10
בָּעֵ֨ת הַהִ֜וא אָמַ֧רa
יְהוָ֣ה אֵלַ֗י פְּסָלb
־לְךָ֞ שְׁנֵֽי־לוּחֹ֤תc
אֲבָנִים֙ כָּרִ֣אשֹׁנִ֔ים וַעֲלֵ֥הd
אֵלַ֖י הָהָ֑רָה וְעָשִׂ֥יתָe
לְּךָ֖ אֲרֹ֥ון עֵֽץ׃
2
וְאֶכְתֹּב֙a
עַל־הַלֻּחֹ֔תb
אֶת־הַדְּבָרִ֔ים אֲשֶׁ֥ר הָי֛וּc
עַל־הַלֻּחֹ֥תd
הָרִאשֹׁנִ֖ים אֲשֶׁ֣ר שִׁבַּ֑רְתָּe
וְשַׂמְתָּ֖םf
בָּאָרֹֽון׃
3
וָאַ֤עַשׂa
אֲרֹון֙ עֲצֵ֣י שִׁטִּ֔יםb
וָאֶפְסֹ֛לc
שְׁנֵי־לֻחֹ֥תd
אֲבָנִ֖ים כָּרִאשֹׁנִ֑ים וָאַ֣עַלe
הָהָ֔רָה וּשְׁנֵ֥י הַלֻּחֹ֖תf
בְּיָדִֽי׃
4
וַיִּכְתֹּ֨בa
עַֽל־הַלֻּחֹ֜תb
כַּמִּכְתָּ֣בc
הָרִאשֹׁ֗ון אֵ֚ת עֲשֶׂ֣רֶת הַדְּבָרִ֔ים אֲשֶׁ֣ר דִּבֶּר֩d
יְהוָ֨ה אֲלֵיכֶ֥ם בָּהָ֛ר מִתֹּ֥וךְ הָאֵ֖שׁ בְּיֹ֣ום הַקָּהָ֑ל וַיִּתְּנֵ֥םe
יְהוָ֖ה אֵלָֽי׃
5
וָאֵ֗פֶןa
וָֽאֵרֵד֙b
מִן־הָהָ֔ר וָֽאָשִׂם֙c
אֶת־הַלֻּחֹ֔תd
בָּאָרֹ֖ון אֲשֶׁ֣ר עָשִׂ֑יתִיe
וַיִּ֣הְיוּf
שָׁ֔ם כַּאֲשֶׁ֥ר צִוַּ֖נִיg
יְהוָֽה׃
6
וּבְנֵ֣י יִשְׂרָאֵ֗ל נָֽסְע֛וּa
מִבְּאֵרֹ֥ת בְּנֵי־יַעֲקָ֖ןb
מֹוסֵרָ֑הc
שָׁ֣ם מֵ֤תd
אַהֲרֹן֙ וַיִּקָּבֵ֣רe
שָׁ֔ם וַיְכַהֵ֛ןf
אֶלְעָזָ֥ר בְּנֹ֖ו תַּחְתָּֽיו׃
7
מִשָּׁ֥ם נָסְע֖וּa
הַגֻּדְגֹּ֑דָהb
וּמִן־הַגֻּדְגֹּ֣דָהc
יָטְבָ֔תָהd
אֶ֖רֶץ נַֽחֲלֵי מָֽיִם׃
8
בָּעֵ֣ת הַהִ֗וא הִבְדִּ֤ילa
יְהוָה֙ אֶת־שֵׁ֣בֶט הַלֵּוִ֔י לָשֵׂ֖אתb
אֶת־אֲרֹ֣ון בְּרִית־יְהוָ֑ה לַעֲמֹד֩c
לִפְנֵ֨י יְהוָ֤ה לְשָֽׁרְתֹו֙d
וּלְבָרֵ֣ךְe
בִּשְׁמֹ֔ו עַ֖ד הַיֹּ֥ום הַזֶּֽה׃
9
עַל־כֵּ֞ן לֹֽא־הָיָ֧הa
לְלֵוִ֛י חֵ֥לֶק וְנַחֲלָ֖ה עִם־אֶחָ֑יו יְהוָה֙ ה֣וּא נַחֲלָתֹ֔ו כַּאֲשֶׁ֥ר דִּבֶּ֛רb
יְהוָ֥ה אֱלֹהֶ֖יךָ לֹֽו׃
10
וְאָנֹכִ֞י עָמַ֣דְתִּיa
בָהָ֗ר כַּיָּמִים֙ הָרִ֣אשֹׁנִ֔ים אַרְבָּעִ֣ים יֹ֔ום וְאַרְבָּעִ֖ים לָ֑יְלָה וַיִּשְׁמַ֨עb
יְהוָ֜ה אֵלַ֔י גַּ֚ם בַּפַּ֣עַם הַהִ֔וא לֹא־אָבָ֥הc
יְהוָ֖ה הַשְׁחִיתֶֽךָd
