דברים

וַנֵּ֜פֶןa וַנִּסַּ֤עb הַמִּדְבָּ֨רָה֙ דֶּ֣רֶךְ יַם־ס֔וּףc כַּאֲשֶׁ֛ר דִּבֶּ֥רd יְהוָ֖ה אֵלָ֑י וַנָּ֥סָבe אֶת־הַר־שֵׂעִ֖ירf יָמִ֥ים רַבִּֽים׃ ס

2 וַיֹּ֥אמֶרa יְהוָ֖ה אֵלַ֥י לֵאמֹֽרb ׃

3 רַב־לָכֶ֕ם סֹ֖בa אֶת־הָהָ֣ר הַזֶּ֑ה פְּנ֥וּb לָכֶ֖ם צָפֹֽנָה׃

4 וְאֶת־הָעָם֮ צַ֣וa לֵאמֹר֒b אַתֶּ֣ם עֹֽבְרִ֗יםc בִּגְבוּל֙ אֲחֵיכֶ֣ם בְּנֵי־עֵשָׂ֔ו הַיֹּשְׁבִ֖יםd בְּשֵׂעִ֑ירe וְיִֽירְא֣וּf מִכֶּ֔ם וְנִשְׁמַרְתֶּ֖םg מְאֹֽד׃

5 אַל־תִּתְגָּר֣וּa בָ֔ם כִּ֠י לֹֽא־אֶתֵּ֤ןb לָכֶם֙ מֵֽאַרְצָ֔ם עַ֖ד מִדְרַ֣ךְc כַּף־רָ֑גֶל כִּֽי־יְרֻשָּׁ֣הd לְעֵשָׂ֔ו נָתַ֖תִּיe אֶת־הַ֥ר שֵׂעִֽירf ׃

6 אֹ֣כֶלa תִּשְׁבְּר֧וּb מֵֽאִתָּ֛ם בַּכֶּ֖סֶף וַאֲכַלְתֶּ֑םc וְגַם־מַ֜יִם תִּכְר֧וּd מֵאִתָּ֛ם בַּכֶּ֖סֶף וּשְׁתִיתֶֽםe ׃

7 כִּי֩ יְהוָ֨ה אֱלֹהֶ֜יךָ בֵּֽרַכְךָ֗a בְּכֹל֙ מַעֲשֵׂ֣ה יָדֶ֔ךָ יָדַ֣עb לֶכְתְּךָ֔c אֶת־הַמִּדְבָּ֥ר הַגָּדֹ֖ל הַזֶּ֑ה זֶ֣ה׀ אַרְבָּעִ֣ים שָׁנָ֗ה יְהוָ֤ה אֱלֹהֶ֨יךָ֙ עִמָּ֔ךְ לֹ֥א חָסַ֖רְתָּd דָּבָֽר׃

8 וַֽנַּעֲבֹ֞רa מֵאֵ֧ת אַחֵ֣ינוּ בְנֵי־עֵשָׂ֗ו הַיֹּֽשְׁבִים֙b בְּשֵׂעִ֔ירc מִדֶּ֨רֶךְ֙ הָֽעֲרָבָ֔ה מֵאֵילַ֖תd וּמֵעֶצְיֹ֣ן גָּ֑בֶרe ס וַנֵּ֨פֶן֙f וַֽנַּעֲבֹ֔רg דֶּ֖רֶךְ מִדְבַּ֥ר מֹואָֽב׃

9 וַיֹּ֨אמֶרa יְהוָ֜ה אֵלַ֗י אֶל־תָּ֨צַר֙b אֶת־מֹואָ֔ב וְאַל־תִּתְגָּ֥רc בָּ֖ם מִלְחָמָ֑ה כִּ֠י לֹֽא־אֶתֵּ֨ןd לְךָ֤ מֵֽאַרְצֹו֙ יְרֻשָּׁ֔הe כִּ֣י לִבְנֵי־לֹ֔וטf נָתַ֥תִּיg אֶת־עָ֖רh יְרֻשָּֽׁהi ׃

