דברים

כִּֽי־יִהְיֶ֥הa רִיב֙ בֵּ֣ין אֲנָשִׁ֔ים וְנִגְּשׁ֥וּb אֶל־הַמִּשְׁפָּ֖ט וּשְׁפָט֑וּםc וְהִצְדִּ֨יקוּ֙d אֶת־הַצַּדִּ֔יק וְהִרְשִׁ֖יעוּe אֶת־הָרָשָֽׁע׃

2 וְהָיָ֛הa אִם־בִּ֥ן הַכֹּ֖ות הָרָשָׁ֑ע וְהִפִּילֹ֤וb הַשֹּׁפֵט֙ וְהִכָּ֣הוּc לְפָנָ֔יו כְּדֵ֥יd רִשְׁעָתֹ֖וe בְּמִסְפָּֽר׃

3 אַרְבָּעִ֥ים יַכֶּ֖נּוּa לֹ֣א יֹסִ֑יףb פֶּן־יֹסִ֨יףc לְהַכֹּתֹ֤וd עַל־אֵ֨לֶּה֙ מַכָּ֣הe רַבָּ֔ה וְנִקְלָ֥הf אָחִ֖יךָ לְעֵינֶֽיךָ׃ ס

4 לֹא־תַחְסֹ֥םa שֹׁ֖ור בְּדִישֹֽׁוb ׃ ס

5 כִּֽי־יֵשְׁב֨וּa אַחִ֜ים יַחְדָּ֗ו וּמֵ֨תb אַחַ֤ד מֵהֶם֙ וּבֵ֣ן אֵֽין־לֹ֔ו לֹֽא־תִהְיֶ֧הc אֵֽשֶׁת־הַמֵּ֛ת הַח֖וּצָה לְאִ֣ישׁ זָ֑ר יְבָמָהּ֙d יָבֹ֣אe עָלֶ֔יהָ וּלְקָחָ֥הּf לֹ֛ו לְאִשָּׁ֖ה וְיִבְּמָֽהּg ׃

6 וְהָיָ֗הa הַבְּכֹור֙ אֲשֶׁ֣ר תֵּלֵ֔דb יָק֕וּםc עַל־שֵׁ֥ם אָחִ֖יו הַמֵּ֑ת וְלֹֽא־יִמָּחֶ֥הd שְׁמֹ֖ו מִיִּשְׂרָאֵֽל׃

7 וְאִם־לֹ֤א יַחְפֹּץ֙a הָאִ֔ישׁ לָקַ֖חַתb אֶת־יְבִמְתֹּ֑וc וְעָלְתָה֩d יְבִמְתֹּ֨וe הַשַּׁ֜עְרָה אֶל־הַזְּקֵנִ֗ים וְאָֽמְרָה֙f מֵאֵ֨יןg יְבָמִ֜יh לְהָקִ֨יםi לְאָחִ֥יו שֵׁם֙ בְּיִשְׂרָאֵ֔ל לֹ֥א אָבָ֖הj יַבְּמִֽיk ׃

8 וְקָֽרְאוּa ־לֹ֥ו זִקְנֵי־עִירֹ֖ו וְדִבְּר֣וּb אֵלָ֑יו וְעָמַ֣דc וְאָמַ֔רd לֹ֥א חָפַ֖צְתִּיe לְקַחְתָּֽהּf ׃

9 וְנִגְּשָׁ֨הa יְבִמְתֹּ֣וb אֵלָיו֮ לְעֵינֵ֣י הַזְּקֵנִים֒ וְחָלְצָ֤הc נַעֲלֹו֙d מֵעַ֣ל רַגְלֹ֔ו וְיָרְקָ֖הe בְּפָנָ֑יו וְעָֽנְתָה֙f וְאָ֣מְרָ֔הg כָּ֚כָהh יֵעָשֶׂ֣הi לָאִ֔ישׁ אֲשֶׁ֥ר לֹא־יִבְנֶ֖הj אֶת־בֵּ֥ית אָחִֽיו׃

