דברים

וְעַתָּ֣ה יִשְׂרָאֵ֗ל שְׁמַ֤עa אֶל־הַֽחֻקִּים֙ וְאֶל־הַמִּשְׁפָּטִ֔ים אֲשֶׁ֧ר אָֽנֹכִ֛י מְלַמֵּ֥דb אֶתְכֶ֖ם לַעֲשֹׂ֑ותc לְמַ֣עַן תִּֽחְי֗וּd וּבָאתֶם֙e וִֽירִשְׁתֶּ֣םf אֶת־הָאָ֔רֶץ אֲשֶׁ֧ר יְהוָ֛ה אֱלֹהֵ֥י אֲבֹתֵיכֶ֖ם נֹתֵ֥ןg לָכֶֽם׃

2 לֹ֣א תֹסִ֗פוּa עַל־הַדָּבָר֙ אֲשֶׁ֤ר אָנֹכִי֙ מְצַוֶּ֣הb אֶתְכֶ֔ם וְלֹ֥א תִגְרְע֖וּc מִמֶּ֑נּוּ לִשְׁמֹ֗רd אֶת־מִצְוֹת֙ יְהוָ֣ה אֱלֹֽהֵיכֶ֔ם אֲשֶׁ֥ר אָנֹכִ֖י מְצַוֶּ֥הe אֶתְכֶֽם׃

3 עֵֽינֵיכֶם֙ הָֽרֹאֹ֔תa אֵ֛ת אֲשֶׁר־עָשָׂ֥הb יְהוָ֖ה בְּבַ֣עַל פְּעֹ֑ורc כִּ֣י כָל־הָאִ֗ישׁ אֲשֶׁ֤ר הָלַךְ֙d אַחֲרֵ֣י בַֽעַל־פְּעֹ֔ורe הִשְׁמִידֹ֛וf יְהוָ֥ה אֱלֹהֶ֖יךָ מִקִּרְבֶּֽךָ׃

4 וְאַתֶּם֙ הַדְּבֵקִ֔יםa בַּיהוָ֖ה אֱלֹהֵיכֶ֑ם חַיִּ֥ים כֻּלְּכֶ֖ם הַיֹּֽום׃

5 רְאֵ֣הa ׀ לִמַּ֣דְתִּיb אֶתְכֶ֗ם חֻקִּים֙ וּמִשְׁפָּטִ֔ים כַּאֲשֶׁ֥ר צִוַּ֖נִיc יְהוָ֣ה אֱלֹהָ֑י לַעֲשֹׂ֣ותd כֵּ֔ן בְּקֶ֣רֶב הָאָ֔רֶץ אֲשֶׁ֥ר אַתֶּ֛ם בָּאִ֥יםe שָׁ֖מָּה לְרִשְׁתָּֽהּf ׃

6 וּשְׁמַרְתֶּם֮a וַעֲשִׂיתֶם֒b כִּ֣י הִ֤וא חָכְמַתְכֶם֙ וּבִ֣ינַתְכֶ֔םc לְעֵינֵ֖י הָעַמִּ֑ים אֲשֶׁ֣ר יִשְׁמְע֗וּןd אֵ֚ת כָּל־הַחֻקִּ֣ים הָאֵ֔לֶּה וְאָמְר֗וּe רַ֚ק עַם־חָכָ֣ם וְנָבֹ֔ון הַגֹּ֥וי הַגָּדֹ֖ול הַזֶּֽה׃

7 כִּ֚י מִי־גֹ֣וי גָּדֹ֔ול אֲשֶׁר־לֹ֥ו אֱלֹהִ֖ים קְרֹבִ֣ים אֵלָ֑יו כַּיהוָ֣ה אֱלֹהֵ֔ינוּ בְּכָל־קָרְאֵ֖נוּa אֵלָֽיו׃

8 וּמִי֙ גֹּ֣וי גָּדֹ֔ול אֲשֶׁר־לֹ֛ו חֻקִּ֥ים וּמִשְׁפָּטִ֖ים צַדִּיקִ֑ם כְּכֹל֙ הַתֹּורָ֣ה הַזֹּ֔את אֲשֶׁ֧ר אָנֹכִ֛י נֹתֵ֥ןa לִפְנֵיכֶ֖ם הַיֹּֽום׃