10 הָאֵמִ֥יםa לְפָנִ֖ים יָ֣שְׁבוּb בָ֑הּ עַ֣ם גָּדֹ֥ול וְרַ֛ב וָרָ֖ם כָּעֲנָקִֽיםc ׃

11 רְפָאִ֛יםa יֵחָשְׁב֥וּb אַף־הֵ֖ם כָּעֲנָקִ֑יםc וְהַמֹּ֣אָבִ֔יםd יִקְרְא֥וּe לָהֶ֖ם אֵמִֽיםf ׃

12 וּבְשֵׂעִ֞ירa יָשְׁב֣וּb הַחֹרִים֮c לְפָנִים֒ וּבְנֵ֧י עֵשָׂ֣ו יִֽירָשׁ֗וּםd וַיַּשְׁמִידוּם֙e מִפְּנֵיהֶ֔ם וַיֵּשְׁב֖וּf תַּחְתָּ֑ם כַּאֲשֶׁ֧ר עָשָׂ֣הg יִשְׂרָאֵ֗ל לְאֶ֨רֶץ֙ יְרֻשָּׁתֹ֔וh אֲשֶׁר־נָתַ֥ןi יְהוָ֖ה לָהֶֽם׃

13 עַתָּ֗ה קֻ֛מוּa וְעִבְר֥וּb לָכֶ֖ם אֶת־נַ֣חַל זָ֑רֶדc וַֽנַּעֲבֹ֖רd אֶת־נַ֥חַל זָֽרֶדe ׃

14 וְהַיָּמִ֞ים אֲשֶׁר־הָלַ֣כְנוּa ׀ מִקָּדֵ֣שׁ בַּרְנֵ֗עַb עַ֤ד אֲשֶׁר־עָבַ֨רְנוּ֙c אֶת־נַ֣חַל זֶ֔רֶדd שְׁלֹשִׁ֥ים וּשְׁמֹנֶ֖ה שָׁנָ֑ה עַד־תֹּ֨םe כָּל־הַדֹּ֜ור אַנְשֵׁ֤י הַמִּלְחָמָה֙ מִקֶּ֣רֶב הַֽמַּחֲנֶ֔ה כַּאֲשֶׁ֛ר נִשְׁבַּ֥עf יְהוָ֖ה לָהֶֽם׃

15 וְגַ֤ם יַד־יְהוָה֙ הָ֣יְתָהa בָּ֔ם לְהֻמָּ֖םb מִקֶּ֣רֶב הַֽמַּחֲנֶ֑ה עַ֖ד תֻּמָּֽםc ׃

16 וַיְהִ֨יa כַאֲשֶׁר־תַּ֜מּוּb כָּל־אַנְשֵׁ֧י הַמִּלְחָמָ֛ה לָמ֖וּתc מִקֶּ֥רֶב הָעָֽם׃ ס

17 וַיְדַבֵּ֥רa יְהוָ֖ה אֵלַ֥י לֵאמֹֽרb ׃

18 אַתָּ֨ה עֹבֵ֥רa הַיֹּ֛ום אֶת־גְּב֥וּל מֹואָ֖ב אֶת־עָֽרb ׃

19 וְקָרַבְתָּ֗a מ֚וּלb בְּנֵ֣י עַמֹּ֔ון אַל־תְּצֻרֵ֖םc וְאַל־תִּתְגָּ֣רd בָּ֑ם כִּ֣י לֹֽא־אֶ֠תֵּןe מֵאֶ֨רֶץ בְּנֵי־עַמֹּ֤ון לְךָ֙ יְרֻשָּׁ֔הf כִּ֥י לִבְנֵי־לֹ֖וטg נְתַתִּ֥יהָh יְרֻשָּֽׁהi ׃

