דברים

שָׁמֹור֙a אֶת־חֹ֣דֶשׁ הָאָבִ֔יבb וְעָשִׂ֣יתָc פֶּ֔סַחd לַיהוָ֖ה אֱלֹהֶ֑יךָ כִּ֞י בְּחֹ֣דֶשׁ הָֽאָבִ֗יבe הֹוצִ֨יאֲךָ֜f יְהוָ֧ה אֱלֹהֶ֛יךָ מִמִּצְרַ֖יִם לָֽיְלָה׃

2 וְזָבַ֥חְתָּa פֶּ֛סַחb לַיהוָ֥ה אֱלֹהֶ֖יךָ צֹ֣אן וּבָקָ֑ר בַּמָּקֹום֙ אֲשֶׁר־יִבְחַ֣רc יְהוָ֔ה לְשַׁכֵּ֥ןd שְׁמֹ֖ו שָֽׁם׃

3 לֹא־תֹאכַ֤לa עָלָיו֙ חָמֵ֔ץb שִׁבְעַ֥ת יָמִ֛ים תֹּֽאכַלc ־עָלָ֥יו מַצֹּ֖ות לֶ֣חֶם עֹ֑נִיd כִּ֣י בְחִפָּזֹ֗וןe יָצָ֨אתָ֙f מֵאֶ֣רֶץ מִצְרַ֔יִם לְמַ֣עַן תִּזְכֹּ֗רg אֶת־יֹ֤ום צֵֽאתְךָ֙h מֵאֶ֣רֶץ מִצְרַ֔יִם כֹּ֖ל יְמֵ֥י חַיֶּֽיךָ׃

4 וְלֹֽא־יֵרָאֶ֨הa לְךָ֥ שְׂאֹ֛רb בְּכָל־גְּבֻלְךָ֖ שִׁבְעַ֣ת יָמִ֑ים וְלֹא־יָלִ֣יןc מִן־הַבָּשָׂ֗ר אֲשֶׁ֨ר תִּזְבַּ֥חd בָּעֶ֛רֶב בַּיֹּ֥ום הָרִאשֹׁ֖ון לַבֹּֽקֶר׃

5 לֹ֥א תוּכַ֖לa לִזְבֹּ֣חַb אֶת־הַפָּ֑סַחc בְּאַחַ֣ד שְׁעָרֶ֔יךָ אֲשֶׁר־יְהוָ֥ה אֱלֹהֶ֖יךָ נֹתֵ֥ןd לָֽךְ׃

6 כִּ֠י אִֽם־אֶל־הַמָּקֹ֞ום אֲשֶׁר־יִבְחַ֨רa יְהוָ֤ה אֱלֹהֶ֨יךָ֙ לְשַׁכֵּ֣ןb שְׁמֹ֔ו שָׁ֛ם תִּזְבַּ֥חc אֶת־הַפֶּ֖סַחd בָּעָ֑רֶב כְּבֹ֣ואe הַשֶּׁ֔מֶשׁ מֹועֵ֖ד צֵֽאתְךָ֥f מִמִּצְרָֽיִם׃

7 וּבִשַּׁלְתָּ֙a וְאָ֣כַלְתָּ֔b בַּמָּקֹ֕ום אֲשֶׁ֥ר יִבְחַ֛רc יְהוָ֥ה אֱלֹהֶ֖יךָ בֹּ֑ו וּפָנִ֣יתָd בַבֹּ֔קֶר וְהָלַכְתָּ֖e לְאֹהָלֶֽיךָ׃

8 שֵׁ֥שֶׁת יָמִ֖ים תֹּאכַ֣לa מַצֹּ֑ות וּבַיֹּ֣ום הַשְּׁבִיעִ֗י עֲצֶ֨רֶת֙b לַיהוָ֣ה אֱלֹהֶ֔יךָ לֹ֥א תַעֲשֶׂ֖הc מְלָאכָֽה׃ ס

9 שִׁבְעָ֥ה שָׁבֻעֹ֖תa תִּסְפָּרb ־לָ֑ךְ מֵהָחֵ֤לc חֶרְמֵשׁ֙d בַּקָּמָ֔הe תָּחֵ֣לf לִסְפֹּ֔רg שִׁבְעָ֖ה שָׁבֻעֹֽותh ׃

10 וְעָשִׂ֜יתָa חַ֤ג שָׁבֻעֹות֙b לַיהוָ֣ה אֱלֹהֶ֔יךָ מִסַּ֛תc נִדְבַ֥תd יָדְךָ֖ אֲשֶׁ֣ר תִּתֵּ֑ןe כַּאֲשֶׁ֥ר יְבָרֶכְךָ֖f יְהוָ֥ה אֱלֹהֶֽיךָ׃

11 וְשָׂמַחְתָּ֞a לִפְנֵ֣י׀ יְהוָ֣ה אֱלֹהֶ֗יךָ אַתָּ֨ה וּבִנְךָ֣ וּבִתֶּךָ֮ וְעַבְדְּךָ֣ וַאֲמָתֶךָ֒ וְהַלֵּוִי֙ אֲשֶׁ֣ר בִּשְׁעָרֶ֔יךָ וְהַגֵּ֛ר וְהַיָּתֹ֥וםb וְהָאַלְמָנָ֖ה אֲשֶׁ֣ר בְּקִרְבֶּ֑ךָ בַּמָּקֹ֗ום אֲשֶׁ֤ר יִבְחַר֙c יְהוָ֣ה אֱלֹהֶ֔יךָ לְשַׁכֵּ֥ןd שְׁמֹ֖ו שָֽׁם׃