9 רַ֡ק הִשָּׁ֣מֶרa לְךָ֩ וּשְׁמֹ֨רb נַפְשְׁךָ֜ מְאֹ֗ד פֶּן־תִּשְׁכַּ֨חc אֶת־הַדְּבָרִ֜ים אֲשֶׁר־רָא֣וּd עֵינֶ֗יךָ וּפֶן־יָס֨וּרוּ֙e מִלְּבָ֣בְךָ֔ כֹּ֖ל יְמֵ֣י חַיֶּ֑יךָ וְהֹודַעְתָּ֥םf לְבָנֶ֖יךָ וְלִבְנֵ֥י בָנֶֽיךָ׃

10 יֹ֗ום אֲשֶׁ֨ר עָמַ֜דְתָּa לִפְנֵ֨י יְהוָ֣ה אֱלֹהֶיךָ֮ בְּחֹרֵב֒b בֶּאֱמֹ֨רc יְהוָ֜ה אֵלַ֗י הַקְהֶלd ־לִי֙ אֶת־הָעָ֔ם וְאַשְׁמִעֵ֖םe אֶת־דְּבָרָ֑י אֲשֶׁ֨ר יִלְמְד֜וּןf לְיִרְאָ֣הg אֹתִ֗י כָּל־הַיָּמִים֙ אֲשֶׁ֨ר הֵ֤ם חַיִּים֙ עַל־הָ֣אֲדָמָ֔ה וְאֶת־בְּנֵיהֶ֖ם יְלַמֵּדֽוּןh ׃

11 וַתִּקְרְב֥וּןa וַתַּֽעַמְד֖וּןb תַּ֣חַת הָהָ֑ר וְהָהָ֞ר בֹּעֵ֤רc בָּאֵשׁ֙ עַד־לֵ֣ב הַשָּׁמַ֔יִם חֹ֖שֶׁךְ עָנָ֥ן וַעֲרָפֶֽלd ׃

12 וַיְדַבֵּ֧רa יְהוָ֛ה אֲלֵיכֶ֖ם מִתֹּ֣וךְ הָאֵ֑שׁ קֹ֤ול דְּבָרִים֙ אַתֶּ֣ם שֹׁמְעִ֔יםb וּתְמוּנָ֛הc אֵינְכֶ֥ם רֹאִ֖יםd זוּלָתִ֥יe קֹֽול׃

13 וַיַּגֵּ֨דa לָכֶ֜ם אֶת־בְּרִיתֹ֗ו אֲשֶׁ֨ר צִוָּ֤הb אֶתְכֶם֙ לַעֲשֹׂ֔ותc עֲשֶׂ֖רֶת הַדְּבָרִ֑ים וַֽיִּכְתְּבֵ֔םd עַל־שְׁנֵ֖י לֻחֹ֥ותe אֲבָנִֽים׃

14 וְאֹתִ֞י צִוָּ֤הa יְהוָה֙ בָּעֵ֣ת הַהִ֔וא לְלַמֵּ֣דb אֶתְכֶ֔ם חֻקִּ֖ים וּמִשְׁפָּטִ֑ים לַעֲשֹׂתְכֶ֣םc אֹתָ֔ם בָּאָ֕רֶץ אֲשֶׁ֥ר אַתֶּ֛ם עֹבְרִ֥יםd שָׁ֖מָּה לְרִשְׁתָּֽהּe ׃

15 וְנִשְׁמַרְתֶּ֥םa מְאֹ֖ד לְנַפְשֹׁתֵיכֶ֑ם כִּ֣י לֹ֤א רְאִיתֶם֙b כָּל־תְּמוּנָ֔הc בְּיֹ֗ום דִּבֶּ֨רd יְהוָ֧ה אֲלֵיכֶ֛ם בְּחֹרֵ֖בe מִתֹּ֥וךְ הָאֵֽשׁ׃

