דברים

וְאָ֣הַבְתָּ֔a אֵ֖ת יְהוָ֣ה אֱלֹהֶ֑יךָ וְשָׁמַרְתָּ֣b מִשְׁמַרְתֹּ֗ו וְחֻקֹּתָ֧יו וּמִשְׁפָּטָ֛יו וּמִצְוֹתָ֖יו כָּל־הַיָּמִֽים׃

2 וִֽידַעְתֶּם֮a הַיֹּום֒ כִּ֣י׀ לֹ֣א אֶת־בְּנֵיכֶ֗ם אֲשֶׁ֤ר לֹֽא־יָדְעוּ֙b וַאֲשֶׁ֣ר לֹא־רָא֔וּc אֶת־מוּסַ֖ר יְהוָ֣ה אֱלֹהֵיכֶ֑ם אֶת־גָּדְלֹ֕וd אֶת־יָדֹו֙ הַחֲזָקָ֔ה וּזְרֹעֹ֖ו הַנְּטוּיָֽה׃

3 וְאֶת־אֹֽתֹתָיו֙ וְאֶֽת־מַעֲשָׂ֔יו אֲשֶׁ֥ר עָשָׂ֖הa בְּתֹ֣וךְ מִצְרָ֑יִם לְפַרְעֹ֥ה מֶֽלֶךְ־מִצְרַ֖יִם וּלְכָל־אַרְצֹֽו׃

4 וַאֲשֶׁ֣ר עָשָׂה֩a לְחֵ֨יל מִצְרַ֜יִם לְסוּסָ֣יו וּלְרִכְבֹּ֗ו אֲשֶׁ֨ר הֵצִ֜יףb אֶת־מֵ֤י יַם־סוּף֙c עַל־פְּנֵיהֶ֔ם בְּרָדְפָ֖םd אַחֲרֵיכֶ֑ם וַיְאַבְּדֵ֣םe יְהוָ֔ה עַ֖ד הַיֹּ֥ום הַזֶּֽה׃

5 וַאֲשֶׁ֥ר עָשָׂ֛הa לָכֶ֖ם בַּמִּדְבָּ֑ר עַד־בֹּאֲכֶ֖םb עַד־הַמָּקֹ֥ום הַזֶּֽה׃

6 וַאֲשֶׁ֨ר עָשָׂ֜הa לְדָתָ֣ןb וְלַאֲבִירָ֗םc בְּנֵ֣י אֱלִיאָב֮d בֶּן־רְאוּבֵן֒ אֲשֶׁ֨ר פָּצְתָ֤הe הָאָ֨רֶץ֙ אֶת־פִּ֔יהָ וַתִּבְלָעֵ֥םf וְאֶת־בָּתֵּיהֶ֖ם וְאֶת־אָהֳלֵיהֶ֑ם וְאֵ֤ת כָּל־הַיְקוּם֙g אֲשֶׁ֣ר בְּרַגְלֵיהֶ֔ם בְּקֶ֖רֶב כָּל־יִשְׂרָאֵֽל׃

7 כִּ֤י עֵֽינֵיכֶם֙ הָֽרֹאֹ֔תa אֶת־כָּל־מַעֲשֵׂ֥ה יְהוָ֖ה הַגָּדֹ֑ל אֲשֶׁ֖ר עָשָֽׂהb ׃

8 וּשְׁמַרְתֶּם֙a אֶת־כָּל־הַמִּצְוָ֔ה אֲשֶׁ֛ר אָנֹכִ֥י מְצַוְּךָ֖b הַיֹּ֑ום לְמַ֣עַן תֶּחֶזְק֗וּc וּבָאתֶם֙d וִֽירִשְׁתֶּ֣םe אֶת־הָאָ֔רֶץ אֲשֶׁ֥ר אַתֶּ֛ם עֹבְרִ֥יםf שָׁ֖מָּה לְרִשְׁתָּֽהּg ׃

