דברים

וַיִּקְרָ֣אa מֹשֶׁה֮ אֶל־כָּל־יִשְׂרָאֵל֒ וַיֹּ֣אמֶרb אֲלֵהֶ֗ם שְׁמַ֤עc יִשְׂרָאֵל֙ אֶת־הַחֻקִּ֣ים וְאֶת־הַמִּשְׁפָּטִ֔ים אֲשֶׁ֧ר אָנֹכִ֛י דֹּבֵ֥רd בְּאָזְנֵיכֶ֖ם הַיֹּ֑ום וּלְמַדְתֶּ֣םe אֹתָ֔ם וּשְׁמַרְתֶּ֖םf לַעֲשֹׂתָֽםg ׃

2 יְהוָ֣ה אֱלֹהֵ֗ינוּ כָּרַ֥תa עִמָּ֛נוּ בְּרִ֖ית בְּחֹרֵֽבb ׃

3 לֹ֣א אֶת־אֲבֹתֵ֔ינוּ כָּרַ֥תa יְהוָ֖ה אֶת־הַבְּרִ֣ית הַזֹּ֑את כִּ֣י אִתָּ֗נוּ אֲנַ֨חְנוּ אֵ֥לֶּה פֹ֛ה הַיֹּ֖ום כֻּלָּ֥נוּ חַיִּֽים׃

4 פָּנִ֣ים׀ בְּפָנִ֗ים דִּבֶּ֨רa יְהוָ֧ה עִמָּכֶ֛ם בָּהָ֖ר מִתֹּ֥וךְ הָאֵֽשׁ׃

5 אָ֠נֹכִי עֹמֵ֨דa בֵּין־יְהוָ֤ה וּבֵֽינֵיכֶם֙ בָּעֵ֣ת הַהִ֔וא לְהַגִּ֥ידb לָכֶ֖ם אֶת־דְּבַ֣ר יְהוָ֑ה כִּ֤י יְרֵאתֶם֙c מִפְּנֵ֣י הָאֵ֔שׁ וְלֹֽא־עֲלִיתֶ֥םd בָּהָ֖ר לֵאמֹֽרe ׃ ס

6 אָֽנֹכִי֙ יְהוָ֣ה אֱלֹהֶ֔יךָ אֲשֶׁ֧ר הֹוצֵאתִ֛יךָa מֵאֶ֥רֶץ מִצְרַ֖יִם מִבֵּ֣ית עֲבָדִֽ֑ים׃

7 לֹ֣א יִהְיֶ֥הa ־לְךָ֛֩ אֱלֹהִ֥֨ים אֲחֵרִ֖֜ים עַל־פָּנָֽ֗יַ׃

8 לֹֽ֣א־תַעֲשֶׂ֥הa ־לְךָ֥֣ פֶ֣֨סֶל֙b ׀ כָּל־תְּמוּנָ֔֡הc אֲשֶׁ֤֣ר בַּשָּׁמַ֣֨יִם֙׀ מִמַּ֔֡עַל וַאֲשֶׁ֥ר֩ בָּאָ֖֨רֶץ מִתָּ֑֜חַת וַאֲשֶׁ֥ר בַּמַּ֖֣יִם׀ מִתַּ֥֣חַת לָאָֽ֗רֶץ׃

9 לֹא־תִשְׁתַּחֲוֶ֥֣הa לָהֶ֖ם֮ וְלֹ֣א תָעָבְדֵ֑ם֒b כִּ֣י אָנֹכִ֞י יְהוָ֤ה אֱלֹהֶ֨יךָ֙ אֵ֣ל קַנָּ֔אc פֹּ֠קֵדd עֲוֹ֨ן אָבֹ֧ות עַל־בָּנִ֛ים וְעַל־שִׁלֵּשִׁ֥יםe וְעַל־רִבֵּעִ֖יםf לְשֹׂנְאָֽ֑י׃

10 וְעֹ֤֥שֶׂהa חֶ֖֨סֶד֙ לַֽאֲלָפִ֑֔ים לְאֹהֲבַ֖י וּלְשֹׁמְרֵ֥י מצותוb ׃

11 לֹ֥א תִשָּׂ֛אa אֶת־שֵֽׁם־יְהוָ֥ה אֱלֹהֶ֖יךָ לַשָּׁ֑וְא כִּ֣י לֹ֤א יְנַקֶּה֙b יְהוָ֔ה אֵ֛ת אֲשֶׁר־יִשָּׂ֥אc אֶת־שְׁמֹ֖ו לַשָּֽׁוְא׃ ס

12 שָׁמֹ֣֛ורa אֶת־יֹ֥ום֩ הַשַּׁבָּ֖֨ת לְקַדְּשֹׁ֑֜וb כַּאֲשֶׁ֥ר צִוְּךָ֖֣c ׀ יְהוָ֥֣ה אֱלֹהֶֽ֗יךָ׃