16 פֶּ֨ן־תַּשְׁחִת֔וּןa וַעֲשִׂיתֶ֥םb לָכֶ֛ם פֶּ֖סֶלc תְּמוּנַ֣תd כָּל־סָ֑מֶלe תַּבְנִ֥יתf זָכָ֖ר אֹ֥ו נְקֵבָֽהg ׃

17 תַּבְנִ֕יתa כָּל־בְּהֵמָ֖ה אֲשֶׁ֣ר בָּאָ֑רֶץ תַּבְנִית֙b כָּל־צִפֹּ֣ורc כָּנָ֔ף אֲשֶׁ֥ר תָּע֖וּףd בַּשָּׁמָֽיִם׃

18 תַּבְנִ֕יתa כָּל־רֹמֵ֖שׂb בָּאֲדָמָ֑ה תַּבְנִ֛יתc כָּל־דָּגָ֥הd אֲשֶׁר־בַּמַּ֖יִם מִתַּ֥חַת לָאָֽרֶץ׃

19 וּפֶן־תִּשָּׂ֨אa עֵינֶ֜יךָ הַשָּׁמַ֗יְמָה וְֽ֠רָאִיתָb אֶת־הַשֶּׁ֨מֶשׁ וְאֶת־הַיָּרֵ֜חַc וְאֶת־הַכֹּֽוכָבִ֗יםd כֹּ֚ל צְבָ֣א הַשָּׁמַ֔יִם וְנִדַּחְתָּ֛e וְהִשְׁתַּחֲוִ֥יתָf לָהֶ֖ם וַעֲבַדְתָּ֑םg אֲשֶׁ֨ר חָלַ֜קh יְהוָ֤ה אֱלֹהֶ֨יךָ֙ אֹתָ֔ם לְכֹל֙ הָֽעַמִּ֔ים תַּ֖חַת כָּל־הַשָּׁמָֽיִם׃

20 וְאֶתְכֶם֙ לָקַ֣חa יְהוָ֔ה וַיֹּוצִ֥אb אֶתְכֶ֛ם מִכּ֥וּרc הַבַּרְזֶ֖ל מִמִּצְרָ֑יִם לִהְיֹ֥ותd לֹ֛ו לְעַ֥ם נַחֲלָ֖ה כַּיֹּ֥ום הַזֶּֽה׃

21 וַֽיהוָ֥ה הִתְאַנֶּףa ־בִּ֖י עַל־דִּבְרֵיכֶ֑ם וַיִּשָּׁבַ֗עb לְבִלְתִּ֤י עָבְרִי֙c אֶת־הַיַּרְדֵּ֔ן וּלְבִלְתִּי־בֹא֙d אֶל־הָאָ֣רֶץ הַטֹּובָ֔ה אֲשֶׁר֙ יְהוָ֣ה אֱלֹהֶ֔יךָ נֹתֵ֥ןe לְךָ֖ נַחֲלָֽה׃

22 כִּ֣י אָנֹכִ֥י מֵת֙a בָּאָ֣רֶץ הַזֹּ֔את אֵינֶ֥נִּי עֹבֵ֖רb אֶת־הַיַּרְדֵּ֑ן וְאַתֶּם֙ עֹֽבְרִ֔ים וִֽירִשְׁתֶּ֕םc אֶת־הָאָ֥רֶץ הַטֹּובָ֖ה הַזֹּֽאת׃

23 הִשָּׁמְר֣וּa לָכֶ֗ם פֶּֽן־תִּשְׁכְּחוּ֙b אֶת־בְּרִ֤ית יְהוָה֙ אֱלֹ֣הֵיכֶ֔ם אֲשֶׁ֥ר כָּרַ֖תc עִמָּכֶ֑ם וַעֲשִׂיתֶ֨םd לָכֶ֥ם פֶּ֨סֶל֙e תְּמ֣וּנַתf כֹּ֔ל אֲשֶׁ֥ר צִוְּךָ֖g יְהוָ֥ה אֱלֹהֶֽיךָ׃

