7
כִּ֤י יְבִֽיאֲךָ֙a
יְהוָ֣ה אֱלֹהֶ֔יךָ אֶל־הָאָ֕רֶץ אֲשֶׁר־אַתָּ֥ה בָאb
־שָׁ֖מָּה לְרִשְׁתָּ֑הּc
וְנָשַׁ֣לd
גֹּֽויִם־רַבִּ֣ים׀ מִפָּנֶ֡יךָ הַֽחִתִּי֩e
וְהַגִּרְגָּשִׁ֨יf
וְהָאֱמֹרִ֜י וְהַכְּנַעֲנִ֣י וְהַפְּרִזִּ֗יg
וְהַֽחִוִּי֙h
וְהַיְבוּסִ֔יi
שִׁבְעָ֣ה גֹויִ֔ם רַבִּ֥ים וַעֲצוּמִ֖יםj
מִמֶּֽךָּ׃
2
וּנְתָנָ֞םa
יְהוָ֧ה אֱלֹהֶ֛יךָ לְפָנֶ֖יךָ וְהִכִּיתָ֑םb
הַחֲרֵ֤ם תַּחֲרִים֙c
אֹתָ֔ם לֹא־תִכְרֹ֥תd
לָהֶ֛ם בְּרִ֖ית וְלֹ֥א תְחָנֵּֽםe
׃
3
וְלֹ֥א תִתְחַתֵּ֖ןa
בָּ֑ם בִּתְּךָ֙ לֹא־תִתֵּ֣ןb
לִבְנֹ֔ו וּבִתֹּ֖ו לֹא־תִקַּ֥חc
לִבְנֶֽךָ׃
4
כִּֽי־יָסִ֤ירa
אֶת־בִּנְךָ֙ מֵֽאַחֲרַ֔י וְעָבְד֖וּb
אֱלֹהִ֣ים אֲחֵרִ֑ים וְחָרָ֤הc
אַף־יְהוָה֙ בָּכֶ֔ם וְהִשְׁמִידְךָ֖d
מַהֵֽר׃
5
כִּֽי־אִם־כֹּ֤ה תַעֲשׂוּ֙a
לָהֶ֔ם מִזְבְּחֹתֵיהֶ֣ם תִּתֹּ֔צוּb
וּמַצֵּבֹתָ֖םc
תְּשַׁבֵּ֑רוּd
וַאֲשֵֽׁירֵהֶם֙e
תְּגַדֵּע֔וּןf
וּפְסִילֵיהֶ֖םg
תִּשְׂרְפ֥וּןh
בָּאֵֽשׁ׃
6
כִּ֣י עַ֤ם קָדֹושׁ֙ אַתָּ֔ה לַיהוָ֖ה אֱלֹהֶ֑יךָ בְּךָ֞ בָּחַ֣רa
׀ יְהוָ֣ה אֱלֹהֶ֗יךָ לִהְיֹ֥ותb
לֹו֙ לְעַ֣ם סְגֻלָּ֔הc
מִכֹּל֙ הָֽעַמִּ֔ים אֲשֶׁ֖ר עַל־פְּנֵ֥י הָאֲדָמָֽה׃ ס
7
לֹ֣א מֵֽרֻבְּכֶ֞םa
מִכָּל־הָֽעַמִּ֗ים חָשַׁ֧קb
יְהוָ֛ה בָּכֶ֖ם וַיִּבְחַ֣רc
בָּכֶ֑ם כִּֽי־אַתֶּ֥ם הַמְעַ֖ט מִכָּל־הָעַמִּֽים׃
8
כִּי֩ מֵֽאַהֲבַ֨תa
יְהוָ֜ה אֶתְכֶ֗ם וּמִשָּׁמְרֹ֤וb
אֶת־הַשְּׁבֻעָה֙c
אֲשֶׁ֤ר נִשְׁבַּע֙d
לַאֲבֹ֣תֵיכֶ֔ם הֹוצִ֧יאe
יְהוָ֛ה אֶתְכֶ֖ם בְּיָ֣ד חֲזָקָ֑ה וַֽיִּפְדְּךָ֙f
מִבֵּ֣ית עֲבָדִ֔ים מִיַּ֖ד פַּרְעֹ֥ה מֶֽלֶךְ־מִצְרָֽיִם׃
9
וְיָ֣דַעְתָּ֔a
