דניאל

בִּשְׁנַ֣ת שָׁלֹ֔ושׁ לְמַלְכ֖וּת בֵּלְאשַׁצַּ֣רa הַמֶּ֑לֶךְ חָזֹ֞וןb נִרְאָ֤הc אֵלַי֙ אֲנִ֣י דָנִיֵּ֔אלd אַחֲרֵ֛י הַנִּרְאָ֥הe אֵלַ֖י בַּתְּחִלָּֽהf ׃

2 וָֽאֶרְאֶה֮a בֶּחָזֹון֒b וַיְהִי֙c בִּרְאֹתִ֔יd וַאֲנִי֙ בְּשׁוּשַׁ֣ןe הַבִּירָ֔הf אֲשֶׁ֖ר בְּעֵילָ֣םg הַמְּדִינָ֑ה וָאֶרְאֶה֙h בֶּֽחָזֹ֔וןi וַאֲנִ֥י הָיִ֖יתִיj עַל־אוּבַ֥לk אוּלָֽיl ׃

3 וָאֶשָּׂ֤אa עֵינַי֙ וָאֶרְאֶ֔הb וְהִנֵּ֣ה׀ אַ֣יִל אֶחָ֗ד עֹמֵ֛דc לִפְנֵ֥י הָאֻבָ֖לd וְלֹ֣ו קְרָנָ֑יִם וְהַקְּרָנַ֣יִם גְּבֹהֹ֗ותe וְהָאַחַת֙ גְּבֹהָ֣הf מִן־הַשֵּׁנִ֔ית וְהַ֨גְּבֹהָ֔הg עֹלָ֖הh בָּאַחֲרֹנָֽה׃

4 רָאִ֣יתִיa אֶת־הָאַ֡יִל מְנַגֵּחַ֩b יָ֨מָּה וְצָפֹ֜ונָה וָנֶ֗גְבָּה וְכָל־חַיֹּות֙ לֹֽא־יַֽעַמְד֣וּc לְפָנָ֔יו וְאֵ֥ין מַצִּ֖ילd מִיָּדֹ֑ו וְעָשָׂ֥הe כִרְצֹנֹ֖ו וְהִגְדִּֽילf ׃

5 וַאֲנִ֣י׀ הָיִ֣יתִיa מֵבִ֗יןb וְהִנֵּ֤ה צְפִירc ־הָֽעִזִּים֙ בָּ֤אd מִן־הַֽמַּעֲרָב֙e עַל־פְּנֵ֣י כָל־הָאָ֔רֶץ וְאֵ֥ין נֹוגֵ֖עַf בָּאָ֑רֶץ וְהַ֨צָּפִ֔ירg קֶ֥רֶן חָז֖וּתh בֵּ֥ין עֵינָֽיו׃

6 וַיָּבֹ֗אa עַד־הָאַ֨יִל֙ בַּ֣עַל הַקְּרָנַ֔יִם אֲשֶׁ֣ר רָאִ֔יתִיb עֹמֵ֖דc לִפְנֵ֣י הָאֻבָ֑לd וַיָּ֥רָץe אֵלָ֖יו בַּחֲמַ֥ת כֹּחֹֽו׃

7 וּרְאִיתִ֞יוa מַגִּ֣יעַb ׀ אֵ֣צֶל הָאַ֗יִל וַיִּתְמַרְמַ֤רc אֵלָיו֙ וַיַּ֣ךְd אֶת־הָאַ֔יִל וַיְשַׁבֵּר֙e אֶת־שְׁתֵּ֣י קְרָנָ֔יו וְלֹא־הָ֥יָהf כֹ֛חַ בָּאַ֖יִל לַעֲמֹ֣דg לְפָנָ֑יו וַיַּשְׁלִיכֵ֤הוּh אַ֨רְצָה֙ וַֽיִּרְמְסֵ֔הוּi וְלֹא־הָיָ֥הj מַצִּ֛ילk לָאַ֖יִל מִיָּדֹֽו׃

