דברים

מִקֵּ֥ץ שֶֽׁבַע־שָׁנִ֖ים תַּעֲשֶׂ֥הa שְׁמִטָּֽהb ׃

2 וְזֶה֮ דְּבַ֣ר הַשְּׁמִטָּה֒a שָׁמֹ֗וטb כָּל־בַּ֨עַל֙ מַשֵּׁ֣הc יָדֹ֔ו אֲשֶׁ֥ר יַשֶּׁ֖הd בְּרֵעֵ֑הוּ לֹֽא־יִגֹּ֤שׂe אֶת־רֵעֵ֨הוּ֙ וְאֶת־אָחִ֔יו כִּֽי־קָרָ֥אf שְׁמִטָּ֖הg לַֽיהוָֽה׃

3 אֶת־הַנָּכְרִ֖יa תִּגֹּ֑שׂb וַאֲשֶׁ֨ר יִהְיֶ֥הc לְךָ֛ אֶת־אָחִ֖יךָ תַּשְׁמֵ֥טd יָדֶֽךָ׃

4 אֶ֕פֶסa כִּ֛י לֹ֥א יִֽהְיֶהb ־בְּךָ֖ אֶבְיֹ֑ון כִּֽי־בָרֵ֤ךְ יְבָֽרֶכְךָ֙c יְהוָ֔ה בָּאָ֕רֶץ אֲשֶׁר֙ יְהוָ֣ה אֱלֹהֶ֔יךָ נֹֽתֵןd ־לְךָ֥ נַחֲלָ֖ה לְרִשְׁתָּֽהּe ׃

5 רַ֚ק אִם־שָׁמֹ֣ועַ תִּשְׁמַ֔עa בְּקֹ֖ול יְהוָ֣ה אֱלֹהֶ֑יךָ לִשְׁמֹ֤רb לַעֲשֹׂות֙c אֶת־כָּל־הַמִּצְוָ֣ה הַזֹּ֔את אֲשֶׁ֛ר אָנֹכִ֥י מְצַוְּךָ֖d הַיֹּֽום׃

6 כִּֽי־יְהוָ֤ה אֱלֹהֶ֨יךָ֙ בֵּֽרַכְךָ֔a כַּאֲשֶׁ֖ר דִּבֶּרb ־לָ֑ךְ וְהַֽעֲבַטְתָּ֞c גֹּויִ֣ם רַבִּ֗ים וְאַתָּה֙ לֹ֣א תַעֲבֹ֔טd וּמָֽשַׁלְתָּ֙e בְּגֹויִ֣ם רַבִּ֔ים וּבְךָ֖ לֹ֥א יִמְשֹֽׁלוּf ׃ ס

7 כִּֽי־יִהְיֶה֩a בְךָ֨ אֶבְיֹ֜ון מֵאַחַ֤ד אַחֶ֨יךָ֙ בְּאַחַ֣ד שְׁעָרֶ֔יךָ בְּאַ֨רְצְךָ֔ אֲשֶׁר־יְהוָ֥ה אֱלֹהֶ֖יךָ נֹתֵ֣ןb לָ֑ךְ לֹ֧א תְאַמֵּ֣ץc אֶת־לְבָבְךָ֗ וְלֹ֤א תִקְפֹּץ֙d אֶת־יָ֣דְךָ֔ מֵאָחִ֖יךָ הָאֶבְיֹֽון׃

8 כִּֽי־פָתֹ֧חַ תִּפְתַּ֛חa אֶת־יָדְךָ֖ לֹ֑ו וְהַעֲבֵט֙b תַּעֲבִיטֶ֔נּוּc דֵּ֚יd מַחְסֹרֹ֔וe אֲשֶׁ֥ר יֶחְסַ֖רf לֹֽו׃

9 הִשָּׁ֣מֶרa לְךָ֡ פֶּן־יִהְיֶ֣הb דָבָר֩ עִם־לְבָבְךָ֨ בְלִיַּ֜עַלc לֵאמֹ֗רd קָֽרְבָ֣הe שְׁנַֽת־הַשֶּׁבַע֮ שְׁנַ֣ת הַשְּׁמִטָּה֒f וְרָעָ֣הg עֵֽינְךָ֗ בְּאָחִ֨יךָ֙ הָֽאֶבְיֹ֔ון וְלֹ֥א תִתֵּ֖ןh לֹ֑ו וְקָרָ֤אi עָלֶ֨יךָ֙ אֶל־יְהוָ֔ה וְהָיָ֥הj בְךָ֖ חֵֽטְאk ׃

10 נָתֹ֤ון תִּתֵּן֙a לֹ֔ו וְלֹא־יֵרַ֥עb לְבָבְךָ֖ בְּתִתְּךָ֣c לֹ֑ו כִּ֞י בִּגְלַ֣לd ׀ הַדָּבָ֣ר הַזֶּ֗ה יְבָרֶכְךָ֙e יְהוָ֣ה אֱלֹהֶ֔יךָ בְּכָֽל־מַעֲשֶׂ֔ךָ וּבְכֹ֖ל מִשְׁלַ֥חf יָדֶֽךָ׃

