דברים

אֵ֣לֶּה הַדְּבָרִ֗ים אֲשֶׁ֨ר דִּבֶּ֤רa מֹשֶׁה֙ אֶל־כָּל־יִשְׂרָאֵ֔ל בְּעֵ֖בֶר הַיַּרְדֵּ֑ן בַּמִּדְבָּ֡ר בָּֽעֲרָבָה֩ מֹ֨ולb ס֜וּףc בֵּֽין־פָּארָ֧ןd וּבֵֽין־תֹּ֛פֶלe וְלָבָ֥ןf וַחֲצֵרֹ֖תg וְדִ֥י זָהָֽבh ׃

2 אַחַ֨ד עָשָׂ֥ר יֹום֙ מֵֽחֹרֵ֔בa דֶּ֖רֶךְ הַר־שֵׂעִ֑ירb עַ֖ד קָדֵ֥שׁ בַּרְנֵֽעַc ׃

3 וַיְהִי֙a בְּאַרְבָּעִ֣ים שָׁנָ֔ה בְּעַשְׁתֵּֽיb ־עָשָׂ֥ר חֹ֖דֶשׁ בְּאֶחָ֣ד לַחֹ֑דֶשׁ דִּבֶּ֤רc מֹשֶׁה֙ אֶל־בְּנֵ֣י יִשְׂרָאֵ֔ל כְּ֠כֹל אֲשֶׁ֨ר צִוָּ֧הd יְהוָ֛ה אֹתֹ֖ו אֲלֵהֶֽם׃

4 אַחֲרֵ֣י הַכֹּתֹ֗וa אֵ֚ת סִיחֹן֙b מֶ֣לֶךְ הָֽאֱמֹרִ֔י אֲשֶׁ֥ר יֹושֵׁ֖בc בְּחֶשְׁבֹּ֑וןd וְאֵ֗ת עֹ֚וגe מֶ֣לֶךְ הַבָּשָׁ֔ן אֲשֶׁר־יֹושֵׁ֥בf בְּעַשְׁתָּרֹ֖תg בְּאֶדְרֶֽעִיh ׃

5 בְּעֵ֥בֶר הַיַּרְדֵּ֖ן בְּאֶ֣רֶץ מֹואָ֑ב הֹואִ֣ילa מֹשֶׁ֔ה בֵּאֵ֛רb אֶת־הַתֹּורָ֥ה הַזֹּ֖את לֵאמֹֽרc ׃

6 יְהוָ֧ה אֱלֹהֵ֛ינוּ דִּבֶּ֥רa אֵלֵ֖ינוּ בְּחֹרֵ֣בb לֵאמֹ֑רc רַב־לָכֶ֥ם שֶׁ֖בֶתd בָּהָ֥ר הַזֶּֽה׃

7 פְּנ֣וּa ׀ וּסְע֣וּb לָכֶ֗ם וּבֹ֨אוּc הַ֥ר הָֽאֱמֹרִי֮ וְאֶל־כָּל־שְׁכֵנָיו֒d בָּעֲרָבָ֥ה בָהָ֛ר וּבַשְּׁפֵלָ֥הe וּבַנֶּ֖גֶב וּבְחֹ֣וףf הַיָּ֑ם אֶ֤רֶץ הַֽכְּנַעֲנִי֙ וְהַלְּבָנֹ֔ון עַד־הַנָּהָ֥ר הַגָּדֹ֖ל נְהַר־פְּרָֽתg ׃

8 רְאֵ֛הa נָתַ֥תִּיb לִפְנֵיכֶ֖ם אֶת־הָאָ֑רֶץ בֹּ֚אוּc וּרְשׁ֣וּd אֶת־הָאָ֔רֶץ אֲשֶׁ֣ר נִשְׁבַּ֣עe יְ֠הוָה לַאֲבֹ֨תֵיכֶ֜ם לְאַבְרָהָ֨ם לְיִצְחָ֤ק וּֽלְיַעֲקֹב֙ לָתֵ֣תf לָהֶ֔ם וּלְזַרְעָ֖ם אַחֲרֵיהֶֽם׃