8 וּצְפִ֥ירa הָעִזִּ֖ים הִגְדִּ֣ילb עַד־מְאֹ֑ד וּכְעָצְמֹ֗וc נִשְׁבְּרָה֙d הַקֶּ֣רֶן הַגְּדֹולָ֔ה וַֽתַּעֲלֶ֜נָהe חָז֤וּתf אַרְבַּע֙ תַּחְתֶּ֔יהָ לְאַרְבַּ֖ע רוּחֹ֥ות הַשָּׁמָֽיִם׃

9 וּמִן־הָאַחַ֣ת מֵהֶ֔ם יָצָ֥אa קֶֽרֶן־אַחַ֖ת מִצְּעִירָ֑הb וַתִּגְדַּלc ־יֶ֛תֶר אֶל־הַנֶּ֥גֶב וְאֶל־הַמִּזְרָ֖ח וְאֶל־הַצֶּֽבִיd ׃

10 וַתִּגְדַּ֖לa עַד־צְבָ֣א הַשָּׁמָ֑יִם וַתַּפֵּ֥לb אַ֛רְצָה מִן־הַצָּבָ֥א וּמִן־הַכֹּוכָבִ֖יםc וַֽתִּרְמְסֵֽםd ׃

11 וְעַ֥ד שַֽׂר־הַצָּבָ֖א הִגְדִּ֑ילa וּמִמֶּ֨נּוּ֙ הריםb הַתָּמִ֔יד וְהֻשְׁלַ֖ךְc מְכֹ֥וןd מִקְדָּשֹֽׁו׃

12 וְצָבָ֛א תִּנָּתֵ֥ןa עַל־הַתָּמִ֖יד בְּפָ֑שַׁע וְתַשְׁלֵ֤ךְb אֱמֶת֙ אַ֔רְצָה וְעָשְׂתָ֖הc וְהִצְלִֽיחָהd ׃

13 וָאֶשְׁמְעָ֥הa אֶֽחָד־קָדֹ֖ושׁ מְדַבֵּ֑רb וַיֹּאמֶר֩c אֶחָ֨ד קָדֹ֜ושׁ לַפַּֽלְמֹונִ֣יd הַֽמְדַבֵּ֗רe עַד־מָתַ֞יf הֶחָזֹ֤וןg הַתָּמִיד֙ וְהַפֶּ֣שַׁע שֹׁמֵ֔ם תֵּ֛תh וְקֹ֥דֶשׁ וְצָבָ֖א מִרְמָֽסi ׃

14 וַיֹּ֣אמֶרa אֵלַ֔י עַ֚ד עֶ֣רֶב בֹּ֔קֶר אַלְפַּ֖יִם וּשְׁלֹ֣שׁ מֵאֹ֑ות וְנִצְדַּ֖קb קֹֽדֶשׁ׃

15 וַיְהִ֗יa בִּרְאֹתִ֛יb אֲנִ֥י דָנִיֵּ֖אלc אֶת־הֶחָזֹ֑וןd וָאֲבַקְשָׁ֣הe בִינָ֔הf וְהִנֵּ֛ה עֹמֵ֥דg לְנֶגְדִּ֖י כְּמַרְאֵה־גָֽבֶר׃

16 וָאֶשְׁמַ֥עa קֹול־אָדָ֖ם בֵּ֣ין אוּלָ֑יb וַיִּקְרָא֙c וַיֹּאמַ֔רd גַּבְרִיאֵ֕לe הָבֵ֥ןf לְהַלָּ֖זg אֶת־הַמַּרְאֶֽה׃

17 וַיָּבֹא֙a אֵ֣צֶל עָמְדִ֔יb וּבְבֹאֹ֣וc נִבְעַ֔תִּיd וָאֶפְּלָ֖הe עַל־פָּנָ֑י וַיֹּ֤אמֶרf אֵלַי֙ הָבֵ֣ןg בֶּן־אָדָ֔ם כִּ֖י לְעֶת־קֵ֥ץ הֶחָזֹֽוןh ׃

