עמוס

דִּבְרֵ֣י עָמֹ֔וסa אֲשֶׁר־הָיָ֥הb בַנֹּקְדִ֖יםc מִתְּקֹ֑ועַd אֲשֶׁר֩ חָזָ֨הe עַל־יִשְׂרָאֵ֜ל בִּימֵ֣י׀ עֻזִּיָּ֣הf מֶֽלֶךְ־יְהוּדָ֗ה וּבִימֵ֞י יָרָבְעָ֤ם בֶּן־יֹואָשׁ֙g מֶ֣לֶךְ יִשְׂרָאֵ֔ל שְׁנָתַ֖יִם לִפְנֵ֥י הָרָֽעַשׁh ׃

2 וַיֹּאמַ֓רa ׀ יְהוָה֙ מִצִּיֹּ֣ון יִשְׁאָ֔גb וּמִירוּשָׁלִַ֖ם יִתֵּ֣ןc קֹולֹ֑ו וְאָֽבְלוּ֙d נְאֹ֣ותe הָרֹעִ֔ים וְיָבֵ֖שׁf רֹ֥אשׁ הַכַּרְמֶֽלg ׃ פ

3 כֹּ֚ה אָמַ֣רa יְהוָ֔ה עַל־שְׁלֹשָׁה֙ פִּשְׁעֵ֣י דַמֶּ֔שֶׂקb וְעַל־אַרְבָּעָ֖ה לֹ֣א אֲשִׁיבֶ֑נּוּc עַל־דּוּשָׁ֛םd בַּחֲרֻצֹ֥ותe הַבַּרְזֶ֖ל אֶת־הַגִּלְעָֽד׃

4 וְשִׁלַּ֥חְתִּיa אֵ֖שׁ בְּבֵ֣ית חֲזָאֵ֑לb וְאָכְלָ֖הc אַרְמְנֹ֥ותd בֶּן־הֲדָֽדe ׃

5 וְשָֽׁבַרְתִּי֙a בְּרִ֣יחַb דַּמֶּ֔שֶׂקc וְהִכְרַתִּ֤יd יֹושֵׁב֙ מִבִּקְעַת־אָ֔וֶןe וְתֹומֵ֥ךְf שֵׁ֖בֶט מִבֵּ֣ית עֶ֑דֶןg וְגָל֧וּh עַם־אֲרָ֛ם קִ֖ירָהi אָמַ֥רj יְהוָֽה׃ פ

6 כֹּ֚ה אָמַ֣רa יְהוָ֔ה עַל־שְׁלֹשָׁה֙ פִּשְׁעֵ֣י עַזָּ֔הb וְעַל־אַרְבָּעָ֖ה לֹ֣א אֲשִׁיבֶ֑נּוּc עַל־הַגְלֹותָ֛םd גָּל֥וּתe שְׁלֵמָ֖הf לְהַסְגִּ֥ירg לֶאֱדֹֽום׃

7 וְשִׁלַּ֥חְתִּיa אֵ֖שׁ בְּחֹומַ֣ת עַזָּ֑הb וְאָכְלָ֖הc אַרְמְנֹתֶֽיהָd ׃

8 וְהִכְרַתִּ֤יa יֹושֵׁב֙ מֵֽאַשְׁדֹּ֔ודb וְתֹומֵ֥ךְc שֵׁ֖בֶט מֵֽאַשְׁקְלֹ֑וןd וַהֲשִׁיבֹ֨ותִיe יָדִ֜י עַל־עֶקְרֹ֗וןf וְאָֽבְדוּ֙g שְׁאֵרִ֣ית פְּלִשְׁתִּ֔ים אָמַ֖רh אֲדֹנָ֥י יְהוִֽה׃ פ

9 כֹּ֚ה אָמַ֣רa יְהוָ֔ה עַל־שְׁלֹשָׁה֙ פִּשְׁעֵי־צֹ֔רb וְעַל־אַרְבָּעָ֖ה לֹ֣א אֲשִׁיבֶ֑נּוּc עַֽל־הַסְגִּירָ֞םd גָּל֤וּתe שְׁלֵמָה֙f לֶאֱדֹ֔ום וְלֹ֥א זָכְר֖וּg בְּרִ֥ית אַחִֽים׃

10 וְשִׁלַּ֥חְתִּיa אֵ֖שׁ בְּחֹ֣ומַת צֹ֑רb וְאָכְלָ֖הc אַרְמְנֹתֶֽיהָd ׃ פ

11 כֹּ֚ה אָמַ֣רa יְהוָ֔ה עַל־שְׁלֹשָׁה֙ פִּשְׁעֵ֣י אֱדֹ֔ום וְעַל־אַרְבָּעָ֖ה לֹ֣א אֲשִׁיבֶ֑נּוּb עַל־רָדְפֹ֨וc בַחֶ֤רֶב אָחִיו֙ וְשִׁחֵ֣תd רַחֲמָ֔יוe וַיִּטְרֹ֤ףf לָעַד֙g אַפֹּ֔ו וְעֶבְרָתֹ֖וh שְׁמָ֥רָהi נֶֽצַחj ׃

12 וְשִׁלַּ֥חְתִּיa אֵ֖שׁ בְּתֵימָ֑ןb וְאָכְלָ֖הc אַרְמְנֹ֥ותd בָּצְרָֽהe ׃ פ

13 כֹּ֚ה אָמַ֣רa יְהוָ֔ה עַל־שְׁלֹשָׁה֙ פִּשְׁעֵ֣י בְנֵֽי־עַמֹּ֔ון וְעַל־אַרְבָּעָ֖ה לֹ֣א אֲשִׁיבֶ֑נּוּb עַל־בִּקְעָם֙c הָרֹ֣ותd הַגִּלְעָ֔ד לְמַ֖עַן הַרְחִ֥יבe אֶת־גְּבוּלָֽם׃

14 וְהִצַּ֤תִּיa אֵשׁ֙ בְּחֹומַ֣ת רַבָּ֔הb וְאָכְלָ֖הc אַרְמְנֹותֶ֑יהָd בִּתְרוּעָה֙e בְּיֹ֣ום מִלְחָמָ֔ה בְּסַ֖עַרf בְּיֹ֥ום סוּפָֽהg ׃

15 וְהָלַ֥ךְa מַלְכָּ֖ם בַּגֹּולָ֑הb ה֧וּא וְשָׂרָ֛יו יַחְדָּ֖ו אָמַ֥רc יְהוָֽה׃ פ

כֹּ֚ה אָמַ֣רa יְהוָ֔ה עַל־שְׁלֹשָׁה֙ פִּשְׁעֵ֣י מֹואָ֔ב וְעַל־אַרְבָּעָ֖ה לֹ֣א אֲשִׁיבֶ֑נּוּb עַל־שָׂרְפֹ֛וc עַצְמֹ֥ות מֶֽלֶךְ־אֱדֹ֖ום לַשִּֽׂידd ׃

