דברים

וַיֵּ֖לֶךְa מֹשֶׁ֑ה וַיְדַבֵּ֛רb אֶת־הַדְּבָרִ֥ים הָאֵ֖לֶּה אֶל־כָּל־יִשְׂרָאֵֽל׃

2 וַיֹּ֣אמֶרa אֲלֵהֶ֗ם בֶּן־מֵאָה֩ וְעֶשְׂרִ֨ים שָׁנָ֤ה אָנֹכִי֙ הַיֹּ֔ום לֹא־אוּכַ֥לb עֹ֖וד לָצֵ֣אתc וְלָבֹ֑ואd וַֽיהוָה֙ אָמַ֣רe אֵלַ֔י לֹ֥א תַעֲבֹ֖רf אֶת־הַיַּרְדֵּ֥ן הַזֶּֽה׃

3 יְהוָ֨ה אֱלֹהֶ֜יךָ ה֣וּא׀ עֹבֵ֣רa לְפָנֶ֗יךָ הֽוּא־יַשְׁמִ֞ידb אֶת־הַגֹּויִ֥ם הָאֵ֛לֶּה מִלְּפָנֶ֖יךָ וִֽירִשְׁתָּ֑םc יְהֹושֻׁ֗עַ ה֚וּא עֹבֵ֣רd לְפָנֶ֔יךָ כַּאֲשֶׁ֖ר דִּבֶּ֥רe יְהוָֽה׃

4 וְעָשָׂ֤הa יְהוָה֙ לָהֶ֔ם כַּאֲשֶׁ֣ר עָשָׂ֗הb לְסִיחֹ֥וןc וּלְעֹ֛וגd מַלְכֵ֥י הָאֱמֹרִ֖י וּלְאַרְצָ֑ם אֲשֶׁ֥ר הִשְׁמִ֖ידe אֹתָֽם׃

5 וּנְתָנָ֥םa יְהוָ֖ה לִפְנֵיכֶ֑ם וַעֲשִׂיתֶ֣םb לָהֶ֔ם כְּכָל־הַמִּצְוָ֔ה אֲשֶׁ֥ר צִוִּ֖יתִיc אֶתְכֶֽם׃

6 חִזְק֣וּa וְאִמְצ֔וּb אַל־תִּֽירְא֥וּc וְאַל־תַּעַרְצ֖וּd מִפְּנֵיהֶ֑ם כִּ֣י׀ יְהוָ֣ה אֱלֹהֶ֗יךָ ה֚וּא הַהֹלֵ֣ךְe עִמָּ֔ךְ לֹ֥א יַרְפְּךָ֖f וְלֹ֥א יַעַזְבֶֽךָּg ׃ פ

7 וַיִּקְרָ֨אa מֹשֶׁ֜ה לִֽיהֹושֻׁ֗עַ וַיֹּ֨אמֶרb אֵלָ֜יו לְעֵינֵ֣י כָל־יִשְׂרָאֵל֮ חֲזַ֣קc וֶאֱמָץ֒d כִּ֣י אַתָּ֗ה תָּבֹוא֙e אֶת־הָעָ֣ם הַזֶּ֔ה אֶל־הָאָ֕רֶץ אֲשֶׁ֨ר נִשְׁבַּ֧עf יְהוָ֛ה לַאֲבֹתָ֖ם לָתֵ֣תg לָהֶ֑ם וְאַתָּ֖ה תַּנְחִילֶ֥נָּהh אֹותָֽם׃

8 וַֽיהוָ֞ה ה֣וּא׀ הַהֹלֵ֣ךְa לְפָנֶ֗יךָ ה֚וּא יִהְיֶ֣הb עִמָּ֔ךְ לֹ֥א יַרְפְּךָ֖c וְלֹ֣א יַֽעַזְבֶ֑ךָּd לֹ֥א תִירָ֖אe וְלֹ֥א תֵחָֽתf ׃

