קהלת

אָמַ֤רְתִּֽיa אֲנִי֙ בְּלִבִּ֔י לְכָהb ־נָּ֛א אֲנַסְּכָ֛הc בְשִׂמְחָ֖ה וּרְאֵ֣הd בְטֹ֑וב וְהִנֵּ֥ה גַם־ה֖וּא הָֽבֶל׃

2 לִשְׂחֹ֖וקa אָמַ֣רְתִּיb מְהֹולָ֑לc וּלְשִׂמְחָ֖ה מַה־זֹּ֥הd עֹשָֽׂהe ׃

3 תַּ֣רְתִּיa בְלִבִּ֔י לִמְשֹׁ֥וךְb בַּיַּ֖יִן אֶת־בְּשָׂרִ֑י וְלִבִּ֞י נֹהֵ֤גc בַּֽחָכְמָה֙ וְלֶאֱחֹ֣זd בְּסִכְל֔וּתe עַ֣ד אֲשֶׁר־אֶרְאֶ֗הf אֵיg ־זֶ֨ה טֹ֜וב לִבְנֵ֤י הָאָדָם֙ אֲשֶׁ֤ר יַעֲשׂוּ֙h תַּ֣חַת הַשָּׁמַ֔יִם מִסְפַּ֖ר יְמֵ֥י חַיֵּיהֶֽם׃

4 הִגְדַּ֖לְתִּיa מַעֲשָׂ֑י בָּנִ֤יתִיb לִי֙ בָּתִּ֔ים נָטַ֥עְתִּיc לִ֖י כְּרָמִֽים׃

5 עָשִׂ֣יתִיa לִ֔י גַּנֹּ֖ותb וּפַרְדֵּסִ֑יםc וְנָטַ֥עְתִּיd בָהֶ֖ם עֵ֥ץ כָּל־פֶּֽרִי׃

6 עָשִׂ֥יתִיa לִ֖י בְּרֵכֹ֣ותb מָ֑יִם לְהַשְׁקֹ֣ותc מֵהֶ֔ם יַ֖עַר צֹומֵ֥חַd עֵצִֽים׃

7 קָנִ֨יתִי֙a עֲבָדִ֣ים וּשְׁפָחֹ֔ות וּבְנֵי־בַ֖יִת הָ֣יָהb לִ֑י גַּ֣ם מִקְנֶה֩ בָקָ֨ר וָצֹ֤אן הַרְבֵּה֙ הָ֣יָהc לִ֔י מִכֹּ֛ל שֶֽׁהָי֥וּd לְפָנַ֖י בִּירוּשָׁלִָֽם׃

8 כָּנַ֤סְתִּיa לִי֙ גַּם־כֶּ֣סֶף וְזָהָ֔ב וּסְגֻלַּ֥תb מְלָכִ֖ים וְהַמְּדִינֹ֑ות עָשִׂ֨יתִיc לִ֜י שָׁרִ֣ים וְשָׁרֹ֗ות וְתַעֲנוּגֹ֛תd בְּנֵ֥י הָאָדָ֖ם שִׁדָּ֥הe וְשִׁדֹּֽותf ׃

9 וְגָדַ֣לְתִּיa וְהֹוסַ֔פְתִּיb מִכֹּ֛ל שֶׁהָיָ֥הc לְפָנַ֖י בִּירוּשָׁלִָ֑ם אַ֥ף חָכְמָתִ֖י עָ֥מְדָהd לִּֽי׃

10 וְכֹל֙ אֲשֶׁ֣ר שָֽׁאֲל֣וּa עֵינַ֔י לֹ֥א אָצַ֖לְתִּיb מֵהֶ֑ם לֹֽא־מָנַ֨עְתִּיc אֶת־לִבִּ֜י מִכָּל־שִׂמְחָ֗ה כִּֽי־לִבִּ֤י שָׂמֵ֨חַ֙d מִכָּל־עֲמָלִ֔י וְזֶֽה־הָיָ֥הe חֶלְקִ֖י מִכָּל־עֲמָלִֽי׃

11 וּפָנִ֣יתִֽיa אֲנִ֗י בְּכָל־מַעֲשַׂי֙ שֶֽׁעָשׂ֣וּb יָדַ֔י וּבֶֽעָמָ֖ל שֶׁעָמַ֣לְתִּיc לַעֲשֹׂ֑ותd וְהִנֵּ֨ה הַכֹּ֥ל הֶ֨בֶל֙ וּרְע֣וּתe ר֔וּחַ וְאֵ֥ין יִתְרֹ֖וןf תַּ֥חַת הַשָּֽׁמֶשׁ׃

12 וּפָנִ֤יתִֽיa אֲנִי֙ לִרְאֹ֣ותb חָכְמָ֔ה וְהֹולֵלֹ֖ותc וְסִכְל֑וּתd כִּ֣י׀ מֶ֣ה הָאָדָ֗ם שֶׁיָּבֹוא֙e אַחֲרֵ֣י הַמֶּ֔לֶךְ אֵ֥ת אֲשֶׁר־כְּבָ֖רf עָשֽׂוּהוּg ׃

13 וְרָאִ֣יתִיa אָ֔נִי שֶׁיֵּ֥שׁ יִתְרֹ֛וןb לַֽחָכְמָ֖ה מִן־הַסִּכְל֑וּתc כִּֽיתְרֹ֥וןd הָאֹ֖ור מִן־הַחֹֽשֶׁךְ׃

