דברים

וַיִּקְרָ֥אa מֹשֶׁ֛ה אֶל־כָּל־יִשְׂרָאֵ֖ל וַיֹּ֣אמֶרb אֲלֵהֶ֑ם אַתֶּ֣ם רְאִיתֶ֗םc אֵ֣ת כָּל־אֲשֶׁר֩ עָשָׂ֨הd יְהוָ֤ה לְעֵֽינֵיכֶם֙ בְּאֶ֣רֶץ מִצְרַ֔יִם לְפַרְעֹ֥ה וּלְכָל־עֲבָדָ֖יו וּלְכָל־אַרְצֹֽו׃

2 הַמַּסֹּות֙a הַגְּדֹלֹ֔ת אֲשֶׁ֥ר רָא֖וּb עֵינֶ֑יךָ הָאֹתֹ֧ת וְהַמֹּפְתִ֛יםc הַגְּדֹלִ֖ים הָהֵֽם׃

3 וְלֹֽא־נָתַן֩a יְהוָ֨ה לָכֶ֥ם לֵב֙ לָדַ֔עַתb וְעֵינַ֥יִם לִרְאֹ֖ותc וְאָזְנַ֣יִם לִשְׁמֹ֑עַd עַ֖ד הַיֹּ֥ום הַזֶּֽה׃

4 וָאֹולֵ֥ךְa אֶתְכֶ֛ם אַרְבָּעִ֥ים שָׁנָ֖ה בַּמִּדְבָּ֑ר לֹֽא־בָל֤וּb שַׂלְמֹֽתֵיכֶם֙c מֵעֲלֵיכֶ֔ם וְנַֽעַלְךָ֥d לֹֽא־בָלְתָ֖הe מֵעַ֥ל רַגְלֶֽךָ׃

5 לֶ֚חֶם לֹ֣א אֲכַלְתֶּ֔םa וְיַ֥יִן וְשֵׁכָ֖רb לֹ֣א שְׁתִיתֶ֑םc לְמַ֨עַן֙ תֵּֽדְע֔וּd כִּ֛י אֲנִ֥י יְהוָ֖ה אֱלֹהֵיכֶֽם׃

6 וַתָּבֹ֖אוּa אֶל־הַמָּקֹ֣ום הַזֶּ֑ה וַיֵּצֵ֣אb סִיחֹ֣ןc מֶֽלֶךְ־חֶ֠שְׁבֹּוןd וְעֹ֨וגe מֶֽלֶךְ־הַבָּשָׁ֧ן לִקְרָאתֵ֛נוּf לַמִּלְחָמָ֖ה וַנַּכֵּֽםg ׃

7 וַנִּקַּח֙a אֶת־אַרְצָ֔ם וַנִּתְּנָ֣הּb לְנַחֲלָ֔ה לָרֽאוּבֵנִ֖יc וְלַגָּדִ֑יd וְלַחֲצִ֖י שֵׁ֥בֶט הַֽמְנַשִּֽׁיe ׃

8 וּשְׁמַרְתֶּ֗םa אֶת־דִּבְרֵי֙ הַבְּרִ֣ית הַזֹּ֔את וַעֲשִׂיתֶ֖םb אֹתָ֑ם לְמַ֣עַן תַּשְׂכִּ֔ילוּc אֵ֖ת כָּל־אֲשֶׁ֥ר תַּעֲשֽׂוּןd ׃ פ

9 אַתֶּ֨ם נִצָּבִ֤יםa הַיֹּום֙ כֻּלְּכֶ֔ם לִפְנֵ֖י יְהוָ֣ה אֱלֹהֵיכֶ֑ם רָאשֵׁיכֶ֣ם שִׁבְטֵיכֶ֗ם זִקְנֵיכֶם֙ וְשֹׁ֣טְרֵיכֶ֔םb כֹּ֖ל אִ֥ישׁ יִשְׂרָאֵֽל׃

10 טַפְּכֶ֣םa נְשֵׁיכֶ֔ם וְגֵ֣רְךָ֔ אֲשֶׁ֖ר בְּקֶ֣רֶב מַחֲנֶ֑יךָ מֵחֹטֵ֣בb עֵצֶ֔יךָ עַ֖ד שֹׁאֵ֥בc מֵימֶֽיךָ׃

11 לְעָבְרְךָ֗a בִּבְרִ֛ית יְהוָ֥ה אֱלֹהֶ֖יךָ וּבְאָלָתֹ֑וb אֲשֶׁר֙ יְהוָ֣ה אֱלֹהֶ֔יךָ כֹּרֵ֥תc עִמְּךָ֖ הַיֹּֽום׃

