דברים

בָּנִ֣ים אַתֶּ֔ם לַֽיהוָ֖ה אֱלֹהֵיכֶ֑ם לֹ֣א תִתְגֹּֽדְד֗וּa וְלֹֽא־תָשִׂ֧ימוּb קָרְחָ֛הc בֵּ֥ין עֵינֵיכֶ֖ם לָמֵֽת׃

2 כִּ֣י עַ֤ם קָדֹושׁ֙ אַתָּ֔ה לַיהוָ֖ה אֱלֹהֶ֑יךָ וּבְךָ֞ בָּחַ֣רa יְהוָ֗ה לִֽהְיֹ֥ותb לֹו֙ לְעַ֣ם סְגֻלָּ֔הc מִכֹּל֙ הָֽעַמִּ֔ים אֲשֶׁ֖ר עַל־פְּנֵ֥י הָאֲדָמָֽה׃ ס

3 לֹ֥א תֹאכַ֖לa כָּל־תֹּועֵבָֽה׃

4 זֹ֥את הַבְּהֵמָ֖ה אֲשֶׁ֣ר תֹּאכֵ֑לוּa שֹׁ֕ור שֵׂ֥הb כְשָׂבִ֖יםc וְשֵׂ֥הd עִזִּֽים׃

5 אַיָּ֥לa וּצְבִ֖יb וְיַחְמ֑וּרc וְאַקֹּ֥וd וְדִישֹׁ֖ןe וּתְאֹ֥וf וָזָֽמֶרg ׃

6 וְכָל־בְּהֵמָ֞ה מַפְרֶ֣סֶתa פַּרְסָ֗הb וְשֹׁסַ֤עַתc שֶׁ֨סַע֙d שְׁתֵּ֣י פְרָסֹ֔ותe מַעֲלַ֥ת גֵּרָ֖הf בַּבְּהֵמָ֑ה אֹתָ֖הּ תֹּאכֵֽלוּg ׃

7 אַ֣ךְ אֶת־זֶ֞ה לֹ֤א תֹֽאכְלוּ֙a מִמַּֽעֲלֵ֣י הַגֵּרָ֔הb וּמִמַּפְרִיסֵ֥יc הַפַּרְסָ֖הd הַשְּׁסוּעָ֑הe אֶֽת־הַ֠גָּמָל וְאֶת־הָאַרְנֶ֨בֶתf וְאֶת־הַשָּׁפָ֜ןg כִּֽי־מַעֲלֵ֧ה גֵרָ֣הh הֵ֗מָּה וּפַרְסָה֙i לֹ֣א הִפְרִ֔יסוּj טְמֵאִ֥ים הֵ֖ם לָכֶֽם׃

8 וְאֶת־הַ֠חֲזִירa כִּֽי־מַפְרִ֨יסb פַּרְסָ֥הc הוּא֙ וְלֹ֣א גֵרָ֔הd טָמֵ֥א ה֖וּא לָכֶ֑ם מִבְּשָׂרָם֙ לֹ֣א תֹאכֵ֔לוּe וּבְנִבְלָתָ֖םf לֹ֥א תִגָּֽעוּg ׃ ס

9 אֶת־זֶה֙ תֹּֽאכְל֔וּa מִכֹּ֖ל אֲשֶׁ֣ר בַּמָּ֑יִם כֹּ֧ל אֲשֶׁר־לֹ֛ו סְנַפִּ֥ירb וְקַשְׂקֶ֖שֶׂתc תֹּאכֵֽלוּd ׃

10 וְכֹ֨ל אֲשֶׁ֧ר אֵֽין־לֹ֛ו סְנַפִּ֥ירa וְקַשְׂקֶ֖שֶׂתb לֹ֣א תֹאכֵ֑לוּc טָמֵ֥א ה֖וּא לָכֶֽם׃ ס

11 כָּל־צִפֹּ֥ורa טְהֹרָ֖ה תֹּאכֵֽלוּb ׃

12 וְזֶ֕ה אֲשֶׁ֥ר לֹֽא־תֹאכְל֖וּa מֵהֶ֑ם הַנֶּ֥שֶׁרb וְהַפֶּ֖רֶסc וְהָֽעָזְנִיָּֽהd ׃

13 וְהָרָאָה֙a וְאֶת־הָ֣אַיָּ֔הb וְהַדַּיָּ֖הc לְמִינָֽהּd ׃

14 וְאֵ֥ת כָּל־עֹרֵ֖בa לְמִינֹֽוb ׃

15 וְאֵת֙ בַּ֣ת הַֽיַּעֲנָ֔הa וְאֶת־הַתַּחְמָ֖סb וְאֶת־הַשָּׁ֑חַףc וְאֶת־הַנֵּ֖ץd לְמִינֵֽהוּe ׃