24 כִּ֚י יְהוָ֣ה אֱלֹהֶ֔יךָ אֵ֥שׁ אֹכְלָ֖ה ה֑וּא אֵ֖ל קַנָּֽאa ׃ פ

25 כִּֽי־תֹולִ֤ידa בָּנִים֙ וּבְנֵ֣י בָנִ֔ים וְנֹושַׁנְתֶּ֖םb בָּאָ֑רֶץ וְהִשְׁחַתֶּ֗םc וַעֲשִׂ֤יתֶםd פֶּ֨סֶל֙e תְּמ֣וּנַתf כֹּ֔ל וַעֲשִׂיתֶ֥םg הָרַ֛ע בְּעֵינֵ֥י יְהוָֽה־אֱלֹהֶ֖יךָ לְהַכְעִיסֹֽוh ׃

26 הַעִידֹתִי֩a בָכֶ֨ם הַיֹּ֜ום אֶת־הַשָּׁמַ֣יִם וְאֶת־הָאָ֗רֶץ כִּֽי־אָבֹ֣ד תֹּאבֵדוּן֮b מַהֵר֒ מֵעַ֣ל הָאָ֔רֶץ אֲשֶׁ֨ר אַתֶּ֜ם עֹבְרִ֧יםc אֶת־הַיַּרְדֵּ֛ן שָׁ֖מָּה לְרִשְׁתָּ֑הּd לֹֽא־תַאֲרִיכֻ֤ןe יָמִים֙ עָלֶ֔יהָ כִּ֥י הִשָּׁמֵ֖ד תִּשָּׁמֵדֽוּןf ׃

27 וְהֵפִ֧יץa יְהוָ֛ה אֶתְכֶ֖ם בָּעַמִּ֑ים וְנִשְׁאַרְתֶּם֙b מְתֵ֣יc מִסְפָּ֔ר בַּגֹּויִ֕ם אֲשֶׁ֨ר יְנַהֵ֧גd יְהוָ֛ה אֶתְכֶ֖ם שָֽׁמָּה׃

28 וַעֲבַדְתֶּםa ־שָׁ֣ם אֱלֹהִ֔ים מַעֲשֵׂ֖ה יְדֵ֣י אָדָ֑ם עֵ֣ץ וָאֶ֔בֶן אֲשֶׁ֤ר לֹֽא־יִרְאוּן֙b וְלֹ֣א יִשְׁמְע֔וּןc וְלֹ֥א יֹֽאכְל֖וּןd וְלֹ֥א יְרִיחֻֽןe ׃

29 וּבִקַּשְׁתֶּ֥םa מִשָּׁ֛ם אֶת־יְהוָ֥ה אֱלֹהֶ֖יךָ וּמָצָ֑אתָb כִּ֣י תִדְרְשֶׁ֔נּוּc בְּכָל־לְבָבְךָ֖ וּבְכָל־נַפְשֶֽׁךָ׃

30 בַּצַּ֣רa לְךָ֔ וּמְצָא֕וּךָb כֹּ֖ל הַדְּבָרִ֣ים הָאֵ֑לֶּה בְּאַחֲרִית֙ הַיָּמִ֔ים וְשַׁבְתָּ֙c עַד־יְהוָ֣ה אֱלֹהֶ֔יךָ וְשָׁמַעְתָּ֖d בְּקֹלֹֽו׃

31 כִּ֣י אֵ֤ל רַחוּם֙a יְהוָ֣ה אֱלֹהֶ֔יךָ לֹ֥א יַרְפְּךָ֖b וְלֹ֣א יַשְׁחִיתֶ֑ךָc וְלֹ֤א יִשְׁכַּח֙d אֶת־בְּרִ֣ית אֲבֹתֶ֔יךָ אֲשֶׁ֥ר נִשְׁבַּ֖עe לָהֶֽם׃

