דברים

וְהָיָה֩a כִֽי־יָבֹ֨אוּb עָלֶ֜יךָ כָּל־הַדְּבָרִ֣ים הָאֵ֗לֶּה הַבְּרָכָה֙ וְהַקְּלָלָ֔הc אֲשֶׁ֥ר נָתַ֖תִּיd לְפָנֶ֑יךָ וַהֲשֵׁבֹתָ֙e אֶל־לְבָבֶ֔ךָ בְּכָל־הַגֹּויִ֔ם אֲשֶׁ֧ר הִדִּיחֲךָ֛f יְהוָ֥ה אֱלֹהֶ֖יךָ שָֽׁמָּה׃

2 וְשַׁבְתָּ֞a עַד־יְהוָ֤ה אֱלֹהֶ֨יךָ֙ וְשָׁמַעְתָּ֣b בְקֹלֹ֔ו כְּכֹ֛ל אֲשֶׁר־אָנֹכִ֥י מְצַוְּךָ֖c הַיֹּ֑ום אַתָּ֣ה וּבָנֶ֔יךָ בְּכָל־לְבָבְךָ֖ וּבְכָל־נַפְשֶֽׁךָ׃

3 וְשָׁ֨בa יְהוָ֧ה אֱלֹהֶ֛יךָ אֶת־שְׁבוּתְךָ֖b וְרִחֲמֶ֑ךָc וְשָׁ֗בd וְקִבֶּצְךָ֙e מִכָּל־הָ֣עַמִּ֔ים אֲשֶׁ֧ר הֱפִֽיצְךָ֛f יְהוָ֥ה אֱלֹהֶ֖יךָ שָֽׁמָּה׃

4 אִם־יִהְיֶ֥הa נִֽדַּחֲךָ֖ בִּקְצֵ֣ה הַשָּׁמָ֑יִם מִשָּׁ֗ם יְקַבֶּצְךָ֙b יְהוָ֣ה אֱלֹהֶ֔יךָ וּמִשָּׁ֖ם יִקָּחֶֽךָc ׃

5 וֶהֱבִֽיאֲךָ֞a יְהוָ֣ה אֱלֹהֶ֗יךָ אֶל־הָאָ֛רֶץ אֲשֶׁר־יָרְשׁ֥וּb אֲבֹתֶ֖יךָ וִֽירִשְׁתָּ֑הּc וְהֵיטִֽבְךָ֥d וְהִרְבְּךָ֖e מֵאֲבֹתֶֽיךָ׃

6 וּמָ֨לa יְהוָ֧ה אֱלֹהֶ֛יךָ אֶת־לְבָבְךָ֖ וְאֶת־לְבַ֣ב זַרְעֶ֑ךָ לְאַהֲבָ֞הb אֶת־יְהוָ֧ה אֱלֹהֶ֛יךָ בְּכָל־לְבָבְךָ֥ וּבְכָל־נַפְשְׁךָ֖ לְמַ֥עַן חַיֶּֽיךָ׃

7 וְנָתַן֙a יְהוָ֣ה אֱלֹהֶ֔יךָ אֵ֥ת כָּל־הָאָלֹ֖ותb הָאֵ֑לֶּה עַל־אֹיְבֶ֥יךָ וְעַל־שֹׂנְאֶ֖יךָ אֲשֶׁ֥ר רְדָפֽוּךָc ׃

8 וְאַתָּ֣ה תָשׁ֔וּבa וְשָׁמַעְתָּ֖b בְּקֹ֣ול יְהוָ֑ה וְעָשִׂ֨יתָ֙c אֶת־כָּל־מִצְוֹתָ֔יו אֲשֶׁ֛ר אָנֹכִ֥י מְצַוְּךָ֖d הַיֹּֽום׃

9 וְהֹותִֽירְךָ֩a יְהוָ֨ה אֱלֹהֶ֜יךָ בְּכֹ֣ל׀ מַעֲשֵׂ֣ה יָדֶ֗ךָ בִּפְרִ֨י בִטְנְךָ֜ וּבִפְרִ֧י בְהֶמְתְּךָ֛ וּבִפְרִ֥י אַדְמָתְךָ֖ לְטֹובָ֑ה כִּ֣י׀ יָשׁ֣וּבb יְהוָ֗ה לָשׂ֤וּשׂc עָלֶ֨יךָ֙ לְטֹ֔וב כַּאֲשֶׁר־שָׂ֖שׂd עַל־אֲבֹתֶֽיךָ׃

10 כִּ֣י תִשְׁמַ֗עa בְּקֹול֙ יְהוָ֣ה אֱלֹהֶ֔יךָ לִשְׁמֹ֤רb מִצְוֹתָיו֙ וְחֻקֹּתָ֔יו הַכְּתוּבָ֕הc בְּסֵ֥פֶר הַתֹּורָ֖ה הַזֶּ֑ה כִּ֤י תָשׁוּב֙d אֶל־יְהוָ֣ה אֱלֹהֶ֔יךָ בְּכָל־לְבָבְךָ֖ וּבְכָל־נַפְשֶֽׁךָ׃ פ

