דברים

וְזֹ֣את הַמִּצְוָ֗ה הַֽחֻקִּים֙ וְהַמִּשְׁפָּטִ֔ים אֲשֶׁ֥ר צִוָּ֛הa יְהוָ֥ה אֱלֹהֵיכֶ֖ם לְלַמֵּ֣דb אֶתְכֶ֑ם לַעֲשֹׂ֣ותc בָּאָ֔רֶץ אֲשֶׁ֥ר אַתֶּ֛ם עֹבְרִ֥יםd שָׁ֖מָּה לְרִשְׁתָּֽהּe ׃

2 לְמַ֨עַן תִּירָ֜אa אֶת־יְהוָ֣ה אֱלֹהֶ֗יךָ לִ֠שְׁמֹרb אֶת־כָּל־חֻקֹּתָ֣יו וּמִצְוֹתָיו֮ אֲשֶׁ֣ר אָנֹכִ֣י מְצַוֶּךָ֒c אַתָּה֙ וּבִנְךָ֣ וּבֶן־בִּנְךָ֔ כֹּ֖ל יְמֵ֣י חַיֶּ֑יךָ וּלְמַ֖עַן יַאֲרִכֻ֥ןd יָמֶֽיךָ׃

3 וְשָׁמַעְתָּ֤a יִשְׂרָאֵל֙ וְשָׁמַרְתָּ֣b לַעֲשֹׂ֔ותc אֲשֶׁר֙ יִיטַ֣בd לְךָ֔ וַאֲשֶׁ֥ר תִּרְבּ֖וּןe מְאֹ֑ד כַּאֲשֶׁר֩ דִּבֶּ֨רf יְהוָ֜ה אֱלֹהֵ֤י אֲבֹתֶ֨יךָ֙ לָ֔ךְ אֶ֛רֶץ זָבַ֥תg חָלָ֖בh וּדְבָֽשׁ׃ פ

4 שְׁמַ֖עa יִשְׂרָאֵ֑ל יְהוָ֥ה אֱלֹהֵ֖ינוּ יְהוָ֥ה׀ אֶחָֽד׃

5 וְאָ֣הַבְתָּ֔a אֵ֖ת יְהוָ֣ה אֱלֹהֶ֑יךָ בְּכָל־לְבָבְךָ֥ וּבְכָל־נַפְשְׁךָ֖ וּבְכָל־מְאֹדֶֽךָ׃

6 וְהָי֞וּa הַדְּבָרִ֣ים הָאֵ֗לֶּה אֲשֶׁ֨ר אָנֹכִ֧י מְצַוְּךָ֛b הַיֹּ֖ום עַל־לְבָבֶֽךָ׃

7 וְשִׁנַּנְתָּ֣םa לְבָנֶ֔יךָ וְדִבַּרְתָּ֖b בָּ֑ם בְּשִׁבְתְּךָ֤c בְּבֵיתֶ֨ךָ֙ וּבְלֶכְתְּךָ֣d בַדֶּ֔רֶךְ וּֽבְשָׁכְבְּךָ֖e וּבְקוּמֶֽךָf ׃

8 וּקְשַׁרְתָּ֥םa לְאֹ֖ות עַל־יָדֶ֑ךָ וְהָי֥וּb לְטֹטָפֹ֖תc בֵּ֥ין עֵינֶֽיךָ׃

9 וּכְתַבְתָּ֛םa עַל־מְזוּזֹ֥תb בֵּיתֶ֖ךָ וּבִשְׁעָרֶֽיךָ׃ ס

10 וְהָיָ֞הa כִּ֥י יְבִיאֲךָ֣b ׀ יְהוָ֣ה אֱלֹהֶ֗יךָ אֶל־הָאָ֜רֶץ אֲשֶׁ֨ר נִשְׁבַּ֧עc לַאֲבֹתֶ֛יךָ לְאַבְרָהָ֛ם לְיִצְחָ֥ק וּֽלְיַעֲקֹ֖ב לָ֣תֶתd לָ֑ךְ עָרִ֛ים גְּדֹלֹ֥ת וְטֹבֹ֖ת אֲשֶׁ֥ר לֹא־בָנִֽיתָe ׃

11 וּבָ֨תִּ֜ים מְלֵאִ֣יםa כָּל־טוּב֮b אֲשֶׁ֣ר לֹא־מִלֵּאתָ֒c וּבֹרֹ֤ת חֲצוּבִים֙d אֲשֶׁ֣ר לֹא־חָצַ֔בְתָּe כְּרָמִ֥ים וְזֵיתִ֖יםf אֲשֶׁ֣ר לֹא־נָטָ֑עְתָּg וְאָכַלְתָּ֖h וְשָׂבָֽעְתָּi ׃

12 הִשָּׁ֣מֶרa לְךָ֔ פֶּן־תִּשְׁכַּ֖חb אֶת־יְהוָ֑ה אֲשֶׁ֧ר הֹוצִֽיאֲךָ֛c מֵאֶ֥רֶץ מִצְרַ֖יִם מִבֵּ֥ית עֲבָדִֽים׃

