דברים

כִּֽי־יַכְרִ֞יתa יְהוָ֤ה אֱלֹהֶ֨יךָ֙ אֶת־הַגֹּויִ֔ם אֲשֶׁר֙ יְהוָ֣ה אֱלֹהֶ֔יךָ נֹתֵ֥ןb לְךָ֖ אֶת־אַרְצָ֑ם וִֽירִשְׁתָּ֕םc וְיָשַׁבְתָּ֥d בְעָרֵיהֶ֖ם וּבְבָתֵּיהֶֽם׃

2 שָׁלֹ֥ושׁ עָרִ֖ים תַּבְדִּ֣ילa לָ֑ךְ בְּתֹ֣וךְ אַרְצְךָ֔ אֲשֶׁר֙ יְהוָ֣ה אֱלֹהֶ֔יךָ נֹתֵ֥ןb לְךָ֖ לְרִשְׁתָּֽהּc ׃

3 תָּכִ֣יןa לְךָ֮ הַדֶּרֶךְ֒ וְשִׁלַּשְׁתָּ֙b אֶת־גְּב֣וּל אַרְצְךָ֔ אֲשֶׁ֥ר יַנְחִֽילְךָ֖c יְהוָ֣ה אֱלֹהֶ֑יךָ וְהָיָ֕הd לָנ֥וּסe שָׁ֖מָּה כָּל־רֹצֵֽחַf ׃

4 וְזֶה֙ דְּבַ֣ר הָרֹצֵ֔חַa אֲשֶׁר־יָנ֥וּסb שָׁ֖מָּה וָחָ֑יc אֲשֶׁ֨ר יַכֶּ֤הd אֶת־רֵעֵ֨הוּ֙ בִּבְלִי־דַ֔עַת וְה֛וּא לֹא־שֹׂנֵ֥אe לֹ֖ו מִתְּמֹ֥לf שִׁלְשֹֽׁםg ׃

5 וַאֲשֶׁר֩ יָבֹ֨אa אֶת־רֵעֵ֥הוּ בַיַּעַר֮ לַחְטֹ֣בb עֵצִים֒ וְנִדְּחָ֨הc יָדֹ֤ו בַגַּרְזֶן֙d לִכְרֹ֣תe הָעֵ֔ץ וְנָשַׁ֤לf הַבַּרְזֶל֙ מִן־הָעֵ֔ץ וּמָצָ֥אg אֶת־רֵעֵ֖הוּ וָמֵ֑תh ה֗וּא יָנ֛וּסi אֶל־אַחַ֥ת הֶעָרִים־הָאֵ֖לֶּה וָחָֽיj ׃

6 פֶּן־יִרְדֹּף֩a גֹּאֵ֨ל הַדָּ֜ם אַחֲרֵ֣י הָרֹצֵ֗חַb כִּי־יֵחַם֮c לְבָבֹו֒ וְהִשִּׂיגֹ֛וd כִּֽי־יִרְבֶּ֥הe הַדֶּ֖רֶךְ וְהִכָּ֣הוּf נָ֑פֶשׁ וְלֹו֙ אֵ֣ין מִשְׁפַּט־מָ֔וֶת כִּ֠י לֹ֣א שֹׂנֵ֥אg ה֛וּא לֹ֖ו מִתְּמֹ֥ולh שִׁלְשֹֽׁוםi ׃

7 עַל־כֵּ֛ן אָנֹכִ֥י מְצַוְּךָ֖a לֵאמֹ֑רb שָׁלֹ֥שׁ עָרִ֖ים תַּבְדִּ֥ילc לָֽךְ׃ ס

8 וְאִם־יַרְחִ֞יבa יְהוָ֤ה אֱלֹהֶ֨יךָ֙ אֶת־גְּבֻ֣לְךָ֔ כַּאֲשֶׁ֥ר נִשְׁבַּ֖עb לַאֲבֹתֶ֑יךָ וְנָ֤תַןc לְךָ֙ אֶת־כָּל־הָאָ֔רֶץ אֲשֶׁ֥ר דִּבֶּ֖רd לָתֵ֥תe לַאֲבֹתֶֽיךָ׃

9 כִּֽי־תִשְׁמֹר֩a אֶת־כָּל־הַמִּצְוָ֨ה הַזֹּ֜את לַעֲשֹׂתָ֗הּb אֲשֶׁ֨ר אָנֹכִ֣י מְצַוְּךָ֮c הַיֹּום֒ לְאַהֲבָ֞הd אֶת־יְהוָ֧ה אֱלֹהֶ֛יךָ וְלָלֶ֥כֶתe בִּדְרָכָ֖יו כָּל־הַיָּמִ֑ים וְיָסַפְתָּ֙f לְךָ֥ עֹוד֙ שָׁלֹ֣שׁ עָרִ֔ים עַ֖ל הַשָּׁלֹ֥שׁ הָאֵֽלֶּה׃

