דברים

שְׁמַ֣עa יִשְׂרָאֵ֗ל אַתָּ֨ה עֹבֵ֤רb הַיֹּום֙ אֶת־הַיַּרְדֵּ֔ן לָבֹא֙c לָרֶ֣שֶׁתd גֹּויִ֔ם גְּדֹלִ֥ים וַעֲצֻמִ֖יםe מִמֶּ֑ךָּ עָרִ֛ים גְּדֹלֹ֥ת וּבְצֻרֹ֖תf בַּשָּׁמָֽיִם׃

2 עַֽם־גָּדֹ֥ול וָרָ֖ם בְּנֵ֣י עֲנָקִ֑יםa אֲשֶׁ֨ר אַתָּ֤ה יָדַ֨עְתָּ֙b וְאַתָּ֣ה שָׁמַ֔עְתָּc מִ֣י יִתְיַצֵּ֔בd לִפְנֵ֖י בְּנֵ֥י עֲנָֽקe ׃

3 וְיָדַעְתָּ֣a הַיֹּ֗ום כִּי֩ יְהוָ֨ה אֱלֹהֶ֜יךָ הֽוּא־הָעֹבֵ֤רb לְפָנֶ֨יךָ֙ אֵ֣שׁ אֹֽכְלָ֔ה ה֧וּא יַשְׁמִידֵ֛םc וְה֥וּא יַכְנִיעֵ֖םd לְפָנֶ֑יךָ וְהֹֽורַשְׁתָּ֤םe וְהַֽאַבַדְתָּם֙f מַהֵ֔ר כַּאֲשֶׁ֛ר דִּבֶּ֥רg יְהוָ֖ה לָֽךְ׃

4 אַל־תֹּאמַ֣רa בִּלְבָבְךָ֗ בַּהֲדֹ֣ףb יְהוָה֩ אֱלֹהֶ֨יךָ אֹתָ֥ם׀ מִלְּפָנֶיךָ֮ לֵאמֹר֒c בְּצִדְקָתִי֙ הֱבִיאַ֣נִיd יְהוָ֔ה לָרֶ֖שֶׁתe אֶת־הָאָ֣רֶץ הַזֹּ֑את וּבְרִשְׁעַת֙f הַגֹּויִ֣ם הָאֵ֔לֶּה יְהוָ֖ה מֹורִישָׁ֥םg מִפָּנֶֽיךָ׃

5 לֹ֣א בְצִדְקָתְךָ֗ וּבְיֹ֨שֶׁר֙a לְבָ֣בְךָ֔ אַתָּ֥ה בָ֖אb לָרֶ֣שֶׁתc אֶת־אַרְצָ֑ם כִּ֞י בְּרִשְׁעַ֣תd ׀ הַגֹּויִ֣ם הָאֵ֗לֶּה יְהוָ֤ה אֱלֹהֶ֨יךָ֙ מֹורִישָׁ֣םe מִפָּנֶ֔יךָ וּלְמַ֜עַן הָקִ֣יםf אֶת־הַדָּבָ֗ר אֲשֶׁ֨ר נִשְׁבַּ֤עg יְהוָה֙ לַאֲבֹתֶ֔יךָ לְאַבְרָהָ֥ם לְיִצְחָ֖ק וּֽלְיַעֲקֹֽב׃

6 וְיָדַעְתָּ֗a כִּ֠י לֹ֤א בְצִדְקָֽתְךָ֙ יְהוָ֣ה אֱ֠לֹהֶיךָ נֹתֵ֨ןb לְךָ֜ אֶת־הָאָ֧רֶץ הַטֹּובָ֛ה הַזֹּ֖את לְרִשְׁתָּ֑הּc כִּ֥י עַם־קְשֵׁהd ־עֹ֖רֶףe אָֽתָּה׃

7 זְכֹר֙a אַל־תִּשְׁכַּ֔חb אֵ֧ת אֲשֶׁר־הִקְצַ֛פְתָּc אֶת־יְהוָ֥ה אֱלֹהֶ֖יךָ בַּמִּדְבָּ֑ר לְמִן־הַיֹּ֞ום אֲשֶׁר־יָצָ֣אתָd ׀ מֵאֶ֣רֶץ מִצְרַ֗יִם עַד־בֹּֽאֲכֶם֙e עַד־הַמָּקֹ֣ום הַזֶּ֔ה מַמְרִ֥יםf הֱיִיתֶ֖םg עִם־יְהוָֽה׃

8 וּבְחֹרֵ֥בa הִקְצַפְתֶּ֖םb אֶת־יְהוָ֑ה וַיִּתְאַנַּ֧ףc יְהוָ֛ה בָּכֶ֖ם לְהַשְׁמִ֥ידd אֶתְכֶֽם׃