10 וְנִקְרָ֥אa שְׁמֹ֖ו בְּיִשְׂרָאֵ֑ל בֵּ֖ית חֲל֥וּץb הַנָּֽעַלc ׃ ס

11 כִּֽי־יִנָּצ֨וּa אֲנָשִׁ֤ים יַחְדָּו֙ אִ֣ישׁ וְאָחִ֔יו וְקָֽרְבָה֙b אֵ֣שֶׁת הָֽאֶחָ֔ד לְהַצִּ֥ילc אֶת־אִישָּׁ֖הּ מִיַּ֣ד מַכֵּ֑הוּ וְשָׁלְחָ֣הd יָדָ֔הּ וְהֶחֱזִ֖יקָהe בִּמְבֻשָֽׁיוf ׃

12 וְקַצֹּתָ֖הa אֶת־כַּפָּ֑הּ לֹ֥א תָחֹ֖וסb עֵינֶֽךָ׃ ס

13 לֹֽא־יִהְיֶ֥הa לְךָ֛ בְּכִֽיסְךָ֖b אֶ֣בֶן וָאָ֑בֶן גְּדֹולָ֖ה וּקְטַנָּֽהc ׃ ס

14 לֹא־יִהְיֶ֥הa לְךָ֛ בְּבֵיתְךָ֖ אֵיפָ֣הb וְאֵיפָ֑הc גְּדֹולָ֖ה וּקְטַנָּֽהd ׃

15 אֶ֣בֶן שְׁלֵמָ֤הa וָצֶ֨דֶק֙ יִֽהְיֶהb ־לָּ֔ךְ אֵיפָ֧הc שְׁלֵמָ֛הd וָצֶ֖דֶק יִֽהְיֶהe ־לָּ֑ךְ לְמַ֨עַן֙ יַאֲרִ֣יכוּf יָמֶ֔יךָ עַ֚ל הָֽאֲדָמָ֔ה אֲשֶׁר־יְהוָ֥ה אֱלֹהֶ֖יךָ נֹתֵ֥ןg לָֽךְ׃

16 כִּ֧י תֹועֲבַ֛ת יְהוָ֥ה אֱלֹהֶ֖יךָ כָּל־עֹ֣שֵׂה אֵ֑לֶּה כֹּ֖ל עֹ֥שֵׂה עָֽוֶלa ׃ פ

17 זָכֹ֕ורa אֵ֛ת אֲשֶׁר־עָשָׂ֥הb לְךָ֖ עֲמָלֵ֑קc בַּדֶּ֖רֶךְ בְּצֵאתְכֶ֥םd מִמִּצְרָֽיִם׃

18 אֲשֶׁ֨ר קָֽרְךָ֜a בַּדֶּ֗רֶךְ וַיְזַנֵּ֤בb בְּךָ֙ כָּל־הַנֶּחֱשָׁלִ֣יםc אַֽחַרֶ֔יךָ וְאַתָּ֖ה עָיֵ֣ףd וְיָגֵ֑עַe וְלֹ֥א יָרֵ֖אf אֱלֹהִֽים׃

19 וְהָיָ֡הa בְּהָנִ֣יחַb יְהוָ֣ה אֱלֹהֶ֣יךָ׀ לְ֠ךָ מִכָּל־אֹ֨יְבֶ֜יךָ מִסָּבִ֗יב בָּאָ֨רֶץ֙ אֲשֶׁ֣ר יְהוָֽה־אֱ֠לֹהֶיךָ נֹתֵ֨ןc לְךָ֤ נַחֲלָה֙ לְרִשְׁתָּ֔הּd תִּמְחֶה֙e אֶת־זֵ֣כֶרf עֲמָלֵ֔קg מִתַּ֖חַת הַשָּׁמָ֑יִם לֹ֖א תִּשְׁכָּֽחh ׃ פ