דניאל

וַאֲנִי֙ בִּשְׁנַ֣ת אַחַ֔ת לְדָרְיָ֖וֶשׁa הַמָּדִ֑יb עָמְדִ֛יc לְמַחֲזִ֥יק וּלְמָעֹ֖וזd לֹֽו׃

2 וְעַתָּ֕ה אֱמֶ֖ת אַגִּ֣ידa לָ֑ךְ הִנֵּה־עֹוד֩ שְׁלֹשָׁ֨ה מְלָכִ֜ים עֹמְדִ֣יםb לְפָרַ֗סc וְהָֽרְבִיעִי֙ יַעֲשִׁ֤ירd עֹֽשֶׁרe ־גָּדֹול֙ מִכֹּ֔ל וּכְחֶזְקָתֹ֣וf בְעָשְׁרֹ֔וg יָעִ֣ירh הַכֹּ֔ל אֵ֖ת מַלְכ֥וּת יָוָֽןi ׃

3 וְעָמַ֖דa מֶ֣לֶךְ גִּבֹּ֑ור וּמָשַׁל֙b מִמְשָׁ֣לc רַ֔ב וְעָשָׂ֖הd כִּרְצֹונֹֽו׃

4 וּכְעָמְדֹו֙a תִּשָּׁבֵ֣רb מַלְכוּתֹ֔ו וְתֵחָ֕ץc לְאַרְבַּ֖ע רוּחֹ֣ות הַשָּׁמָ֑יִם וְלֹ֣א לְאַחֲרִיתֹ֗ו וְלֹ֤א כְמָשְׁלֹו֙d אֲשֶׁ֣ר מָשָׁ֔לe כִּ֤י תִנָּתֵשׁ֙f מַלְכוּתֹ֔ו וְלַאֲחֵרִ֖ים מִלְּבַד־אֵֽלֶּה׃

5 וְיֶחֱזַ֥קa מֶֽלֶךְ־הַנֶּ֖גֶב וּמִן־שָׂרָ֑יו וְיֶחֱזַ֤קb עָלָיו֙ וּמָשָׁ֔לc מִמְשָׁ֥לd רַ֖ב מֶמְשַׁלְתֹּֽוe ׃

6 וּלְקֵ֤ץ שָׁנִים֙ יִתְחַבָּ֔רוּa וּבַ֣ת מֶֽלֶךְ־הַנֶּ֗גֶב תָּבֹוא֙b אֶל־מֶ֣לֶךְ הַצָּפֹ֔ון לַעֲשֹׂ֖ותc מֵישָׁרִ֑יםd וְלֹֽא־תַעְצֹ֞רe כֹּ֣וחַ הַזְּרֹ֗ועַ וְלֹ֤א יַעֲמֹד֙f וּזְרֹעֹ֔ו וְתִנָּתֵ֨ןg הִ֤יא וּמְבִיאֶ֨יהָ֙ וְהַיֹּ֣לְדָ֔הּ וּמַחֲזִקָ֖הּ בָּעִתִּֽים׃

7 וְעָמַ֛דa מִנֵּ֥צֶרb שָׁרָשֶׁ֖יהָc כַּנֹּ֑וd וְיָבֹ֣אe אֶל־הַחַ֗יִל וְיָבֹא֙f בְּמָעֹוז֙g מֶ֣לֶךְ הַצָּפֹ֔ון וְעָשָׂ֥הh בָהֶ֖ם וְהֶחֱזִֽיקi ׃

8 וְגַ֣ם אֱֽלֹהֵיהֶ֡ם עִם־נְסִֽכֵיהֶם֩a עִם־כְּלֵ֨י חֶמְדָּתָ֜םb כֶּ֧סֶף וְזָהָ֛ב בַּשְּׁבִ֖יc יָבִ֣אd מִצְרָ֑יִם וְהוּא֙ שָׁנִ֣ים יַעֲמֹ֔דe מִמֶּ֖לֶךְ הַצָּפֹֽון׃

9 וּבָ֗אa בְּמַלְכוּת֙ מֶ֣לֶךְ הַנֶּ֔גֶב וְשָׁ֖בb אֶל־אַדְמָתֹֽו׃

10 ובנוa יִתְגָּר֗וּb וְאָסְפוּ֙c הֲמֹון֙ חֲיָלִ֣ים רַבִּ֔ים וּבָ֥אd בֹ֖וא וְשָׁטַ֣ףe וְעָבָ֑רf וְיָשֹׁ֥בg ויתגרוh עַד־מעזהi ׃