9 בַּעֲלֹתִ֣יa הָהָ֗רָה לָקַ֜חַתb לוּחֹ֤תc הָֽאֲבָנִים֙ לוּחֹ֣תd הַבְּרִ֔ית אֲשֶׁר־כָּרַ֥תe יְהוָ֖ה עִמָּכֶ֑ם וָאֵשֵׁ֣בf בָּהָ֗ר אַרְבָּעִ֥ים יֹום֙ וְאַרְבָּעִ֣ים לַ֔יְלָה לֶ֚חֶם לֹ֣א אָכַ֔לְתִּיg וּמַ֖יִם לֹ֥א שָׁתִֽיתִיh ׃

10 וַיִּתֵּ֨ןa יְהוָ֜ה אֵלַ֗י אֶת־שְׁנֵי֙ לוּחֹ֣תb הָֽאֲבָנִ֔ים כְּתֻבִ֖יםc בְּאֶצְבַּ֣עd אֱלֹהִ֑ים וַעֲלֵיהֶ֗ם כְּֽכָל־הַדְּבָרִ֡ים אֲשֶׁ֣ר דִּבֶּר֩e יְהוָ֨ה עִמָּכֶ֥ם בָּהָ֛ר מִתֹּ֥וךְ הָאֵ֖שׁ בְּיֹ֥ום הַקָּהָֽל׃

11 וַיְהִ֗יa מִקֵּץ֙ אַרְבָּעִ֣ים יֹ֔ום וְאַרְבָּעִ֖ים לָ֑יְלָה נָתַ֨ןb יְהוָ֜ה אֵלַ֗י אֶת־שְׁנֵ֛י לֻחֹ֥תc הָאֲבָנִ֖ים לֻחֹ֥ותd הַבְּרִֽית׃

12 וַיֹּ֨אמֶרa יְהוָ֜ה אֵלַ֗י ק֣וּםb רֵ֤דc מַהֵר֙ מִזֶּ֔ה כִּ֚י שִׁחֵ֣תd עַמְּךָ֔ אֲשֶׁ֥ר הֹוצֵ֖אתָe מִמִּצְרָ֑יִם סָ֣רוּf מַהֵ֗ר מִן־הַדֶּ֨רֶךְ֙ אֲשֶׁ֣ר צִוִּיתִ֔םg עָשׂ֥וּh לָהֶ֖ם מַסֵּכָֽהi ׃

13 וַיֹּ֥אמֶרa יְהוָ֖ה אֵלַ֣י לֵאמֹ֑רb רָאִ֨יתִי֙c אֶת־הָעָ֣ם הַזֶּ֔ה וְהִנֵּ֥ה עַם־קְשֵׁהd ־עֹ֖רֶףe הֽוּא׃

14 הֶ֤רֶףa מִמֶּ֨נִּי֙ וְאַשְׁמִידֵ֔םb וְאֶמְחֶ֣הc אֶת־שְׁמָ֔ם מִתַּ֖חַת הַשָּׁמָ֑יִם וְאֶֽעֱשֶׂה֙d אֹֽותְךָ֔ לְגֹוי־עָצ֥וּםe וָרָ֖ב מִמֶּֽנּוּ׃

15 וָאֵ֗פֶןa וָֽאֵרֵד֙b מִן־הָהָ֔ר וְהָהָ֖ר בֹּעֵ֣רc בָּאֵ֑שׁ וּשְׁנֵי֙ לֻחֹ֣תd הַבְּרִ֔ית עַ֖ל שְׁתֵּ֥י יָדָֽי׃

16 וָאֵ֗רֶאa וְהִנֵּ֤ה חֲטָאתֶם֙b לַיהוָ֣ה אֱלֹֽהֵיכֶ֔ם עֲשִׂיתֶ֣םc לָכֶ֔ם עֵ֖גֶלd מַסֵּכָ֑הe סַרְתֶּ֣םf מַהֵ֔ר מִן־הַדֶּ֕רֶךְ אֲשֶׁר־צִוָּ֥הg יְהוָ֖ה אֶתְכֶֽם׃

17 וָאֶתְפֹּשׂ֙a בִּשְׁנֵ֣י הַלֻּחֹ֔תb וָֽאַשְׁלִכֵ֔םc מֵעַ֖ל שְׁתֵּ֣י יָדָ֑י וָאֲשַׁבְּרֵ֖םd לְעֵינֵיכֶֽם׃

18 וָֽאֶתְנַפַּל֩a לִפְנֵ֨י יְהוָ֜ה כָּרִאשֹׁנָ֗ה אַרְבָּעִ֥ים יֹום֙ וְאַרְבָּעִ֣ים לַ֔יְלָה לֶ֚חֶם לֹ֣א אָכַ֔לְתִּיb וּמַ֖יִם לֹ֣א שָׁתִ֑יתִיc עַ֤ל כָּל־חַטַּאתְכֶם֙ אֲשֶׁ֣ר חֲטָאתֶ֔םd לַעֲשֹׂ֥ותe הָרַ֛ע בְּעֵינֵ֥י יְהוָ֖ה לְהַכְעִיסֹֽוf ׃