12 לְמַ֣עַן הָקִֽיםa ־אֹתְךָ֩ הַיֹּ֨ום׀ לֹ֜ו לְעָ֗ם וְה֤וּא יִֽהְיֶהb ־לְּךָ֙ לֵֽאלֹהִ֔ים כַּאֲשֶׁ֖ר דִּבֶּרc ־לָ֑ךְ וְכַאֲשֶׁ֤ר נִשְׁבַּע֙d לַאֲבֹתֶ֔יךָ לְאַבְרָהָ֥ם לְיִצְחָ֖ק וּֽלְיַעֲקֹֽב׃

13 וְלֹ֥א אִתְּכֶ֖ם לְבַדְּכֶ֑ם אָנֹכִ֗י כֹּרֵת֙a אֶת־הַבְּרִ֣ית הַזֹּ֔את וְאֶת־הָאָלָ֖הb הַזֹּֽאת׃

14 כִּי֩ אֶת־אֲשֶׁ֨ר יֶשְׁנֹ֜ו פֹּ֗ה עִמָּ֨נוּ֙ עֹמֵ֣דa הַיֹּ֔ום לִפְנֵ֖י יְהוָ֣ה אֱלֹהֵ֑ינוּ וְאֵ֨ת אֲשֶׁ֥ר אֵינֶ֛נּוּ פֹּ֖ה עִמָּ֥נוּ הַיֹּֽום׃

15 כִּֽי־אַתֶּ֣ם יְדַעְתֶּ֔םa אֵ֥ת אֲשֶׁר־יָשַׁ֖בְנוּb בְּאֶ֣רֶץ מִצְרָ֑יִם וְאֵ֧ת אֲשֶׁר־עָבַ֛רְנוּc בְּקֶ֥רֶב הַגֹּויִ֖ם אֲשֶׁ֥ר עֲבַרְתֶּֽםd ׃

16 וַתִּרְאוּ֙a אֶת־שִׁקּ֣וּצֵיהֶ֔םb וְאֵ֖ת גִּלֻּלֵיהֶ֑םc עֵ֣ץ וָאֶ֔בֶן כֶּ֥סֶף וְזָהָ֖ב אֲשֶׁ֥ר עִמָּהֶֽם׃

17 פֶּן־יֵ֣שׁ בָּ֠כֶם אִ֣ישׁ אֹו־אִשָּׁ֞ה אֹ֧ו מִשְׁפָּחָ֣ה אֹו־שֵׁ֗בֶט אֲשֶׁר֩ לְבָבֹ֨ו פֹנֶ֤הa הַיֹּום֙ מֵעִם֙ יְהוָ֣ה אֱלֹהֵ֔ינוּ לָלֶ֣כֶתb לַעֲבֹ֔דc אֶת־אֱלֹהֵ֖י הַגֹּויִ֣ם הָהֵ֑ם פֶּן־יֵ֣שׁ בָּכֶ֗ם שֹׁ֛רֶשׁd פֹּרֶ֥הe רֹ֖אשׁf וְלַעֲנָֽהg ׃

18 וְהָיָ֡הa בְּשָׁמְעֹו֩b אֶת־דִּבְרֵ֨י הָֽאָלָ֜הc הַזֹּ֗את וְהִתְבָּרֵ֨ךְd בִּלְבָבֹ֤ו לֵאמֹר֙e שָׁלֹ֣ום יִֽהְיֶהf ־לִּ֔י כִּ֛י בִּשְׁרִר֥וּתg לִבִּ֖י אֵלֵ֑ךְh לְמַ֛עַן סְפֹ֥ותi הָרָוָ֖הj אֶת־הַצְּמֵאָֽהk ׃

19 לֹא־יֹאבֶ֣הa יְהוָה֮ סְלֹ֣חַֽb לֹו֒ כִּ֣י אָ֠ז יֶעְשַׁ֨ןc אַף־יְהוָ֤ה וְקִנְאָתֹו֙d בָּאִ֣ישׁ הַה֔וּא וְרָ֤בְצָהe בֹּו֙ כָּל־הָ֣אָלָ֔הf הַכְּתוּבָ֖הg בַּסֵּ֣פֶר הַזֶּ֑ה וּמָחָ֤הh יְהוָה֙ אֶת־שְׁמֹ֔ו מִתַּ֖חַת הַשָּׁמָֽיִם׃