2 וְשִׁלַּחְתִּיa ־אֵ֣שׁ בְּמֹואָ֔ב וְאָכְלָ֖הb אַרְמְנֹ֣ותc הַקְּרִיֹּ֑ותd וּמֵ֤תe בְּשָׁאֹון֙f מֹואָ֔ב בִּתְרוּעָ֖הg בְּקֹ֥ול שֹׁופָֽר׃

3 וְהִכְרַתִּ֥יa שֹׁופֵ֖ט מִקִּרְבָּ֑הּ וְכָל־שָׂרֶ֛יהָ אֶהֱרֹ֥וגb עִמֹּ֖ו אָמַ֥רc יְהוָֽה׃ פ

4 כֹּ֚ה אָמַ֣רa יְהוָ֔ה עַל־שְׁלֹשָׁה֙ פִּשְׁעֵ֣י יְהוּדָ֔ה וְעַל־אַרְבָּעָ֖ה לֹ֣א אֲשִׁיבֶ֑נּוּb עַֽל־מָאֳסָ֞םc אֶת־תֹּורַ֣ת יְהוָ֗ה וְחֻקָּיו֙ לֹ֣א שָׁמָ֔רוּd וַיַּתְעוּם֙e כִּזְבֵיהֶ֔םf אֲשֶׁר־הָלְכ֥וּg אֲבֹותָ֖ם אַחֲרֵיהֶֽם׃

5 וְשִׁלַּ֥חְתִּיa אֵ֖שׁ בִּֽיהוּדָ֑ה וְאָכְלָ֖הb אַרְמְנֹ֥ותc יְרוּשָׁלִָֽם׃ פ

6 כֹּ֚ה אָמַ֣רa יְהוָ֔ה עַל־שְׁלֹשָׁה֙ פִּשְׁעֵ֣י יִשְׂרָאֵ֔ל וְעַל־אַרְבָּעָ֖ה לֹ֣א אֲשִׁיבֶ֑נּוּb עַל־מִכְרָ֤םc בַּכֶּ֨סֶף֙ צַדִּ֔יק וְאֶבְיֹ֖ון בַּעֲב֥וּרd נַעֲלָֽיִםe ׃

7 הַשֹּׁאֲפִ֤יםa עַל־עֲפַר־אֶ֨רֶץ֙ בְּרֹ֣אשׁ דַּלִּ֔יםb וְדֶ֥רֶךְ עֲנָוִ֖יםc יַטּ֑וּd וְאִ֣ישׁ וְאָבִ֗יו יֵֽלְכוּ֙e אֶל־הַֽנַּעֲרָ֔ה לְמַ֥עַן חַלֵּ֖לf אֶת־שֵׁ֥ם קָדְשִֽׁי׃

8 וְעַל־בְּגָדִ֤ים חֲבֻלִים֙a יַטּ֔וּb אֵ֖צֶל כָּל־מִזְבֵּ֑חַ וְיֵ֤ין עֲנוּשִׁים֙c יִשְׁתּ֔וּd בֵּ֖ית אֱלֹהֵיהֶֽם׃

9 וְאָ֨נֹכִ֜י הִשְׁמַ֤דְתִּיa אֶת־הָֽאֱמֹרִי֙ מִפְּנֵיהֶ֔ם אֲשֶׁ֨ר כְּגֹ֤בַהּb אֲרָזִים֙ גָּבְהֹ֔וc וְחָסֹ֥ןd ה֖וּא כָּֽאַלֹּונִ֑יםe וָאַשְׁמִ֤ידf פִּרְיֹו֙ מִמַּ֔עַל וְשָׁרָשָׁ֖יוg מִתָּֽחַת׃

10 וְאָנֹכִ֛י הֶעֱלֵ֥יתִיa אֶתְכֶ֖ם מֵאֶ֣רֶץ מִצְרָ֑יִם וָאֹולֵ֨ךְb אֶתְכֶ֤ם בַּמִּדְבָּר֙ אַרְבָּעִ֣ים שָׁנָ֔ה לָרֶ֖שֶׁתc אֶת־אֶ֥רֶץ הָאֱמֹרִֽי׃

11 וָאָקִ֤יםa מִבְּנֵיכֶם֙ לִנְבִיאִ֔ים וּמִבַּחוּרֵיכֶ֖םb לִנְזִרִ֑יםc הַאַ֥ף אֵֽין־זֹ֛את בְּנֵ֥י יִשְׂרָאֵ֖ל נְאֻם־יְהוָֽה׃

12 וַתַּשְׁק֥וּa אֶת־הַנְּזִרִ֖יםb יָ֑יִן וְעַל־הַנְּבִיאִים֙ צִוִּיתֶ֣םc לֵאמֹ֔רd לֹ֖א תִּנָּבְאֽוּe ׃

13 הִנֵּ֛ה אָנֹכִ֥י מֵעִ֖יקa תַּחְתֵּיכֶ֑ם כַּאֲשֶׁ֤ר תָּעִיק֙b הָעֲגָלָ֔הc הַֽמְלֵאָ֥הd לָ֖הּ עָמִֽירe ׃

14 וְאָבַ֤דa מָנֹוס֙b מִקָּ֔לc וְחָזָ֖ק לֹא־יְאַמֵּ֣ץd כֹּחֹ֑ו וְגִבֹּ֖ור לֹא־יְמַלֵּ֥טe נַפְשֹֽׁו׃

15 וְתֹפֵ֤שׂ הַקֶּ֨שֶׁת֙ לֹ֣א יַעֲמֹ֔דa וְקַ֥לb בְּרַגְלָ֖יו לֹ֣א יְמַלֵּ֑טc וְרֹכֵ֣ב הַסּ֔וּס לֹ֥א יְמַלֵּ֖טd נַפְשֹֽׁו׃

16 וְאַמִּ֥יץa לִבֹּ֖ו בַּגִּבֹּורִ֑ים עָרֹ֛וםb יָנ֥וּסc בַּיֹּום־הַה֖וּא נְאֻם־יְהוָֽה׃ פ

שִׁמְע֞וּa אֶת־הַדָּבָ֣ר הַזֶּ֗ה אֲשֶׁ֨ר דִּבֶּ֧רb יְהוָ֛ה עֲלֵיכֶ֖ם בְּנֵ֣י יִשְׂרָאֵ֑ל עַ֚ל כָּל־הַמִּשְׁפָּחָ֔ה אֲשֶׁ֧ר הֶעֱלֵ֛יתִיc מֵאֶ֥רֶץ מִצְרַ֖יִם לֵאמֹֽרd ׃

