20
כִּֽי־תֵצֵ֨אa
לַמִּלְחָמָ֜ה עַל־אֹיְבֶ֗יךָ וְֽרָאִ֜יתָb
ס֤וּס וָרֶ֨כֶב֙ עַ֚ם רַ֣ב מִמְּךָ֔ לֹ֥א תִירָ֖אc
מֵהֶ֑ם כִּֽי־יְהוָ֤ה אֱלֹהֶ֨יךָ֙ עִמָּ֔ךְ הַמַּֽעַלְךָ֖d
מֵאֶ֥רֶץ מִצְרָֽיִם׃
2
וְהָיָ֕הa
כְּקָֽרָבְכֶ֖םb
אֶל־הַמִּלְחָמָ֑ה וְנִגַּ֥שׁc
הַכֹּהֵ֖ן וְדִבֶּ֥רd
אֶל־הָעָֽם׃
3
וְאָמַ֤רa
אֲלֵהֶם֙ שְׁמַ֣עb
יִשְׂרָאֵ֔ל אַתֶּ֨ם קְרֵבִ֥יםc
הַיֹּ֛ום לַמִּלְחָמָ֖ה עַל־אֹיְבֵיכֶ֑ם אַל־יֵרַ֣ךְd
לְבַבְכֶ֗ם אַל־תִּֽירְא֧וּe
וְאַֽל־תַּחְפְּז֛וּf
וְאַל־תַּֽעַרְצ֖וּg
מִפְּנֵיהֶֽם׃
4
כִּ֚י יְהוָ֣ה אֱלֹֽהֵיכֶ֔ם הַהֹלֵ֖ךְa
עִמָּכֶ֑ם לְהִלָּחֵ֥םb
לָכֶ֛ם עִם־אֹיְבֵיכֶ֖ם לְהֹושִׁ֥יעַc
אֶתְכֶֽם׃
5
וְדִבְּר֣וּa
הַשֹּֽׁטְרִים֮b
אֶל־הָעָ֣ם לֵאמֹר֒c
מִֽי־הָאִ֞ישׁ אֲשֶׁ֨ר בָּנָ֤הd
בַֽיִת־חָדָשׁ֙ וְלֹ֣א חֲנָכֹ֔וe
יֵלֵ֖ךְf
וְיָשֹׁ֣בg
לְבֵיתֹ֑ו פֶּן־יָמוּת֙h
בַּמִּלְחָמָ֔ה וְאִ֥ישׁ אַחֵ֖ר יַחְנְכֶֽנּוּi
׃
6
וּמִֽי־הָאִ֞ישׁ אֲשֶׁר־נָטַ֥עa
כֶּ֨רֶם֙ וְלֹ֣א חִלְּלֹ֔וb
יֵלֵ֖ךְc
וְיָשֹׁ֣בd
לְבֵיתֹ֑ו פֶּן־יָמוּת֙e
בַּמִּלְחָמָ֔ה וְאִ֥ישׁ אַחֵ֖ר יְחַלְּלֶֽנּוּf
׃
7
וּמִֽי־הָאִ֞ישׁ אֲשֶׁר־אֵרַ֤שׂa
אִשָּׁה֙ וְלֹ֣א לְקָחָ֔הּb
יֵלֵ֖ךְc
וְיָשֹׁ֣בd
לְבֵיתֹ֑ו פֶּן־יָמוּת֙e
בַּמִּלְחָמָ֔ה וְאִ֥ישׁ אַחֵ֖ר יִקָּחֶֽנָּהf
׃
8
וְיָסְפ֣וּa
הַשֹּׁטְרִים֮b
לְדַבֵּ֣רc
אֶל־הָעָם֒ וְאָמְר֗וּd
מִי־הָאִ֤ישׁ הַיָּרֵא֙e
וְרַ֣ךְf
הַלֵּבָ֔ב יֵלֵ֖ךְg
וְיָשֹׁ֣בh
לְבֵיתֹ֑ו וְלֹ֥א יִמַּ֛סi
אֶת־לְבַ֥ב אֶחָ֖יו כִּלְבָבֹֽו׃
9
וְהָיָ֛הa
כְּכַלֹּ֥תb
הַשֹּׁטְרִ֖יםc
לְדַבֵּ֣רd
אֶל־הָעָ֑ם וּפָֽקְד֛וּe
שָׂרֵ֥י צְבָאֹ֖ות בְּרֹ֥אשׁ הָעָֽם׃ ס
10
כִּֽי־תִקְרַ֣בa
אֶל־עִ֔יר לְהִלָּחֵ֖םb
עָלֶ֑יהָ וְקָרָ֥אתָc
אֵלֶ֖יהָ לְשָׁלֹֽום׃
11
וְהָיָה֙a
