קהלת

זְב֣וּבֵיa מָ֔וֶת יַבְאִ֥ישׁb יַבִּ֖יעַc שֶׁ֣מֶן רֹוקֵ֑חַd יָקָ֛רe מֵחָכְמָ֥ה מִכָּבֹ֖וד סִכְל֥וּתf מְעָֽט׃

2 לֵ֤ב חָכָם֙ לִֽימִינֹ֔ו וְלֵ֥ב כְּסִ֖יל לִשְׂמֹאלֹֽו׃

3 וְגַם־בַּדֶּ֛רֶךְ כשׁהסכלa הֹלֵ֖ךְb לִבֹּ֣ו חָסֵ֑רc וְאָמַ֥רd לַכֹּ֖ל סָכָ֥לe הֽוּא׃

4 אִם־ר֤וּחַ הַמֹּושֵׁל֙ תַּעֲלֶ֣הa עָלֶ֔יךָ מְקֹומְךָ֖ אַל־תַּנַּ֑חb כִּ֣י מַרְפֵּ֔אc יַנִּ֖יחַd חֲטָאִ֥יםe גְּדֹולִֽים׃

5 יֵ֣שׁ רָעָ֔ה רָאִ֖יתִיa תַּ֣חַת הַשָּׁ֑מֶשׁ כִּשְׁגָגָ֕הb שֶׁיֹּצָ֖אc מִלִּפְנֵ֥י הַשַּׁלִּֽיטd ׃

6 נִתַּ֣ןa הַסֶּ֔כֶלb בַּמְּרֹומִ֖ים רַבִּ֑ים וַעֲשִׁירִ֖יםc בַּשֵּׁ֥פֶלd יֵשֵֽׁבוּe ׃

7 רָאִ֥יתִיa עֲבָדִ֖ים עַל־סוּסִ֑ים וְשָׂרִ֛ים הֹלְכִ֥יםb כַּעֲבָדִ֖ים עַל־הָאָֽרֶץ׃

8 חֹפֵ֥רa גּוּמָּ֖ץb בֹּ֣ו יִפֹּ֑ולc וּפֹרֵ֥ץd גָּדֵ֖רe יִשְּׁכֶ֥נּוּf נָחָֽשׁg ׃

9 מַסִּ֣יעַa אֲבָנִ֔ים יֵעָצֵ֖בb בָּהֶ֑ם בֹּוקֵ֥עַc עֵצִ֖ים יִסָּ֥כֶןd בָּֽם׃

10 אִם־קֵהָ֣הa הַבַּרְזֶ֗ל וְהוּא֙ לֹא־פָנִ֣ים קִלְקַ֔לb וַחֲיָלִ֖ים יְגַבֵּ֑רc וְיִתְרֹ֥וןd הכשׁירe חָכְמָֽה׃

11 אִם־יִשֹּׁ֥ךְa הַנָּחָ֖שׁb בְּלֹוא־לָ֑חַשׁc וְאֵ֣ין יִתְרֹ֔וןd לְבַ֖עַל הַלָּשֹֽׁון׃

12 דִּבְרֵ֥י פִי־חָכָ֖ם חֵ֑ן וְשִׂפְתֹ֥ות כְּסִ֖יל תְּבַלְּעֶֽנּוּa ׃

13 תְּחִלַּ֥תa דִּבְרֵי־פִ֖יהוּ סִכְל֑וּתb וְאַחֲרִ֣ית פִּ֔יהוּ הֹולֵל֖וּתc רָעָֽה׃

14 וְהַסָּכָ֖לa יַרְבֶּ֣הb דְבָרִ֑ים לֹא־יֵדַ֤עc הָאָדָם֙ מַה־שֶׁיִּֽהְיֶ֔הd וַאֲשֶׁ֤ר יִֽהְיֶה֙e מֵֽאַחֲרָ֔יו מִ֖י יַגִּ֥ידf לֹֽו׃

15 עֲמַ֥ל הַכְּסִילִ֖ים תְּיַגְּעֶ֑נּוּa אֲשֶׁ֥ר לֹֽא־יָדַ֖עb לָלֶ֥כֶתc אֶל־עִֽיר׃

16 אִֽיa ־לָ֣ךְ אֶ֔רֶץ שֶׁמַּלְכֵּ֖ךְ נָ֑עַר וְשָׂרַ֖יִךְ בַּבֹּ֥קֶר יֹאכֵֽלוּb ׃

17 אַשְׁרֵ֣יךְa אֶ֔רֶץ שֶׁמַּלְכֵּ֖ךְ בֶּן־חֹורִ֑יםb וְשָׂרַ֨יִךְ֙ בָּעֵ֣ת יֹאכֵ֔לוּc בִּגְבוּרָ֖ה וְלֹ֥א בַשְּׁתִֽיd ׃

18 בַּעֲצַלְתַּ֖יִםa יִמַּ֣ךְb הַמְּקָרֶ֑הc וּבְשִׁפְל֥וּתd יָדַ֖יִם יִדְלֹ֥ףe הַבָּֽיִת׃

19 לִשְׂחֹוק֙a עֹשִׂ֣יםb לֶ֔חֶם וְיַ֖יִן יְשַׂמַּ֣חc חַיִּ֑ים וְהַכֶּ֖סֶף יַעֲנֶ֥הd אֶת־הַכֹּֽל׃

20 גַּ֣ם בְּמַדָּֽעֲךָ֗a מֶ֚לֶךְ אַל־תְּקַלֵּ֔לb וּבְחַדְרֵי֙c מִשְׁכָּ֣בְךָ֔d אַל־תְּקַלֵּ֖לe עָשִׁ֑ירf כִּ֣י עֹ֤וף הַשָּׁמַ֨יִם֙ יֹולִ֣יךְg אֶת־הַקֹּ֔ול וּבַ֥עַל הכנפיםh יַגֵּ֥ידi דָּבָֽר׃