12 וְזָ֣כַרְתָּ֔a כִּי־עֶ֥בֶד הָיִ֖יתָb בְּמִצְרָ֑יִם וְשָׁמַרְתָּ֣c וְעָשִׂ֔יתָd אֶת־הַֽחֻקִּ֖ים הָאֵֽלֶּה׃ פ

13 חַ֧ג הַסֻּכֹּ֛תa תַּעֲשֶׂ֥הb לְךָ֖ שִׁבְעַ֣ת יָמִ֑ים בְּאָ֨סְפְּךָ֔c מִֽגָּרְנְךָ֖d וּמִיִּקְבֶֽךָe ׃

14 וְשָׂמַחְתָּ֖a בְּחַגֶּ֑ךָ אַתָּ֨ה וּבִנְךָ֤ וּבִתֶּ֨ךָ֙ וְעַבְדְּךָ֣ וַאֲמָתֶ֔ךָ וְהַלֵּוִ֗י וְהַגֵּ֛ר וְהַיָּתֹ֥וםb וְהָאַלְמָנָ֖ה אֲשֶׁ֥ר בִּשְׁעָרֶֽיךָ׃

15 שִׁבְעַ֣ת יָמִ֗ים תָּחֹג֙a לַיהוָ֣ה אֱלֹהֶ֔יךָ בַּמָּקֹ֖ום אֲשֶׁר־יִבְחַ֣רb יְהוָ֑ה כִּ֣י יְבָרֶכְךָ֞c יְהוָ֣ה אֱלֹהֶ֗יךָ בְּכֹ֤ל תְּבוּאָֽתְךָ֙d וּבְכֹל֙ מַעֲשֵׂ֣ה יָדֶ֔יךָ וְהָיִ֖יתָe אַ֥ךְ שָׂמֵֽחַf ׃

16 שָׁלֹ֣ושׁ פְּעָמִ֣ים׀ בַּשָּׁנָ֡ה יֵרָאֶ֨הa כָל־זְכוּרְךָ֜b אֶת־פְּנֵ֣י׀ יְהוָ֣ה אֱלֹהֶ֗יךָ בַּמָּקֹום֙ אֲשֶׁ֣ר יִבְחָ֔רc בְּחַ֧ג הַמַּצֹּ֛ות וּבְחַ֥ג הַשָּׁבֻעֹ֖ותd וּבְחַ֣ג הַסֻּכֹּ֑ותe וְלֹ֧א יֵרָאֶ֛הf אֶת־פְּנֵ֥י יְהוָ֖ה רֵיקָֽםg ׃

17 אִ֖ישׁ כְּמַתְּנַ֣תa יָדֹ֑ו כְּבִרְכַּ֛ת יְהוָ֥ה אֱלֹהֶ֖יךָ אֲשֶׁ֥ר נָֽתַןb ־לָֽךְ׃ ס

18 שֹׁפְטִ֣ים וְשֹֽׁטְרִ֗יםa תִּֽתֶּןb ־לְךָ֙ בְּכָל־שְׁעָרֶ֔יךָ אֲשֶׁ֨ר יְהוָ֧ה אֱלֹהֶ֛יךָ נֹתֵ֥ןc לְךָ֖ לִשְׁבָטֶ֑יךָ וְשָׁפְט֥וּd אֶת־הָעָ֖ם מִשְׁפַּט־צֶֽדֶק׃

19 לֹא־תַטֶּ֣הa מִשְׁפָּ֔ט לֹ֥א תַכִּ֖ירb פָּנִ֑ים וְלֹא־תִקַּ֣חc שֹׁ֔חַדd כִּ֣י הַשֹּׁ֗חַדe יְעַוֵּר֙f עֵינֵ֣י חֲכָמִ֔ים וִֽיסַלֵּ֖ףg דִּבְרֵ֥י צַדִּיקִֽם׃

20 צֶ֥דֶק צֶ֖דֶק תִּרְדֹּ֑ףa לְמַ֤עַן תִּֽחְיֶה֙b וְיָרַשְׁתָּ֣c אֶת־הָאָ֔רֶץ אֲשֶׁר־יְהוָ֥ה אֱלֹהֶ֖יךָ נֹתֵ֥ןd לָֽךְ׃ ס

21 לֹֽא־תִטַּ֥עa לְךָ֛ אֲשֵׁרָ֖הb כָּל־עֵ֑ץ אֵ֗צֶל מִזְבַּ֛ח יְהוָ֥ה אֱלֹהֶ֖יךָ אֲשֶׁ֥ר תַּעֲשֶׂהc ־לָּֽךְ׃ ס

22 וְלֹֽא־תָקִ֥יםa לְךָ֖ מַצֵּבָ֑הb אֲשֶׁ֥ר שָׂנֵ֖אc יְהוָ֥ה אֱלֹהֶֽיךָ׃ ס