11 כִּ֚י הַמִּצְוָ֣ה הַזֹּ֔את אֲשֶׁ֛ר אָנֹכִ֥י מְצַוְּךָ֖a הַיֹּ֑ום לֹֽא־נִפְלֵ֥אתb הִוא֙ מִמְּךָ֔ וְלֹ֥א רְחֹקָ֖ה הִֽוא׃

12 לֹ֥א בַשָּׁמַ֖יִם הִ֑וא לֵאמֹ֗רa מִ֣י יַעֲלֶהb ־לָּ֤נוּ הַשָּׁמַ֨יְמָה֙ וְיִקָּחֶ֣הָc לָּ֔נוּ וְיַשְׁמִעֵ֥נוּd אֹתָ֖הּ וְנַעֲשֶֽׂנָּהe ׃

13 וְלֹֽא־מֵעֵ֥בֶר לַיָּ֖ם הִ֑וא לֵאמֹ֗רa מִ֣י יַעֲבָרb ־לָ֜נוּ אֶל־עֵ֤בֶר הַיָּם֙ וְיִקָּחֶ֣הָc לָּ֔נוּ וְיַשְׁמִעֵ֥נוּd אֹתָ֖הּ וְנַעֲשֶֽׂנָּהe ׃

14 כִּֽי־קָרֹ֥וב אֵלֶ֛יךָ הַדָּבָ֖ר מְאֹ֑ד בְּפִ֥יךָ וּבִֽלְבָבְךָ֖ לַעֲשֹׂתֹֽוa ׃ ס

15 רְאֵ֨הa נָתַ֤תִּיb לְפָנֶ֨יךָ֙ הַיֹּ֔ום אֶת־הַֽחַיִּ֖ים וְאֶת־הַטֹּ֑וב וְאֶת־הַמָּ֖וֶת וְאֶת־הָרָֽע׃

16 אֲשֶׁ֨ר אָנֹכִ֣י מְצַוְּךָ֮a הַיֹּום֒ לְאַהֲבָ֞הb אֶת־יְהוָ֤ה אֱלֹהֶ֨יךָ֙ לָלֶ֣כֶתc בִּדְרָכָ֔יו וְלִשְׁמֹ֛רd מִצְוֹתָ֥יו וְחֻקֹּתָ֖יו וּמִשְׁפָּטָ֑יו וְחָיִ֣יתָe וְרָבִ֔יתָf וּבֵֽרַכְךָ֙g יְהוָ֣ה אֱלֹהֶ֔יךָ בָּאָ֕רֶץ אֲשֶׁר־אַתָּ֥ה בָאh ־שָׁ֖מָּה לְרִשְׁתָּֽהּi ׃

17 וְאִם־יִפְנֶ֥הa לְבָבְךָ֖ וְלֹ֣א תִשְׁמָ֑עb וְנִדַּחְתָּ֗c וְהִֽשְׁתַּחֲוִ֛יתָd לֵאלֹהִ֥ים אֲחֵרִ֖ים וַעֲבַדְתָּֽםe ׃

18 הִגַּ֤דְתִּיa לָכֶם֙ הַיֹּ֔ום כִּ֥י אָבֹ֖ד תֹּאבֵד֑וּןb לֹא־תַאֲרִיכֻ֤ןc יָמִים֙ עַל־הָ֣אֲדָמָ֔ה אֲשֶׁ֨ר אַתָּ֤ה עֹבֵר֙d אֶת־הַיַּרְדֵּ֔ן לָבֹ֥אe שָׁ֖מָּה לְרִשְׁתָּֽהּf ׃

19 הַעִידֹ֨תִיa בָכֶ֣ם הַיֹּום֮ אֶת־הַשָּׁמַ֣יִם וְאֶת־הָאָרֶץ֒ הַחַיִּ֤ים וְהַמָּ֨וֶת֙ נָתַ֣תִּיb לְפָנֶ֔יךָ הַבְּרָכָ֖ה וְהַקְּלָלָ֑הc וּבָֽחַרְתָּ֙d בַּֽחַיִּ֔ים לְמַ֥עַן תִּחְיֶ֖הe אַתָּ֥ה וְזַרְעֶֽךָ׃

20 לְאַֽהֲבָה֙a אֶת־יְהוָ֣ה אֱלֹהֶ֔יךָ לִשְׁמֹ֥עַb בְּקֹלֹ֖ו וּלְדָבְקָהc ־בֹ֑ו כִּ֣י ה֤וּא חַיֶּ֨יךָ֙ וְאֹ֣רֶךְ יָמֶ֔יךָ לָשֶׁ֣בֶתd עַל־הָאֲדָמָ֗ה אֲשֶׁר֩ נִשְׁבַּ֨עe יְהוָ֧ה לַאֲבֹתֶ֛יךָ לְאַבְרָהָ֛ם לְיִצְחָ֥ק וּֽלְיַעֲקֹ֖ב לָתֵ֥תf לָהֶֽם׃ פ