32 כִּ֣י שְׁאַלa ־נָא֩ לְיָמִ֨ים רִֽאשֹׁנִ֜ים אֲשֶׁר־הָי֣וּb לְפָנֶ֗יךָ לְמִן־הַיֹּום֙ אֲשֶׁר֩ בָּרָ֨אc אֱלֹהִ֤ים׀ אָדָם֙ עַל־הָאָ֔רֶץ וּלְמִקְצֵ֥ה הַשָּׁמַ֖יִם וְעַד־קְצֵ֣ה הַשָּׁמָ֑יִם הֲנִֽהְיָ֗הd כַּדָּבָ֤ר הַגָּדֹול֙ הַזֶּ֔ה אֹ֖ו הֲנִשְׁמַ֥עe כָּמֹֽהוּ׃

33 הֲשָׁ֣מַֽעa עָם֩ קֹ֨ול אֱלֹהִ֜ים מְדַבֵּ֧רb מִתֹּוךְ־הָאֵ֛שׁ כַּאֲשֶׁר־שָׁמַ֥עְתָּc אַתָּ֖ה וַיֶּֽחִיd ׃

34 אֹ֣ו׀ הֲנִסָּ֣הa אֱלֹהִ֗ים לָ֠בֹואb לָקַ֨חַתc לֹ֣ו גֹוי֮ מִקֶּ֣רֶב גֹּוי֒ בְּמַסֹּת֩d בְּאֹתֹ֨ת וּבְמֹופְתִ֜יםe וּבְמִלְחָמָ֗ה וּבְיָ֤ד חֲזָקָה֙ וּבִזְרֹ֣ועַ נְטוּיָ֔ה וּבְמֹורָאִ֖יםf גְּדֹלִ֑ים כְּ֠כֹל אֲשֶׁר־עָשָׂ֨הg לָכֶ֜ם יְהוָ֧ה אֱלֹהֵיכֶ֛ם בְּמִצְרַ֖יִם לְעֵינֶֽיךָ׃

35 אַתָּה֙ הָרְאֵ֣תָa לָדַ֔עַתb כִּ֥י יְהוָ֖ה ה֣וּא הָאֱלֹהִ֑ים אֵ֥ין עֹ֖וד מִלְבַדֹּֽו׃

36 מִן־הַשָּׁמַ֛יִם הִשְׁמִֽיעֲךָ֥a אֶת־קֹלֹ֖ו לְיַסְּרֶ֑ךָּb וְעַל־הָאָ֗רֶץ הֶרְאֲךָ֙c אֶת־אִשֹּׁ֣ו הַגְּדֹולָ֔ה וּדְבָרָ֥יו שָׁמַ֖עְתָּd מִתֹּ֥וךְ הָאֵֽשׁ׃

37 וְתַ֗חַת כִּ֤י אָהַב֙a אֶת־אֲבֹתֶ֔יךָ וַיִּבְחַ֥רb בְּזַרְעֹ֖ו אַחֲרָ֑יו וַיֹּוצִֽאֲךָ֧c בְּפָנָ֛יו בְּכֹחֹ֥ו הַגָּדֹ֖ל מִמִּצְרָֽיִם׃

38 לְהֹורִ֗ישׁa גֹּויִ֛ם גְּדֹלִ֧ים וַעֲצֻמִ֛יםb מִמְּךָ֖ מִפָּנֶ֑יךָ לַהֲבִֽיאֲךָ֗c לָֽתֶתd ־לְךָ֧ אֶת־אַרְצָ֛ם נַחֲלָ֖ה כַּיֹּ֥ום הַזֶּֽה׃

39 וְיָדַעְתָּ֣a הַיֹּ֗ום וַהֲשֵׁבֹתָ֮b אֶל־לְבָבֶךָ֒ כִּ֤י יְהוָה֙ ה֣וּא הָֽאֱלֹהִ֔ים בַּשָּׁמַ֣יִם מִמַּ֔עַל וְעַל־הָאָ֖רֶץ מִתָּ֑חַת אֵ֖ין עֹֽוד׃

40 וְשָׁמַרְתָּ֞a אֶת־חֻקָּ֣יו וְאֶת־מִצְוֹתָ֗יו אֲשֶׁ֨ר אָנֹכִ֤י מְצַוְּךָ֙b הַיֹּ֔ום אֲשֶׁר֙ יִיטַ֣בc לְךָ֔ וּלְבָנֶ֖יךָ אַחֲרֶ֑יךָ וּלְמַ֨עַן תַּאֲרִ֤יךְd יָמִים֙ עַל־הָ֣אֲדָמָ֔ה אֲשֶׁ֨ר יְהוָ֧ה אֱלֹהֶ֛יךָ נֹתֵ֥ןe לְךָ֖ כָּל־הַיָּמִֽים׃ פ

