דניאל

וּבָעֵ֣ת הַהִיא֩ יַעֲמֹ֨דa מִֽיכָאֵ֜לb הַשַּׂ֣ר הַגָּדֹ֗ול הָעֹמֵד֮c עַל־בְּנֵ֣י עַמֶּךָ֒ וְהָיְתָה֙d עֵ֣ת צָרָ֔ה אֲשֶׁ֤ר לֹֽא־נִהְיְתָה֙e מִֽהְיֹ֣ותf גֹּ֔וי עַ֖ד הָעֵ֣ת הַהִ֑יא וּבָעֵ֤ת הַהִיא֙ יִמָּלֵ֣טg עַמְּךָ֔ כָּל־הַנִּמְצָ֖אh כָּת֥וּבi בַּסֵּֽפֶר׃

2 וְרַבִּ֕ים מִיְּשֵׁנֵ֥יa אַדְמַת־עָפָ֖ר יָקִ֑יצוּb אֵ֚לֶּה לְחַיֵּ֣י עֹולָ֔ם וְאֵ֥לֶּה לַחֲרָפֹ֖ות לְדִרְאֹ֥וןc עֹולָֽם׃ ס

3 וְהַ֨מַּשְׂכִּלִ֔ים יַזְהִ֖רוּa כְּזֹ֣הַרb הָרָקִ֑יעַc וּמַצְדִּיקֵי֙d הָֽרַבִּ֔ים כַּכֹּוכָבִ֖יםe לְעֹולָ֥ם וָעֶֽדf ׃ פ

4 וְאַתָּ֣ה דָֽנִיֵּ֗אלa סְתֹ֧םb הַדְּבָרִ֛ים וַחֲתֹ֥םc הַסֵּ֖פֶר עַד־עֵ֣ת קֵ֑ץ יְשֹׁטְט֥וּd רַבִּ֖ים וְתִרְבֶּ֥הe הַדָּֽעַת׃

5 וְרָאִ֨יתִי֙a אֲנִ֣י דָנִיֵּ֔אלb וְהִנֵּ֛ה שְׁנַ֥יִם אֲחֵרִ֖ים עֹמְדִ֑יםc אֶחָ֥ד הֵ֨נָּה֙ לִשְׂפַ֣ת הַיְאֹ֔רd וְאֶחָ֥ד הֵ֖נָּה לִשְׂפַ֥ת הַיְאֹֽרe ׃

6 וַיֹּ֗אמֶרa לָאִישׁ֙ לְב֣וּשׁb הַבַּדִּ֔ים אֲשֶׁ֥ר מִמַּ֖עַל לְמֵימֵ֣י הַיְאֹ֑רc עַד־מָתַ֖יd קֵ֥ץ הַפְּלָאֹֽותe ׃

7 וָאֶשְׁמַ֞עa אֶת־הָאִ֣ישׁ׀ לְב֣וּשׁb הַבַּדִּ֗ים אֲשֶׁ֣ר מִמַּעַל֮ לְמֵימֵ֣י הַיְאֹר֒c וַיָּ֨רֶםd יְמִינֹ֤ו וּשְׂמֹאלֹו֙ אֶל־הַשָּׁמַ֔יִם וַיִּשָּׁבַ֖עe בְּחֵ֣י הָעֹולָ֑ם כִּי֩ לְמֹועֵ֨ד מֹֽועֲדִ֜ים וָחֵ֗צִי וּכְכַלֹּ֛ותf נַפֵּ֥ץg יַד־עַם־קֹ֖דֶשׁ תִּכְלֶ֥ינָהh כָל־אֵֽלֶּה׃

8 וַאֲנִ֥י שָׁמַ֖עְתִּיa וְלֹ֣א אָבִ֑יןb וָאֹ֣מְרָ֔הc אֲדֹנִ֕י מָ֥ה אַחֲרִ֖ית אֵֽלֶּה׃ פ

9 וַיֹּ֖אמֶרa לֵ֣ךְb דָּנִיֵּ֑אלc כִּֽי־סְתֻמִ֧יםd וַחֲתֻמִ֛יםe הַדְּבָרִ֖ים עַד־עֵ֥ת קֵֽץ׃

10 יִ֠תְבָּֽרֲרוּa וְיִֽתְלַבְּנ֤וּb וְיִצָּֽרְפוּ֙c רַבִּ֔ים וְהִרְשִׁ֣יעוּd רְשָׁעִ֔ים וְלֹ֥א יָבִ֖ינוּe כָּל־רְשָׁעִ֑ים וְהַמַּשְׂכִּלִ֖ים יָבִֽינוּf ׃

11 וּמֵעֵת֙ הוּסַ֣רa הַתָּמִ֔יד וְלָתֵ֖תb שִׁקּ֣וּץc שֹׁמֵ֑ם יָמִ֕ים אֶ֖לֶף מָאתַ֥יִם וְתִשְׁעִֽים׃

12 אַשְׁרֵ֥יa הַֽמְחַכֶּ֖הb וְיַגִּ֑יעַc לְיָמִ֕ים אֶ֕לֶף שְׁלֹ֥שׁ מֵאֹ֖ות שְׁלֹשִׁ֥ים וַחֲמִשָּֽׁה׃

13 וְאַתָּ֖ה לֵ֣ךְa לַקֵּ֑ץ וְתָנ֛וּחַb וְתַעֲמֹ֥דc לְגֹרָלְךָ֖ לְקֵ֥ץ הַיָּמִֽין׃