דברים

אֵ֠לֶּה הַֽחֻקִּ֣ים וְהַמִּשְׁפָּטִים֮ אֲשֶׁ֣ר תִּשְׁמְר֣וּןa לַעֲשֹׂות֒b בָּאָ֕רֶץ אֲשֶׁר֩ נָתַ֨ןc יְהוָ֜ה אֱלֹהֵ֧י אֲבֹתֶ֛יךָ לְךָ֖ לְרִשְׁתָּ֑הּd כָּל־הַיָּמִ֔ים אֲשֶׁר־אַתֶּ֥ם חַיִּ֖ים עַל־הָאֲדָמָֽה׃

2 אַבֵּ֣ד תְּ֠אַבְּדוּןa אֶֽת־כָּל־הַמְּקֹמֹ֞ות אֲשֶׁ֧ר עָֽבְדוּb ־שָׁ֣ם הַגֹּויִ֗ם אֲשֶׁ֥ר אַתֶּ֛ם יֹרְשִׁ֥יםc אֹתָ֖ם אֶת־אֱלֹהֵיהֶ֑ם עַל־הֶהָרִ֤ים הָֽרָמִים֙ וְעַל־הַגְּבָעֹ֔ות וְתַ֖חַת כָּל־עֵ֥ץ רַעֲנָןd ׃

3 וְנִתַּצְתֶּ֣םa אֶת־מִזְבּחֹתָ֗ם וְשִׁבַּרְתֶּם֙b אֶת־מַצֵּ֣בֹתָ֔םc וַאֲשֵֽׁרֵיהֶם֙d תִּשְׂרְפ֣וּןe בָּאֵ֔שׁ וּפְסִילֵ֥יf אֱלֹֽהֵיהֶ֖ם תְּגַדֵּע֑וּןg וְאִבַּדְתֶּ֣םh אֶת־שְׁמָ֔ם מִן־הַמָּקֹ֖ום הַהֽוּא׃

4 לֹֽא־תַעֲשׂ֣וּןa כֵּ֔ן לַיהוָ֖ה אֱלֹהֵיכֶֽם׃

5 כִּ֠י אִֽם־אֶל־הַמָּקֹ֞ום אֲשֶׁר־יִבְחַ֨רa יְהוָ֤ה אֱלֹֽהֵיכֶם֙ מִכָּל־שִׁבְטֵיכֶ֔ם לָשׂ֥וּםb אֶת־שְׁמֹ֖ו שָׁ֑ם לְשִׁכְנֹ֥וc תִדְרְשׁ֖וּd וּבָ֥אתָe שָֽׁמָּה׃

6 וַהֲבֵאתֶ֣םa שָׁ֗מָּה עֹלֹֽתֵיכֶם֙ וְזִבְחֵיכֶ֔ם וְאֵת֙ מַעְשְׂרֹ֣תֵיכֶ֔םb וְאֵ֖ת תְּרוּמַ֣ת יֶדְכֶ֑ם וְנִדְרֵיכֶם֙ וְנִדְבֹ֣תֵיכֶ֔םc וּבְכֹרֹ֥ת בְּקַרְכֶ֖ם וְצֹאנְכֶֽם׃

7 וַאֲכַלְתֶּםa ־שָׁ֗ם לִפְנֵי֙ יְהוָ֣ה אֱלֹֽהֵיכֶ֔ם וּשְׂמַחְתֶּ֗םb בְּכֹל֙ מִשְׁלַ֣חc יֶדְכֶ֔ם אַתֶּ֖ם וּבָתֵּיכֶ֑ם אֲשֶׁ֥ר בֵּֽרַכְךָ֖d יְהוָ֥ה אֱלֹהֶֽיךָ׃

8 לֹ֣א תַעֲשׂ֔וּןa כְּ֠כֹל אֲשֶׁ֨ר אֲנַ֧חְנוּ עֹשִׂ֛יםb פֹּ֖ה הַיֹּ֑ום אִ֖ישׁ כָּל־הַיָּשָׁ֥ר בְּעֵינָֽיו׃