9 וַיִּכְתֹּ֣בa מֹשֶׁה֮ אֶת־הַתֹּורָ֣ה הַזֹּאת֒ וַֽיִּתְּנָ֗הּb אֶל־הַכֹּהֲנִים֙ בְּנֵ֣י לֵוִ֔י הַנֹּ֣שְׂאִ֔יםc אֶת־אֲרֹ֖ון בְּרִ֣ית יְהוָ֑ה וְאֶל־כָּל־זִקְנֵ֖י יִשְׂרָאֵֽל׃

10 וַיְצַ֥וa מֹשֶׁ֖ה אֹותָ֣ם לֵאמֹ֑רb מִקֵּ֣ץ׀ שֶׁ֣בַע שָׁנִ֗ים בְּמֹעֵ֛ד שְׁנַ֥ת הַשְּׁמִטָּ֖הc בְּחַ֥ג הַסֻּכֹּֽותd ׃

11 בְּבֹ֣ואa כָל־יִשְׂרָאֵ֗ל לֵרָאֹות֙b אֶת־פְּנֵי֙ יְהוָ֣ה אֱלֹהֶ֔יךָ בַּמָּקֹ֖ום אֲשֶׁ֣ר יִבְחָ֑רc תִּקְרָ֞אd אֶת־הַתֹּורָ֥ה הַזֹּ֛את נֶ֥גֶד כָּל־יִשְׂרָאֵ֖ל בְּאָזְנֵיהֶֽם׃

12 הַקְהֵ֣לa אֶת־הָעָ֗ם הָֽאֲנָשִׁ֤ים וְהַנָּשִׁים֙ וְהַטַּ֔ףb וְגֵרְךָ֖ אֲשֶׁ֣ר בִּשְׁעָרֶ֑יךָ לְמַ֨עַן יִשְׁמְע֜וּc וּלְמַ֣עַן יִלְמְד֗וּd וְיָֽרְאוּ֙e אֶת־יְהוָ֣ה אֱלֹֽהֵיכֶ֔ם וְשָֽׁמְר֣וּf לַעֲשֹׂ֔ותg אֶת־כָּל־דִּבְרֵ֖י הַתֹּורָ֥ה הַזֹּֽאת׃

13 וּבְנֵיהֶ֞ם אֲשֶׁ֣ר לֹֽא־יָדְע֗וּa יִשְׁמְעוּ֙b וְלָ֣מְד֔וּc לְיִרְאָ֖הd אֶת־יְהוָ֣ה אֱלֹהֵיכֶ֑ם כָּל־הַיָּמִ֗ים אֲשֶׁ֨ר אַתֶּ֤ם חַיִּים֙ עַל־הָ֣אֲדָמָ֔ה אֲשֶׁ֨ר אַתֶּ֜ם עֹבְרִ֧יםe אֶת־הַיַּרְדֵּ֛ן שָׁ֖מָּה לְרִשְׁתָּֽהּf ׃ פ

14 וַיֹּ֨אמֶרa יְהוָ֜ה אֶל־מֹשֶׁ֗ה הֵ֣ן קָרְב֣וּb יָמֶיךָ֮ לָמוּת֒c קְרָ֣אd אֶת־יְהֹושֻׁ֗עַ וְהִֽתְיַצְּב֛וּe בְּאֹ֥הֶל מֹועֵ֖ד וַאֲצַוֶּ֑נּוּf וַיֵּ֤לֶךְg מֹשֶׁה֙ וִֽיהֹושֻׁ֔עַ וַיִּֽתְיַצְּב֖וּh בְּאֹ֥הֶל מֹועֵֽד׃

15 וַיֵּרָ֧אa יְהוָ֛ה בָּאֹ֖הֶל בְּעַמּ֣וּד עָנָ֑ן וַיַּעֲמֹ֛דb עַמּ֥וּד הֶעָנָ֖ן עַל־פֶּ֥תַח הָאֹֽהֶל׃ ס