כִּֽי־יְהוָ֥ה אֱלֹהֶ֖יךָ ה֣וּא הָֽאֱלֹהִ֑ים הָאֵל֙ הַֽנֶּאֱמָ֔ן שֹׁמֵ֧רb
הַבְּרִ֣ית וְהַחֶ֗סֶד לְאֹהֲבָ֛יו וּלְשֹׁמְרֵ֥י מצותוc
לְאֶ֥לֶף דֹּֽור׃
10
וּמְשַׁלֵּ֧םa
לְשֹׂנְאָ֛יו אֶל־פָּנָ֖יו לְהַאֲבִידֹ֑וb
לֹ֤א יְאַחֵר֙c
לְשֹׂ֣נְאֹ֔ו אֶל־פָּנָ֖יו יְשַׁלֶּםd
־לֹֽו׃
11
וְשָׁמַרְתָּ֨a
אֶת־הַמִּצְוָ֜ה וְאֶת־הַֽחֻקִּ֣ים וְאֶת־הַמִּשְׁפָּטִ֗ים אֲשֶׁ֨ר אָנֹכִ֧י מְצַוְּךָ֛b
הַיֹּ֖ום לַעֲשֹׂותָֽםc
׃ פ
12
וְהָיָ֣הa
׀ עֵ֣קֶבb
תִּשְׁמְע֗וּןc
אֵ֤ת הַמִּשְׁפָּטִים֙ הָאֵ֔לֶּה וּשְׁמַרְתֶּ֥םd
וַעֲשִׂיתֶ֖םe
אֹתָ֑ם וְשָׁמַר֩f
יְהוָ֨ה אֱלֹהֶ֜יךָ לְךָ֗ אֶֽת־הַבְּרִית֙ וְאֶת־הַחֶ֔סֶד אֲשֶׁ֥ר נִשְׁבַּ֖עg
לַאֲבֹתֶֽיךָ׃
13
וַאֲהֵ֣בְךָ֔a
וּבֵרַכְךָ֖b
וְהִרְבֶּ֑ךָc
וּבֵרַ֣ךְd
פְּרִֽי־בִטְנְךָ֣ וּפְרִֽי־אַ֠דְמָתֶךָ דְּגָ֨נְךָ֜e
וְתִֽירֹשְׁךָ֣f
וְיִצְהָרֶ֗ךָg
שְׁגַרh
־אֲלָפֶ֨יךָ֙i
וְעַשְׁתְּרֹ֣תj
צֹאנֶ֔ךָ עַ֚ל הָֽאֲדָמָ֔ה אֲשֶׁר־נִשְׁבַּ֥עk
לַאֲבֹתֶ֖יךָ לָ֥תֶתl
לָֽךְ׃
14
בָּר֥וּךְ תִּֽהְיֶ֖הa
מִכָּל־הָעַמִּ֑ים לֹא־יִהְיֶ֥הb
בְךָ֛ עָקָ֥רc
וַֽעֲקָרָ֖הd
וּבִבְהֶמְתֶּֽךָ׃
15
וְהֵסִ֧ירa
יְהוָ֛ה מִמְּךָ֖ כָּל־חֹ֑לִיb
וְכָל־מַדְוֵי֩c
מִצְרַ֨יִם הָרָעִ֜ים אֲשֶׁ֣ר יָדַ֗עְתָּd
לֹ֤א יְשִׂימָם֙e
בָּ֔ךְ וּנְתָנָ֖םf
בְּכָל־שֹׂנְאֶֽיךָ׃
16
וְאָכַלְתָּ֣a
אֶת־כָּל־הָֽעַמִּ֗ים אֲשֶׁ֨ר יְהוָ֤ה אֱלֹהֶ֨יךָ֙ נֹתֵ֣ןb
לָ֔ךְ לֹא־תָחֹ֥סc
עֵֽינְךָ֖ עֲלֵיהֶ֑ם וְלֹ֤א תַעֲבֹד֙d
אֶת־אֱלֹ֣הֵיהֶ֔ם כִּֽי־מֹוקֵ֥שׁe
ה֖וּא לָֽךְ׃ ס
17
כִּ֤י תֹאמַר֙a
בִּלְבָ֣בְךָ֔ רַבִּ֛ים הַגֹּויִ֥ם הָאֵ֖לֶּה מִמֶּ֑נִּי אֵיכָ֥הb