18 וּבְדַבְּרֹ֣וa עִמִּ֔י נִרְדַּ֥מְתִּיb עַל־פָּנַ֖י אָ֑רְצָה וַיִּ֨גַּעc ־בִּ֔י וַיַּֽעֲמִידֵ֖נִיd עַל־עָמְדִֽיe ׃

19 וַיֹּ֨אמֶר֙a הִנְנִ֣י מֹודִֽיעֲךָ֔b אֵ֥ת אֲשֶׁר־יִהְיֶ֖הc בְּאַחֲרִ֣ית הַזָּ֑עַםd כִּ֖י לְמֹועֵ֥ד קֵֽץ׃

20 הָאַ֥יִל אֲשֶׁר־רָאִ֖יתָa בַּ֣עַל הַקְּרָנָ֑יִם מַלְכֵ֖י מָדַ֥יb וּפָרָֽסc ׃

21 וְהַצָּפִ֥ירa הַשָּׂעִ֖ירb מֶ֣לֶךְ יָוָ֑ןc וְהַקֶּ֤רֶן הַגְּדֹולָה֙ אֲשֶׁ֣ר בֵּין־עֵינָ֔יו ה֖וּא הַמֶּ֥לֶךְ הָרִאשֹֽׁון׃

22 וְהַ֨נִּשְׁבֶּ֔רֶת וַתַּֽעֲמֹ֥דְנָהa אַרְבַּ֖ע תַּחְתֶּ֑יהָ אַרְבַּ֧ע מַלְכֻיֹ֛ות מִגֹּ֥וי יַעֲמֹ֖דְנָהb וְלֹ֥א בְכֹחֹֽו׃

23 וּֽבְאַחֲרִית֙ מַלְכוּתָ֔ם כְּהָתֵ֖םa הַפֹּשְׁעִ֑יםb יַעֲמֹ֛דc מֶ֥לֶךְ עַזd ־פָּנִ֖ים וּמֵבִ֥יןe חִידֹֽותf ׃

24 וְעָצַ֤םa כֹּחֹו֙ וְלֹ֣א בְכֹחֹ֔ו וְנִפְלָאֹ֥ות יַשְׁחִ֖יתb וְהִצְלִ֣יחַc וְעָשָׂ֑הd וְהִשְׁחִ֥יתe עֲצוּמִ֖יםf וְעַם־קְדֹשִֽׁים׃

25 וְעַל־שִׂכְלֹ֗וa וְהִצְלִ֤יחַb מִרְמָה֙c בְּיָדֹ֔ו וּבִלְבָבֹ֣ו יַגְדִּ֔ילd וּבְשַׁלְוָ֖הe יַשְׁחִ֣יתf רַבִּ֑ים וְעַ֤ל־שַׂר־שָׂרִים֙ יַעֲמֹ֔דg וּבְאֶ֥פֶסh יָ֖ד יִשָּׁבֵֽרi ׃

26 וּמַרְאֵ֨ה הָעֶ֧רֶב וְהַבֹּ֛קֶר אֲשֶׁ֥ר נֶאֱמַ֖רa אֱמֶ֣ת ה֑וּא וְאַתָּה֙ סְתֹ֣םb הֶֽחָזֹ֔וןc כִּ֖י לְיָמִ֥ים רַבִּֽים׃

27 וַאֲנִ֣י דָנִיֵּ֗אלa נִהְיֵ֤יתִיb וְנֶֽחֱלֵ֨יתִי֙c יָמִ֔ים וָאָק֕וּםd וָאֶֽעֱשֶׂ֖הe אֶת־מְלֶ֣אכֶת הַמֶּ֑לֶךְ וָאֶשְׁתֹּומֵ֥םf עַל־הַמַּרְאֶ֖ה וְאֵ֥ין מֵבִֽיןg ׃ פ