16 וַיֹּ֤אמֶרa יְהוָה֙ אֶל־מֹשֶׁ֔ה הִנְּךָ֥ שֹׁכֵ֖בb עִם־אֲבֹתֶ֑יךָ וְקָם֩c הָעָ֨ם הַזֶּ֜ה וְזָנָ֣הd ׀ אַחֲרֵ֣י׀ אֱלֹהֵ֣י נֵֽכַרe ־הָאָ֗רֶץ אֲשֶׁ֨ר ה֤וּא בָאf ־שָׁ֨מָּה֙ בְּקִרְבֹּ֔ו וַעֲזָבַ֕נִיg וְהֵפֵר֙h אֶת־בְּרִיתִ֔י אֲשֶׁ֥ר כָּרַ֖תִּיi אִתֹּֽו׃

17 וְחָרָ֣הa אַפִּ֣י בֹ֣ו בַיֹּום־הַ֠הוּא וַעֲזַבְתִּ֞יםb וְהִסְתַּרְתִּ֨יc פָנַ֤י מֵהֶם֙ וְהָיָ֣הd לֶֽאֱכֹ֔לe וּמְצָאֻ֛הוּf רָעֹ֥ות רַבֹּ֖ות וְצָרֹ֑ות וְאָמַר֙g בַּיֹּ֣ום הַה֔וּא הֲלֹ֗א עַ֣ל כִּֽי־אֵ֤ין אֱלֹהַי֙ בְּקִרְבִּ֔י מְצָא֖וּנִיh הָרָעֹ֥ות הָאֵֽלֶּה׃

18 וְאָנֹכִ֗י הַסְתֵּ֨ר אַסְתִּ֤ירa פָּנַי֙ בַּיֹּ֣ום הַה֔וּא עַ֥ל כָּל־הָרָעָ֖ה אֲשֶׁ֣ר עָשָׂ֑הb כִּ֣י פָנָ֔הc אֶל־אֱלֹהִ֖ים אֲחֵרִֽים׃

19 וְעַתָּ֗ה כִּתְב֤וּa לָכֶם֙ אֶת־הַשִּׁירָ֣הb הַזֹּ֔את וְלַמְּדָ֥הּc אֶת־בְּנֵי־יִשְׂרָאֵ֖ל שִׂימָ֣הּd בְּפִיהֶ֑ם לְמַ֨עַן תִּהְיֶהe ־לִּ֜י הַשִּׁירָ֥הf הַזֹּ֛את לְעֵ֖ד בִּבְנֵ֥י יִשְׂרָאֵֽל׃

20 כִּֽי־אֲבִיאֶ֜נּוּa אֶֽל־הָאֲדָמָ֣ה׀ אֲשֶׁר־נִשְׁבַּ֣עְתִּיb לַאֲבֹתָ֗יו זָבַ֤תc חָלָב֙d וּדְבַ֔שׁ וְאָכַ֥לe וְשָׂבַ֖עf וְדָשֵׁ֑ןg וּפָנָ֞הh אֶל־אֱלֹהִ֤ים אֲחֵרִים֙ וַעֲבָד֔וּםi וְנִ֣אֲצ֔וּנִיj וְהֵפֵ֖רk אֶת־בְּרִיתִֽי׃

21 וְ֠הָיָהa כִּֽי־תִמְצֶ֨אןָb אֹתֹ֜ו רָעֹ֣ות רַבֹּות֮ וְצָרֹות֒ וְ֠עָנְתָהc הַשִּׁירָ֨הd הַזֹּ֤את לְפָנָיו֙ לְעֵ֔ד כִּ֛י לֹ֥א תִשָּׁכַ֖חe מִפִּ֣י זַרְעֹ֑ו כִּ֧י יָדַ֣עְתִּיf אֶת־יִצְרֹ֗וg אֲשֶׁ֨ר ה֤וּא עֹשֶׂה֙h הַיֹּ֔ום בְּטֶ֣רֶם אֲבִיאֶ֔נּוּi אֶל־הָאָ֖רֶץ אֲשֶׁ֥ר נִשְׁבָּֽעְתִּיj ׃

22 וַיִּכְתֹּ֥בa מֹשֶׁ֛ה אֶת־הַשִּׁירָ֥הb הַזֹּ֖את בַּיֹּ֣ום הַה֑וּא וַֽיְלַמְּדָ֖הּc אֶת־בְּנֵ֥י יִשְׂרָאֵֽל׃