אוּכַ֖לc
לְהֹורִישָֽׁםd
׃
18
לֹ֥א תִירָ֖אa
מֵהֶ֑ם זָכֹ֣ר תִּזְכֹּ֗רb
אֵ֤ת אֲשֶׁר־עָשָׂה֙c
יְהוָ֣ה אֱלֹהֶ֔יךָ לְפַרְעֹ֖ה וּלְכָל־מִצְרָֽיִם׃
19
הַמַּסֹּ֨תa
הַגְּדֹלֹ֜ת אֲשֶׁר־רָא֣וּb
עֵינֶ֗יךָ וְהָאֹתֹ֤ת וְהַמֹּֽפְתִים֙c
וְהַיָּ֤ד הַחֲזָקָה֙ וְהַזְּרֹ֣עַ הַנְּטוּיָ֔ה אֲשֶׁ֥ר הֹוצִֽאֲךָ֖d
יְהוָ֣ה אֱלֹהֶ֑יךָ כֵּֽן־יַעֲשֶׂ֞הe
יְהוָ֤ה אֱלֹהֶ֨יךָ֙ לְכָל־הָ֣עַמִּ֔ים אֲשֶׁר־אַתָּ֥ה יָרֵ֖אf
מִפְּנֵיהֶֽם׃
20
וְגַם֙ אֶת־הַצִּרְעָ֔הa
יְשַׁלַּ֛חb
יְהוָ֥ה אֱלֹהֶ֖יךָ בָּ֑ם עַד־אֲבֹ֗דc
הַנִּשְׁאָרִ֛ים וְהַנִּסְתָּרִ֖ים מִפָּנֶֽיךָ׃
21
לֹ֥א תַעֲרֹ֖ץa
מִפְּנֵיהֶ֑ם כִּֽי־יְהוָ֤ה אֱלֹהֶ֨יךָ֙ בְּקִרְבֶּ֔ךָ אֵ֥ל גָּדֹ֖ול וְנֹורָֽא׃
22
וְנָשַׁל֩a
יְהוָ֨ה אֱלֹהֶ֜יךָ אֶת־הַגֹּויִ֥ם הָאֵ֛לb
מִפָּנֶ֖יךָ מְעַ֣ט מְעָ֑ט לֹ֤א תוּכַל֙c
כַּלֹּתָ֣םd
מַהֵ֔ר פֶּן־תִּרְבֶּ֥הe
עָלֶ֖יךָ חַיַּ֥ת הַשָּׂדֶֽה׃
23
וּנְתָנָ֛םa
יְהוָ֥ה אֱלֹהֶ֖יךָ לְפָנֶ֑יךָ וְהָמָם֙b
מְהוּמָ֣הc
גְדֹלָ֔ה עַ֖ד הִשָּׁמְדָֽםd
׃
24
וְנָתַ֤ןa
מַלְכֵיהֶם֙ בְּיָדֶ֔ךָ וְהַאֲבַדְתָּ֣b
אֶת־שְׁמָ֔ם מִתַּ֖חַת הַשָּׁמָ֑יִם לֹֽא־יִתְיַצֵּ֥בc
אִישׁ֙ בְּפָנֶ֔יךָ עַ֥ד הִשְׁמִֽדְךָ֖d
אֹתָֽם׃
25
פְּסִילֵ֥יa
אֱלֹהֵיהֶ֖ם תִּשְׂרְפ֣וּןb
בָּאֵ֑שׁ לֹֽא־תַחְמֹד֩c
כֶּ֨סֶף וְזָהָ֤ב עֲלֵיהֶם֙ וְלָקַחְתָּ֣d
לָ֔ךְ פֶּ֚ן תִּוָּקֵ֣שׁe
בֹּ֔ו כִּ֧י תֹועֲבַ֛ת יְהוָ֥ה אֱלֹהֶ֖יךָ הֽוּא׃
26
וְלֹא־תָבִ֤יאa
תֹֽועֵבָה֙ אֶל־בֵּיתֶ֔ךָ וְהָיִ֥יתָb
חֵ֖רֶםc
כָּמֹ֑הוּ שַׁקֵּ֧ץd
׀ תְּשַׁקְּצֶ֛נּוּe
וְתַעֵ֥בf
׀ תְּֽתַעֲבֶ֖נּוּg
כִּי־חֵ֥רֶםh
הֽוּא׃ פ