20 וְהִבְדִּילֹ֤וa יְהוָה֙ לְרָעָ֔ה מִכֹּ֖ל שִׁבְטֵ֣י יִשְׂרָאֵ֑ל כְּכֹל֙ אָלֹ֣ותb הַבְּרִ֔ית הַכְּתוּבָ֕הc בְּסֵ֥פֶר הַתֹּורָ֖ה הַזֶּֽה׃

21 וְאָמַ֞רa הַדֹּ֣ור הָֽאַחֲרֹ֗ון בְּנֵיכֶם֙ אֲשֶׁ֤ר יָק֨וּמוּ֙b מֵאַ֣חֲרֵיכֶ֔ם וְהַ֨נָּכְרִ֔יc אֲשֶׁ֥ר יָבֹ֖אd מֵאֶ֣רֶץ רְחֹוקָ֑ה וְ֠רָאוּe אֶת־מַכֹּ֞ותf הָאָ֤רֶץ הַהִוא֙ וְאֶת־תַּ֣חֲלֻאֶ֔יהָg אֲשֶׁר־חִלָּ֥הh יְהוָ֖ה בָּֽהּ׃

22 גָּפְרִ֣יתa וָמֶלַח֮b שְׂרֵפָ֣הc כָל־אַרְצָהּ֒ לֹ֤א תִזָּרַע֙d וְלֹ֣א תַצְמִ֔חַe וְלֹֽא־יַעֲלֶ֥הf בָ֖הּ כָּל־עֵ֑שֶׂבg כְּֽמַהְפֵּכַ֞תh סְדֹ֤םi וַעֲמֹרָה֙j אַדְמָ֣הk וצבייםl אֲשֶׁר֙ הָפַ֣ךְm יְהוָ֔ה בְּאַפֹּ֖ו וּבַחֲמָתֹֽו׃

23 וְאָֽמְרוּ֙a כָּל־הַגֹּויִ֔ם עַל־מֶ֨ה עָשָׂ֧הb יְהוָ֛ה כָּ֖כָהc לָאָ֣רֶץ הַזֹּ֑את מֶ֥ה חֳרִ֛יd הָאַ֥ף הַגָּדֹ֖ול הַזֶּֽה׃

24 וְאָ֣מְר֔וּa עַ֚ל אֲשֶׁ֣ר עָֽזְב֔וּb אֶת־בְּרִ֥ית יְהוָ֖ה אֱלֹהֵ֣י אֲבֹתָ֑ם אֲשֶׁר֙ כָּרַ֣תc עִמָּ֔ם בְּהֹוצִיאֹ֥וd אֹתָ֖ם מֵאֶ֥רֶץ מִצְרָֽיִם׃

25 וַיֵּלְכ֗וּa וַיַּֽעַבְדוּ֙b אֱלֹהִ֣ים אֲחֵרִ֔ים וַיִּֽשְׁתַּחֲוּ֖וּc לָהֶ֑ם אֱלֹהִים֙ אֲשֶׁ֣ר לֹֽא־יְדָע֔וּםd וְלֹ֥א חָלַ֖קe לָהֶֽם׃

26 וַיִּֽחַרa ־אַ֥ף יְהוָ֖ה בָּאָ֣רֶץ הַהִ֑וא לְהָבִ֤יאb עָלֶ֨יהָ֙ אֶת־כָּל־הַקְּלָלָ֔הc הַכְּתוּבָ֖הd בַּסֵּ֥פֶר הַזֶּֽה׃

27 וַיִּתְּשֵׁ֤םa יְהוָה֙ מֵעַ֣ל אַדְמָתָ֔ם בְּאַ֥ף וּבְחֵמָ֖ה וּבְקֶ֣צֶףb גָּדֹ֑ול וַיַּשְׁלִכֵ֛םc אֶל־אֶ֥רֶץ אַחֶ֖רֶת כַּיֹּ֥ום הַזֶּֽה׃

28 הַ֨נִּסְתָּרֹ֔ת לַיהוָ֖ה אֱלֹהֵ֑ינוּ וְהַנִּגְלֹ֞ת לָ֤ׄנׄוּׄ וּׄלְׄבָׄנֵ֨ׄיׄנׄוּ֙ׄ עַד־עֹולָ֔ם לַעֲשֹׂ֕ותa אֶת־כָּל־דִּבְרֵ֖י הַתֹּורָ֥ה הַזֹּֽאת׃ ס