2 רַ֚ק אֶתְכֶ֣ם יָדַ֔עְתִּיa מִכֹּ֖ל מִשְׁפְּחֹ֣ות הָאֲדָמָ֑ה עַל־כֵּן֙ אֶפְקֹ֣דb עֲלֵיכֶ֔ם אֵ֖ת כָּל־עֲוֹנֹֽתֵיכֶֽם׃

3 הֲיֵלְכ֥וּa שְׁנַ֖יִם יַחְדָּ֑ו בִּלְתִּ֖י אִם־נֹועָֽדוּb ׃

4 הֲיִשְׁאַ֤גa אַרְיֵה֙b בַּיַּ֔עַר וְטֶ֖רֶףc אֵ֣ין לֹ֑ו הֲיִתֵּ֨ןd כְּפִ֤ירe קֹולֹו֙ מִמְּעֹ֣נָתֹ֔וf בִּלְתִּ֖י אִם־לָכָֽדg ׃

5 הֲתִפֹּ֤לa צִפֹּור֙b עַל־פַּ֣חc הָאָ֔רֶץ וּמֹוקֵ֖שׁd אֵ֣ין לָ֑הּ הֲיַֽעֲלֶהe ־פַּח֙f מִן־הָ֣אֲדָמָ֔ה וְלָכֹ֖וד לֹ֥א יִלְכֹּֽודg ׃

6 אִם־יִתָּקַ֤עa שֹׁופָר֙ בְּעִ֔יר וְעָ֖ם לֹ֣א יֶחֱרָ֑דוּb אִם־תִּהְיֶ֤הc רָעָה֙ בְּעִ֔יר וַיהוָ֖ה לֹ֥א עָשָֽׂהd ׃

7 כִּ֣י לֹ֧א יַעֲשֶׂ֛הa אֲדֹנָ֥י יְהוִ֖ה דָּבָ֑ר כִּ֚י אִם־גָּלָ֣הb סֹודֹ֔וc אֶל־עֲבָדָ֖יו הַנְּבִיאִֽים׃

8 אַרְיֵ֥הa שָׁאָ֖גb מִ֣י לֹ֣א יִירָ֑אc אֲדֹנָ֤י יְהוִה֙ דִּבֶּ֔רd מִ֖י לֹ֥א יִנָּבֵֽאe ׃

9 הַשְׁמִ֨יעוּ֙a עַל־אַרְמְנֹ֣ותb בְּאַשְׁדֹּ֔ודc וְעַֽל־אַרְמְנֹ֖ותd בְּאֶ֣רֶץ מִצְרָ֑יִם וְאִמְר֗וּe הֵאָֽסְפוּ֙f עַל־הָרֵ֣י שֹׁמְרֹ֔ון וּרְא֞וּg מְהוּמֹ֤תh רַבֹּות֙ בְּתֹוכָ֔הּ וַעֲשׁוּקִ֖יםi בְּקִרְבָּֽהּ׃

10 וְלֹֽא־יָדְע֥וּa עֲשֹׂותb ־נְכֹחָ֖הc נְאֻם־יְהוָ֑ה הָאֹֽוצְרִ֛יםd חָמָ֥ס וָשֹׁ֖דe בְּאַרְמְנֹֽותֵיהֶֽםf ׃ פ

11 לָכֵ֗ן כֹּ֤ה אָמַר֙a אֲדֹנָ֣י יְהוִ֔ה צַ֖ר וּסְבִ֣יב הָאָ֑רֶץ וְהֹורִ֤דb מִמֵּךְ֙ עֻזֵּ֔ךְ וְנָבֹ֖זּוּc אַרְמְנֹותָֽיִךְd ׃

12 כֹּה֮ אָמַ֣רa יְהוָה֒ כַּאֲשֶׁר֩ יַצִּ֨ילb הָרֹעֶ֜ה מִפִּ֧י הָאֲרִ֛יc שְׁתֵּ֥י כְרָעַ֖יִםd אֹ֣ו בְדַלe ־אֹ֑זֶן כֵּ֣ן יִנָּצְל֞וּf בְּנֵ֣י יִשְׂרָאֵ֗ל הַיֹּֽשְׁבִים֙g בְּשֹׁ֣מְרֹ֔ון בִּפְאַ֥תh מִטָּ֖הi וּבִדְמֶ֥שֶׁקj עָֽרֶשׂk ׃

13 שִׁמְע֥וּa וְהָעִ֖ידוּb בְּבֵ֣ית יַֽעֲקֹ֑ב נְאֻם־אֲדֹנָ֥י יְהוִ֖ה אֱלֹהֵ֥י הַצְּבָאֹֽות׃

14 כִּ֗י בְּיֹ֛ום פָּקְדִ֥יa פִשְׁעֵֽי־יִשְׂרָאֵ֖ל עָלָ֑יו וּפָֽקַדְתִּי֙b עַל־מִזְבְּחֹ֣ות בֵּֽית־אֵ֔ל וְנִגְדְּעוּ֙c קַרְנֹ֣ות הַמִּזְבֵּ֔חַ וְנָפְל֖וּd לָאָֽרֶץ׃

15 וְהִכֵּיתִ֥יa בֵית־הַחֹ֖רֶףb עַל־בֵּ֣ית הַקָּ֑יִץc וְאָבְד֞וּd בָּתֵּ֣י הַשֵּׁ֗ן וְסָפ֛וּe בָּתִּ֥ים רַבִּ֖ים נְאֻם־יְהוָֽה׃ ס

שִׁמְע֞וּa הַדָּבָ֣ר הַזֶּ֗ה פָּרֹ֤ותb הַבָּשָׁן֙ אֲשֶׁר֙ בְּהַ֣ר שֹֽׁמְרֹ֔ון הָעֹשְׁקֹ֣ותc דַּלִּ֔יםd הָרֹצְצֹ֖ותe אֶבְיֹונִ֑ים הָאֹמְרֹ֥תf לַאֲדֹֽנֵיהֶ֖ם הָבִ֥יאָהg וְנִשְׁתֶּֽהh ׃

2 נִשְׁבַּ֨עa אֲדֹנָ֤י יְהוִה֙ בְּקָדְשֹׁ֔ו כִּ֛י הִנֵּ֥ה יָמִ֖ים בָּאִ֣יםb עֲלֵיכֶ֑ם וְנִשָּׂ֤אc אֶתְכֶם֙ בְּצִנֹּ֔ותd וְאַחֲרִיתְכֶ֖ן בְּסִירֹ֥ותe דּוּגָֽהf ׃

3 וּפְרָצִ֥יםa תֵּצֶ֖אנָהb אִשָּׁ֣ה נֶגְדָּ֑הּ וְהִשְׁלַכְתֶּ֥נָהc הַהַרְמֹ֖ונָהd נְאֻם־יְהוָֽה׃