16 אֶת־הַכֹּ֥וסa וְאֶת־הַיַּנְשׁ֖וּףb וְהַתִּנְשָֽׁמֶתc ׃

17 וְהַקָּאָ֥תa וְאֶֽת־הָרָחָ֖מָהb וְאֶת־הַשָּׁלָֽךְc ׃

18 וְהַ֣חֲסִידָ֔הa וְהָאֲנָפָ֖הb לְמִינָ֑הּc וְהַדּוּכִיפַ֖תd וְהָעֲטַלֵּֽףe ׃

19 וְכֹל֙ שֶׁ֣רֶץa הָעֹ֔וף טָמֵ֥א ה֖וּא לָכֶ֑ם לֹ֖א יֵאָכֵֽלוּb ׃

20 כָּל־עֹ֥וף טָהֹ֖ור תֹּאכֵֽלוּa ׃

21 לֹ֣א תֹאכְל֣וּa כָל־נְ֠בֵלָהb לַגֵּ֨ר אֲשֶׁר־בִּשְׁעָרֶ֜יךָ תִּתְּנֶ֣נָּהc וַאֲכָלָ֗הּd אֹ֤ו מָכֹר֙e לְנָכְרִ֔יf כִּ֣י עַ֤ם קָדֹושׁ֙ אַתָּ֔ה לַיהוָ֖ה אֱלֹהֶ֑יךָ לֹֽא־תְבַשֵּׁ֥לg גְּדִ֖יh בַּחֲלֵ֥בi אִמֹּֽו׃ פ

22 עַשֵּׂ֣רa תְּעַשֵּׂ֔רb אֵ֖ת כָּל־תְּבוּאַ֣תc זַרְעֶ֑ךָ הַיֹּצֵ֥אd הַשָּׂדֶ֖ה שָׁנָ֥ה שָׁנָֽה׃

23 וְאָכַלְתָּ֞a לִפְנֵ֣י׀ יְהוָ֣ה אֱלֹהֶ֗יךָ בַּמָּקֹ֣ום אֲשֶׁר־יִבְחַר֮b לְשַׁכֵּ֣ןc שְׁמֹ֣ו שָׁם֒ מַעְשַׂ֤רd דְּגָֽנְךָ֙e תִּֽירֹשְׁךָ֣f וְיִצְהָרֶ֔ךָg וּבְכֹרֹ֥ת בְּקָרְךָ֖ וְצֹאנֶ֑ךָ לְמַ֣עַן תִּלְמַ֗דh לְיִרְאָ֛הi אֶת־יְהוָ֥ה אֱלֹהֶ֖יךָ כָּל־הַיָּמִֽים׃

24 וְכִֽי־יִרְבֶּ֨הa מִמְּךָ֜ הַדֶּ֗רֶךְ כִּ֣י לֹ֣א תוּכַל֮b שְׂאֵתֹו֒c כִּֽי־יִרְחַ֤קd מִמְּךָ֙ הַמָּקֹ֔ום אֲשֶׁ֤ר יִבְחַר֙e יְהוָ֣ה אֱלֹהֶ֔יךָ לָשׂ֥וּםf שְׁמֹ֖ו שָׁ֑ם כִּ֥י יְבָרֶכְךָ֖g יְהוָ֥ה אֱלֹהֶֽיךָ׃

25 וְנָתַתָּ֖הa בַּכָּ֑סֶף וְצַרְתָּ֤b הַכֶּ֨סֶף֙ בְּיָ֣דְךָ֔ וְהָֽלַכְתָּ֙c אֶל־הַמָּקֹ֔ום אֲשֶׁ֥ר יִבְחַ֛רd יְהוָ֥ה אֱלֹהֶ֖יךָ בֹּֽו׃

26 וְנָתַתָּ֣הa הַכֶּ֡סֶף בְּכֹל֩ אֲשֶׁר־תְּאַוֶּ֨הb נַפְשְׁךָ֜ בַּבָּקָ֣ר וּבַצֹּ֗אן וּבַיַּ֨יִן֙ וּבַשֵּׁכָ֔רc וּבְכֹ֛ל אֲשֶׁ֥ר תִּֽשְׁאָלְךָ֖d נַפְשֶׁ֑ךָ וְאָכַ֣לְתָּe שָּׁ֗ם לִפְנֵי֙ יְהוָ֣ה אֱלֹהֶ֔יךָ וְשָׂמַחְתָּ֖f אַתָּ֥ה וּבֵיתֶֽךָ׃

27 וְהַלֵּוִ֥י אֲשֶׁר־בִּשְׁעָרֶ֖יךָ לֹ֣א תַֽעַזְבֶ֑נּוּa כִּ֣י אֵ֥ין לֹ֛ו חֵ֥לֶק וְנַחֲלָ֖ה עִמָּֽךְ׃ ס

28 מִקְצֵ֣ה׀ שָׁלֹ֣שׁ שָׁנִ֗ים תֹּוצִיא֙a אֶת־כָּל־מַעְשַׂר֙b תְּבוּאָ֣תְךָ֔c בַּשָּׁנָ֖ה הַהִ֑וא וְהִנַּחְתָּ֖d בִּשְׁעָרֶֽיךָ׃

29 וּבָ֣אa הַלֵּוִ֡י כִּ֣י אֵֽין־לֹו֩ חֵ֨לֶק וְנַחֲלָ֜ה עִמָּ֗ךְ וְ֠הַגֵּר וְהַיָּתֹ֤וםb וְהָֽאַלְמָנָה֙ אֲשֶׁ֣ר בִּשְׁעָרֶ֔יךָ וְאָכְל֖וּc וְשָׂבֵ֑עוּd לְמַ֤עַן יְבָרֶכְךָ֙e יְהוָ֣ה אֱלֹהֶ֔יךָ בְּכָל־מַעֲשֵׂ֥ה יָדְךָ֖ אֲשֶׁ֥ר תַּעֲשֶֽׂהf ׃ ס