9 וָאֹמַ֣רa אֲלֵכֶ֔ם בָּעֵ֥ת הַהִ֖וא לֵאמֹ֑רb לֹא־אוּכַ֥לc לְבַדִּ֖י שְׂאֵ֥תd אֶתְכֶֽם׃

10 יְהוָ֥ה אֱלֹהֵיכֶ֖ם הִרְבָּ֣הa אֶתְכֶ֑ם וְהִנְּכֶ֣ם הַיֹּ֔ום כְּכֹוכְבֵ֥יb הַשָּׁמַ֖יִם לָרֹֽב׃

11 יְהוָ֞ה אֱלֹהֵ֣י אֲבֹֽותֵכֶ֗ם יֹסֵ֧ףa עֲלֵיכֶ֛ם כָּכֶ֖ם אֶ֣לֶף פְּעָמִ֑ים וִיבָרֵ֣ךְb אֶתְכֶ֔ם כַּאֲשֶׁ֖ר דִּבֶּ֥רc לָכֶֽם׃

12 אֵיכָ֥הa אֶשָּׂ֖אb לְבַדִּ֑י טָרְחֲכֶ֥םc וּמַֽשַּׂאֲכֶ֖םd וְרִֽיבְכֶֽם׃

13 הָב֣וּa לָ֠כֶם אֲנָשִׁ֨ים חֲכָמִ֧ים וּנְבֹנִ֛ים וִידֻעִ֖ים לְשִׁבְטֵיכֶ֑ם וַאֲשִׂימֵ֖םb בְּרָאשֵׁיכֶֽם׃

14 וַֽתַּעֲנ֖וּa אֹתִ֑י וַתֹּ֣אמְר֔וּb טֹֽוב־הַדָּבָ֥ר אֲשֶׁר־דִּבַּ֖רְתָּc לַעֲשֹֽׂותd ׃

15 וָאֶקַּ֞חa אֶת־רָאשֵׁ֣י שִׁבְטֵיכֶ֗ם אֲנָשִׁ֤ים חֲכָמִים֙ וִֽידֻעִ֔ים וָאֶתֵּ֥ןb אֹתָ֛ם רָאשִׁ֖ים עֲלֵיכֶ֑ם שָׂרֵ֨י אֲלָפִ֜ים וְשָׂרֵ֣י מֵאֹ֗ות וְשָׂרֵ֤י חֲמִשִּׁים֙ וְשָׂרֵ֣י עֲשָׂרֹ֔ת וְשֹׁטְרִ֖יםc לְשִׁבְטֵיכֶֽם׃

16 וָאֲצַוֶּה֙a אֶת־שֹׁ֣פְטֵיכֶ֔ם בָּעֵ֥ת הַהִ֖וא לֵאמֹ֑רb שָׁמֹ֤עַc בֵּין־אֲחֵיכֶם֙ וּשְׁפַטְתֶּ֣םd צֶ֔דֶק בֵּֽין־אִ֥ישׁ וּבֵין־אָחִ֖יו וּבֵ֥ין גֵּרֹֽו׃

17 לֹֽא־תַכִּ֨ירוּa פָנִ֜ים בַּמִּשְׁפָּ֗ט כַּקָּטֹ֤ן כַּגָּדֹל֙ תִּשְׁמָע֔וּןb לֹ֤א תָג֨וּרוּ֙c מִפְּנֵי־אִ֔ישׁ כִּ֥י הַמִּשְׁפָּ֖ט לֵאלֹהִ֣ים ה֑וּא וְהַדָּבָר֙ אֲשֶׁ֣ר יִקְשֶׁ֣הd מִכֶּ֔ם תַּקְרִב֥וּןe אֵלַ֖י וּשְׁמַעְתִּֽיוf ׃

18 וָאֲצַוֶּ֥הa אֶתְכֶ֖ם בָּעֵ֣ת הַהִ֑וא אֵ֥ת כָּל־הַדְּבָרִ֖ים אֲשֶׁ֥ר תַּעֲשֽׂוּןb ׃