4 בֹּ֤אוּa בֵֽית־אֵל֙ וּפִשְׁע֔וּb הַגִּלְגָּ֖לc הַרְבּ֣וּd לִפְשֹׁ֑עַe וְהָבִ֤יאוּf לַבֹּ֨קֶר֙ זִבְחֵיכֶ֔ם לִשְׁלֹ֥שֶׁת יָמִ֖ים מַעְשְׂרֹֽתֵיכֶֽםg ׃

5 וְקַטֵּ֤רa מֵֽחָמֵץ֙b תֹּודָ֔הc וְקִרְא֥וּd נְדָבֹ֖ותe הַשְׁמִ֑יעוּf כִּ֣י כֵ֤ן אֲהַבְתֶּם֙g בְּנֵ֣י יִשְׂרָאֵ֔ל נְאֻ֖ם אֲדֹנָ֥י יְהוִֽה׃

6 וְגַם־אֲנִי֩ נָתַ֨תִּיa לָכֶ֜ם נִקְיֹ֤וןb שִׁנַּ֨יִם֙ בְּכָל־עָ֣רֵיכֶ֔ם וְחֹ֣סֶרc לֶ֔חֶם בְּכֹ֖ל מְקֹומֹֽתֵיכֶ֑ם וְלֹֽא־שַׁבְתֶּ֥םd עָדַ֖י נְאֻם־יְהוָֽה׃

7 וְגַ֣ם אָנֹכִי֩ מָנַ֨עְתִּיa מִכֶּ֜ם אֶת־הַגֶּ֗שֶׁםb בְּעֹ֨וד שְׁלֹשָׁ֤ה חֳדָשִׁים֙ לַקָּצִ֔ירc וְהִמְטַרְתִּי֙d עַל־עִ֣יר אֶחָ֔ת וְעַל־עִ֥יר אַחַ֖ת לֹ֣א אַמְטִ֑ירe חֶלְקָ֤הf אַחַת֙ תִּמָּטֵ֔רg וְחֶלְקָ֛הh אֲשֶֽׁר־לֹֽא־תַמְטִ֥ירi עָלֶ֖יהָ תִּיבָֽשׁj ׃

8 וְנָע֡וּa שְׁתַּיִם֩ שָׁלֹ֨שׁ עָרִ֜ים אֶל־עִ֥יר אַחַ֛ת לִשְׁתֹּ֥ותb מַ֖יִם וְלֹ֣א יִשְׂבָּ֑עוּc וְלֹֽא־שַׁבְתֶּ֥םd עָדַ֖י נְאֻם־יְהוָֽה׃

9 הִכֵּ֣יתִיa אֶתְכֶם֮ בַּשִּׁדָּפֹ֣וןb וּבַיֵּרָקֹון֒c הַרְבֹּ֨ותd גַּנֹּותֵיכֶ֧םe וְכַרְמֵיכֶ֛ם וּתְאֵנֵיכֶ֥םf וְזֵיתֵיכֶ֖םg יֹאכַ֣לh הַגָּזָ֑םi וְלֹֽא־שַׁבְתֶּ֥םj עָדַ֖י נְאֻם־יְהוָֽה׃ ס

10 שִׁלַּ֨חְתִּיa בָכֶ֥ם דֶּ֨בֶר֙b בְּדֶ֣רֶךְ מִצְרַ֔יִם הָרַ֤גְתִּיc בַחֶ֨רֶב֙ בַּח֣וּרֵיכֶ֔םd עִ֖ם שְׁבִ֣יe סֽוּסֵיכֶ֑ם וָאַעֲלֶ֞הf בְּאֹ֤שׁg מַחֲנֵיכֶם֙ וּֽבְאַפְּכֶ֔ם וְלֹֽא־שַׁבְתֶּ֥םh עָדַ֖י נְאֻם־יְהוָֽה׃

11 הָפַ֣כְתִּיa בָכֶ֗ם כְּמַהְפֵּכַ֤תb אֱלֹהִים֙ אֶת־סְדֹ֣םc וְאֶת־עֲמֹרָ֔הd וַתִּהְי֕וּe כְּא֖וּדf מֻצָּ֣לg מִשְּׂרֵפָ֑הh וְלֹֽא־שַׁבְתֶּ֥םi עָדַ֖י נְאֻם־יְהוָֽה׃ ס

12 לָכֵ֕ן כֹּ֥ה אֶעֱשֶׂהa ־לְּךָ֖ יִשְׂרָאֵ֑ל עֵ֚קֶבb כִּֽי־זֹ֣את אֶֽעֱשֶׂהc ־לָּ֔ךְ הִכֹּ֥וןd לִקְרַאתe ־אֱלֹהֶ֖יךָ יִשְׂרָאֵֽל׃

13 כִּ֡י הִנֵּה֩ יֹוצֵ֨רa הָרִ֜ים וּבֹרֵ֣אb ר֗וּחַ וּמַגִּ֤ידc לְאָדָם֙ מַה־שֵּׂחֹ֔וd עֹשֵׂ֥הe שַׁ֨חַר֙f עֵיפָ֔הg וְדֹרֵ֖ךְh עַל־בָּ֣מֳתֵי אָ֑רֶץ יְהוָ֥ה אֱלֹהֵֽי־צְבָאֹ֖ות שְׁמֹֽו׃ ס

שִׁמְע֞וּa אֶת־הַדָּבָ֣ר הַזֶּ֗ה אֲשֶׁ֨ר אָנֹכִ֜י נֹשֵׂ֧אb עֲלֵיכֶ֛ם קִינָ֖הc בֵּ֥ית יִשְׂרָאֵֽל׃

2 נָֽפְלָה֙a לֹֽא־תֹוסִ֣יףb ק֔וּםc בְּתוּלַ֖ת יִשְׂרָאֵ֑ל נִטְּשָׁ֥הd עַל־אַדְמָתָ֖הּ אֵ֥ין מְקִימָֽהּe ׃

3 כִּ֣י כֹ֤ה אָמַר֙a אֲדֹנָ֣י יְהוִ֔ה הָעִ֛יר הַיֹּצֵ֥אתb אֶ֖לֶף תַּשְׁאִ֣ירc מֵאָ֑ה וְהַיֹּוצֵ֥אתd מֵאָ֛ה תַּשְׁאִ֥ירe עֲשָׂרָ֖ה לְבֵ֥ית יִשְׂרָאֵֽל׃ ס