20 אֶֽרֶץ־רְפָאִ֥יםa תֵּחָשֵׁ֖בb אַף־הִ֑וא רְפָאִ֤יםc יָֽשְׁבוּd ־בָהּ֙ לְפָנִ֔ים וְהָֽעַמֹּנִ֔יםe יִקְרְא֥וּf לָהֶ֖ם זַמְזֻמִּֽיםg ׃

21 עַ֣ם גָּדֹ֥ול וְרַ֛ב וָרָ֖ם כָּעֲנָקִ֑יםa וַיַּשְׁמִידֵ֤םb יְהוָה֙ מִפְּנֵיהֶ֔ם וַיִּירָשֻׁ֖םc וַיֵּשְׁב֥וּd תַחְתָּֽם׃

22 כַּאֲשֶׁ֤ר עָשָׂה֙a לִבְנֵ֣י עֵשָׂ֔ו הַיֹּשְׁבִ֖יםb בְּשֵׂעִ֑ירc אֲשֶׁ֨ר הִשְׁמִ֤ידd אֶת־הַחֹרִי֙e מִפְּנֵיהֶ֔ם וַיִּֽירָשֻׁם֙f וַיֵּשְׁב֣וּg תַחְתָּ֔ם עַ֖ד הַיֹּ֥ום הַזֶּֽה׃

23 וְהָֽעַוִּ֛יםa הַיֹּשְׁבִ֥יםb בַּחֲצֵרִ֖ים עַד־עַזָּ֑הc כַּפְתֹּרִים֙d הַיֹּצְאִ֣יםe מִכַּפְתֹּ֔ורf הִשְׁמִידֻ֖םg וַיֵּשְׁב֥וּh תַחְתָּֽם׃

24 ק֣וּמוּa סְּע֗וּb וְעִבְרוּ֮c אֶת־נַ֣חַל אַרְנֹן֒d רְאֵ֣הe נָתַ֣תִּיf בְ֠יָדְךָ אֶת־סִיחֹ֨ןg מֶֽלֶךְ־חֶשְׁבֹּ֧וןh הָֽאֱמֹרִ֛י וְאֶת־אַרְצֹ֖ו הָחֵ֣לi רָ֑שׁj וְהִתְגָּ֥רk בֹּ֖ו מִלְחָמָֽה׃

25 הַיֹּ֣ום הַזֶּ֗ה אָחֵל֙a תֵּ֤תb פַּחְדְּךָ֙c וְיִרְאָ֣תְךָ֔d עַל־פְּנֵי֙ הָֽעַמִּ֔ים תַּ֖חַת כָּל־הַשָּׁמָ֑יִם אֲשֶׁ֤ר יִשְׁמְעוּן֙e שִׁמְעֲךָ֔f וְרָגְז֥וּg וְחָל֖וּh מִפָּנֶֽיךָ׃

26 וָאֶשְׁלַ֤חa מַלְאָכִים֙ מִמִּדְבַּ֣ר קְדֵמֹ֔ותb אֶל־סִיחֹ֖וןc מֶ֣לֶךְ חֶשְׁבֹּ֑וןd דִּבְרֵ֥י שָׁלֹ֖ום לֵאמֹֽרe ׃

27 אֶעְבְּרָ֣הa בְאַרְצֶ֔ךָ בַּדֶּ֥רֶךְ בַּדֶּ֖רֶךְ אֵלֵ֑ךְb לֹ֥א אָס֖וּרc יָמִ֥ין וּשְׂמֹֽאול׃

28 אֹ֣כֶלa בַּכֶּ֤סֶף תַּשְׁבִּרֵ֨נִי֙b וְאָכַ֔לְתִּיc וּמַ֛יִם בַּכֶּ֥סֶף תִּתֶּןd ־לִ֖י וְשָׁתִ֑יתִיe רַ֖ק אֶעְבְּרָ֥הf בְרַגְלָֽי׃