19 כִּ֣י יָגֹ֗רְתִּיa מִפְּנֵ֤י הָאַף֙ וְהַ֣חֵמָ֔ה אֲשֶׁ֨ר קָצַ֧ףb יְהוָ֛ה עֲלֵיכֶ֖ם לְהַשְׁמִ֣ידc אֶתְכֶ֑ם וַיִּשְׁמַ֤עd יְהוָה֙ אֵלַ֔י גַּ֖ם בַּפַּ֥עַם הַהִֽוא׃

20 וּֽבְאַהֲרֹ֗ן הִתְאַנַּ֧ףa יְהוָ֛ה מְאֹ֖ד לְהַשְׁמִידֹ֑וb וָֽאֶתְפַּלֵּ֛לc גַּם־בְּעַ֥ד אַהֲרֹ֖ן בָּעֵ֥ת הַהִֽוא׃

21 וְֽאֶת־חַטַּאתְכֶ֞ם אֲשֶׁר־עֲשִׂיתֶ֣םa אֶת־הָעֵ֗גֶלb לָקַחְתִּי֮c וָאֶשְׂרֹ֣ףd אֹתֹ֣ו׀ בָּאֵשׁ֒ וָאֶכֹּ֨תe אֹתֹ֤ו טָחֹון֙f הֵיטֵ֔ב עַ֥ד אֲשֶׁר־דַּ֖קg לְעָפָ֑ר וָֽאַשְׁלִךְ֙h אֶת־עֲפָרֹ֔ו אֶל־הַנַּ֖חַל הַיֹּרֵ֥דi מִן־הָהָֽר׃

22 וּבְתַבְעֵרָה֙a וּבְמַסָּ֔הb וּבְקִבְרֹ֖ת הַֽתַּאֲוָ֑הc מַקְצִפִ֥יםd הֱיִיתֶ֖םe אֶת־יְהוָֽה׃

23 וּבִשְׁלֹ֨חַa יְהוָ֜ה אֶתְכֶ֗ם מִקָּדֵ֤שׁ בַּרְנֵ֨עַ֙b לֵאמֹ֔רc עֲלוּ֙d וּרְשׁ֣וּe אֶת־הָאָ֔רֶץ אֲשֶׁ֥ר נָתַ֖תִּיf לָכֶ֑ם וַתַּמְר֗וּg אֶת־פִּ֤י יְהוָה֙ אֱלֹ֣הֵיכֶ֔ם וְלֹ֤א הֶֽאֱמַנְתֶּם֙h לֹ֔ו וְלֹ֥א שְׁמַעְתֶּ֖םi בְּקֹלֹֽו׃

24 מַמְרִ֥יםa הֱיִיתֶ֖םb עִם־יְהוָ֑ה מִיֹּ֖ום דַּעְתִּ֥יc אֶתְכֶֽם׃

25 וָֽאֶתְנַפַּ֞לa לִפְנֵ֣י יְהוָ֗ה אֵ֣ת אַרְבָּעִ֥ים הַיֹּ֛ום וְאֶת־אַרְבָּעִ֥ים הַלַּ֖יְלָה אֲשֶׁ֣ר הִתְנַפָּ֑לְתִּיb כִּֽי־אָמַ֥רc יְהוָ֖ה לְהַשְׁמִ֥ידd אֶתְכֶֽם׃

26 וָאֶתְפַּלֵּ֣לa אֶל־יְהוָה֮ וָאֹמַר֒b אֲדֹנָ֣י יְהוִ֗ה אַל־תַּשְׁחֵ֤תc עַמְּךָ֙ וְנַחֲלָ֣תְךָ֔ אֲשֶׁ֥ר פָּדִ֖יתָd בְּגָדְלֶ֑ךָe אֲשֶׁר־הֹוצֵ֥אתָf מִמִּצְרַ֖יִם בְּיָ֥ד חֲזָקָֽה׃

27 זְכֹר֙a לַעֲבָדֶ֔יךָ לְאַבְרָהָ֥ם לְיִצְחָ֖ק וּֽלְיַעֲקֹ֑ב אַל־תֵּ֗פֶןb אֶל־קְשִׁי֙c הָעָ֣ם הַזֶּ֔ה וְאֶל־רִשְׁעֹ֖וd וְאֶל־חַטָּאתֹֽו׃

28 פֶּן־יֹאמְר֗וּa הָאָרֶץ֮ אֲשֶׁ֣ר הֹוצֵאתָ֣נוּb מִשָּׁם֒ מִבְּלִי֙ יְכֹ֣לֶתc יְהוָ֔ה לַהֲבִיאָ֕םd אֶל־הָאָ֖רֶץ אֲשֶׁר־דִּבֶּ֣רe לָהֶ֑ם וּמִשִּׂנְאָתֹ֣וf אֹותָ֔ם הֹוצִיאָ֖םg לַהֲמִתָ֥םh בַּמִּדְבָּֽר׃

29 וְהֵ֥ם עַמְּךָ֖ וְנַחֲלָתֶ֑ךָ אֲשֶׁ֤ר הֹוצֵ֨אתָ֙a בְּכֹחֲךָ֣ הַגָּדֹ֔ל וּבִֽזְרֹעֲךָ֖ הַנְּטוּיָֽה׃ פ