9 כִּ֥י לֹא־בָּאתֶ֖םa עַד־עָ֑תָּה אֶל־הַמְּנוּחָה֙b וְאֶל־הַֽנַּחֲלָ֔ה אֲשֶׁר־יְהוָ֥ה אֱלֹהֶ֖יךָ נֹתֵ֥ןc לָֽךְ׃

10 וַעֲבַרְתֶּם֮a אֶת־הַיַּרְדֵּן֒ וִֽישַׁבְתֶּ֣םb בָּאָ֔רֶץ אֲשֶׁר־יְהוָ֥ה אֱלֹהֵיכֶ֖ם מַנְחִ֣ילc אֶתְכֶ֑ם וְהֵנִ֨יחַd לָכֶ֧ם מִכָּל־אֹיְבֵיכֶ֛ם מִסָּבִ֖יב וִֽישַׁבְתֶּםe ־בֶּֽטַחf ׃

11 וְהָיָ֣הa הַמָּקֹ֗ום אֲשֶׁר־יִבְחַר֩b יְהוָ֨ה אֱלֹהֵיכֶ֥ם בֹּו֙ לְשַׁכֵּ֤ןc שְׁמֹו֙ שָׁ֔ם שָׁ֣מָּה תָבִ֔יאוּd אֵ֛ת כָּל־אֲשֶׁ֥ר אָנֹכִ֖י מְצַוֶּ֣הe אֶתְכֶ֑ם עֹולֹתֵיכֶ֣ם וְזִבְחֵיכֶ֗ם מַעְשְׂרֹֽתֵיכֶם֙f וּתְרֻמַ֣ת יֶדְכֶ֔ם וְכֹל֙ מִבְחַ֣רg נִדְרֵיכֶ֔ם אֲשֶׁ֥ר תִּדְּר֖וּh לַֽיהוָֽה׃

12 וּשְׂמַחְתֶּ֗םa לִפְנֵי֮ יְהוָ֣ה אֱלֹֽהֵיכֶם֒ אַתֶּ֗ם וּבְנֵיכֶם֙ וּבְנֹ֣תֵיכֶ֔ם וְעַבְדֵיכֶ֖ם וְאַמְהֹתֵיכֶ֑ם וְהַלֵּוִי֙ אֲשֶׁ֣ר בְּשַֽׁעֲרֵיכֶ֔ם כִּ֣י אֵ֥ין לֹ֛ו חֵ֥לֶק וְנַחֲלָ֖ה אִתְּכֶֽם׃

13 הִשָּׁ֣מֶרa לְךָ֔ פֶּֽן־תַּעֲלֶ֖הb עֹלֹתֶ֑יךָ בְּכָל־מָקֹ֖ום אֲשֶׁ֥ר תִּרְאֶֽהc ׃

14 כִּ֣י אִם־בַּמָּקֹ֞ום אֲשֶׁר־יִבְחַ֤רa יְהוָה֙ בְּאַחַ֣ד שְׁבָטֶ֔יךָ שָׁ֖ם תַּעֲלֶ֣הb עֹלֹתֶ֑יךָ וְשָׁ֣ם תַּעֲשֶׂ֔הc כֹּ֛ל אֲשֶׁ֥ר אָנֹכִ֖י מְצַוֶּֽךָּd ׃

15 רַק֩ בְּכָל־אַוַּ֨תa נַפְשְׁךָ֜ תִּזְבַּ֣חb ׀ וְאָכַלְתָּ֣c בָשָׂ֗ר כְּבִרְכַּ֨ת יְהוָ֧ה אֱלֹהֶ֛יךָ אֲשֶׁ֥ר נָֽתַןd ־לְךָ֖ בְּכָל־שְׁעָרֶ֑יךָ הַטָּמֵ֤א וְהַטָּהֹור֙ יֹאכְלֶ֔נּוּe כַּצְּבִ֖יf וְכָאַיָּֽלg ׃

