דברים

וְזֹ֣את הַבְּרָכָ֗ה אֲשֶׁ֨ר בֵּרַ֥ךְa מֹשֶׁ֛ה אִ֥ישׁ הָאֱלֹהִ֖ים אֶת־בְּנֵ֣י יִשְׂרָאֵ֑ל לִפְנֵ֖י מֹותֹֽו׃

2 וַיֹּאמַ֗רa יְהוָ֞ה מִסִּינַ֥יb בָּא֙c וְזָרַ֤חd מִשֵּׂעִיר֙e לָ֔מֹו הֹופִ֨יעַ֙f מֵהַ֣ר פָּארָ֔ןg וְאָתָ֖הh מֵרִבְבֹ֣תi קֹ֑דֶשׁ מִֽימִינֹ֕ו אשׁדתj לָֽמֹו׃

3 אַ֚ף חֹבֵ֣בa עַמִּ֔ים כָּל־קְדֹשָׁ֖יו בְּיָדֶ֑ךָ וְהֵם֙ תֻּכּ֣וּb לְרַגְלֶ֔ךָ יִשָּׂ֖אc מִדַּבְּרֹתֶֽיךָd ׃

4 תֹּורָ֥ה צִוָּהa ־לָ֖נוּ מֹשֶׁ֑ה מֹורָשָׁ֖הb קְהִלַּ֥תc יַעֲקֹֽב׃

5 וַיְהִ֥יa בִישֻׁר֖וּןb מֶ֑לֶךְ בְּהִתְאַסֵּף֙c רָ֣אשֵׁי עָ֔ם יַ֖חַדd שִׁבְטֵ֥י יִשְׂרָאֵֽל׃

6 יְחִ֥יa רְאוּבֵ֖ן וְאַל־יָמֹ֑תb וִיהִ֥יc מְתָ֖יוd מִסְפָּֽר׃ ס

7 וְזֹ֣את לִֽיהוּדָה֮ וַיֹּאמַר֒a שְׁמַ֤עb יְהוָה֙ קֹ֣ול יְהוּדָ֔ה וְאֶל־עַמֹּ֖ו תְּבִיאֶ֑נּוּc יָדָיו֙ רָ֣בd לֹ֔ו וְעֵ֥זֶרe מִצָּרָ֖יו תִּהְיֶֽהf ׃ ס

8 וּלְלֵוִ֣י אָמַ֔רa תֻּמֶּ֥יךָb וְאוּרֶ֖יךָc לְאִ֣ישׁ חֲסִידֶ֑ךָd אֲשֶׁ֤ר נִסִּיתֹו֙e בְּמַסָּ֔הf תְּרִיבֵ֖הוּg עַל־מֵ֥י מְרִיבָֽהh ׃

9 הָאֹמֵ֞רa לְאָבִ֤יו וּלְאִמֹּו֙ לֹ֣א רְאִיתִ֔יוb וְאֶת־אֶחָיו֙ לֹ֣א הִכִּ֔ירc וְאֶת־בנוd לֹ֣א יָדָ֑עe כִּ֤י שָֽׁמְרוּ֙f אִמְרָתֶ֔ךָg וּבְרִֽיתְךָ֖ יִנְצֹֽרוּh ׃

10 יֹור֤וּa מִשְׁפָּטֶ֨יךָ֙ לְיַעֲקֹ֔ב וְתֹורָתְךָ֖ לְיִשְׂרָאֵ֑ל יָשִׂ֤ימוּb קְטֹורָה֙c בְּאַפֶּ֔ךָ וְכָלִ֖ילd עַֽל־מִזְבְּחֶֽךָ׃

11 בָּרֵ֤ךְa יְהוָה֙ חֵילֹ֔ו וּפֹ֥עַלb יָדָ֖יו תִּרְצֶ֑הc מְחַ֨ץd מָתְנַ֧יִםe קָמָ֛יו וּמְשַׂנְאָ֖יו מִן־יְקוּמֽוּןf ׃ ס

12 לְבִנְיָמִ֣ן אָמַ֔רa יְדִ֣ידb יְהֹוָ֔ה יִשְׁכֹּ֥ןc לָבֶ֖טַחd עָלָ֑יו חֹפֵ֤ףe עָלָיו֙ כָּל־הַיֹּ֔ום וּבֵ֥ין כְּתֵיפָ֖יו שָׁכֵֽןf ׃ ס

13 וּלְיֹוסֵ֣ף אָמַ֔רa מְבֹרֶ֥כֶת יְהֹוָ֖ה אַרְצֹ֑ו מִמֶּ֤גֶדb שָׁמַ֨יִם֙ מִטָּ֔לc וּמִתְּהֹ֖וםd רֹבֶ֥צֶתe תָּֽחַת׃