14 הֶֽחָכָם֙ עֵינָ֣יו בְּרֹאשֹׁ֔ו וְהַכְּסִ֖יל בַּחֹ֣שֶׁךְ הֹולֵ֑ךְa וְיָדַ֣עְתִּיb גַם־אָ֔נִי שֶׁמִּקְרֶ֥הc אֶחָ֖ד יִקְרֶ֥הd אֶת־כֻּלָּֽם׃

15 וְאָמַ֨רְתִּֽיa אֲנִ֜י בְּלִבִּ֗י כְּמִקְרֵ֤הb הַכְּסִיל֙ גַּם־אֲנִ֣י יִקְרֵ֔נִיc וְלָ֧מָּה חָכַ֛מְתִּיd אֲנִ֖י אָ֣ז יֹותֵ֑רe וְדִבַּ֣רְתִּיf בְלִבִּ֔י שֶׁגַּם־זֶ֖ה הָֽבֶל׃

16 כִּי֩ אֵ֨ין זִכְרֹ֧וןa לֶחָכָ֛ם עִֽם־הַכְּסִ֖יל לְעֹולָ֑ם בְּשֶׁכְּבָ֞רb הַיָּמִ֤ים הַבָּאִים֙ הַכֹּ֣ל נִשְׁכָּ֔חc וְאֵ֛יךְ יָמ֥וּתd הֶחָכָ֖ם עִֽם־הַכְּסִֽיל׃

17 וְשָׂנֵ֨אתִי֙a אֶת־הַ֣חַיִּ֔ים כִּ֣י רַ֤ע עָלַי֙ הַֽמַּעֲשֶׂ֔ה שֶׁנַּעֲשָׂ֖הb תַּ֣חַת הַשָּׁ֑מֶשׁ כִּֽי־הַכֹּ֥ל הֶ֖בֶל וּרְע֥וּתc רֽוּחַ׃

18 וְשָׂנֵ֤אתִֽיa אֲנִי֙ אֶת־כָּל־עֲמָלִ֔י שֶׁאֲנִ֥י עָמֵ֖לb תַּ֣חַת הַשָּׁ֑מֶשׁ שֶׁ֣אַנִּיחֶ֔נּוּc לָאָדָ֖ם שֶׁיִּהְיֶ֥הd אַחֲרָֽי׃

19 וּמִ֣י יֹודֵ֗עַa הֶֽחָכָ֤ם יִהְיֶה֙b אֹ֣ו סָכָ֔לc וְיִשְׁלַט֙d בְּכָל־עֲמָלִ֔י שֶֽׁעָמַ֥לְתִּיe וְשֶׁחָכַ֖מְתִּיf תַּ֣חַת הַשָּׁ֑מֶשׁ גַּם־זֶ֖ה הָֽבֶל׃

20 וְסַבֹּ֥ותִֽיa אֲנִ֖י לְיַאֵ֣שׁb אֶת־לִבִּ֑י עַ֚ל כָּל־הֶ֣עָמָ֔ל שֶׁעָמַ֖לְתִּיc תַּ֥חַת הַשָּֽׁמֶשׁ׃

21 כִּי־יֵ֣שׁ אָדָ֗ם שֶׁעֲמָלֹ֛ו בְּחָכְמָ֥ה וּבְדַ֖עַת וּבְכִשְׁרֹ֑וןa וּלְאָדָ֞ם שֶׁלֹּ֤א עָֽמַלb ־בֹּו֙ יִתְּנֶ֣נּוּc חֶלְקֹ֔ו גַּם־זֶ֥ה הֶ֖בֶל וְרָעָ֥ה רַבָּֽה׃

22 כִּ֠י מֶֽה־הֹוֶ֤הa לָֽאָדָם֙ בְּכָל־עֲמָלֹ֔ו וּבְרַעְיֹ֖וןb לִבֹּ֑ו שֶׁה֥וּא עָמֵ֖לc תַּ֥חַת הַשָּֽׁמֶשׁ׃

23 כִּ֧י כָל־יָמָ֣יו מַכְאֹבִ֗יםa וָכַ֨עַס֙b עִנְיָנֹ֔וc גַּם־בַּלַּ֖יְלָה לֹא־שָׁכַ֣בd לִבֹּ֑ו גַּם־זֶ֖ה הֶ֥בֶל הֽוּא׃

24 אֵֽין־טֹ֤וב בָּאָדָם֙ שֶׁיֹּאכַ֣לa וְשָׁתָ֔הb וְהֶרְאָ֧הc אֶת־נַפְשֹׁ֛ו טֹ֖וב בַּעֲמָלֹ֑ו גַּם־זֹה֙d רָאִ֣יתִיe אָ֔נִי כִּ֛י מִיַּ֥ד הָאֱלֹהִ֖ים הִֽיא׃

25 כִּ֣י מִ֥י יֹאכַ֛לa וּמִ֥י יָח֖וּשׁb ח֥וּץ מִמֶּֽנִּי׃

26 כִּ֤י לְאָדָם֙ שֶׁטֹּ֣וב לְפָנָ֔יו נָתַ֛ןa חָכְמָ֥ה וְדַ֖עַת וְשִׂמְחָ֑ה וְלַחֹוטֶא֩ נָתַ֨ןb עִנְיָ֜ןc לֶאֱסֹ֣וףd וְלִכְנֹ֗וסe לָתֵת֙f לְטֹוב֙ לִפְנֵ֣י הָֽאֱלֹהִ֔ים גַּם־זֶ֥ה הֶ֖בֶל וּרְע֥וּתg רֽוּחַ׃