4 כִּ֣י כֹ֥ה אָמַ֛רa יְהוָ֖ה לְבֵ֣ית יִשְׂרָאֵ֑ל דִּרְשׁ֖וּנִיb וִֽחְיֽוּc ׃

5 וְאַֽל־תִּדְרְשׁוּ֙a בֵּֽית־אֵ֔ל וְהַגִּלְגָּל֙b לֹ֣א תָבֹ֔אוּc וּבְאֵ֥ר שֶׁ֖בַעd לֹ֣א תַעֲבֹ֑רוּe כִּ֤י הַגִּלְגָּל֙f גָּלֹ֣ה יִגְלֶ֔הg וּבֵֽית־אֵ֖ל יִהְיֶ֥הh לְאָֽוֶן׃

6 דִּרְשׁ֥וּa אֶת־יְהוָ֖ה וִֽחְי֑וּb פֶּן־יִצְלַ֤חc כָּאֵשׁ֙ בֵּ֣ית יֹוסֵ֔ף וְאָכְלָ֥הd וְאֵין־מְכַבֶּ֖הe לְבֵֽית־אֵֽל׃

7 הַהֹפְכִ֥יםa לְלַעֲנָ֖הb מִשְׁפָּ֑ט וּצְדָקָ֖ה לָאָ֥רֶץ הִנִּֽיחוּc ׃

8 עֹשֵׂ֨הa כִימָ֜הb וּכְסִ֗ילc וְהֹפֵ֤ךְd לַבֹּ֨קֶר֙ צַלְמָ֔וֶתe וְיֹ֖ום לַ֣יְלָה הֶחְשִׁ֑יךְf הַקֹּורֵ֣אg לְמֵֽי־הַיָּ֗ם וַֽיִּשְׁפְּכֵ֛םh עַל־פְּנֵ֥י הָאָ֖רֶץ יְהוָ֥ה שְׁמֹֽו׃ ס

9 הַמַּבְלִ֥יגa שֹׁ֖דb עַל־עָ֑זc וְשֹׁ֖דd עַל־מִבְצָ֥רe יָבֹֽואf ׃

10 שָׂנְא֥וּa בַשַּׁ֖עַר מֹוכִ֑יחַb וְדֹבֵ֥רc תָּמִ֖ים יְתָעֵֽבוּd ׃

11 לָ֠כֵן יַ֣עַן בֹּושַׁסְכֶ֞םa עַל־דָּ֗לb וּמַשְׂאַתc ־בַּר֙d תִּקְח֣וּe מִמֶּ֔נּוּ בָּתֵּ֥י גָזִ֛יתf בְּנִיתֶ֖םg וְלֹא־תֵ֣שְׁבוּh בָ֑ם כַּרְמֵי־חֶ֣מֶדi נְטַעְתֶּ֔םj וְלֹ֥א תִשְׁתּ֖וּk אֶת־יֵינָֽם׃

12 כִּ֤י יָדַ֨עְתִּי֙a רַבִּ֣ים פִּשְׁעֵיכֶ֔ם וַעֲצֻמִ֖יםb חַטֹּֽאתֵיכֶ֑ם צֹרְרֵ֤יc צַדִּיק֙ לֹ֣קְחֵיd כֹ֔פֶרe וְאֶבְיֹונִ֖ים בַּשַּׁ֥עַר הִטּֽוּf ׃

13 לָכֵ֗ן הַמַּשְׂכִּ֛יל בָּעֵ֥ת הַהִ֖יא יִדֹּ֑םa כִּ֛י עֵ֥ת רָעָ֖ה הִֽיא׃

14 דִּרְשׁוּa ־טֹ֥וב וְאַל־רָ֖ע לְמַ֣עַן תִּֽחְי֑וּb וִיהִיc ־כֵ֞ןd יְהוָ֧ה אֱלֹהֵֽי־צְבָאֹ֛ות אִתְּכֶ֖ם כַּאֲשֶׁ֥ר אֲמַרְתֶּֽםe ׃

15 שִׂנְאוּa ־רָע֙ וְאֶ֣הֱבוּb טֹ֔וב וְהַצִּ֥יגוּc בַשַּׁ֖עַר מִשְׁפָּ֑ט אוּלַ֗יd יֶֽחֱנַ֛ןe יְהוָ֥ה אֱלֹהֵֽי־צְבָאֹ֖ות שְׁאֵרִ֥ית יֹוסֵֽף׃ ס

16 לָ֠כֵן כֹּֽה־אָמַ֨רa יְהוָ֜ה אֱלֹהֵ֤י צְבָאֹות֙ אֲדֹנָ֔י בְּכָל־רְחֹבֹ֣ותb מִסְפֵּ֔דc וּבְכָל־חוּצֹ֖ות יֹאמְר֣וּd הֹוe ־הֹ֑וf וְקָרְא֤וּg אִכָּר֙h אֶל־אֵ֔בֶלi וּמִסְפֵּ֖דj אֶל־יֹ֥ודְעֵי נֶֽהִיk ׃

17 וּבְכָל־כְּרָמִ֖ים מִסְפֵּ֑דa כִּֽי־אֶעֱבֹ֥רb בְּקִרְבְּךָ֖ אָמַ֥רc יְהוָֽה׃ ס

18 הֹ֥וי הַמִּתְאַוִּ֖יםa אֶת־יֹ֣ום יְהוָ֑ה לָמָּה־זֶּ֥ה לָכֶ֛ם יֹ֥ום יְהוָ֖ה הוּא־חֹ֥שֶׁךְ וְלֹא־אֹֽור׃

19 כַּאֲשֶׁ֨ר יָנ֥וּסa אִישׁ֙ מִפְּנֵ֣י הָאֲרִ֔יb וּפְגָעֹ֖וc הַדֹּ֑בd וּבָ֣אe הַבַּ֔יִת וְסָמַ֤ךְf יָדֹו֙ עַל־הַקִּ֔יר וּנְשָׁכֹ֖וg הַנָּחָֽשׁh ׃

20 הֲלֹא־חֹ֛שֶׁךְ יֹ֥ום יְהוָ֖ה וְלֹא־אֹ֑ור וְאָפֵ֖לa וְלֹא־נֹ֥גַֽהּb לֹֽו׃

21 שָׂנֵ֥אתִיa מָאַ֖סְתִּיb חַגֵּיכֶ֑ם וְלֹ֥א אָרִ֖יחַc בְּעַצְּרֹֽתֵיכֶֽםd ׃

22 כִּ֣י אִם־תַּעֲלוּa ־לִ֥י עֹלֹ֛ות וּמִנְחֹתֵיכֶ֖ם לֹ֣א אֶרְצֶ֑הb וְשֶׁ֥לֶם מְרִיאֵיכֶ֖םc לֹ֥א אַבִּֽיטd ׃