13 שֵׁ֤֣שֶׁת יָמִ֣ים֙ תַּֽעֲבֹ֔ד֮a וְעָשִׂ֖֣יתָb כָּֿל־מְלַאכְתֶּֽךָ֒׃

14 וְיֹ֨ום֙ הַשְּׁבִיעִ֜֔י שַׁבָּ֖֣ת׀ לַיהוָ֖֣ה אֱלֹהֶ֑֗יךָ לֹ֣א תַעֲשֶׂ֣הa כָל־מְלָאכָ֡ה אַתָּ֣ה וּבִנְךָֽ־וּבִתֶּ֣ךָ וְעַבְדְּךָֽ־וַ֠אֲמָתֶךָ וְשֹׁורְךָ֨ וַחֲמֹֽרְךָ֜ וְכָל־בְּהֶמְתֶּ֗ךָ וְגֵֽרְךָ֙ אֲשֶׁ֣ר בִּשְׁעָרֶ֔יךָ לְמַ֗עַן יָנ֛וּחַb עַבְדְּךָ֥ וַאֲמָתְךָ֖ כָּמֹֽ֑וךָ׃

15 וְזָכַרְתָּ֞֗a כִּ֣י־עֶ֤֥בֶד הָיִ֣֨יתָ֙b ׀ בְּאֶ֣רֶץ מִצְרַ֔֗יִם וַיֹּצִ֨אֲךָ֜֩c יְהוָ֤֨ה אֱלֹהֶ֤֨יךָ֙ מִשָּׁ֔ם֙ בְּיָ֤֥ד חֲזָקָ֖ה֙ וּבִזְרֹ֣עַ נְטוּיָ֑֔ה עַל־כֵּ֗ן צִוְּךָ֙d יְהוָ֣ה אֱלֹהֶ֔יךָ לַעֲשֹׂ֖ותe אֶת־יֹ֥ום הַשַּׁבָּֽת׃ ס

16 כַּבֵּ֤דa אֶת־אָבִ֨יךָ֙ וְאֶת־אִמֶּ֔ךָ כַּאֲשֶׁ֥ר צִוְּךָ֖b יְהוָ֣ה אֱלֹהֶ֑יךָ לְמַ֣עַן׀ יַאֲרִיכֻ֣ןc יָמֶ֗יךָ וּלְמַ֨עַן֙ יִ֣יטַבd לָ֔ךְ עַ֚ל הָֽאֲדָמָ֔ה אֲשֶׁר־יְהוָ֥ה אֱלֹהֶ֖יךָ נֹתֵ֥ןe לָֽךְ׃ ס

17 לֹ֥֖א תִּֿרְצָֽחa ׃ ס

18 וְלֹ֖֣א תִּֿנְאָֽ֑ףa ׃ ס

19 וְלֹ֖֣א תִּֿגְנֹֽ֔בa ׃ ס

20 וְלֹֽא־תַעֲנֶ֥הa בְרֵֽעֲךָ֖ עֵ֥ד שָֽׁוְא׃ ס

21 וְלֹ֥א תַחְמֹ֖דa אֵ֣שֶׁת רֵעֶ֑ךָ ס וְלֹ֨א תִתְאַוֶּ֜הb בֵּ֣ית רֵעֶ֗ךָ שָׂדֵ֜הוּ וְעַבְדֹּ֤ו וַאֲמָתֹו֙ שֹׁורֹ֣ו וַחֲמֹרֹ֔ו וְכֹ֖ל אֲשֶׁ֥ר לְרֵעֶֽךָ׃ ס

22 אֶֽת־הַדְּבָרִ֣ים הָאֵ֡לֶּה דִּבֶּר֩a יְהוָ֨ה אֶל־כָּל־קְהַלְכֶ֜ם בָּהָ֗ר מִתֹּ֤וךְ הָאֵשׁ֙ הֶֽעָנָ֣ן וְהָֽעֲרָפֶ֔לb קֹ֥ול גָּדֹ֖ול וְלֹ֣א יָסָ֑ףc וַֽיִּכְתְּבֵ֗םd עַל־שְׁנֵי֙ לֻחֹ֣תe אֲבָנִ֔ים וַֽיִּתְּנֵ֖םf אֵלָֽי׃

23 וַיְהִ֗יa כְּשָׁמְעֲכֶ֤םb אֶת־הַקֹּול֙ מִתֹּ֣וךְ הַחֹ֔שֶׁךְ וְהָהָ֖ר בֹּעֵ֣רc בָּאֵ֑שׁ וַתִּקְרְב֣וּןd אֵלַ֔י כָּל־רָאשֵׁ֥י שִׁבְטֵיכֶ֖ם וְזִקְנֵיכֶֽם׃

