דברים

כִּֽי־יִקַּ֥חa אִ֛ישׁ אִשָּׁ֖ה וּבְעָלָ֑הּb וְהָיָ֞הc אִם־לֹ֧א תִמְצָאd ־חֵ֣ן בְּעֵינָ֗יו כִּי־מָ֤צָאe בָהּ֙ עֶרְוַ֣ת דָּבָ֔ר וְכָ֨תַבf לָ֜הּ סֵ֤פֶר כְּרִיתֻת֙g וְנָתַ֣ןh בְּיָדָ֔הּ וְשִׁלְּחָ֖הּi מִבֵּיתֹֽו׃

2 וְיָצְאָ֖הa מִבֵּיתֹ֑ו וְהָלְכָ֖הb וְהָיְתָ֥הc לְאִישׁ־אַחֵֽר׃

3 וּשְׂנֵאָהּ֮a הָאִ֣ישׁ הָאַחֲרֹון֒ וְכָ֨תַבb לָ֜הּ סֵ֤פֶר כְּרִיתֻת֙c וְנָתַ֣ןd בְּיָדָ֔הּ וְשִׁלְּחָ֖הּe מִבֵּיתֹ֑ו אֹ֣ו כִ֤י יָמוּת֙f הָאִ֣ישׁ הָאַחֲרֹ֔ון אֲשֶׁר־לְקָחָ֥הּg לֹ֖ו לְאִשָּֽׁה׃

4 לֹא־יוּכַ֣לa בַּעְלָ֣הּ הָרִאשֹׁ֣ון אֲשֶֽׁר־שִׁ֠לְּחָהּb לָשׁ֨וּבc לְקַחְתָּ֜הּd לִהְיֹ֧ותe לֹ֣ו לְאִשָּׁ֗ה אַחֲרֵי֙ אֲשֶׁ֣ר הֻטַּמָּ֔אָהf כִּֽי־תֹועֵבָ֥ה הִ֖וא לִפְנֵ֣י יְהוָ֑ה וְלֹ֤א תַחֲטִיא֙g אֶת־הָאָ֔רֶץ אֲשֶׁר֙ יְהוָ֣ה אֱלֹהֶ֔יךָ נֹתֵ֥ןh לְךָ֖ נַחֲלָֽה׃ ס

5 כִּֽי־יִקַּ֥חa אִישׁ֙ אִשָּׁ֣ה חֲדָשָׁ֔ה לֹ֤א יֵצֵא֙b בַּצָּבָ֔א וְלֹא־יַעֲבֹ֥רc עָלָ֖יו לְכָל־דָּבָ֑ר נָקִ֞יd יִהְיֶ֤הe לְבֵיתֹו֙ שָׁנָ֣ה אֶחָ֔ת וְשִׂמַּ֖חf אֶת־אִשְׁתֹּ֥ו אֲשֶׁר־לָקָֽחg ׃ ס

6 לֹא־יַחֲבֹ֥לa רֵחַ֖יִםb וָרָ֑כֶב כִּי־נֶ֖פֶשׁ ה֥וּא חֹבֵֽלc ׃ ס

7 כִּי־יִמָּצֵ֣אa אִ֗ישׁ גֹּנֵ֨בb נֶ֤פֶשׁ מֵאֶחָיו֙ מִבְּנֵ֣י יִשְׂרָאֵ֔ל וְהִתְעַמֶּרc ־בֹּ֖ו וּמְכָרֹ֑וd וּמֵת֙e הַגַּנָּ֣בf הַה֔וּא וּבִֽעַרְתָּ֥g הָרָ֖ע מִקִּרְבֶּֽךָ׃

8 הִשָּׁ֧מֶרa בְּנֶֽגַע־הַצָּרַ֛עַתb לִשְׁמֹ֥רc מְאֹ֖ד וְלַעֲשֹׂ֑ותd כְּכֹל֩ אֲשֶׁר־יֹור֨וּe אֶתְכֶ֜ם הַכֹּהֲנִ֧ים הַלְוִיִּ֛ם כַּאֲשֶׁ֥ר צִוִּיתִ֖םf תִּשְׁמְר֥וּg לַעֲשֹֽׂותh ׃ ס

9 זָכֹ֕ורa אֵ֧ת אֲשֶׁר־עָשָׂ֛הb יְהוָ֥ה אֱלֹהֶ֖יךָ לְמִרְיָ֑םc בַּדֶּ֖רֶךְ בְּצֵאתְכֶ֥םd מִמִּצְרָֽיִם׃ ס

10 כִּֽי־תַשֶּׁ֥הa בְרֵֽעֲךָ מַשַּׁ֣אתb מְא֑וּמָהc לֹא־תָבֹ֥אd אֶל־בֵּיתֹ֖ו לַעֲבֹ֥טe עֲבֹטֹֽוf ׃