41 אָ֣ז יַבְדִּ֤ילa מֹשֶׁה֙ שָׁלֹ֣שׁ עָרִ֔ים בְּעֵ֖בֶר הַיַּרְדֵּ֑ן מִזְרְחָ֖ה שָֽׁמֶשׁ׃

42 לָנֻ֨סa שָׁ֜מָּה רֹוצֵ֗חַb אֲשֶׁ֨ר יִרְצַ֤חc אֶת־רֵעֵ֨הוּ֙ בִּבְלִי־דַ֔עַת וְה֛וּא לֹא־שֹׂנֵ֥אd לֹ֖ו מִתְּמֹ֣ולe שִׁלְשֹׁ֑וםf וְנָ֗סg אֶל־אַחַ֛ת מִן־הֶעָרִ֥ים הָאֵ֖לh וָחָֽיi ׃

43 אֶת־בֶּ֧צֶרa בַּמִּדְבָּ֛ר בְּאֶ֥רֶץ הַמִּישֹׁ֖רb לָרֻֽאוּבֵנִ֑יc וְאֶת־רָאמֹ֤תd בַּגִּלְעָד֙ לַגָּדִ֔יe וְאֶת־גֹּולָ֥ןf בַּבָּשָׁ֖ן לַֽמְנַשִּֽׁיg ׃

44 וְזֹ֖את הַתֹּורָ֑ה אֲשֶׁר־שָׂ֣םa מֹשֶׁ֔ה לִפְנֵ֖י בְּנֵ֥י יִשְׂרָאֵֽל׃

45 אֵ֚לֶּה הָֽעֵדֹ֔ת וְהַֽחֻקִּ֖ים וְהַמִּשְׁפָּטִ֑ים אֲשֶׁ֨ר דִּבֶּ֤רa מֹשֶׁה֙ אֶל־בְּנֵ֣י יִשְׂרָאֵ֔ל בְּצֵאתָ֖םb מִמִּצְרָֽיִם׃

46 בְּעֵ֨בֶר הַיַּרְדֵּ֜ן בַּגַּ֗יְא מ֚וּלa בֵּ֣ית פְּעֹ֔ורb בְּאֶ֗רֶץ סִיחֹן֙c מֶ֣לֶךְ הָֽאֱמֹרִ֔י אֲשֶׁ֥ר יֹושֵׁ֖בd בְּחֶשְׁבֹּ֑וןe אֲשֶׁ֨ר הִכָּ֤הf מֹשֶׁה֙ וּבְנֵֽי יִשְׂרָאֵ֔ל בְּצֵאתָ֖םg מִמִּצְרָֽיִם׃

47 וַיִּֽירְשׁ֨וּa אֶת־אַרְצֹ֜ו וְאֶת־אֶ֣רֶץ׀ עֹ֣וגb מֶֽלֶךְ־הַבָּשָׁ֗ן שְׁנֵי֙ מַלְכֵ֣י הָֽאֱמֹרִ֔י אֲשֶׁ֖ר בְּעֵ֣בֶר הַיַּרְדֵּ֑ן מִזְרַ֖ח שָֽׁמֶשׁ׃

48 מֵעֲרֹעֵ֞רa אֲשֶׁ֨ר עַל־שְׂפַת־נַ֧חַל אַרְנֹ֛ןb וְעַד־הַ֥ר שִׂיאֹ֖ןc ה֥וּא חֶרְמֹֽוןd ׃

49 וְכָל־הָ֨עֲרָבָ֜ה עֵ֤בֶר הַיַּרְדֵּן֙ מִזְרָ֔חָה וְעַ֖ד יָ֣ם הָעֲרָבָ֑ה תַּ֖חַת אַשְׁדֹּ֥תa הַפִּסְגָּֽהb ׃ פ