קהלת

לַכֹּ֖ל זְמָ֑ןa וְעֵ֥ת לְכָל־חֵ֖פֶץb תַּ֥חַת הַשָּׁמָֽיִם׃ ס

2 עֵ֥ת לָלֶ֖דֶתa וְעֵ֣ת לָמ֑וּתb עֵ֣ת לָטַ֔עַתc וְעֵ֖ת לַעֲקֹ֥ורd נָטֽוּעַ׃

3 עֵ֤ת לַהֲרֹוג֙a וְעֵ֣ת לִרְפֹּ֔ואb עֵ֥ת לִפְרֹ֖וץc וְעֵ֥ת לִבְנֹֽותd ׃

4 עֵ֤ת לִבְכֹּות֙a וְעֵ֣ת לִשְׂחֹ֔וקb עֵ֥ת סְפֹ֖ודc וְעֵ֥ת רְקֹֽודd ׃

5 עֵ֚ת לְהַשְׁלִ֣יךְa אֲבָנִ֔ים וְעֵ֖ת כְּנֹ֣וסb אֲבָנִ֑ים עֵ֣ת לַחֲבֹ֔וקc וְעֵ֖ת לִרְחֹ֥קd מֵחַבֵּֽקe ׃

6 עֵ֤ת לְבַקֵּשׁ֙a וְעֵ֣ת לְאַבֵּ֔דb עֵ֥ת לִשְׁמֹ֖ורc וְעֵ֥ת לְהַשְׁלִֽיךְd ׃

7 עֵ֤ת לִקְרֹ֨ועַ֙a וְעֵ֣ת לִתְפֹּ֔ורb עֵ֥ת לַחֲשֹׁ֖ותc וְעֵ֥ת לְדַבֵּֽרd ׃

8 עֵ֤ת לֶֽאֱהֹב֙a וְעֵ֣ת לִשְׂנֹ֔אb עֵ֥ת מִלְחָמָ֖ה וְעֵ֥ת שָׁלֹֽום׃ ס

9 מַה־יִּתְרֹון֙a הָֽעֹושֶׂ֔ה בַּאֲשֶׁ֖ר ה֥וּא עָמֵֽלb ׃

10 רָאִ֣יתִיa אֶת־הָֽעִנְיָ֗ןb אֲשֶׁ֨ר נָתַ֧ןc אֱלֹהִ֛ים לִבְנֵ֥י הָאָדָ֖ם לַעֲנֹ֥ותd בֹּֽו׃

11 אֶת־הַכֹּ֥ל עָשָׂ֖הa יָפֶ֣הb בְעִתֹּ֑ו גַּ֤ם אֶת־הָעֹלָם֙ נָתַ֣ןc בְּלִבָּ֔ם מִבְּלִ֞י אֲשֶׁ֧ר לֹא־יִמְצָ֣אd הָאָדָ֗ם אֶת־הַֽמַּעֲשֶׂ֛ה אֲשֶׁר־עָשָׂ֥הe הָאֱלֹהִ֖ים מֵרֹ֥אשׁ וְעַד־סֹֽוףf ׃

12 יָדַ֕עְתִּיa כִּ֛י אֵ֥ין טֹ֖וב בָּ֑ם כִּ֣י אִם־לִשְׂמֹ֔וחַb וְלַעֲשֹׂ֥ותc טֹ֖וב בְּחַיָּֽיו׃

13 וְגַ֤ם כָּל־הָאָדָם֙ שֶׁיֹּאכַ֣לa וְשָׁתָ֔הb וְרָאָ֥הc טֹ֖וב בְּכָל־עֲמָלֹ֑ו מַתַּ֥תd אֱלֹהִ֖ים הִֽיא׃