9 וּלְמַ֨עַן תַּאֲרִ֤יכוּa יָמִים֙ עַל־הָ֣אֲדָמָ֔ה אֲשֶׁר֩ נִשְׁבַּ֨עb יְהוָ֧ה לַאֲבֹתֵיכֶ֛ם לָתֵ֥תc לָהֶ֖ם וּלְזַרְעָ֑ם אֶ֛רֶץ זָבַ֥תd חָלָ֖בe וּדְבָֽשׁ׃ ס

10 כִּ֣י הָאָ֗רֶץ אֲשֶׁ֨ר אַתָּ֤ה בָאa ־שָׁ֨מָּה֙ לְרִשְׁתָּ֔הּb לֹ֣א כְאֶ֤רֶץ מִצְרַ֨יִם֙ הִ֔וא אֲשֶׁ֥ר יְצָאתֶ֖םc מִשָּׁ֑ם אֲשֶׁ֤ר תִּזְרַע֙d אֶֽת־זַרְעֲךָ֔ וְהִשְׁקִ֥יתָe בְרַגְלְךָ֖ כְּגַ֥ןf הַיָּרָֽקg ׃

11 וְהָאָ֗רֶץ אֲשֶׁ֨ר אַתֶּ֜ם עֹבְרִ֥יםa שָׁ֨מָּה֙ לְרִשְׁתָּ֔הּb אֶ֥רֶץ הָרִ֖ים וּבְקָעֹ֑תc לִמְטַ֥רd הַשָּׁמַ֖יִם תִּשְׁתֶּהe ־מָּֽיִם׃

12 אֶ֕רֶץ אֲשֶׁר־יְהוָ֥ה אֱלֹהֶ֖יךָ דֹּרֵ֣שׁa אֹתָ֑הּ תָּמִ֗יד עֵינֵ֨י יְהוָ֤ה אֱלֹהֶ֨יךָ֙ בָּ֔הּ מֵֽרֵשִׁית֙ הַשָּׁנָ֔ה וְעַ֖ד אַחֲרִ֥ית שָׁנָֽה׃ ס

13 וְהָיָ֗הa אִם־שָׁמֹ֤עַ תִּשְׁמְעוּ֙b אֶל־מִצְוֹתַ֔י אֲשֶׁ֧ר אָנֹכִ֛י מְצַוֶּ֥הc אֶתְכֶ֖ם הַיֹּ֑ום לְאַהֲבָ֞הd אֶת־יְהוָ֤ה אֱלֹֽהֵיכֶם֙ וּלְעָבְדֹ֔וe בְּכָל־לְבַבְכֶ֖ם וּבְכָל־נַפְשְׁכֶֽם׃

14 וְנָתַתִּ֧יa מְטַֽרb ־אַרְצְכֶ֛ם בְּעִתֹּ֖ו יֹורֶ֣הc וּמַלְקֹ֑ושׁd וְאָסַפְתָּ֣e דְגָנֶ֔ךָf וְתִֽירֹשְׁךָ֖g וְיִצְהָרֶֽךָh ׃

15 וְנָתַתִּ֛יa עֵ֥שֶׂבb בְּשָׂדְךָ֖ לִבְהֶמְתֶּ֑ךָ וְאָכַלְתָּ֖c וְשָׂבָֽעְתָּd ׃

16 הִשָּֽׁמְר֣וּa לָכֶ֔ם פֶּ֥ן יִפְתֶּ֖הb לְבַבְכֶ֑ם וְסַרְתֶּ֗םc וַעֲבַדְתֶּם֙d אֱלֹהִ֣ים אֲחֵרִ֔ים וְהִשְׁתַּחֲוִיתֶ֖םe לָהֶֽם׃