16 רַ֥ק הַדָּ֖ם לֹ֣א תֹאכֵ֑לוּa עַל־הָאָ֥רֶץ תִּשְׁפְּכֶ֖נּוּb כַּמָּֽיִם׃

17 לֹֽא־תוּכַ֞לa לֶאֱכֹ֣לb בִּשְׁעָרֶ֗יךָ מַעְשַׂ֤רc דְּגָֽנְךָ֙d וְתִֽירֹשְׁךָ֣e וְיִצְהָרֶ֔ךָf וּבְכֹרֹ֥ת בְּקָרְךָ֖ וְצֹאנֶ֑ךָ וְכָל־נְדָרֶ֨יךָ֙ אֲשֶׁ֣ר תִּדֹּ֔רg וְנִדְבֹתֶ֖יךָh וּתְרוּמַ֥ת יָדֶֽךָ׃

18 כִּ֡י אִם־לִפְנֵי֩ יְהוָ֨ה אֱלֹהֶ֜יךָ תֹּאכְלֶ֗נּוּa בַּמָּקֹום֙ אֲשֶׁ֨ר יִבְחַ֜רb יְהוָ֣ה אֱלֹהֶיךָ֮ בֹּו֒ אַתָּ֨ה וּבִנְךָ֤ וּבִתֶּ֨ךָ֙ וְעַבְדְּךָ֣ וַאֲמָתֶ֔ךָ וְהַלֵּוִ֖י אֲשֶׁ֣ר בִּשְׁעָרֶ֑יךָ וְשָׂמַחְתָּ֗c לִפְנֵי֙ יְהוָ֣ה אֱלֹהֶ֔יךָ בְּכֹ֖ל מִשְׁלַ֥חd יָדֶֽךָ׃

19 הִשָּׁ֣מֶרa לְךָ֔ פֶּֽן־תַּעֲזֹ֖בb אֶת־הַלֵּוִ֑י כָּל־יָמֶ֖יךָ עַל־אַדְמָתֶֽךָ׃ ס

20 כִּֽי־יַרְחִיב֩a יְהוָ֨ה אֱלֹהֶ֥יךָ אֶֽת־גְּבֽוּלְךָ֮ כַּאֲשֶׁ֣ר דִּבֶּרb ־לָךְ֒ וְאָמַרְתָּ֙c אֹכְלָ֣הd בָשָׂ֔ר כִּֽי־תְאַוֶּ֥הe נַפְשְׁךָ֖ לֶאֱכֹ֣לf בָּשָׂ֑ר בְּכָל־אַוַּ֥תg נַפְשְׁךָ֖ תֹּאכַ֥לh בָּשָֽׂר׃

21 כִּֽי־יִרְחַ֨קa מִמְּךָ֜ הַמָּקֹ֗ום אֲשֶׁ֨ר יִבְחַ֜רb יְהוָ֣ה אֱלֹהֶיךָ֮ לָשׂ֣וּםc שְׁמֹ֣ו שָׁם֒ וְזָבַחְתָּ֞d מִבְּקָרְךָ֣ וּמִצֹּֽאנְךָ֗ אֲשֶׁ֨ר נָתַ֤ןe יְהוָה֙ לְךָ֔ כַּאֲשֶׁ֖ר צִוִּיתִ֑ךָf וְאָֽכַלְתָּ֙g בִּשְׁעָרֶ֔יךָ בְּכֹ֖ל אַוַּ֥תh נַפְשֶֽׁךָ׃

22 אַ֗ךְ כַּאֲשֶׁ֨ר יֵאָכֵ֤לa אֶֽת־הַצְּבִי֙b וְאֶת־הָ֣אַיָּ֔לc כֵּ֖ן תֹּאכְלֶ֑נּוּd הַטָּמֵא֙ וְהַטָּהֹ֔ור יַחְדָּ֖ו יֹאכְלֶֽנּוּe ׃

23 רַ֣ק חֲזַ֗קa לְבִלְתִּי֙ אֲכֹ֣לb הַדָּ֔ם כִּ֥י הַדָּ֖ם ה֣וּא הַנָּ֑פֶשׁ וְלֹא־תֹאכַ֥לc הַנֶּ֖פֶשׁ עִם־הַבָּשָֽׂר׃