11 בַּח֖וּץ תַּעֲמֹ֑דa וְהָאִ֗ישׁ אֲשֶׁ֤ר אַתָּה֙ נֹשֶׁ֣הb בֹ֔ו יֹוצִ֥יאc אֵלֶ֛יךָ אֶֽת־הַעֲבֹ֖וטd הַחֽוּצָה׃

12 וְאִם־אִ֥ישׁ עָנִ֖י ה֑וּא לֹ֥א תִשְׁכַּ֖בa בַּעֲבֹטֹֽוb ׃

13 הָשֵׁב֩ תָּשִׁ֨יבa לֹ֤ו אֶֽת־הַעֲבֹוט֙b כְּבֹ֣אc הַשֶּׁ֔מֶשׁ וְשָׁכַ֥בd בְּשַׂלְמָתֹ֖וe וּבֵֽרֲכֶ֑ךָּf וּלְךָ֙ תִּהְיֶ֣הg צְדָקָ֔ה לִפְנֵ֖י יְהוָ֥ה אֱלֹהֶֽיךָ׃ ס

14 לֹא־תַעֲשֹׁ֥קa שָׂכִ֖ירb עָנִ֣י וְאֶבְיֹ֑ון מֵאַחֶ֕יךָ אֹ֧ו מִגֵּרְךָ֛ אֲשֶׁ֥ר בְּאַרְצְךָ֖ בִּשְׁעָרֶֽיךָ׃

15 בְּיֹומֹו֩ תִתֵּ֨ןa שְׂכָרֹ֜וb וְֽלֹא־תָבֹ֧ואc עָלָ֣יו הַשֶּׁ֗מֶשׁ כִּ֤י עָנִי֙ ה֔וּא וְאֵלָ֕יו ה֥וּא נֹשֵׂ֖אd אֶת־נַפְשֹׁ֑ו וְלֹֽא־יִקְרָ֤אe עָלֶ֨יךָ֙ אֶל־יְהוָ֔ה וְהָיָ֥הf בְךָ֖ חֵֽטְאg ׃ ס

16 לֹֽא־יוּמְת֤וּa אָבֹות֙ עַל־בָּנִ֔ים וּבָנִ֖ים לֹא־יוּמְת֣וּb עַל־אָבֹ֑ות אִ֥ישׁ בְּחֶטְאֹ֖וc יוּמָֽתוּd ׃ ס

17 לֹ֣א תַטֶּ֔הa מִשְׁפַּ֖ט גֵּ֣ר יָתֹ֑וםb וְלֹ֣א תַחֲבֹ֔לc בֶּ֖גֶד אַלְמָנָֽה׃

18 וְזָכַרְתָּ֗a כִּ֣י עֶ֤בֶד הָיִ֨יתָ֙b בְּמִצְרַ֔יִם וַֽיִּפְדְּךָ֛c יְהוָ֥ה אֱלֹהֶ֖יךָ מִשָּׁ֑ם עַל־כֵּ֞ן אָנֹכִ֤י מְצַוְּךָ֙d לַעֲשֹׂ֔ותe אֶת־הַדָּבָ֖ר הַזֶּֽה׃ ס

19 כִּ֣י תִקְצֹר֩a קְצִֽירְךָ֨b בְשָׂדֶ֜ךָ וְשָֽׁכַחְתָּ֧c עֹ֣מֶרd בַּשָּׂדֶ֗ה לֹ֤א תָשׁוּב֙e לְקַחְתֹּ֔וf לַגֵּ֛ר לַיָּתֹ֥וםg וְלָאַלְמָנָ֖ה יִהְיֶ֑הh לְמַ֤עַן יְבָרֶכְךָ֙i יְהוָ֣ה אֱלֹהֶ֔יךָ בְּכֹ֖ל מַעֲשֵׂ֥ה יָדֶֽיךָ׃

20 כִּ֤י תַחְבֹּט֙a זֵֽיתְךָ֔b לֹ֥א תְפָאֵ֖רc אַחֲרֶ֑יךָ לַגֵּ֛ר לַיָּתֹ֥וםd וְלָאַלְמָנָ֖ה יִהְיֶֽהe ׃ ס

21 כִּ֤י תִבְצֹר֙a כַּרְמְךָ֔ לֹ֥א תְעֹולֵ֖לb אַחֲרֶ֑יךָ לַגֵּ֛ר לַיָּתֹ֥וםc וְלָאַלְמָנָ֖ה יִהְיֶֽהd ׃

22 וְזָ֣כַרְתָּ֔a כִּי־עֶ֥בֶד הָיִ֖יתָb בְּאֶ֣רֶץ מִצְרָ֑יִם עַל־כֵּ֞ן אָנֹכִ֤י מְצַוְּךָ֙c לַעֲשֹׂ֔ותd אֶת־הַדָּבָ֖ר הַזֶּֽה׃ ס