קהלת

שַׁלַּ֥חa לַחְמְךָ֖ עַל־פְּנֵ֣י הַמָּ֑יִם כִּֽי־בְרֹ֥ב הַיָּמִ֖ים תִּמְצָאֶֽנּוּb ׃

2 תֶּןa ־חֵ֥לֶק לְשִׁבְעָ֖ה וְגַ֣ם לִשְׁמֹונָ֑ה כִּ֚י לֹ֣א תֵדַ֔עb מַה־יִּהְיֶ֥הc רָעָ֖ה עַל־הָאָֽרֶץ׃

3 אִם־יִמָּלְא֨וּa הֶעָבִ֥יםb גֶּ֨שֶׁם֙c עַל־הָאָ֣רֶץ יָרִ֔יקוּd וְאִם־יִפֹּ֥ולe עֵ֛ץ בַּדָּרֹ֖וםf וְאִ֣ם בַּצָּפֹ֑ון מְקֹ֛ום שֶׁיִּפֹּ֥ולg הָעֵ֖ץ שָׁ֥ם יְהֽוּאh ׃

4 שֹׁמֵ֥ר ר֖וּחַ לֹ֣א יִזְרָ֑עa וְרֹאֶ֥הb בֶעָבִ֖יםc לֹ֥א יִקְצֹֽורd ׃

5 כַּאֲשֶׁ֨ר אֵֽינְךָ֤ יֹודֵ֨עַ֙a מַה־דֶּ֣רֶךְ הָר֔וּחַ כַּעֲצָמִ֖ים בְּבֶ֣טֶן הַמְּלֵאָ֑הb כָּ֗כָהc לֹ֤א תֵדַע֙d אֶת־מַעֲשֵׂ֣ה הָֽאֱלֹהִ֔ים אֲשֶׁ֥ר יַעֲשֶׂ֖הe אֶת־הַכֹּֽל׃

6 בַּבֹּ֨קֶר֙ זְרַ֣עa אֶת־זַרְעֶ֔ךָ וְלָעֶ֖רֶב אַל־תַּנַּ֣חb יָדֶ֑ךָ כִּי֩ אֵֽינְךָ֨ יֹודֵ֜עc אֵ֣יd זֶ֤ה יִכְשָׁר֙e הֲזֶ֣ה אֹו־זֶ֔ה וְאִם־שְׁנֵיהֶ֥ם כְּאֶחָ֖ד טֹובִֽים׃

7 וּמָתֹ֖וקa הָאֹ֑ור וְטֹ֥וב לַֽעֵינַ֖יִם לִרְאֹ֥ותb אֶת־הַשָּֽׁמֶשׁ׃

8 כִּ֣י אִם־שָׁנִ֥ים הַרְבֵּ֛ה יִחְיֶ֥הa הָאָדָ֖ם בְּכֻלָּ֣ם יִשְׂמָ֑חb וְיִזְכֹּר֙c אֶת־יְמֵ֣י הַחֹ֔שֶׁךְ כִּֽי־הַרְבֵּ֥ה יִהְי֖וּd כָּל־שֶׁבָּ֥אe הָֽבֶל׃

9 שְׂמַ֧חa בָּח֣וּרb בְּיַלְדוּתֶ֗יךָc וִֽיטִֽיבְךָ֤d לִבְּךָ֙ בִּימֵ֣י בְחוּרֹותֶ֔ךָe וְהַלֵּךְ֙f בְּדַרְכֵ֣י לִבְּךָ֔ וּבְמַרְאֵ֖י עֵינֶ֑יךָ וְדָ֕עg כִּ֧י עַל־כָּל־אֵ֛לֶּה יְבִֽיאֲךָ֥h הָאֱלֹהִ֖ים בַּמִּשְׁפָּֽט׃

10 וְהָסֵ֥רa כַּ֨עַס֙b מִלִּבֶּ֔ךָ וְהַעֲבֵ֥רc רָעָ֖ה מִבְּשָׂרֶ֑ךָ כִּֽי־הַיַּלְד֥וּתd וְהַֽשַּׁחֲר֖וּתe הָֽבֶל׃