14 וּמִמֶּ֖גֶדa תְּבוּאֹ֣תb שָׁ֑מֶשׁ וּמִמֶּ֖גֶדc גֶּ֥רֶשׁd יְרָחִֽיםe ׃

15 וּמֵרֹ֖אשׁ הַרְרֵי־קֶ֑דֶם וּמִמֶּ֖גֶדa גִּבְעֹ֥ות עֹולָֽם׃

16 וּמִמֶּ֗גֶדa אֶ֚רֶץ וּמְלֹאָ֔הּb וּרְצֹ֥ון שֹׁכְנִ֖י סְנֶ֑הc תָּבֹ֨ואתָה֙d לְרֹ֣אשׁ יֹוסֵ֔ף וּלְקָדְקֹ֖דe נְזִ֥ירf אֶחָֽיו׃

17 בְּכֹ֨ור שֹׁורֹ֜ו הָדָ֣רa לֹ֗ו וְקַרְנֵ֤י רְאֵם֙b קַרְנָ֔יו בָּהֶ֗ם עַמִּ֛ים יְנַגַּ֥חc יַחְדָּ֖ו אַפְסֵיd ־אָ֑רֶץ וְהֵם֙ רִבְבֹ֣ותe אֶפְרַ֔יִם וְהֵ֖ם אַלְפֵ֥יf מְנַשֶּֽׁה׃ ס

18 וְלִזְבוּלֻ֣ןa אָמַ֔רb שְׂמַ֥חc זְבוּלֻ֖ןd בְּצֵאתֶ֑ךָe וְיִשָּׂשכָ֖רf בְּאֹהָלֶֽיךָ׃

19 עַמִּים֙ הַר־יִקְרָ֔אוּa שָׁ֖ם יִזְבְּח֣וּb זִבְחֵי־צֶ֑דֶק כִּ֣י שֶׁ֤פַעc יַמִּים֙ יִינָ֔קוּd וּשְׂפוּנֵ֖יe טְמ֥וּנֵיf חֹֽולg ׃ ס

20 וּלְגָ֣ד אָמַ֔רa בָּר֖וּךְb מַרְחִ֣יבc גָּ֑ד כְּלָבִ֣יאd שָׁכֵ֔ןe וְטָרַ֥ףf זְרֹ֖ועַ אַף־קָדְקֹֽדg ׃

21 וַיַּ֤רְאa רֵאשִׁית֙ לֹ֔ו כִּי־שָׁ֛ם חֶלְקַ֥תb מְחֹקֵ֖קc סָפ֑וּןd וַיֵּתֵא֙e רָ֣אשֵׁי עָ֔ם צִדְקַ֤ת יְהוָה֙ עָשָׂ֔הf וּמִשְׁפָּטָ֖יו עִם־יִשְׂרָאֵֽל׃ ס

22 וּלְדָ֣ן אָמַ֔רa דָּ֖ן גּ֣וּרb אַרְיֵ֑הc יְזַנֵּ֖קd מִן־הַבָּשָֽׁן׃

23 וּלְנַפְתָּלִ֣י אָמַ֔רa נַפְתָּלִי֙ שְׂבַ֣עb רָצֹ֔ון וּמָלֵ֖אc בִּרְכַּ֣ת יְהוָ֑ה יָ֥ם וְדָרֹ֖וםd יְרָֽשָׁהe ׃ ס

24 וּלְאָשֵׁ֣רa אָמַ֔רb בָּר֥וּךְc מִבָּנִ֖ים אָשֵׁ֑רd יְהִ֤יe רְצוּי֙f אֶחָ֔יו וְטֹבֵ֥לg בַּשֶּׁ֖מֶן רַגְלֹֽו׃

25 בַּרְזֶ֥ל וּנְחֹ֖שֶׁת מִנְעָלֶ֑יךָa וּכְיָמֶ֖יךָ דָּבְאֶֽךָb ׃

26 אֵ֥ין כָּאֵ֖ל יְשֻׁר֑וּןa רֹכֵ֤בb שָׁמַ֨יִם֙ בְעֶזְרֶ֔ךָc וּבְגַאֲוָתֹ֖וd שְׁחָקִֽיםe ׃

27 מְעֹנָה֙a אֱלֹ֣הֵי קֶ֔דֶם וּמִתַּ֖חַת זְרֹעֹ֣ת עֹולָ֑ם וַיְגָ֧רֶשׁb מִפָּנֶ֛יךָ אֹויֵ֖ב וַיֹּ֥אמֶרc הַשְׁמֵֽדd ׃

28 וַיִּשְׁכֹּן֩a יִשְׂרָאֵ֨ל בֶּ֤טַחb בָּדָד֙c עֵ֣ין יַעֲקֹ֔ב אֶל־אֶ֖רֶץ דָּגָ֣ןd וְתִירֹ֑ושׁe אַף־שָׁמָ֖יו יַֽעַרְפוּf טָֽלg ׃

29 אַשְׁרֶ֨יךָa יִשְׂרָאֵ֜ל מִ֣י כָמֹ֗וךָ עַ֚ם נֹושַׁ֣עb בַּֽיהוָ֔ה מָגֵ֣ן עֶזְרֶ֔ךָc וַאֲשֶׁר־חֶ֖רֶב גַּאֲוָתֶ֑ךָd וְיִכָּֽחֲשׁ֤וּe אֹיְבֶ֨יךָ֙ לָ֔ךְ וְאַתָּ֖ה עַל־בָּמֹותֵ֥ימֹו תִדְרֹֽךְf ׃ ס