10 וְלֹ֤א יִשָּׁפֵךְ֙a דָּ֣ם נָקִ֔יb בְּקֶ֣רֶב אַרְצְךָ֔ אֲשֶׁר֙ יְהוָ֣ה אֱלֹהֶ֔יךָ נֹתֵ֥ןc לְךָ֖ נַחֲלָ֑ה וְהָיָ֥הd עָלֶ֖יךָ דָּמִֽים׃ ס

11 וְכִֽי־יִהְיֶ֥הa אִישׁ֙ שֹׂנֵ֣אb לְרֵעֵ֔הוּ וְאָ֤רַבc לֹו֙ וְקָ֣םd עָלָ֔יו וְהִכָּ֥הוּe נֶ֖פֶשׁ וָמֵ֑תf וְנָ֕סg אֶל־אַחַ֖ת הֶעָרִ֥ים הָאֵֽלh ׃

12 וְשָֽׁלְחוּ֙a זִקְנֵ֣י עִירֹ֔ו וְלָקְח֥וּb אֹתֹ֖ו מִשָּׁ֑ם וְנָתְנ֣וּc אֹתֹ֗ו בְּיַ֛ד גֹּאֵ֥ל הַדָּ֖ם וָמֵֽתd ׃

13 לֹא־תָחֹ֥וסa עֵֽינְךָ֖ עָלָ֑יו וּבִֽעַרְתָּ֧b דַֽם־הַנָּקִ֛יc מִיִּשְׂרָאֵ֖ל וְטֹ֥ובd לָֽךְ׃ ס

14 לֹ֤א תַסִּיג֙a גְּב֣וּל רֵֽעֲךָ֔ אֲשֶׁ֥ר גָּבְל֖וּb רִאשֹׁנִ֑ים בְּנַחֲלָֽתְךָ֙ אֲשֶׁ֣ר תִּנְחַ֔לc בָּאָ֕רֶץ אֲשֶׁר֙ יְהוָ֣ה אֱלֹהֶ֔יךָ נֹתֵ֥ןd לְךָ֖ לְרִשְׁתָּֽהּe ׃ ס

15 לֹֽא־יָקוּם֩a עֵ֨ד אֶחָ֜ד בְּאִ֗ישׁ לְכָל־עָוֹן֙ וּלְכָל־חַטָּ֔את בְּכָל־חֵ֖טְאb אֲשֶׁ֣ר יֶֽחֱטָ֑אc עַל־פִּ֣י׀ שְׁנֵ֣י עֵדִ֗ים אֹ֛ו עַל־פִּ֥י שְׁלֹשָֽׁה־עֵדִ֖ים יָק֥וּםd דָּבָֽר׃

16 כִּֽי־יָק֥וּםa עֵד־חָמָ֖ס בְּאִ֑ישׁ לַעֲנֹ֥ותb בֹּ֖ו סָרָֽהc ׃

17 וְעָמְד֧וּa שְׁנֵֽי־הָאֲנָשִׁ֛ים אֲשֶׁר־לָהֶ֥ם הָרִ֖יב לִפְנֵ֣י יְהוָ֑ה לִפְנֵ֤י הַכֹּֽהֲנִים֙ וְהַשֹּׁ֣פְטִ֔ים אֲשֶׁ֥ר יִהְי֖וּb בַּיָּמִ֥ים הָהֵֽם׃

18 וְדָרְשׁ֥וּa הַשֹּׁפְטִ֖ים הֵיטֵ֑ב וְהִנֵּ֤ה עֵֽד־שֶׁ֨קֶר֙ הָעֵ֔ד שֶׁ֖קֶר עָנָ֥הb בְאָחִֽיו׃

19 וַעֲשִׂ֣יתֶםa לֹ֔ו כַּאֲשֶׁ֥ר זָמַ֖םb לַעֲשֹׂ֣ותc לְאָחִ֑יו וּבִֽעַרְתָּ֥d הָרָ֖ע מִקִּרְבֶּֽךָ׃

20 וְהַנִּשְׁאָרִ֖ים יִשְׁמְע֣וּa וְיִרָ֑אוּb וְלֹֽא־יֹסִ֨פוּc לַעֲשֹׂ֜ותd עֹ֗וד כַּדָּבָ֥ר הָרָ֛ע הַזֶּ֖ה בְּקִרְבֶּֽךָ׃

21 וְלֹ֥א תָחֹ֖וסa עֵינֶ֑ךָ נֶ֣פֶשׁ בְּנֶ֗פֶשׁ עַ֤יִן בְּעַ֨יִן֙ שֵׁ֣ן בְּשֵׁ֔ן יָ֥ד בְּיָ֖ד רֶ֥גֶל בְּרָֽגֶל׃ ס