14 יָדַ֗עְתִּיa כִּ֠י כָּל־אֲשֶׁ֨ר יַעֲשֶׂ֤הb הָאֱלֹהִים֙ ה֚וּא יִהְיֶ֣הc לְעֹולָ֔ם עָלָיו֙ אֵ֣ין לְהֹוסִ֔יףd וּמִמֶּ֖נּוּ אֵ֣ין לִגְרֹ֑עַe וְהָאֱלֹהִ֣ים עָשָׂ֔הf שֶׁיִּֽרְא֖וּg מִלְּפָנָֽיו׃

15 מַה־שֶּֽׁהָיָה֙a כְּבָ֣רb ה֔וּא וַאֲשֶׁ֥ר לִהְיֹ֖ותc כְּבָ֣רd הָיָ֑הe וְהָאֱלֹהִ֖ים יְבַקֵּ֥שׁf אֶת־נִרְדָּֽף׃

16 וְעֹ֥וד רָאִ֖יתִיa תַּ֣חַת הַשָּׁ֑מֶשׁ מְקֹ֤ום הַמִּשְׁפָּט֙ שָׁ֣מָּה הָרֶ֔שַׁעb וּמְקֹ֥ום הַצֶּ֖דֶק שָׁ֥מָּה הָרָֽשַׁעc ׃

17 אָמַ֤רְתִּֽיa אֲנִי֙ בְּלִבִּ֔י אֶת־הַצַּדִּיק֙ וְאֶת־הָ֣רָשָׁ֔ע יִשְׁפֹּ֖טb הָאֱלֹהִ֑ים כִּי־עֵ֣ת לְכָל־חֵ֔פֶץc וְעַ֥ל כָּל־הַֽמַּעֲשֶׂ֖ה שָֽׁם׃

18 אָמַ֤רְתִּֽיa אֲנִי֙ בְּלִבִּ֔י עַל־דִּבְרַת֙b בְּנֵ֣י הָאָדָ֔ם לְבָרָ֖םc הָאֱלֹהִ֑ים וְלִרְאֹ֕ותd שְׁהֶם־בְּהֵמָ֥ה הֵ֖מָּה לָהֶֽם׃

19 כִּי֩ מִקְרֶ֨הa בְֽנֵי־הָאָדָ֜ם וּמִקְרֶ֣הb הַבְּהֵמָ֗ה וּמִקְרֶ֤הc אֶחָד֙ לָהֶ֔ם כְּמֹ֥ות זֶה֙ כֵּ֣ן מֹ֣ות זֶ֔ה וְר֥וּחַ אֶחָ֖ד לַכֹּ֑ל וּמֹותַ֨רd הָאָדָ֤ם מִן־הַבְּהֵמָה֙ אָ֔יִן כִּ֥י הַכֹּ֖ל הָֽבֶל׃

20 הַכֹּ֥ל הֹולֵ֖ךְa אֶל־מָקֹ֣ום אֶחָ֑ד הַכֹּל֙ הָיָ֣הb מִן־הֶֽעָפָ֔ר וְהַכֹּ֖ל שָׁ֥בc אֶל־הֶעָפָֽר׃

21 מִ֣י יֹודֵ֗עַa ר֚וּחַ בְּנֵ֣י הָאָדָ֔ם הָעֹלָ֥הb הִ֖יא לְמָ֑עְלָה וְר֨וּחַ֙ הַבְּהֵמָ֔ה הַיֹּרֶ֥דֶתc הִ֖יא לְמַ֥טָּהd לָאָֽרֶץ׃

22 וְרָאִ֗יתִיa כִּ֣י אֵ֥ין טֹוב֙ מֵאֲשֶׁ֨ר יִשְׂמַ֤חb הָאָדָם֙ בְּֽמַעֲשָׂ֔יו כִּי־ה֖וּא חֶלְקֹ֑ו כִּ֣י מִ֤י יְבִיאֶ֨נּוּ֙c לִרְאֹ֔ותd בְּמֶ֖ה שֶׁיִּהְיֶ֥הe אַחֲרָֽיו׃