11 וְיִתְמַרְמַר֙a מֶ֣לֶךְ הַנֶּ֔גֶב וְיָצָ֕אb וְנִלְחַ֥םc עִמֹּ֖ו עִם־מֶ֣לֶךְ הַצָּפֹ֑ון וְהֶעֱמִיד֙d הָמֹ֣ון רָ֔ב וְנִתַּ֥ןe הֶהָמֹ֖ון בְּיָדֹֽו׃

12 וְנִשָּׂ֥אa הֶהָמֹ֖ון ירוםb לְבָבֹ֑ו וְהִפִּ֛ילc רִבֹּאֹ֖ותd וְלֹ֥א יָעֹֽוזe ׃

13 וְשָׁב֙a מֶ֣לֶךְ הַצָּפֹ֔ון וְהֶעֱמִ֣ידb הָמֹ֔ון רַ֖ב מִן־הָרִאשֹׁ֑ון וּלְקֵ֨ץ הָֽעִתִּ֤ים שָׁנִים֙ יָ֣בֹואc בֹ֔וא בְּחַ֥יִל גָּדֹ֖ול וּבִרְכ֥וּשׁd רָֽב׃

14 וּבָעִתִּ֣ים הָהֵ֔ם רַבִּ֥ים יַֽעַמְד֖וּa עַל־מֶ֣לֶךְ הַנֶּ֑גֶב וּבְנֵ֣י׀ פָּרִיצֵ֣יb עַמְּךָ֗ יִֽנַּשְּׂא֛וּc לְהַעֲמִ֥ידd חָזֹ֖וןe וְנִכְשָֽׁלוּf ׃

15 וְיָבֹא֙a מֶ֣לֶךְ הַצָּפֹ֔ון וְיִשְׁפֹּךְ֙b סֹֽולֲלָ֔הc וְלָכַ֖דd עִ֣יר מִבְצָרֹ֑ותe וּזְרֹעֹ֤ות הַנֶּ֨גֶב֙ לֹ֣א יַעֲמֹ֔דוּf וְעַם֙ מִבְחָרָ֔יוg וְאֵ֥ין כֹּ֖חַ לַעֲמֹֽדh ׃

16 וְיַ֨עַשׂa הַבָּ֤אb אֵלָיו֙ כִּרְצֹונֹ֔ו וְאֵ֥ין עֹומֵ֖דc לְפָנָ֑יו וְיַעֲמֹ֥דd בְּאֶֽרֶץ־הַצְּבִ֖יe וְכָלָ֥הf בְיָדֹֽו׃

17 וְיָשֵׂ֣םa ׀ פָּ֠נָיו לָבֹ֞ואb בְּתֹ֧קֶףc כָּל־מַלְכוּתֹ֛ו וִישָׁרִ֥ים עִמֹּ֖ו וְעָשָׂ֑הd וּבַ֤ת הַנָּשִׁים֙ יִתֶּןe ־לֹ֣ו לְהַשְׁחִיתָ֔הּf וְלֹ֥א תַעֲמֹ֖דg וְלֹא־לֹ֥ו תִהְיֶֽהh ׃

18 וישׁבa ׀ פָּנָ֛יו לְאִיִּ֖יםb וְלָכַ֣דc רַבִּ֑ים וְהִשְׁבִּ֨יתd קָצִ֤יןe חֶרְפָּתֹו֙ לֹ֔ו בִּלְתִּ֥י חֶרְפָּתֹ֖ו יָשִׁ֥יבf לֹֽו׃

19 וְיָשֵׁ֣בa פָּנָ֔יו לְמָעוּזֵּ֖יb אַרְצֹ֑ו וְנִכְשַׁ֥לc וְנָפַ֖לd וְלֹ֥א יִמָּצֵֽאe ׃

20 וְעָמַ֧דa עַל־כַּנֹּ֛וb מַעֲבִ֥ירc נֹוגֵ֖שׂd הֶ֣דֶרe מַלְכ֑וּת וּבְיָמִ֤ים אֲחָדִים֙ יִשָּׁבֵ֔רf וְלֹ֥א בְאַפַּ֖יִם וְלֹ֥א בְמִלְחָמָֽה׃

21 וְעָמַ֤דa עַל־כַּנֹּו֙b נִבְזֶ֔הc וְלֹא־נָתְנ֥וּd עָלָ֖יו הֹ֣ודe מַלְכ֑וּת וּבָ֣אf בְשַׁלְוָ֔הg וְהֶחֱזִ֥יקh מַלְכ֖וּת בַּחֲלַקְלַקֹּֽותi ׃

22 וּזְרֹעֹ֥ות הַשֶּׁ֛טֶףa יִשָּׁטְפ֥וּb מִלְּפָנָ֖יו וְיִשָּׁבֵ֑רוּc וְגַ֖ם נְגִ֥ידd בְּרִֽית׃

