דברים

וַיַּ֨עַלa מֹשֶׁ֜ה מֵֽעַרְבֹ֤ת מֹואָב֙ אֶל־הַ֣ר נְבֹ֔וb רֹ֚אשׁ הַפִּסְגָּ֔הc אֲשֶׁ֖ר עַל־פְּנֵ֣י יְרֵחֹ֑ו וַיַּרְאֵ֨הוּd יְהוָ֧ה אֶת־כָּל־הָאָ֛רֶץ אֶת־הַגִּלְעָ֖ד עַד־דָּֽן׃

2 וְאֵת֙ כָּל־נַפְתָּלִ֔י וְאֶת־אֶ֥רֶץ אֶפְרַ֖יִם וּמְנַשֶּׁ֑ה וְאֵת֙ כָּל־אֶ֣רֶץ יְהוּדָ֔ה עַ֖ד הַיָּ֥ם הָאַחֲרֹֽון׃

3 וְאֶת־הַנֶּ֗גֶב וְֽאֶת־הַכִּכָּ֞ר בִּקְעַ֧תa יְרֵחֹ֛ו עִ֥יר הַתְּמָרִ֖יםb עַד־צֹֽעַרc ׃

4 וַיֹּ֨אמֶרa יְהוָ֜ה אֵלָ֗יו זֹ֤את הָאָ֨רֶץ֙ אֲשֶׁ֣ר נִ֠שְׁבַּעְתִּיb לְאַבְרָהָ֨ם לְיִצְחָ֤ק וּֽלְיַעֲקֹב֙ לֵאמֹ֔רc לְזַרְעֲךָ֖ אֶתְּנֶ֑נָּהd הֶרְאִיתִ֣יךָe בְעֵינֶ֔יךָ וְשָׁ֖מָּה לֹ֥א תַעֲבֹֽרf ׃

5 וַיָּ֨מָתa שָׁ֜ם מֹשֶׁ֧ה עֶֽבֶד־יְהוָ֛ה בְּאֶ֥רֶץ מֹואָ֖ב עַל־פִּ֥י יְהוָֽה׃

6 וַיִּקְבֹּ֨רa אֹתֹ֤ו בַגַּיְ֙ בְּאֶ֣רֶץ מֹואָ֔ב מ֖וּלb בֵּ֣ית פְּעֹ֑ורc וְלֹֽא־יָדַ֥עd אִישׁ֙ אֶת־קְבֻ֣רָתֹ֔וe עַ֖ד הַיֹּ֥ום הַזֶּֽה׃

7 וּמֹשֶׁ֗ה בֶּן־מֵאָ֧ה וְעֶשְׂרִ֛ים שָׁנָ֖ה בְּמֹתֹ֑ו לֹֽא־כָהֲתָ֥הa עֵינֹ֖ו וְלֹא־נָ֥סb לֵחֹֽהc ׃

8 וַיִּבְכּוּ֩a בְנֵ֨י יִשְׂרָאֵ֧ל אֶת־מֹשֶׁ֛ה בְּעַֽרְבֹ֥ת מֹואָ֖ב שְׁלֹשִׁ֣ים יֹ֑ום וַֽיִּתְּמ֔וּb יְמֵ֥י בְכִ֖יc אֵ֥בֶלd מֹשֶֽׁה׃

9 וִֽיהֹושֻׁ֣עַ בִּן־נ֗וּןa מָלֵא֙b ר֣וּחַ חָכְמָ֔ה כִּֽי־סָמַ֥ךְc מֹשֶׁ֛ה אֶת־יָדָ֖יו עָלָ֑יו וַיִּשְׁמְע֨וּd אֵלָ֤יו בְּנֵֽי־יִשְׂרָאֵל֙ וַֽיַּעֲשׂ֔וּe כַּאֲשֶׁ֛ר צִוָּ֥הf יְהוָ֖ה אֶת־מֹשֶֽׁה׃

10 וְלֹֽא־קָ֨םa נָבִ֥יא עֹ֛וד בְּיִשְׂרָאֵ֖ל כְּמֹשֶׁ֑ה אֲשֶׁר֙ יְדָעֹ֣וb יְהוָ֔ה פָּנִ֖ים אֶל־פָּנִֽים׃

11 לְכָל־הָ֨אֹתֹ֜ות וְהַמֹּופְתִ֗יםa אֲשֶׁ֤ר שְׁלָחֹו֙b יְהוָ֔ה לַעֲשֹׂ֖ותc בְּאֶ֣רֶץ מִצְרָ֑יִם לְפַרְעֹ֥ה וּלְכָל־עֲבָדָ֖יו וּלְכָל־אַרְצֹֽו׃

12 וּלְכֹל֙ הַיָּ֣ד הַחֲזָקָ֔ה וּלְכֹ֖ל הַמֹּורָ֣אa הַגָּדֹ֑ול אֲשֶׁר֙ עָשָׂ֣הb מֹשֶׁ֔ה לְעֵינֵ֖י כָּל־יִשְׂרָאֵֽל׃