דברים

אֵ֣ת כָּל־הַדָּבָ֗ר אֲשֶׁ֤ר אָנֹכִי֙ מְצַוֶּ֣הa אֶתְכֶ֔ם אֹתֹ֥ו תִשְׁמְר֖וּb לַעֲשֹׂ֑ותc לֹא־תֹסֵ֣ףd עָלָ֔יו וְלֹ֥א תִגְרַ֖עe מִמֶּֽנּוּ׃ פ

2 כִּֽי־יָק֤וּםa בְּקִרְבְּךָ֙ נָבִ֔יא אֹ֖ו חֹלֵ֣םb חֲלֹ֑ום וְנָתַ֥ןc אֵלֶ֛יךָ אֹ֖ות אֹ֥ו מֹופֵֽתd ׃

3 וּבָ֤אa הָאֹות֙ וְהַמֹּופֵ֔תb אֲשֶׁר־דִּבֶּ֥רc אֵלֶ֖יךָ לֵאמֹ֑רd נֵֽלְכָ֞הe אַחֲרֵ֨י אֱלֹהִ֧ים אֲחֵרִ֛ים אֲשֶׁ֥ר לֹֽא־יְדַעְתָּ֖םf וְנָֽעָבְדֵֽםg ׃

4 לֹ֣א תִשְׁמַ֗עa אֶל־דִּבְרֵי֙ הַנָּבִ֣יא הַה֔וּא אֹ֛ו אֶל־חֹולֵ֥םb הַחֲלֹ֖ום הַה֑וּא כִּ֣י מְנַסֶּ֞הc יְהוָ֤ה אֱלֹֽהֵיכֶם֙ אֶתְכֶ֔ם לָדַ֗עַתd הֲיִשְׁכֶ֤ם אֹֽהֲבִים֙e אֶת־יְהוָ֣ה אֱלֹהֵיכֶ֔ם בְּכָל־לְבַבְכֶ֖ם וּבְכָל־נַפְשְׁכֶֽם׃

5 אַחֲרֵ֨י יְהוָ֧ה אֱלֹהֵיכֶ֛ם תֵּלֵ֖כוּa וְאֹתֹ֣ו תִירָ֑אוּb וְאֶת־מִצְוֹתָ֤יו תִּשְׁמֹ֨רוּ֙c וּבְקֹלֹ֣ו תִשְׁמָ֔עוּd וְאֹתֹ֥ו תַעֲבֹ֖דוּe וּבֹ֥ו תִדְבָּקֽוּןf ׃

6 וְהַנָּבִ֣יא הַה֡וּא אֹ֣ו חֹלֵם֩a הַחֲלֹ֨ום הַה֜וּא יוּמָ֗תb כִּ֣י דִבֶּרc ־סָ֠רָהd עַל־יְהוָ֨ה אֱלֹֽהֵיכֶ֜ם הַמֹּוצִ֥יאe אֶתְכֶ֣ם׀ מֵאֶ֣רֶץ מִצְרַ֗יִם וְהַפֹּֽדְךָ֙f מִבֵּ֣ית עֲבָדִ֔ים לְהַדִּֽיחֲךָ֙g מִן־הַדֶּ֔רֶךְ אֲשֶׁ֧ר צִוְּךָ֛h יְהוָ֥ה אֱלֹהֶ֖יךָ לָלֶ֣כֶתi בָּ֑הּ וּבִֽעַרְתָּ֥j הָרָ֖ע מִקִּרְבֶּֽךָ׃

7 כִּ֣י יְסִֽיתְךָ֡a אָחִ֣יךָ בֶן־אִ֠מֶּךָ אֹֽו־בִנְךָ֨ אֹֽו־בִתְּךָ֜ אֹ֣ו׀ אֵ֣שֶׁת חֵיקֶ֗ךָb אֹ֧ו רֵֽעֲךָ֛ אֲשֶׁ֥ר כְּנַפְשְׁךָ֖ בַּסֵּ֣תֶרc לֵאמֹ֑רd נֵֽלְכָ֗הe וְנַֽעַבְדָה֙f אֱלֹהִ֣ים אֲחֵרִ֔ים אֲשֶׁר֙ לֹ֣א יָדַ֔עְתָּg אַתָּ֖ה וַאֲבֹתֶֽיךָ׃

8 מֵאֱלֹהֵ֣י הָֽעַמִּ֗ים אֲשֶׁר֙ סְבִיבֹ֣תֵיכֶ֔ם הַקְּרֹבִ֣ים אֵלֶ֔יךָ אֹ֖ו הָרְחֹקִ֣ים מִמֶּ֑ךָּ מִקְצֵ֥ה הָאָ֖רֶץ וְעַד־קְצֵ֥ה הָאָֽרֶץ׃