11 כִּ֛י לֹא־יֶחְדַּ֥לa אֶבְיֹ֖ון מִקֶּ֣רֶב הָאָ֑רֶץ עַל־כֵּ֞ן אָנֹכִ֤י מְצַוְּךָ֙b לֵאמֹ֔רc פָּ֠תֹחַ תִּפְתַּ֨חd אֶת־יָדְךָ֜ לְאָחִ֧יךָ לַעֲנִיֶּ֛ךָ וּלְאֶבְיֹנְךָ֖ בְּאַרְצֶֽךָ׃ ס

12 כִּֽי־יִמָּכֵ֨רa לְךָ֜ אָחִ֣יךָ הָֽעִבְרִ֗יb אֹ֚ו הָֽעִבְרִיָּ֔הc וַעֲבָֽדְךָ֖d שֵׁ֣שׁ שָׁנִ֑ים וּבַשָּׁנָה֙ הַשְּׁבִיעִ֔ת תְּשַׁלְּחֶ֥נּוּe חָפְשִׁ֖יf מֵעִמָּֽךְ׃

13 וְכִֽי־תְשַׁלְּחֶ֥נּוּa חָפְשִׁ֖יb מֵֽעִמָּ֑ךְ לֹ֥א תְשַׁלְּחֶ֖נּוּc רֵיקָֽםd ׃

14 הַעֲנֵ֤יקa תַּעֲנִיק֙b לֹ֔ו מִצֹּ֣אנְךָ֔ וּמִֽגָּרְנְךָ֖c וּמִיִּקְבֶ֑ךָd אֲשֶׁ֧ר בֵּרַכְךָ֛e יְהוָ֥ה אֱלֹהֶ֖יךָ תִּתֶּןf ־לֹֽו׃

15 וְזָכַרְתָּ֗a כִּ֣י עֶ֤בֶד הָיִ֨יתָ֙b בְּאֶ֣רֶץ מִצְרַ֔יִם וַֽיִּפְדְּךָ֖c יְהוָ֣ה אֱלֹהֶ֑יךָ עַל־כֵּ֞ן אָנֹכִ֧י מְצַוְּךָ֛d אֶת־הַדָּבָ֥ר הַזֶּ֖ה הַיֹּֽום׃

16 וְהָיָה֙a כִּֽי־יֹאמַ֣רb אֵלֶ֔יךָ לֹ֥א אֵצֵ֖אc מֵעִמָּ֑ךְ כִּ֤י אֲהֵֽבְךָ֙d וְאֶת־בֵּיתֶ֔ךָ כִּי־טֹ֥ובe לֹ֖ו עִמָּֽךְ׃

17 וְלָקַחְתָּ֣a אֶת־הַמַּרְצֵ֗עַb וְנָתַתָּ֤הc בְאָזְנֹו֙ וּבַדֶּ֔לֶת וְהָיָ֥הd לְךָ֖ עֶ֣בֶד עֹולָ֑ם וְאַ֥ף לַאֲמָתְךָ֖ תַּעֲשֶׂהe ־כֵּֽן׃

18 לֹא־יִקְשֶׁ֣הa בְעֵינֶ֗ךָ בְּשַׁלֵּֽחֲךָ֙b אֹתֹ֤ו חָפְשִׁי֙c מֵֽעִמָּ֔ךְ כִּ֗י מִשְׁנֶה֙d שְׂכַ֣רe שָׂכִ֔ירf עֲבָֽדְךָ֖g שֵׁ֣שׁ שָׁנִ֑ים וּבֵֽרַכְךָ֙h יְהוָ֣ה אֱלֹהֶ֔יךָ בְּכֹ֖ל אֲשֶׁ֥ר תַּעֲשֶֽׂהi ׃ פ

19 כָּֽל־הַבְּכֹ֡ור אֲשֶׁר֩ יִוָּלֵ֨דa בִּבְקָרְךָ֤ וּבְצֹֽאנְךָ֙ הַזָּכָ֔ר תַּקְדִּ֖ישׁb לַיהוָ֣ה אֱלֹהֶ֑יךָ לֹ֤א תַעֲבֹד֙c בִּבְכֹ֣ר שֹׁורֶ֔ךָ וְלֹ֥א תָגֹ֖זd בְּכֹ֥ור צֹאנֶֽךָ׃

20 לִפְנֵי֩ יְהוָ֨ה אֱלֹהֶ֤יךָ תֹאכֲלֶ֨נּוּ֙a שָׁנָ֣ה בְשָׁנָ֔ה בַּמָּקֹ֖ום אֲשֶׁר־יִבְחַ֣רb יְהוָ֑ה אַתָּ֖ה וּבֵיתֶֽךָ׃

21 וְכִֽי־יִהְיֶ֨הa בֹ֜ו מ֗וּםb פִּסֵּ֨חַ֙c אֹ֣ו עִוֵּ֔רd כֹּ֖ל מ֣וּםe רָ֑ע לֹ֣א תִזְבָּחֶ֔נּוּf לַיהוָ֖ה אֱלֹהֶֽיךָ׃

22 בִּשְׁעָרֶ֖יךָ תֹּאכֲלֶ֑נּוּa הַטָּמֵ֤א וְהַטָּהֹור֙ יַחְדָּ֔ו כַּצְּבִ֖יb וְכָאַיָּֽלc ׃

23 רַ֥ק אֶת־דָּמֹ֖ו לֹ֣א תֹאכֵ֑לa עַל־הָאָ֥רֶץ תִּשְׁפְּכֶ֖נּוּb כַּמָּֽיִם׃ פ