23 וַיְצַ֞וa אֶת־יְהֹושֻׁ֣עַ בִּן־נ֗וּןb וַיֹּאמֶר֮c חֲזַ֣קd וֶֽאֱמָץ֒e כִּ֣י אַתָּ֗ה תָּבִיא֙f אֶת־בְּנֵ֣י יִשְׂרָאֵ֔ל אֶל־הָאָ֖רֶץ אֲשֶׁר־נִשְׁבַּ֣עְתִּיg לָהֶ֑ם וְאָנֹכִ֖י אֶֽהְיֶ֥הh עִמָּֽךְ׃

24 וַיְהִ֣יa ׀ כְּכַלֹּ֣ותb מֹשֶׁ֗ה לִכְתֹּ֛בc אֶת־דִּבְרֵ֥י הַתֹּורָֽה־הַזֹּ֖את עַל־סֵ֑פֶר עַ֖ד תֻּמָּֽםd ׃

25 וַיְצַ֤וa מֹשֶׁה֙ אֶת־הַלְוִיִּ֔ם נֹֽשְׂאֵ֛י אֲרֹ֥ון בְּרִית־יְהוָ֖ה לֵאמֹֽרb ׃

26 לָקֹ֗חַa אֵ֣ת סֵ֤פֶר הַתֹּורָה֙ הַזֶּ֔ה וְשַׂמְתֶּ֣םb אֹתֹ֔ו מִצַּ֛דc אֲרֹ֥ון בְּרִית־יְהוָ֖ה אֱלֹהֵיכֶ֑ם וְהָֽיָהd ־שָׁ֥ם בְּךָ֖ לְעֵֽד׃

27 כִּ֣י אָנֹכִ֤י יָדַ֨עְתִּי֙a אֶֽת־מֶרְיְךָ֔b וְאֶֽת־עָרְפְּךָ֖c הַקָּשֶׁ֑הd הֵ֣ן בְּעֹודֶנִּי֩ חַ֨י עִמָּכֶ֜ם הַיֹּ֗ום מַמְרִ֤יםe הֱיִתֶם֙f עִם־יְהֹוָ֔ה וְאַ֖ף כִּי־אַחֲרֵ֥י מֹותִֽי׃

28 הַקְהִ֧ילוּa אֵלַ֛י אֶת־כָּל־זִקְנֵ֥י שִׁבְטֵיכֶ֖ם וְשֹׁטְרֵיכֶ֑םb וַאֲדַבְּרָ֣הc בְאָזְנֵיהֶ֗ם אֵ֚ת הַדְּבָרִ֣ים הָאֵ֔לֶּה וְאָעִ֣ידָהd בָּ֔ם אֶת־הַשָּׁמַ֖יִם וְאֶת־הָאָֽרֶץ׃

29 כִּ֣י יָדַ֗עְתִּיa אַחֲרֵ֤י מֹותִי֙ כִּֽי־הַשְׁחֵ֣ת תַּשְׁחִת֔וּןb וְסַרְתֶּ֣םc מִן־הַדֶּ֔רֶךְ אֲשֶׁ֥ר צִוִּ֖יתִיd אֶתְכֶ֑ם וְקָרָ֨אתe אֶתְכֶ֤ם הָֽרָעָה֙ בְּאַחֲרִ֣ית הַיָּמִ֔ים כִּֽי־תַעֲשׂ֤וּf אֶת־הָרַע֙ בְּעֵינֵ֣י יְהוָ֔ה לְהַכְעִיסֹ֖וg בְּמַעֲשֵׂ֥ה יְדֵיכֶֽם׃

30 וַיְדַבֵּ֣רa מֹשֶׁ֗ה בְּאָזְנֵי֙ כָּל־קְהַ֣ל יִשְׂרָאֵ֔ל אֶת־דִּבְרֵ֥י הַשִּׁירָ֖הb הַזֹּ֑את עַ֖ד תֻּמָּֽםc ׃ פ