24 וַתֹּאמְר֗וּa הֵ֣ן הֶרְאָ֜נוּb יְהוָ֤ה אֱלֹהֵ֨ינוּ֙ אֶת־כְּבֹדֹ֣ו וְאֶת־גָּדְלֹ֔וc וְאֶת־קֹלֹ֥ו שָׁמַ֖עְנוּd מִתֹּ֣וךְ הָאֵ֑שׁ הַיֹּ֤ום הַזֶּה֙ רָאִ֔ינוּe כִּֽי־יְדַבֵּ֧רf אֱלֹהִ֛ים אֶת־הָֽאָדָ֖ם וָחָֽיg ׃

25 וְעַתָּה֙ לָ֣מָּה נָמ֔וּתa כִּ֣י תֹֽאכְלֵ֔נוּb הָאֵ֥שׁ הַגְּדֹלָ֖ה הַזֹּ֑את אִם־יֹסְפִ֣יםc ׀ אֲנַ֗חְנוּ לִ֠שְׁמֹעַd אֶת־קֹ֨ול יְהוָ֧ה אֱלֹהֵ֛ינוּ עֹ֖וד וָמָֽתְנוּe ׃

26 כִּ֣י מִ֣י כָל־בָּשָׂ֡ר אֲשֶׁ֣ר שָׁמַ֣עa קֹול֩ אֱלֹהִ֨ים חַיִּ֜ים מְדַבֵּ֧רb מִתֹּוךְ־הָאֵ֛שׁ כָּמֹ֖נוּ וַיֶּֽחִיc ׃

27 קְרַ֤בa אַתָּה֙ וּֽשֲׁמָ֔עb אֵ֛ת כָּל־אֲשֶׁ֥ר יֹאמַ֖רc יְהוָ֣ה אֱלֹהֵ֑ינוּ וְאַ֣תְּ׀ תְּדַבֵּ֣רd אֵלֵ֗ינוּ אֵת֩ כָּל־אֲשֶׁ֨ר יְדַבֵּ֜רe יְהוָ֧ה אֱלֹהֵ֛ינוּ אֵלֶ֖יךָ וְשָׁמַ֥עְנוּf וְעָשִֽׂינוּg ׃

28 וַיִּשְׁמַ֤עa יְהוָה֙ אֶת־קֹ֣ול דִּבְרֵיכֶ֔ם בְּדַבֶּרְכֶ֖םb אֵלָ֑י וַיֹּ֨אמֶרc יְהוָ֜ה אֵלַ֗י שָׁ֠מַעְתִּיd אֶת־קֹ֨ול דִּבְרֵ֜י הָעָ֤ם הַזֶּה֙ אֲשֶׁ֣ר דִּבְּר֣וּe אֵלֶ֔יךָ הֵיטִ֖יבוּf כָּל־אֲשֶׁ֥ר דִּבֵּֽרוּg ׃

29 מִֽי־יִתֵּ֡ןa וְהָיָה֩b לְבָבָ֨ם זֶ֜ה לָהֶ֗ם לְיִרְאָ֥הc אֹתִ֛י וְלִשְׁמֹ֥רd אֶת־כָּל־מִצְוֹתַ֖י כָּל־הַיָּמִ֑ים לְמַ֨עַן יִיטַ֥בe לָהֶ֛ם וְלִבְנֵיהֶ֖ם לְעֹלָֽם׃

30 לֵ֖ךְa אֱמֹ֣רb לָהֶ֑ם שׁ֥וּבוּc לָכֶ֖ם לְאָהֳלֵיכֶֽם׃

31 וְאַתָּ֗ה פֹּה֮ עֲמֹ֣דa עִמָּדִי֒b וַאֲדַבְּרָ֣הc אֵלֶ֗יךָ אֵ֧ת כָּל־הַמִּצְוָ֛ה וְהַחֻקִּ֥ים וְהַמִּשְׁפָּטִ֖ים אֲשֶׁ֣ר תְּלַמְּדֵ֑םd וְעָשׂ֣וּe בָאָ֔רֶץ אֲשֶׁ֧ר אָנֹכִ֛י נֹתֵ֥ןf לָהֶ֖ם לְרִשְׁתָּֽהּg ׃

32 וּשְׁמַרְתֶּ֣םa לַעֲשֹׂ֔ותb כַּאֲשֶׁ֥ר צִוָּ֛הc יְהוָ֥ה אֱלֹהֵיכֶ֖ם אֶתְכֶ֑ם לֹ֥א תָסֻ֖רוּd יָמִ֥ין וּשְׂמֹֽאל׃

33 בְּכָל־הַדֶּ֗רֶךְ אֲשֶׁ֨ר צִוָּ֜הa יְהוָ֧ה אֱלֹהֵיכֶ֛ם אֶתְכֶ֖ם תֵּלֵ֑כוּb לְמַ֤עַן תִּֽחְיוּן֙c וְטֹ֣ובd לָכֶ֔ם וְהַאֲרַכְתֶּ֣םe יָמִ֔ים בָּאָ֖רֶץ אֲשֶׁ֥ר תִּֽירָשֽׁוּןf ׃