9 לֹא־תֹאבֶ֣הa לֹ֔ו וְלֹ֥א תִשְׁמַ֖עb אֵלָ֑יו וְלֹא־תָחֹ֤וסc עֵֽינְךָ֙ עָלָ֔יו וְלֹֽא־תַחְמֹ֥לd וְלֹֽא־תְכַסֶּ֖הe עָלָֽיו׃

10 כִּ֤י הָרֹג֙ תַּֽהַרְגֶ֔נּוּa יָֽדְךָ֛ תִּֽהְיֶהb ־בֹּ֥ו בָרִֽאשֹׁונָ֖ה לַהֲמִיתֹ֑וc וְיַ֥ד כָּל־הָעָ֖ם בָּאַחֲרֹנָֽה׃

11 וּסְקַלְתֹּ֥וa בָאֲבָנִ֖ים וָמֵ֑תb כִּ֣י בִקֵּ֗שׁc לְהַדִּֽיחֲךָ֙d מֵעַל֙ יְהוָ֣ה אֱלֹהֶ֔יךָ הַמֹּוצִיאֲךָ֛e מֵאֶ֥רֶץ מִצְרַ֖יִם מִבֵּ֥ית עֲבָדִֽים׃

12 וְכָל־יִשְׂרָאֵ֔ל יִשְׁמְע֖וּa וְיִֽרָא֑וּןb וְלֹֽא־יֹוסִ֣פוּc לַעֲשֹׂ֗ותd כַּדָּבָ֥ר הָרָ֛ע הַזֶּ֖ה בְּקִרְבֶּֽךָ׃ ס

13 כִּֽי־תִשְׁמַ֞עa בְּאַחַ֣ת עָרֶ֗יךָ אֲשֶׁר֩ יְהוָ֨ה אֱלֹהֶ֜יךָ נֹתֵ֥ןb לְךָ֛ לָשֶׁ֥בֶתc שָׁ֖ם לֵאמֹֽרd ׃

14 יָצְא֞וּa אֲנָשִׁ֤ים בְּנֵֽי־בְלִיַּ֨עַל֙b מִקִּרְבֶּ֔ךָ וַיַּדִּ֛יחוּc אֶת־יֹשְׁבֵ֥י עִירָ֖ם לֵאמֹ֑רd נֵלְכָ֗הe וְנַעַבְדָ֛הf אֱלֹהִ֥ים אֲחֵרִ֖ים אֲשֶׁ֥ר לֹא־יְדַעְתֶּֽםg ׃

15 וְדָרַשְׁתָּ֧a וְחָקַרְתָּ֧b וְשָׁאַלְתָּ֖c הֵיטֵ֑ב וְהִנֵּ֤ה אֱמֶת֙ נָכֹ֣ון הַדָּבָ֔ר נֶעֶשְׂתָ֛הd הַתֹּועֵבָ֥ה הַזֹּ֖את בְּקִרְבֶּֽךָ׃

16 הַכֵּ֣ה תַכֶּ֗הa אֶת־יֹֽשְׁבֵ֛י הָעִ֥יר ההואb לְפִי־חָ֑רֶב הַחֲרֵ֨םc אֹתָ֧הּ וְאֶת־כָּל־אֲשֶׁר־בָּ֛הּ וְאֶת־בְּהֶמְתָּ֖הּ לְפִי־חָֽרֶב׃

17 וְאֶת־כָּל־שְׁלָלָ֗הּ תִּקְבֹּץ֮a אֶל־תֹּ֣וךְ רְחֹבָהּ֒b וְשָׂרַפְתָּ֨c בָאֵ֜שׁ אֶת־הָעִ֤יר וְאֶת־כָּל־שְׁלָלָהּ֙ כָּלִ֔ילd לַיהוָ֖ה אֱלֹהֶ֑יךָ וְהָיְתָה֙e תֵּ֣לf עֹולָ֔ם לֹ֥א תִבָּנֶ֖הg עֹֽוד׃

18 וְלֹֽא־יִדְבַּ֧קa בְּיָדְךָ֛ מְא֖וּמָהb מִן־הַחֵ֑רֶםc לְמַעַן֩ יָשׁ֨וּבd יְהוָ֜ה מֵחֲרֹ֣וןe אַפֹּ֗ו וְנָֽתַןf ־לְךָ֤ רַחֲמִים֙g וְרִֽחַמְךָ֣h וְהִרְבֶּ֔ךָi כַּאֲשֶׁ֥ר נִשְׁבַּ֖עj לַאֲבֹתֶֽיךָ׃

19 כִּ֣י תִשְׁמַ֗עa בְּקֹול֙ יְהוָ֣ה אֱלֹהֶ֔יךָ לִשְׁמֹר֙b אֶת־כָּל־מִצְוֹתָ֔יו אֲשֶׁ֛ר אָנֹכִ֥י מְצַוְּךָ֖c הַיֹּ֑ום לַעֲשֹׂות֙d הַיָּשָׁ֔ר בְּעֵינֵ֖י יְהוָ֥ה אֱלֹהֶֽיךָ׃ ס