23 הָסֵ֥רa מֵעָלַ֖י הֲמֹ֣ון שִׁרֶ֑יךָ וְזִמְרַ֥תb נְבָלֶ֖יךָc לֹ֥א אֶשְׁמָֽעd ׃

24 וְיִגַּ֥לa כַּמַּ֖יִם מִשְׁפָּ֑ט וּצְדָקָ֖ה כְּנַ֥חַל אֵיתָֽןb ׃

25 הַזְּבָחִ֨ים וּמִנְחָ֜ה הִֽגַּשְׁתֶּםa ־לִ֧י בַמִּדְבָּ֛ר אַרְבָּעִ֥ים שָׁנָ֖ה בֵּ֥ית יִשְׂרָאֵֽל׃

26 וּנְשָׂאתֶ֗םa אֵ֚ת סִכּ֣וּתb מַלְכְּכֶ֔ם וְאֵ֖ת כִּיּ֣וּןc צַלְמֵיכֶ֑םd כֹּוכַב֙e אֱלֹ֣הֵיכֶ֔ם אֲשֶׁ֥ר עֲשִׂיתֶ֖םf לָכֶֽם׃

27 וְהִגְלֵיתִ֥יa אֶתְכֶ֖ם מֵהָ֣לְאָהb לְדַמָּ֑שֶׂקc אָמַ֛רd יְהוָ֥ה אֱלֹהֵֽי־צְבָאֹ֖ות שְׁמֹֽו׃ פ

הֹ֚וי הַשַּׁאֲנַנִּ֣יםa בְּצִיֹּ֔ון וְהַבֹּטְחִ֖ים בְּהַ֣ר שֹׁמְרֹ֑ון נְקֻבֵי֙b רֵאשִׁ֣ית הַגֹּויִ֔ם וּבָ֥אוּc לָהֶ֖ם בֵּ֥ית יִשְׂרָאֵֽל׃

2 עִבְר֤וּa כַֽלְנֵה֙b וּרְא֔וּc וּלְכ֥וּd מִשָּׁ֖ם חֲמַ֣תe רַבָּ֑ה וּרְד֣וּf גַתg ־פְּלִשְׁתּ֗ים הֲטֹובִים֙ מִן־הַמַּמְלָכֹ֣ות הָאֵ֔לֶּה אִם־רַ֥ב גְּבוּלָ֖ם מִגְּבֻלְכֶֽם׃

3 הַֽמְנַדִּ֖יםa לְיֹ֣ום רָ֑ע וַתַּגִּישׁ֖וּןb שֶׁ֥בֶתc חָמָֽס׃

4 הַשֹּֽׁכְבִים֙a עַל־מִטֹּ֣ותb שֵׁ֔ן וּסְרֻחִ֖יםc עַל־עַרְשֹׂותָ֑םd וְאֹכְלִ֤יםe כָּרִים֙f מִצֹּ֔אן וַעֲגָלִ֖יםg מִתֹּ֥וךְ מַרְבֵּֽקh ׃

5 הַפֹּרְטִ֖יםa עַל־פִּ֣י הַנָּ֑בֶלb כְּדָוִ֕יד חָשְׁב֥וּc לָהֶ֖ם כְּלֵי־שִֽׁיר׃

6 הַשֹּׁתִ֤יםa בְּמִזְרְקֵי֙b יַ֔יִן וְרֵאשִׁ֥ית שְׁמָנִ֖ים יִמְשָׁ֑חוּc וְלֹ֥א נֶחְל֖וּd עַל־שֵׁ֥בֶרe יֹוסֵֽף׃

7 לָכֵ֛ן עַתָּ֥ה יִגְל֖וּa בְּרֹ֣אשׁ גֹּלִ֑ים וְסָ֖רb מִרְזַ֥חc סְרוּחִֽיםd ׃ פ

8 נִשְׁבַּע֩a אֲדֹנָ֨י יְהוִ֜ה בְּנַפְשֹׁ֗ו נְאֻם־יְהוָה֙ אֱלֹהֵ֣י צְבָאֹ֔ות מְתָאֵ֤בb אָֽנֹכִי֙ אֶת־גְּאֹ֣וןc יַֽעֲקֹ֔ב וְאַרְמְנֹתָ֖יוd שָׂנֵ֑אתִיe וְהִסְגַּרְתִּ֖יf עִ֥יר וּמְלֹאָֽהּg ׃

9 וְהָיָ֗הa אִם־יִוָּ֨תְר֜וּb עֲשָׂרָ֧ה אֲנָשִׁ֛ים בְּבַ֥יִת אֶחָ֖ד וָמֵֽתוּc ׃

10 וּנְשָׂאֹ֞וa דֹּודֹ֣ו וּמְסָרְפֹ֗וb לְהֹוצִ֣יאc עֲצָמִים֮ מִן־הַבַּיִת֒ וְאָמַ֞רd לַאֲשֶׁ֨ר בְּיַרְכְּתֵ֥יe הַבַּ֛יִת הַעֹ֥וד עִמָּ֖ךְ וְאָמַ֣רf אָ֑פֶסg וְאָמַ֣רh הָ֔סi כִּ֛י לֹ֥א לְהַזְכִּ֖ירj בְּשֵׁ֥ם יְהוָֽה׃

11 כִּֽי־הִנֵּ֤ה יְהוָה֙ מְצַוֶּ֔הa וְהִכָּ֛הb הַבַּ֥יִת הַגָּדֹ֖ול רְסִיסִ֑יםc וְהַבַּ֥יִת הַקָּטֹ֖ן בְּקִעִֽיםd ׃

12 הַיְרֻצ֤וּןa בַּסֶּ֨לַע֙ סוּסִ֔ים אִֽם־יַחֲרֹ֖ושׁb בַּבְּקָרִ֑ים כִּֽי־הֲפַכְתֶּ֤םc לְרֹאשׁ֙d מִשְׁפָּ֔ט וּפְרִ֥י צְדָקָ֖ה לְלַעֲנָֽהe ׃

13 הַשְּׂמֵחִ֖יםa לְלֹ֣א דָבָ֑רb הָאֹ֣מְרִ֔יםc הֲלֹ֣וא בְחָזְקֵ֔נוּd לָקַ֥חְנוּe לָ֖נוּ קַרְנָֽיִםf ׃

14 כִּ֡י הִנְנִי֩ מֵקִ֨יםa עֲלֵיכֶ֜ם בֵּ֣ית יִשְׂרָאֵ֗ל נְאֻם־יְהוָ֛ה אֱלֹהֵ֥י הַצְּבָאֹ֖ות גֹּ֑וי וְלָחֲצ֥וּb אֶתְכֶ֛ם מִלְּבֹ֥ואc חֲמָ֖תd עַד־נַ֥חַל הָעֲרָבָֽה׃ ס