13 אֶת־יְהוָ֧ה אֱלֹהֶ֛יךָ תִּירָ֖אa וְאֹתֹ֣ו תַעֲבֹ֑דb וּבִשְׁמֹ֖ו תִּשָּׁבֵֽעַc ׃

14 לֹ֣א תֵֽלְכ֔וּןa אַחֲרֵ֖י אֱלֹהִ֣ים אֲחֵרִ֑ים מֵאֱלֹהֵי֙ הָֽעַמִּ֔ים אֲשֶׁ֖ר סְבִיבֹותֵיכֶֽם׃

15 כִּ֣י אֵ֥ל קַנָּ֛אa יְהוָ֥ה אֱלֹהֶ֖יךָ בְּקִרְבֶּ֑ךָ פֶּן־יֶ֠חֱרֶהb אַף־יְהוָ֤ה אֱלֹהֶ֨יךָ֙ בָּ֔ךְ וְהִשְׁמִ֣ידְךָ֔c מֵעַ֖ל פְּנֵ֥י הָאֲדָמָֽה׃ ס

16 לֹ֣א תְנַסּ֔וּa אֶת־יְהוָ֖ה אֱלֹהֵיכֶ֑ם כַּאֲשֶׁ֥ר נִסִּיתֶ֖םb בַּמַּסָּֽהc ׃

17 שָׁמֹ֣ור תִּשְׁמְר֔וּןa אֶת־מִצְוֹ֖ת יְהוָ֣ה אֱלֹהֵיכֶ֑ם וְעֵדֹתָ֥יו וְחֻקָּ֖יו אֲשֶׁ֥ר צִוָּֽךְb ׃

18 וְעָשִׂ֛יתָa הַיָּשָׁ֥ר וְהַטֹּ֖וב בְּעֵינֵ֣י יְהוָ֑ה לְמַ֨עַן֙ יִ֣יטַבb לָ֔ךְ וּבָ֗אתָc וְיָֽרַשְׁתָּ֙d אֶת־הָאָ֣רֶץ הַטֹּבָ֔ה אֲשֶׁר־נִשְׁבַּ֥עe יְהוָ֖ה לַאֲבֹתֶֽיךָ׃

19 לַהֲדֹ֥ףa אֶת־כָּל־אֹיְבֶ֖יךָ מִפָּנֶ֑יךָ כַּאֲשֶׁ֖ר דִּבֶּ֥רb יְהוָֽה׃ ס

20 כִּֽי־יִשְׁאָלְךָ֥a בִנְךָ֛ מָחָ֖ר לֵאמֹ֑רb מָ֣ה הָעֵדֹ֗ת וְהַֽחֻקִּים֙ וְהַמִּשְׁפָּטִ֔ים אֲשֶׁ֥ר צִוָּ֛הc יְהוָ֥ה אֱלֹהֵ֖ינוּ אֶתְכֶֽם׃

21 וְאָמַרְתָּ֣a לְבִנְךָ֔ עֲבָדִ֛ים הָיִ֥ינוּb לְפַרְעֹ֖ה בְּמִצְרָ֑יִם וַיֹּוצִיאֵ֧נוּc יְהוָ֛ה מִמִּצְרַ֖יִם בְּיָ֥ד חֲזָקָֽה׃

22 וַיִּתֵּ֣ןa יְהוָ֡ה אֹותֹ֣ת וּ֠מֹפְתִיםb גְּדֹלִ֨ים וְרָעִ֧ים׀ בְּמִצְרַ֛יִם בְּפַרְעֹ֥ה וּבְכָל־בֵּיתֹ֖ו לְעֵינֵֽינוּ׃

23 וְאֹותָ֖נוּ הֹוצִ֣יאa מִשָּׁ֑ם לְמַ֨עַן֙ הָבִ֣יאb אֹתָ֔נוּ לָ֤תֶתc לָ֨נוּ֙ אֶת־הָאָ֔רֶץ אֲשֶׁ֥ר נִשְׁבַּ֖עd לַאֲבֹתֵֽינוּ׃

24 וַיְצַוֵּ֣נוּa יְהוָ֗ה לַעֲשֹׂות֙b אֶת־כָּל־הַחֻקִּ֣ים הָאֵ֔לֶּה לְיִרְאָ֖הc אֶת־יְהוָ֣ה אֱלֹהֵ֑ינוּ לְטֹ֥ובd לָ֨נוּ֙ כָּל־הַיָּמִ֔ים לְחַיֹּתֵ֖נוּe כְּהַיֹּ֥ום הַזֶּֽה׃

25 וּצְדָקָ֖ה תִּֽהְיֶהa ־לָּ֑נוּ כִּֽי־נִשְׁמֹ֨רb לַעֲשֹׂ֜ותc אֶת־כָּל־הַמִּצְוָ֣ה הַזֹּ֗את לִפְנֵ֛י יְהוָ֥ה אֱלֹהֵ֖ינוּ כַּאֲשֶׁ֥ר צִוָּֽנוּd ׃ ס