19 וַנִּסַּ֣עa מֵחֹרֵ֗בb וַנֵּ֡לֶךְc אֵ֣ת כָּל־הַמִּדְבָּ֣ר הַגָּדֹול֩ וְהַנֹּורָ֨א הַה֜וּא אֲשֶׁ֣ר רְאִיתֶ֗םd דֶּ֚רֶךְ הַ֣ר הָֽאֱמֹרִ֔י כַּאֲשֶׁ֥ר צִוָּ֛הe יְהוָ֥ה אֱלֹהֵ֖ינוּ אֹתָ֑נוּ וַנָּבֹ֕אf עַ֖ד קָדֵ֥שׁ בַּרְנֵֽעַg ׃

20 וָאֹמַ֖רa אֲלֵכֶ֑ם בָּאתֶם֙b עַד־הַ֣ר הָאֱמֹרִ֔י אֲשֶׁר־יְהוָ֥ה אֱלֹהֵ֖ינוּ נֹתֵ֥ןc לָֽנוּ׃

21 רְ֠אֵהa נָתַ֨ןb יְהוָ֧ה אֱלֹהֶ֛יךָ לְפָנֶ֖יךָ אֶת־הָאָ֑רֶץ עֲלֵ֣הc רֵ֗שׁd כַּאֲשֶׁר֩ דִּבֶּ֨רe יְהוָ֜ה אֱלֹהֵ֤י אֲבֹתֶ֨יךָ֙ לָ֔ךְ אַל־תִּירָ֖אf וְאַל־תֵּחָֽתg ׃

22 וַתִּקְרְב֣וּןa אֵלַי֮ כֻּלְּכֶם֒ וַתֹּאמְר֗וּb נִשְׁלְחָ֤הc אֲנָשִׁים֙ לְפָנֵ֔ינוּ וְיַחְפְּרוּd ־לָ֖נוּ אֶת־הָאָ֑רֶץ וְיָשִׁ֤בוּe אֹתָ֨נוּ֙ דָּבָ֔ר אֶת־הַדֶּ֨רֶךְ֙ אֲשֶׁ֣ר נַעֲלֶהf ־בָּ֔הּ וְאֵת֙ הֶֽעָרִ֔ים אֲשֶׁ֥ר נָבֹ֖אg אֲלֵיהֶֽן׃

23 וַיִּיטַ֥בa בְּעֵינַ֖י הַדָּבָ֑ר וָאֶקַּ֤חb מִכֶּם֙ שְׁנֵ֣ים עָשָׂ֣ר אֲנָשִׁ֔ים אִ֥ישׁ אֶחָ֖ד לַשָּֽׁבֶט׃

24 וַיִּפְנוּ֙a וַיַּעֲל֣וּb הָהָ֔רָה וַיָּבֹ֖אוּc עַד־נַ֣חַל אֶשְׁכֹּ֑לd וַֽיְרַגְּל֖וּe אֹתָֽהּ׃

25 וַיִּקְח֤וּa בְיָדָם֙ מִפְּרִ֣י הָאָ֔רֶץ וַיֹּורִ֖דוּb אֵלֵ֑ינוּ וַיָּשִׁ֨בוּc אֹתָ֤נוּ דָבָר֙ וַיֹּ֣אמְר֔וּd טֹובָ֣ה הָאָ֔רֶץ אֲשֶׁר־יְהוָ֥ה אֱלֹהֵ֖ינוּ נֹתֵ֥ןe לָֽנוּ׃

26 וְלֹ֥א אֲבִיתֶ֖םa לַעֲלֹ֑תb וַתַּמְר֕וּc אֶת־פִּ֥י יְהוָ֖ה אֱלֹהֵיכֶֽם׃

27 וַתֵּרָגְנ֤וּa בְאָהֳלֵיכֶם֙ וַתֹּ֣אמְר֔וּb בְּשִׂנְאַ֤תc יְהוָה֙ אֹתָ֔נוּ הֹוצִיאָ֖נוּd מֵאֶ֣רֶץ מִצְרָ֑יִם לָתֵ֥תe אֹתָ֛נוּ בְּיַ֥ד הָאֱמֹרִ֖י לְהַשְׁמִידֵֽנוּf ׃