24 לֹ֖א תֹּאכְלֶ֑נּוּa עַל־הָאָ֥רֶץ תִּשְׁפְּכֶ֖נּוּb כַּמָּֽיִם׃

25 לֹ֖א תֹּאכְלֶ֑נּוּa לְמַ֨עַן יִיטַ֤בb לְךָ֙ וּלְבָנֶ֣יךָ אַחֲרֶ֔יךָ כִּֽי־תַעֲשֶׂ֥הc הַיָּשָׁ֖ר בְּעֵינֵ֥י יְהוָֽה׃

26 רַ֧ק קָֽדָשֶׁ֛יךָ אֲשֶׁר־יִהְי֥וּa לְךָ֖ וּנְדָרֶ֑יךָ תִּשָּׂ֣אb וּבָ֔אתָc אֶל־הַמָּקֹ֖ום אֲשֶׁר־יִבְחַ֥רd יְהוָֽה׃

27 וְעָשִׂ֤יתָa עֹלֹתֶ֨יךָ֙ הַבָּשָׂ֣ר וְהַדָּ֔ם עַל־מִזְבַּ֖ח יְהוָ֣ה אֱלֹהֶ֑יךָ וְדַם־זְבָחֶ֗יךָ יִשָּׁפֵךְ֙b עַל־מִזְבַּח֙ יְהוָ֣ה אֱלֹהֶ֔יךָ וְהַבָּשָׂ֖ר תֹּאכֵֽלc ׃

28 שְׁמֹ֣רa וְשָׁמַעְתָּ֗b אֵ֚ת כָּל־הַדְּבָרִ֣ים הָאֵ֔לֶּה אֲשֶׁ֥ר אָנֹכִ֖י מְצַוֶּ֑ךָּc לְמַעַן֩ יִיטַ֨בd לְךָ֜ וּלְבָנֶ֤יךָ אַחֲרֶ֨יךָ֙ עַד־עֹולָ֔ם כִּ֤י תַעֲשֶׂה֙e הַטֹּ֣וב וְהַיָּשָׁ֔ר בְּעֵינֵ֖י יְהוָ֥ה אֱלֹהֶֽיךָ׃ ס

29 כִּֽי־יַכְרִית֩a יְהוָ֨ה אֱלֹהֶ֜יךָ אֶת־הַגֹּויִ֗ם אֲשֶׁ֨ר אַתָּ֥ה בָאb ־שָׁ֛מָּה לָרֶ֥שֶׁתc אֹותָ֖ם מִפָּנֶ֑יךָ וְיָרַשְׁתָּ֣d אֹתָ֔ם וְיָשַׁבְתָּ֖e בְּאַרְצָֽם׃

30 הִשָּׁ֣מֶרa לְךָ֗ פֶּן־תִּנָּקֵשׁ֙b אַחֲרֵיהֶ֔ם אַחֲרֵ֖י הִשָּׁמְדָ֣םc מִפָּנֶ֑יךָ וּפֶן־תִּדְרֹ֨שׁd לֵֽאלֹהֵיהֶ֜ם לֵאמֹ֨רe אֵיכָ֨הf יַעַבְד֜וּg הַגֹּויִ֤ם הָאֵ֨לֶּה֙ אֶת־אֱלֹ֣הֵיהֶ֔ם וְאֶעֱשֶׂהh ־כֵּ֖ן גַּם־אָֽנִי׃

31 לֹא־תַעֲשֶׂ֣הa כֵ֔ן לַיהוָ֖ה אֱלֹהֶ֑יךָ כִּי֩ כָּל־תֹּועֲבַ֨ת יְהוָ֜ה אֲשֶׁ֣ר שָׂנֵ֗אb עָשׂוּ֙c לֵאלֹ֣הֵיהֶ֔ם כִּ֣י גַ֤ם אֶת־בְּנֵיהֶם֙ וְאֶת־בְּנֹ֣תֵיהֶ֔ם יִשְׂרְפ֥וּd בָאֵ֖שׁ לֵֽאלֹהֵיהֶֽם׃