אִם־שָׁלֹ֣ום תַּֽעַנְךָ֔b
וּפָתְחָ֖הc
לָ֑ךְ וְהָיָ֞הd
כָּל־הָעָ֣ם הַנִּמְצָאe
־בָ֗הּ יִהְי֥וּf
לְךָ֛ לָמַ֖סg
וַעֲבָדֽוּךָh
׃
12
וְאִם־לֹ֤א תַשְׁלִים֙a
עִמָּ֔ךְ וְעָשְׂתָ֥הb
עִמְּךָ֖ מִלְחָמָ֑ה וְצַרְתָּ֖c
עָלֶֽיהָ׃
13
וּנְתָנָ֛הּa
יְהוָ֥ה אֱלֹהֶ֖יךָ בְּיָדֶ֑ךָ וְהִכִּיתָ֥b
אֶת־כָּל־זְכוּרָ֖הּc
לְפִי־חָֽרֶב׃
14
רַ֣ק הַ֠נָּשִׁים וְהַטַּ֨ףa
וְהַבְּהֵמָ֜ה וְכֹל֩ אֲשֶׁ֨ר יִהְיֶ֥הb
בָעִ֛יר כָּל־שְׁלָלָ֖הּ תָּבֹ֣זc
לָ֑ךְ וְאָֽכַלְתָּ֙d
אֶת־שְׁלַ֣ל אֹיְבֶ֔יךָ אֲשֶׁ֥ר נָתַ֛ןe
יְהוָ֥ה אֱלֹהֶ֖יךָ לָֽךְ׃
15
כֵּ֤ן תַּעֲשֶׂה֙a
לְכָל־הֶ֣עָרִ֔ים הָרְחֹקֹ֥ת מִמְּךָ֖ מְאֹ֑ד אֲשֶׁ֛ר לֹא־מֵעָרֵ֥י הַגֹּֽויִם־הָאֵ֖לֶּה הֵֽנָּהb
׃
16
רַ֗ק מֵעָרֵ֤י הָֽעַמִּים֙ הָאֵ֔לֶּה אֲשֶׁר֙ יְהוָ֣ה אֱלֹהֶ֔יךָ נֹתֵ֥ןa
לְךָ֖ נַחֲלָ֑ה לֹ֥א תְחַיֶּ֖הb
כָּל־נְשָׁמָֽהc
׃
17
כִּֽי־הַחֲרֵ֣ם תַּחֲרִימֵ֗םa
הַחִתִּ֤יb
וְהָאֱמֹרִי֙ הַכְּנַעֲנִ֣י וְהַפְּרִזִּ֔יc
הַחִוִּ֖יd
וְהַיְבוּסִ֑יe
כַּאֲשֶׁ֥ר צִוְּךָ֖f
יְהוָ֥ה אֱלֹהֶֽיךָ׃
18
לְמַ֗עַן אֲשֶׁ֨ר לֹֽא־יְלַמְּד֤וּa
אֶתְכֶם֙ לַעֲשֹׂ֔ותb
כְּכֹל֙ תֹּֽועֲבֹתָ֔ם אֲשֶׁ֥ר עָשׂ֖וּc
לֵֽאלֹהֵיהֶ֑ם וַחֲטָאתֶ֖םd
לַיהוָ֥ה אֱלֹהֵיכֶֽם׃ ס
19
כִּֽי־תָצ֣וּרa
אֶל־עִיר֩ יָמִ֨ים רַבִּ֜ים לְֽהִלָּחֵ֧םb
עָלֶ֣יהָ לְתָפְשָׂ֗הּc
לֹֽא־תַשְׁחִ֤יתd
אֶת־עֵצָהּ֙ לִנְדֹּ֤חַe
עָלָיו֙ גַּרְזֶ֔ןf
כִּ֚י מִמֶּ֣נּוּ תֹאכֵ֔לg
וְאֹתֹ֖ו לֹ֣א תִכְרֹ֑תh
כִּ֤י הָֽאָדָם֙ עֵ֣ץ הַשָּׂדֶ֔ה לָבֹ֥אi
מִפָּנֶ֖יךָ בַּמָּצֹֽורj
׃
20
רַ֞ק עֵ֣ץ אֲשֶׁר־תֵּדַ֗עa
כִּֽי־לֹא־עֵ֤ץ מַאֲכָל֙b
ה֔וּא אֹתֹ֥ו תַשְׁחִ֖יתc
וְכָרָ֑תָּd
וּבָנִ֣יתָe
מָצֹ֗ורf
עַל־הָעִיר֙ אֲשֶׁר־הִ֨וא עֹשָׂ֧הg
עִמְּךָ֛ מִלְחָמָ֖ה עַ֥ד רִדְתָּֽהּh
׃ פ