כֹּ֤ה הִרְאַ֨נִי֙a אֲדֹנָ֣י יְהוִ֔ה וְהִנֵּה֙ יֹוצֵ֣רb גֹּבַ֔יc בִּתְחִלַּ֖תd עֲלֹ֣ותe הַלָּ֑קֶשׁf וְהִ֨נֵּה־לֶ֔קֶשׁg אַחַ֖ר גִּזֵּ֥יh הַמֶּֽלֶךְ׃

2 וְהָיָ֗הa אִם־כִּלָּה֙b לֶֽאֱכֹול֙c אֶת־עֵ֣שֶׂבd הָאָ֔רֶץ וָאֹמַ֗רe אֲדֹנָ֤י יְהוִה֙ סְֽלַֽחf ־נָ֔א מִ֥י יָק֖וּםg יַֽעֲקֹ֑ב כִּ֥י קָטֹ֖ן הֽוּא׃

3 נִחַ֥םa יְהוָ֖ה עַל־זֹ֑את לֹ֥א תִהְיֶ֖הb אָמַ֥רc יְהוָֽה׃

4 כֹּ֤ה הִרְאַ֨נִי֙a אֲדֹנָ֣י יְהוִ֔ה וְהִנֵּ֥ה קֹרֵ֛אb לָרִ֥בc בָּאֵ֖שׁ אֲדֹנָ֣י יְהוִ֑ה וַתֹּ֨אכַל֙d אֶת־תְּהֹ֣וםe רַבָּ֔ה וְאָכְלָ֖הf אֶת־הַחֵֽלֶק׃

5 וָאֹמַ֗רa אֲדֹנָ֤י יְהוִה֙ חֲדַלb ־נָ֔א מִ֥י יָק֖וּםc יַעֲקֹ֑ב כִּ֥י קָטֹ֖ן הֽוּא׃

6 נִחַ֥םa יְהוָ֖ה עַל־זֹ֑את גַּם־הִיא֙ לֹ֣א תִֽהְיֶ֔הb אָמַ֖רc אֲדֹנָ֥י יְהוִֽה׃ ס

7 כֹּ֣ה הִרְאַ֔נִיa וְהִנֵּ֧ה אֲדֹנָ֛י נִצָּ֖בb עַל־חֹומַ֣ת אֲנָ֑ךְc וּבְיָדֹ֖ו אֲנָֽךְd ׃

8 וַיֹּ֨אמֶרa יְהוָ֜ה אֵלַ֗י מָֽה־אַתָּ֤ה רֹאֶה֙b עָמֹ֔וסc וָאֹמַ֖רd אֲנָ֑ךְe וַיֹּ֣אמֶרf אֲדֹנָ֗י הִנְנִ֨י שָׂ֤םg אֲנָךְ֙h בְּקֶ֨רֶב֙ עַמִּ֣י יִשְׂרָאֵ֔ל לֹֽא־אֹוסִ֥יףi עֹ֖וד עֲבֹ֥ורj לֹֽו׃

9 וְנָשַׁ֨מּוּ֙a בָּמֹ֣ות יִשְׂחָ֔קb וּמִקְדְּשֵׁ֥י יִשְׂרָאֵ֖ל יֶחֱרָ֑בוּc וְקַמְתִּ֛יd עַל־בֵּ֥ית יָרָבְעָ֖ם בֶּחָֽרֶב׃ פ

10 וַיִּשְׁלַ֗חa אֲמַצְיָה֙b כֹּהֵ֣ן בֵּֽית־אֵ֔ל אֶל־יָרָבְעָ֥ם מֶֽלֶךְ־יִשְׂרָאֵ֖ל לֵאמֹ֑רc קָשַׁ֨רd עָלֶ֜יךָ עָמֹ֗וסe בְּקֶ֨רֶב֙ בֵּ֣ית יִשְׂרָאֵ֔ל לֹא־תוּכַ֣לf הָאָ֔רֶץ לְהָכִ֖ילg אֶת־כָּל־דְּבָרָֽיו׃

11 כִּי־כֹה֙ אָמַ֣רa עָמֹ֔וסb בַּחֶ֖רֶב יָמ֣וּתc יָרָבְעָ֑ם וְיִ֨שְׂרָאֵ֔ל גָּלֹ֥ה יִגְלֶ֖הd מֵעַ֥ל אַדְמָתֹֽו׃ ס

12 וַיֹּ֤אמֶרa אֲמַצְיָה֙b אֶל־עָמֹ֔וסc חֹזֶ֕הd לֵ֥ךְe בְּרַחf ־לְךָ֖ אֶל־אֶ֣רֶץ יְהוּדָ֑ה וֶאֱכָלg ־שָׁ֣ם לֶ֔חֶם וְשָׁ֖ם תִּנָּבֵֽאh ׃

13 וּבֵֽית־אֵ֔ל לֹֽא־תֹוסִ֥יףa עֹ֖וד לְהִנָּבֵ֑אb כִּ֤י מִקְדַּשׁ־מֶ֨לֶךְ֙ ה֔וּא וּבֵ֥ית מַמְלָכָ֖ה הֽוּא׃ ס

14 וַיַּ֤עַןa עָמֹוס֙b וַיֹּ֣אמֶרc אֶל־אֲמַצְיָ֔הd לֹא־נָבִ֣יא אָנֹ֔כִי וְלֹ֥א בֶן־נָבִ֖יא אָנֹ֑כִי כִּֽי־בֹוקֵ֥רe אָנֹ֖כִי וּבֹולֵ֥סf שִׁקְמִֽיםg ׃

15 וַיִּקָּחֵ֣נִיa יְהוָ֔ה מֵאַחֲרֵ֖י הַצֹּ֑אן וַיֹּ֤אמֶרb אֵלַי֙ יְהוָ֔ה לֵ֥ךְc הִנָּבֵ֖אd אֶל־עַמִּ֥י יִשְׂרָאֵֽל׃

16 וְעַתָּ֖ה שְׁמַ֣עa דְּבַר־יְהוָ֑ה אַתָּ֣ה אֹמֵ֗רb לֹ֤א תִנָּבֵא֙c עַל־יִשְׂרָאֵ֔ל וְלֹ֥א תַטִּ֖יףd עַל־בֵּ֥ית יִשְׂחָֽקe ׃

17 לָכֵ֞ן כֹּה־אָמַ֣רa יְהוָ֗ה אִשְׁתְּךָ֞ בָּעִ֤יר תִּזְנֶה֙b וּבָנֶ֤יךָ וּבְנֹתֶ֨יךָ֙ בַּחֶ֣רֶב יִפֹּ֔לוּc וְאַדְמָתְךָ֖ בַּחֶ֣בֶל תְּחֻלָּ֑קd וְאַתָּ֗ה עַל־אֲדָמָ֤ה טְמֵאָה֙ תָּמ֔וּתe וְיִ֨שְׂרָאֵ֔ל גָּלֹ֥ה יִגְלֶ֖הf מֵעַ֥ל אַדְמָתֹֽו׃ ס

