׁר־נָֽתַןg ־לֹ֥ו הָאֱלֹהִ֖ים כִּי־ה֥וּא חֶלְקֹֽו׃

18 גַּ֣ם כָּֽל־הָאָדָ֡ם אֲשֶׁ֣ר נָֽתַןa ־לֹ֣ו הָאֱלֹהִים֩ עֹ֨שֶׁרb וּנְכָסִ֜יםc וְהִשְׁלִיטֹ֨וd לֶאֱכֹ֤לe מִמֶּ֨נּוּ֙ וְלָשֵׂ֣אתf אֶת־חֶלְקֹ֔ו וְלִשְׂמֹ֖חַg בַּעֲמָלֹ֑ו זֹ֕הh מַתַּ֥תi אֱלֹהִ֖ים הִֽיא׃

19 כִּ֚י לֹ֣א הַרְבֵּ֔ה יִזְכֹּ֖רa אֶת־יְמֵ֣י חַיָּ֑יו כִּ֧י הָאֱלֹהִ֛ים מַעֲנֶ֖הb בְּשִׂמְחַ֥ת לִבֹּֽו׃