17 וְחָרָ֨הa אַף־יְהוָ֜ה בָּכֶ֗ם וְעָצַ֤רb אֶת־הַשָּׁמַ֨יִם֙ וְלֹֽא־יִהְיֶ֣הc מָטָ֔רd וְהָ֣אֲדָמָ֔ה לֹ֥א תִתֵּ֖ןe אֶת־יְבוּלָ֑הּf וַאֲבַדְתֶּ֣םg מְהֵרָ֗הh מֵעַל֙ הָאָ֣רֶץ הַטֹּבָ֔ה אֲשֶׁ֥ר יְהוָ֖ה נֹתֵ֥ןi לָכֶֽם׃

18 וְשַׂמְתֶּם֙a אֶת־דְּבָרַ֣י אֵ֔לֶּה עַל־לְבַבְכֶ֖ם וְעַֽל־נַפְשְׁכֶ֑ם וּקְשַׁרְתֶּ֨םb אֹתָ֤ם לְאֹות֙ עַל־יֶדְכֶ֔ם וְהָי֥וּc לְטֹוטָפֹ֖תd בֵּ֥ין עֵינֵיכֶֽם׃

19 וְלִמַּדְתֶּ֥םa אֹתָ֛ם אֶת־בְּנֵיכֶ֖ם לְדַבֵּ֣רb בָּ֑ם בְּשִׁבְתְּךָ֤c בְּבֵיתֶ֨ךָ֙ וּבְלֶכְתְּךָ֣d בַדֶּ֔רֶךְ וּֽבְשָׁכְבְּךָ֖e וּבְקוּמֶֽךָf ׃

20 וּכְתַבְתָּ֛םa עַל־מְזוּזֹ֥ותb בֵּיתֶ֖ךָ וּבִשְׁעָרֶֽיךָ׃

21 לְמַ֨עַן יִרְבּ֤וּa יְמֵיכֶם֙ וִימֵ֣י בְנֵיכֶ֔ם עַ֚ל הָֽאֲדָמָ֔ה אֲשֶׁ֨ר נִשְׁבַּ֧עb יְהוָ֛ה לַאֲבֹתֵיכֶ֖ם לָתֵ֣תc לָהֶ֑ם כִּימֵ֥י הַשָּׁמַ֖יִם עַל־הָאָֽרֶץ׃ ס

22 כִּי֩ אִם־שָׁמֹ֨ר תִּשְׁמְר֜וּןa אֶת־כָּל־הַמִּצְוָ֣ה הַזֹּ֗את אֲשֶׁ֧ר אָנֹכִ֛י מְצַוֶּ֥הb אֶתְכֶ֖ם לַעֲשֹׂתָ֑הּc לְאַהֲבָ֞הd אֶת־יְהוָ֧ה אֱלֹהֵיכֶ֛ם לָלֶ֥כֶתe בְּכָל־דְּרָכָ֖יו וּלְדָבְקָהf ־בֹֽו׃

23 וְהֹורִ֧ישׁa יְהוָ֛ה אֶת־כָּל־הַגֹּויִ֥ם הָאֵ֖לֶּה מִלִּפְנֵיכֶ֑ם וִֽירִשְׁתֶּ֣םb גֹּויִ֔ם גְּדֹלִ֥ים וַעֲצֻמִ֖יםc מִכֶּֽם׃

24 כָּל־הַמָּקֹ֗ום אֲשֶׁ֨ר תִּדְרֹ֧ךְa כַּֽף־רַגְלְכֶ֛ם בֹּ֖ו לָכֶ֣ם יִהְיֶ֑הb מִן־הַמִּדְבָּ֨ר וְהַלְּבָנֹ֜ון מִן־הַנָּהָ֣ר נְהַר־פְּרָ֗תc וְעַד֙ הַיָּ֣ם הָֽאַחֲרֹ֔ון יִהְיֶ֖הd גְּבֻלְכֶֽם׃