29 כַּאֲשֶׁ֨ר עָֽשׂוּa ־לִ֜י בְּנֵ֣י עֵשָׂ֗ו הַיֹּֽשְׁבִים֙b בְּשֵׂעִ֔ירc וְהַמֹּ֣ואָבִ֔יםd הַיֹּשְׁבִ֖יםe בְּעָ֑רf עַ֤ד אֲשֶֽׁר־אֶֽעֱבֹר֙g אֶת־הַיַּרְדֵּ֔ן אֶל־הָאָ֕רֶץ אֲשֶׁר־יְהוָ֥ה אֱלֹהֵ֖ינוּ נֹתֵ֥ןh לָֽנוּ׃

30 וְלֹ֣א אָבָ֗הa סִיחֹן֙b מֶ֣לֶךְ חֶשְׁבֹּ֔וןc הַעֲבִרֵ֖נוּd בֹּ֑ו כִּֽי־הִקְשָׁה֩e יְהוָ֨ה אֱלֹהֶ֜יךָ אֶת־רוּחֹ֗ו וְאִמֵּץ֙f אֶת־לְבָבֹ֔ו לְמַ֛עַן תִּתֹּ֥וg בְיָדְךָ֖ כַּיֹּ֥ום הַזֶּֽה׃ ס

31 וַיֹּ֤אמֶרa יְהוָה֙ אֵלַ֔י רְאֵ֗הb הַֽחִלֹּ֨תִי֙c תֵּ֣תd לְפָנֶ֔יךָ אֶת־סִיחֹ֖ןe וְאֶת־אַרְצֹ֑ו הָחֵ֣לf רָ֔שׁg לָרֶ֖שֶׁתh אֶת־אַרְצֹֽו׃

32 וַיֵּצֵא֩a סִיחֹ֨ןb לִקְרָאתֵ֜נוּc ה֧וּא וְכָל־עַמֹּ֛ו לַמִּלְחָמָ֖ה יָֽהְצָהd ׃

33 וַֽיִּתְּנֵ֛הוּa יְהוָ֥ה אֱלֹהֵ֖ינוּ לְפָנֵ֑ינוּ וַנַּ֥ךְb אֹתֹ֛ו וְאֶת־בנוc וְאֶת־כָּל־עַמֹּֽו׃

34 וַנִּלְכֹּ֤דa אֶת־כָּל־עָרָיו֙ בָּעֵ֣ת הַהִ֔וא וַֽנַּחֲרֵם֙b אֶת־כָּל־עִ֣יר מְתִ֔םc וְהַנָּשִׁ֖ים וְהַטָּ֑ףd לֹ֥א הִשְׁאַ֖רְנוּe שָׂרִֽידf ׃

35 רַ֥ק הַבְּהֵמָ֖ה בָּזַ֣זְנוּa לָ֑נוּ וּשְׁלַ֥ל הֶעָרִ֖ים אֲשֶׁ֥ר לָכָֽדְנוּb ׃

36 מֵֽעֲרֹעֵ֡רa אֲשֶׁר֩ עַל־שְׂפַת־נַ֨חַל אַרְנֹ֜ןb וְהָעִ֨יר אֲשֶׁ֤ר בַּנַּ֨חַל֙ וְעַד־הַגִּלְעָ֔ד לֹ֤א הָֽיְתָה֙c קִרְיָ֔הd אֲשֶׁ֥ר שָׂגְבָ֖הe מִמֶּ֑נּוּ אֶת־הַכֹּ֕ל נָתַ֛ןf יְהוָ֥ה אֱלֹהֵ֖ינוּ לְפָנֵֽינוּ׃

37 רַ֛ק אֶל־אֶ֥רֶץ בְּנֵי־עַמֹּ֖ון לֹ֣א קָרָ֑בְתָּa כָּל־יַ֞ד נַ֤חַל יַבֹּק֙b וְעָרֵ֣י הָהָ֔ר וְכֹ֥ל אֲשֶׁר־צִוָּ֖הc יְהוָ֥ה אֱלֹהֵֽינוּ׃