23 וּמִן־הִֽתְחַבְּר֥וּתa אֵלָ֖יו יַעֲשֶׂ֣הb מִרְמָ֑הc וְעָלָ֥הd וְעָצַ֖םe בִּמְעַט־גֹּֽוי׃

24 בְּשַׁלְוָ֞הa וּבְמִשְׁמַנֵּ֣יb מְדִינָה֮ יָבֹוא֒c וְעָשָׂ֗הd אֲשֶׁ֨ר לֹא־עָשׂ֤וּe אֲבֹתָיו֙ וַאֲבֹ֣ות אֲבֹתָ֔יו בִּזָּ֧הf וְשָׁלָ֛ל וּרְכ֖וּשׁg לָהֶ֣ם יִבְזֹ֑ורh וְעַ֧ל מִבְצָרִ֛יםi יְחַשֵּׁ֥בj מַחְשְׁבֹתָ֖יוk וְעַד־עֵֽת׃

25 וְיָעֵר֩a כֹּחֹ֨ו וּלְבָבֹ֜ו עַל־מֶ֣לֶךְ הַנֶּגֶב֮ בְּחַ֣יִל גָּדֹול֒ וּמֶ֣לֶךְ הַנֶּ֗גֶב יִתְגָּרֶה֙b לַמִּלְחָמָ֔ה בְּחַֽיִל־גָּדֹ֥ול וְעָצ֖וּםc עַד־מְאֹ֑ד וְלֹ֣א יַעֲמֹ֔דd כִּֽי־יַחְשְׁב֥וּe עָלָ֖יו מַחֲשָׁבֹֽותf ׃

26 וְאֹכְלֵ֧י פַת־בָּגֹ֛וa יִשְׁבְּר֖וּהוּb וְחֵילֹ֣ו יִשְׁטֹ֑וףc וְנָפְל֖וּd חֲלָלִ֥ים רַבִּֽים׃

27 וּשְׁנֵיהֶ֤ם הַמְּלָכִים֙ לְבָבָ֣ם לְמֵרָ֔עa וְעַל־שֻׁלְחָ֥ן אֶחָ֖ד כָּזָ֣בb יְדַבֵּ֑רוּc וְלֹ֣א תִצְלָ֔חd כִּי־עֹ֥וד קֵ֖ץ לַמֹּועֵֽד׃

28 וְיָשֹׁ֤בa אַרְצֹו֙ בִּרְכ֣וּשׁb גָּדֹ֔ול וּלְבָבֹ֖ו עַל־בְּרִ֣ית קֹ֑דֶשׁ וְעָשָׂ֖הc וְשָׁ֥בd לְאַרְצֹֽו׃

29 לַמֹּועֵ֥ד יָשׁ֖וּבa וּבָ֣אb בַנֶּ֑גֶב וְלֹֽא־תִהְיֶ֥הc כָרִאשֹׁנָ֖ה וְכָאַחֲרֹנָֽה׃

30 וּבָ֨אוּa בֹ֜ו צִיִּ֤יםb כִּתִּים֙c וְנִכְאָ֔הd וְשָׁ֛בe וְזָעַ֥םf עַל־בְּרִֽית־קֹ֖ודֶשׁ וְעָשָׂ֑הg וְשָׁ֣בh וְיָבֵ֔ןi עַל־עֹזְבֵ֖י בְּרִ֥ית קֹֽדֶשׁ׃

31 וּזְרֹעִ֖ים מִמֶּ֣נּוּ יַעֲמֹ֑דוּa וְחִלְּל֞וּb הַמִּקְדָּ֤שׁ הַמָּעֹוז֙c וְהֵסִ֣ירוּd הַתָּמִ֔יד וְנָתְנ֖וּe הַשִּׁקּ֥וּץf מְשֹׁומֵֽםg ׃

32 וּמַרְשִׁיעֵ֣יa בְרִ֔ית יַחֲנִ֖יףb בַּחֲלַקֹּ֑ותc וְעַ֛ם יֹדְעֵ֥י אֱלֹהָ֖יו יַחֲזִ֥קוּd וְעָשֽׂוּe ׃

33 וּמַשְׂכִּ֣ילֵי עָ֔ם יָבִ֖ינוּa לָֽרַבִּ֑ים וְנִכְשְׁל֞וּb בְּחֶ֧רֶב וּבְלֶהָבָ֛הc בִּשְׁבִ֥יd וּבְבִזָּ֖הe יָמִֽים׃

34 וּבְהִכָּ֣שְׁלָ֔םa יֵעָזְר֖וּb עֵ֣זֶרc מְעָ֑ט וְנִלְו֧וּd עֲלֵיהֶ֛ם רַבִּ֖ים בַּחֲלַקְלַקֹּֽותe ׃