׃
11
וַיֹּ֤אמֶרa
יְהוָה֙ אֵלַ֔י ק֛וּםb
לֵ֥ךְc
לְמַסַּ֖עd
לִפְנֵ֣י הָעָ֑ם וְיָבֹ֨אוּ֙e
וְיִֽרְשׁ֣וּf
אֶת־הָאָ֔רֶץ אֲשֶׁר־נִשְׁבַּ֥עְתִּיg
לַאֲבֹתָ֖ם לָתֵ֥תh
לָהֶֽם׃ פ
12
וְעַתָּה֙ יִשְׂרָאֵ֔ל מָ֚ה יְהוָ֣ה אֱלֹהֶ֔יךָ שֹׁאֵ֖לa
מֵעִמָּ֑ךְ כִּ֣י אִם־לְ֠יִרְאָהb
אֶת־יְהוָ֨ה אֱלֹהֶ֜יךָ לָלֶ֤כֶתc
בְּכָל־דְּרָכָיו֙ וּלְאַהֲבָ֣הd
אֹתֹ֔ו וְלַֽעֲבֹד֙e
אֶת־יְהוָ֣ה אֱלֹהֶ֔יךָ בְּכָל־לְבָבְךָ֖ וּבְכָל־נַפְשֶֽׁךָ׃
13
לִשְׁמֹ֞רa
אֶת־מִצְוֹ֤ת יְהוָה֙ וְאֶת־חֻקֹּתָ֔יו אֲשֶׁ֛ר אָנֹכִ֥י מְצַוְּךָ֖b
הַיֹּ֑ום לְטֹ֖ובc
לָֽךְ׃
14
הֵ֚ן לַיהוָ֣ה אֱלֹהֶ֔יךָ הַשָּׁמַ֖יִם וּשְׁמֵ֣י הַשָּׁמָ֑יִם הָאָ֖רֶץ וְכָל־אֲשֶׁר־בָּֽהּ׃
15
רַ֧ק בַּאֲבֹתֶ֛יךָ חָשַׁ֥קa
יְהוָ֖ה לְאַהֲבָ֣הb
אֹותָ֑ם וַיִּבְחַ֞רc
בְּזַרְעָ֣ם אַחֲרֵיהֶ֗ם בָּכֶ֛ם מִכָּל־הָעַמִּ֖ים כַּיֹּ֥ום הַזֶּֽה׃
16
וּמַלְתֶּ֕םa
אֵ֖ת עָרְלַ֣תb
לְבַבְכֶ֑ם וְעָ֨רְפְּכֶ֔םc
לֹ֥א תַקְשׁ֖וּd
עֹֽוד׃
17
כִּ֚י יְהוָ֣ה אֱלֹֽהֵיכֶ֔ם ה֚וּא אֱלֹהֵ֣י הָֽאֱלֹהִ֔ים וַאֲדֹנֵ֖י הָאֲדֹנִ֑ים הָאֵ֨ל הַגָּדֹ֤ל הַגִּבֹּר֙ וְהַנֹּורָ֔א אֲשֶׁר֙ לֹא־יִשָּׂ֣אa
פָנִ֔ים וְלֹ֥א יִקַּ֖חb
שֹֽׁחַדc
׃
18
עֹשֶׂ֛הa
מִשְׁפַּ֥ט יָתֹ֖וםb
וְאַלְמָנָ֑ה וְאֹהֵ֣בc
גֵּ֔ר לָ֥תֶתd
לֹ֖ו לֶ֥חֶם וְשִׂמְלָֽהe
׃
19
וַאֲהַבְתֶּ֖םa
אֶת־הַגֵּ֑ר כִּֽי־גֵרִ֥ים הֱיִיתֶ֖םb
בְּאֶ֥רֶץ מִצְרָֽיִם׃
20
אֶת־יְהוָ֧ה אֱלֹהֶ֛יךָ תִּירָ֖אa
אֹתֹ֣ו תַעֲבֹ֑דb
וּבֹ֣ו תִדְבָּ֔קc
וּבִשְׁמֹ֖ו תִּשָּׁבֵֽעַd
׃
21
ה֥וּא תְהִלָּתְךָ֖ וְה֣וּא אֱלֹהֶ֑יךָ אֲשֶׁר־עָשָׂ֣הa
אִתְּךָ֗ אֶת־הַגְּדֹלֹ֤ת וְאֶת־הַנֹּֽורָאֹת֙ הָאֵ֔לֶּה אֲשֶׁ֥ר רָא֖וּb
עֵינֶֽיךָ׃
22
בְּשִׁבְעִ֣ים נֶ֔פֶשׁ יָרְד֥וּa
אֲבֹתֶ֖יךָ מִצְרָ֑יְמָה וְעַתָּ֗ה שָֽׂמְךָ֙b
יְהוָ֣ה אֱלֹהֶ֔יךָ כְּכֹוכְבֵ֥יc
הַשָּׁמַ֖יִם לָרֹֽב׃