28 אָנָ֣הa ׀ אֲנַ֣חְנוּ עֹלִ֗יםb אַחֵינוּ֩ הֵמַ֨סּוּc אֶת־לְבָבֵ֜נוּ לֵאמֹ֗רd עַ֣ם גָּדֹ֤ול וָרָם֙ מִמֶּ֔נּוּ עָרִ֛ים גְּדֹלֹ֥ת וּבְצוּרֹ֖תe בַּשָּׁמָ֑יִם וְגַם־בְּנֵ֥י עֲנָקִ֖יםf רָאִ֥ינוּg שָֽׁם׃

29 וָאֹמַ֖רa אֲלֵכֶ֑ם לֹא־תַֽעַרְצ֥וּןb וְֽלֹא־תִֽירְא֖וּןc מֵהֶֽם׃

30 יְהוָ֤ה אֱלֹֽהֵיכֶם֙ הַהֹלֵ֣ךְa לִפְנֵיכֶ֔ם ה֖וּא יִלָּחֵ֣םb לָכֶ֑ם כְּ֠כֹל אֲשֶׁ֨ר עָשָׂ֧הc אִתְּכֶ֛ם בְּמִצְרַ֖יִם לְעֵינֵיכֶֽם׃

31 וּבַמִּדְבָּר֙ אֲשֶׁ֣ר רָאִ֔יתָa אֲשֶׁ֤ר נְשָׂאֲךָ֙b יְהוָ֣ה אֱלֹהֶ֔יךָ כַּאֲשֶׁ֥ר יִשָּׂאc ־אִ֖ישׁ אֶת־בְּנֹ֑ו בְּכָל־הַדֶּ֨רֶךְ֙ אֲשֶׁ֣ר הֲלַכְתֶּ֔םd עַד־בֹּאֲכֶ֖םe עַד־הַמָּקֹ֥ום הַזֶּֽה׃

32 וּבַדָּבָ֖ר הַזֶּ֑ה אֵֽינְכֶם֙ מַאֲמִינִ֔םa בַּיהוָ֖ה אֱלֹהֵיכֶֽם׃

33 הַהֹלֵ֨ךְa לִפְנֵיכֶ֜ם בַּדֶּ֗רֶךְ לָת֥וּרb לָכֶ֛ם מָקֹ֖ום לַֽחֲנֹֽתְכֶ֑םc בָּאֵ֣שׁ׀ לַ֗יְלָה לַרְאֹֽתְכֶם֙d בַּדֶּ֨רֶךְ֙ אֲשֶׁ֣ר תֵּֽלְכוּe ־בָ֔הּ וּבֶעָנָ֖ן יֹומָֽם׃

34 וַיִּשְׁמַ֥עa יְהוָ֖ה אֶת־קֹ֣ול דִּבְרֵיכֶ֑ם וַיִּקְצֹ֖ףb וַיִּשָּׁבַ֥עc לֵאמֹֽרd ׃

35 אִם־יִרְאֶ֥הa אִישׁ֙ בָּאֲנָשִׁ֣ים הָאֵ֔לֶּה הַדֹּ֥ור הָרָ֖ע הַזֶּ֑ה אֵ֚ת הָאָ֣רֶץ הַטֹּובָ֔ה אֲשֶׁ֣ר נִשְׁבַּ֔עְתִּיb לָתֵ֖תc לַאֲבֹתֵיכֶֽם׃

36 זֽוּלָתִ֞יa כָּלֵ֤בb בֶּן־יְפֻנֶּה֙c ה֣וּא יִרְאֶ֔נָּהd וְלֹֽו־אֶתֵּ֧ןe אֶת־הָאָ֛רֶץ אֲשֶׁ֥ר דָּֽרַךְf ־בָּ֖הּ וּלְבָנָ֑יו יַ֕עַן אֲשֶׁ֥ר מִלֵּ֖אg אַחֲרֵ֥י יְהוָֽה׃