25 לֹא־יִתְיַצֵּ֥בa אִ֖ישׁ בִּפְנֵיכֶ֑ם פַּחְדְּכֶ֨םb וּמֹֽורַאֲכֶ֜םc יִתֵּ֣ןd ׀ יְהוָ֣ה אֱלֹֽהֵיכֶ֗ם עַל־פְּנֵ֤י כָל־הָאָ֨רֶץ֙ אֲשֶׁ֣ר תִּדְרְכוּe ־בָ֔הּ כַּאֲשֶׁ֖ר דִּבֶּ֥רf לָכֶֽם׃ ס

26 רְאֵ֗הa אָנֹכִ֛י נֹתֵ֥ןb לִפְנֵיכֶ֖ם הַיֹּ֑ום בְּרָכָ֖ה וּקְלָלָֽהc ׃

27 אֶֽת־הַבְּרָכָ֑ה אֲשֶׁ֣ר תִּשְׁמְע֗וּa אֶל־מִצְוֹת֙ יְהוָ֣ה אֱלֹֽהֵיכֶ֔ם אֲשֶׁ֧ר אָנֹכִ֛י מְצַוֶּ֥הb אֶתְכֶ֖ם הַיֹּֽום׃

28 וְהַקְּלָלָ֗הa אִם־לֹ֤א תִשְׁמְעוּ֙b אֶל־מִצְוֹת֙ יְהוָ֣ה אֱלֹֽהֵיכֶ֔ם וְסַרְתֶּ֣םc מִן־הַדֶּ֔רֶךְ אֲשֶׁ֧ר אָנֹכִ֛י מְצַוֶּ֥הd אֶתְכֶ֖ם הַיֹּ֑ום לָלֶ֗כֶתe אַחֲרֵ֛י אֱלֹהִ֥ים אֲחֵרִ֖ים אֲשֶׁ֥ר לֹֽא־יְדַעְתֶּֽםf ׃ ס

29 וְהָיָ֗הa כִּ֤י יְבִֽיאֲךָ֙b יְהוָ֣ה אֱלֹהֶ֔יךָ אֶל־הָאָ֕רֶץ אֲשֶׁר־אַתָּ֥ה בָאc ־שָׁ֖מָּה לְרִשְׁתָּ֑הּd וְנָתַתָּ֤הe אֶת־הַבְּרָכָה֙ עַל־הַ֣ר גְּרִזִ֔יםf וְאֶת־הַקְּלָלָ֖הg עַל־הַ֥ר עֵיבָֽלh ׃

30 הֲלֹא־הֵ֜מָּה בְּעֵ֣בֶר הַיַּרְדֵּ֗ן אַֽחֲרֵי֙ דֶּ֚רֶךְ מְבֹ֣ואa הַשֶּׁ֔מֶשׁ בְּאֶ֨רֶץ֙ הַֽכְּנַעֲנִ֔י הַיֹּשֵׁ֖בb בָּעֲרָבָ֑ה מ֚וּלc הַגִּלְגָּ֔לd אֵ֖צֶל אֵלֹונֵ֥יe מֹרֶֽהf ׃

31 כִּ֤י אַתֶּם֙ עֹבְרִ֣יםa אֶת־הַיַּרְדֵּ֔ן לָבֹא֙b לָרֶ֣שֶׁתc אֶת־הָאָ֔רֶץ אֲשֶׁר־יְהוָ֥ה אֱלֹהֵיכֶ֖ם נֹתֵ֣ןd לָכֶ֑ם וִֽירִשְׁתֶּ֥םe אֹתָ֖הּ וִֽישַׁבְתֶּםf ־בָּֽהּ׃

32 וּשְׁמַרְתֶּ֣םa לַעֲשֹׂ֔ותb אֵ֥ת כָּל־הַֽחֻקִּ֖ים וְאֶת־הַמִּשְׁפָּטִ֑ים אֲשֶׁ֧ר אָנֹכִ֛י נֹתֵ֥ןc לִפְנֵיכֶ֖ם הַיֹּֽום׃