35 וּמִן־הַמַּשְׂכִּילִ֣ים יִכָּֽשְׁל֗וּa לִצְרֹ֥וףb בָּהֶ֛ם וּלְבָרֵ֥רc וְלַלְבֵּ֖ןd עַד־עֵ֣ת קֵ֑ץ כִּי־עֹ֖וד לַמֹּועֵֽד׃

36 וְעָשָׂ֨הa כִרְצֹונֹ֜ו הַמֶּ֗לֶךְ וְיִתְרֹומֵ֤םb וְיִתְגַּדֵּל֙c עַל־כָּל־אֵ֔ל וְעַל֙ אֵ֣ל אֵלִ֔ים יְדַבֵּ֖רd נִפְלָאֹ֑ות וְהִצְלִ֨יחַ֙e עַד־כָּ֣לָהf זַ֔עַםg כִּ֥י נֶחֱרָצָ֖הh נֶעֱשָֽׂתָהi ׃

37 וְעַל־אֱלֹהֵ֤י אֲבֹתָיו֙ לֹ֣א יָבִ֔יןa וְעַל־חֶמְדַּ֥תb נָשִׁ֛ים וְעַֽל־כָּל־אֱלֹ֖והַּ לֹ֣א יָבִ֑יןc כִּ֥י עַל־כֹּ֖ל יִתְגַּדָּֽלd ׃

38 וְלֶאֱלֹ֨הַּ֙ מָֽעֻזִּ֔יםa עַל־כַּנֹּ֖וb יְכַבֵּ֑דc וְלֶאֱלֹ֜והַּ אֲשֶׁ֧ר לֹא־יְדָעֻ֣הוּd אֲבֹתָ֗יו יְכַבֵּ֛דe בְּזָהָ֥ב וּבְכֶ֛סֶף וּבְאֶ֥בֶן יְקָרָ֖הf וּבַחֲמֻדֹֽותg ׃

39 וְעָשָׂ֞הa לְמִבְצְרֵ֤יb מָֽעֻזִּים֙c עִם־אֱלֹ֣והַּ נֵכָ֔רd אֲשֶׁ֥ר הכירe יַרְבֶּ֣הf כָבֹ֑וד וְהִמְשִׁילָם֙g בָּֽרַבִּ֔ים וַאֲדָמָ֖ה יְחַלֵּ֥קh בִּמְחִֽירi ׃

40 וּבְעֵ֣ת קֵ֗ץ יִתְנַגַּ֤חa עִמֹּו֙ מֶ֣לֶךְ הַנֶּ֔גֶב וְיִשְׂתָּעֵ֨רb עָלָ֜יו מֶ֣לֶךְ הַצָּפֹ֗ון בְּרֶ֨כֶב֙ וּבְפָ֣רָשִׁ֔ים וּבָאֳנִיֹּ֖ותc רַבֹּ֑ות וּבָ֥אd בַאֲרָצֹ֖ות וְשָׁטַ֥ףe וְעָבָֽרf ׃

41 וּבָא֙a בְּאֶ֣רֶץ הַצְּבִ֔יb וְרַבֹּ֖ות יִכָּשֵׁ֑לוּc וְאֵ֨לֶּה֙ יִמָּלְט֣וּd מִיָּדֹ֔ו אֱדֹ֣ום וּמֹואָ֔ב וְרֵאשִׁ֖ית בְּנֵ֥י עַמֹּֽון׃

42 וְיִשְׁלַ֥חa יָדֹ֖ו בַּאֲרָצֹ֑ות וְאֶ֣רֶץ מִצְרַ֔יִם לֹ֥א תִהְיֶ֖הb לִפְלֵיטָֽהc ׃

43 וּמָשַׁ֗לa בְּמִכְמַנֵּי֙b הַזָּהָ֣ב וְהַכֶּ֔סֶף וּבְכֹ֖ל חֲמֻדֹ֣ותc מִצְרָ֑יִם וְלֻבִ֥יםd וְכֻשִׁ֖יםe בְּמִצְעָדָֽיוf ׃

44 וּשְׁמֻעֹ֣ותa יְבַהֲלֻ֔הוּb מִמִּזְרָ֖ח וּמִצָּפֹ֑ון וְיָצָא֙c בְּחֵמָ֣א גְדֹלָ֔ה לְהַשְׁמִ֥ידd וּֽלְהַחֲרִ֖יםe רַבִּֽים׃

45 וְיִטַּע֙a אָהֳלֶ֣י אַפַּדְנֹ֔וb בֵּ֥ין יַמִּ֖ים לְהַר־צְבִיc ־קֹ֑דֶשׁ וּבָא֙d עַד־קִצֹּ֔ו וְאֵ֥ין עֹוזֵ֖רe לֹֽו׃