37 גַּם־בִּי֙ הִתְאַנַּ֣ףa יְהוָ֔ה בִּגְלַלְכֶ֖םb לֵאמֹ֑רc גַּם־אַתָּ֖ה לֹא־תָבֹ֥אd שָֽׁם׃

38 יְהֹושֻׁ֤עַ בִּן־נוּן֙a הָעֹמֵ֣דb לְפָנֶ֔יךָ ה֖וּא יָ֣בֹאc שָׁ֑מָּה אֹתֹ֣ו חַזֵּ֔קd כִּי־ה֖וּא יַנְחִלֶ֥נָּהe אֶת־יִשְׂרָאֵֽל׃

39 וְטַפְּכֶם֩a אֲשֶׁ֨ר אֲמַרְתֶּ֜םb לָבַ֣זc יִהְיֶ֗הd וּ֠בְנֵיכֶם אֲשֶׁ֨ר לֹא־יָדְע֤וּe הַיֹּום֙ טֹ֣וב וָרָ֔ע הֵ֖מָּה יָבֹ֣אוּf שָׁ֑מָּה וְלָהֶ֣ם אֶתְּנֶ֔נָּהg וְהֵ֖ם יִירָשֽׁוּהָh ׃

40 וְאַתֶּ֖ם פְּנ֣וּa לָכֶ֑ם וּסְע֥וּb הַמִּדְבָּ֖רָה דֶּ֥רֶךְ יַם־סֽוּףc ׃

41 וַֽתַּעֲנ֣וּa ׀ וַתֹּאמְר֣וּb אֵלַ֗י חָטָאנוּ֮c לַֽיהוָה֒ אֲנַ֤חְנוּ נַעֲלֶה֙d וְנִלְחַ֔מְנוּe כְּכֹ֥ל אֲשֶׁר־צִוָּ֖נוּf יְהוָ֣ה אֱלֹהֵ֑ינוּ וַֽתַּחְגְּר֗וּg אִ֚ישׁ אֶת־כְּלֵ֣י מִלְחַמְתֹּ֔וh וַתָּהִ֖ינוּi לַעֲלֹ֥תj הָהָֽרָה׃

42 וַיֹּ֨אמֶרa יְהוָ֜ה אֵלַ֗י אֱמֹ֤רb לָהֶם֙ לֹ֤א תַֽעֲלוּ֙c וְלֹא־תִלָּ֣חֲמ֔וּd כִּ֥י אֵינֶ֖נִּי בְּקִרְבְּכֶ֑ם וְלֹא֙ תִּנָּֽגְפ֔וּe לִפְנֵ֖י אֹיְבֵיכֶֽם׃

43 וָאֲדַבֵּ֥רa אֲלֵיכֶ֖ם וְלֹ֣א שְׁמַעְתֶּ֑םb וַתַּמְרוּ֙c אֶת־פִּ֣י יְהוָ֔ה וַתָּזִ֖דוּd וַתַּעֲל֥וּe הָהָֽרָה׃

44 וַיֵּצֵ֨אa הָאֱמֹרִ֜י הַיֹּשֵׁ֨בb בָּהָ֤ר הַהוּא֙ לִקְרַאתְכֶ֔םc וַיִּרְדְּפ֣וּd אֶתְכֶ֔ם כַּאֲשֶׁ֥ר תַּעֲשֶׂ֖ינָהe הַדְּבֹרִ֑יםf וַֽיַּכְּת֥וּg אֶתְכֶ֛ם בְּשֵׂעִ֖ירh עַד־חָרְמָֽהi ׃

45 וַתָּשֻׁ֥בוּa וַתִּבְכּ֖וּb לִפְנֵ֣י יְהוָ֑ה וְלֹֽא־שָׁמַ֤עc יְהוָה֙ בְּקֹ֣לְכֶ֔ם וְלֹ֥א הֶאֱזִ֖יןd אֲלֵיכֶֽם׃

46 וַתֵּשְׁב֥וּa בְקָדֵ֖שׁb יָמִ֣ים רַבִּ֑ים כַּיָּמִ֖ים אֲשֶׁ֥ר יְשַׁבְתֶּֽםc ׃