כֹּ֥ה הִרְאַ֖נִיa אֲדֹנָ֣י יְהוִ֑ה וְהִנֵּ֖ה כְּל֥וּבb קָֽיִץc ׃

2 וַיֹּ֗אמֶרa מָֽה־אַתָּ֤ה רֹאֶה֙b עָמֹ֔וסc וָאֹמַ֖רd כְּל֣וּבe קָ֑יִץf וַיֹּ֨אמֶרg יְהוָ֜ה אֵלַ֗י בָּ֤אh הַקֵּץ֙ אֶל־עַמִּ֣י יִשְׂרָאֵ֔ל לֹא־אֹוסִ֥יףi עֹ֖וד עֲבֹ֥ורj לֹֽו׃

3 וְהֵילִ֜ילוּa שִׁירֹ֤ותb הֵיכָל֙ בַּיֹּ֣ום הַה֔וּא נְאֻ֖ם אֲדֹנָ֣י יְהוִ֑ה רַ֣ב הַפֶּ֔גֶרc בְּכָל־מָקֹ֖ום הִשְׁלִ֥יךְd הָֽסe ׃ פ

4 שִׁמְעוּa ־זֹ֕את הַשֹּׁאֲפִ֖יםb אֶבְיֹ֑ון וְלַשְׁבִּ֖יתc ענויd ־אָֽרֶץ׃

5 לֵאמֹ֗רa מָתַ֞יb יַעֲבֹ֤רc הַחֹ֨דֶשׁ֙ וְנַשְׁבִּ֣ירָהd שֶּׁ֔בֶרe וְהַשַּׁבָּ֖ת וְנִפְתְּחָהf ־בָּ֑רg לְהַקְטִ֤יןh אֵיפָה֙i וּלְהַגְדִּ֣ילj שֶׁ֔קֶל וּלְעַוֵּ֖תk מֹאזְנֵ֥יl מִרְמָֽהm ׃

6 לִקְנֹ֤ותa בַּכֶּ֨סֶף֙ דַּלִּ֔יםb וְאֶבְיֹ֖ון בַּעֲב֣וּרc נַעֲלָ֑יִםd וּמַפַּ֥לe בַּ֖רf נַשְׁבִּֽירg ׃

7 נִשְׁבַּ֥עa יְהוָ֖ה בִּגְאֹ֣וןb יַעֲקֹ֑ב אִם־אֶשְׁכַּ֥חc לָנֶ֖צַחd כָּל־מַעֲשֵׂיהֶֽם׃

8 הַ֤עַל זֹאת֙ לֹֽא־תִרְגַּ֣זa הָאָ֔רֶץ וְאָבַ֖לb כָּל־יֹושֵׁ֣בc בָּ֑הּ וְעָלְתָ֤הd כָאֹר֙e כֻּלָּ֔הּ וְנִגְרְשָׁ֥הf ונשׁקהg כִּיאֹ֥ורh מִצְרָֽיִם׃ ס

9 וְהָיָ֣הa ׀ בַּיֹּ֣ום הַה֗וּא נְאֻם֙ אֲדֹנָ֣י יְהוִ֔ה וְהֵבֵאתִ֥יb הַשֶּׁ֖מֶשׁ בַּֽצָּהֳרָ֑יִםc וְהַחֲשַׁכְתִּ֥יd לָאָ֖רֶץ בְּיֹ֥ום אֹֽור׃

10 וְהָפַכְתִּ֨יa חַגֵּיכֶ֜ם לְאֵ֗בֶלb וְכָל־שִֽׁירֵיכֶם֙ לְקִינָ֔הc וְהַעֲלֵיתִ֤יd עַל־כָּל־מָתְנַ֨יִם֙e שָׂ֔קf וְעַל־כָּל־רֹ֖אשׁ קָרְחָ֑הg וְשַׂמְתִּ֨יהָ֙h כְּאֵ֣בֶלi יָחִ֔ידj וְאַחֲרִיתָ֖הּ כְּיֹ֥ום מָֽרk ׃

11 הִנֵּ֣ה׀ יָמִ֣ים בָּאִ֗יםa נְאֻם֙ אֲדֹנָ֣י יְהוִ֔ה וְהִשְׁלַחְתִּ֥יb רָעָ֖ב בָּאָ֑רֶץ לֹֽא־רָעָ֤ב לַלֶּ֨חֶם֙ וְלֹֽא־צָמָ֣אc לַמַּ֔יִם כִּ֣י אִם־לִשְׁמֹ֔עַd אֵ֖ת דִּבְרֵ֥י יְהוָֽה׃

12 וְנָעוּ֙a מִיָּ֣ם עַד־יָ֔ם וּמִצָּפֹ֖ון וְעַד־מִזְרָ֑ח יְשֹֽׁוטְט֛וּb לְבַקֵּ֥שׁc אֶת־דְּבַר־יְהוָ֖ה וְלֹ֥א יִמְצָֽאוּd ׃

13 בַּיֹּ֨ום הַה֜וּא תִּ֠תְעַלַּפְנָהa הַבְּתוּלֹ֧ת הַיָּפֹ֛ותb וְהַבַּחוּרִ֖יםc בַּצָּמָֽאd ׃

14 הַנִּשְׁבָּעִים֙a בְּאַשְׁמַ֣תb שֹֽׁמְרֹ֔ון וְאָמְר֗וּc חֵ֤י אֱלֹהֶ֨יךָ֙ דָּ֔ן וְחֵ֖י דֶּ֣רֶךְ בְּאֵֽר־שָׁ֑בַעd וְנָפְל֖וּe וְלֹא־יָק֥וּמוּf עֹֽוד׃ ס

רָאִ֨יתִיa אֶת־אֲדֹנָ֜י נִצָּ֣בb עַֽל־הַמִּזְבֵּ֗חַ וַיֹּאמֶר֩c הַ֨ךְd הַכַּפְתֹּ֜ורe וְיִרְעֲשׁ֣וּf הַסִּפִּ֗יםg וּבְצַ֨עַם֙h בְּרֹ֣אשׁ כֻּלָּ֔ם וְאַחֲרִיתָ֖ם בַּחֶ֣רֶב אֶהֱרֹ֑גi לֹֽא־יָנ֤וּסj לָהֶם֙ נָ֔ס וְלֹֽא־יִמָּלֵ֥טk לָהֶ֖ם פָּלִֽיטl ׃

2 אִם־יַחְתְּר֣וּa בִשְׁאֹ֔ול מִשָּׁ֖ם יָדִ֣י תִקָּחֵ֑םb וְאִֽם־יַעֲלוּ֙c הַשָּׁמַ֔יִם מִשָּׁ֖ם אֹורִידֵֽםd ׃

3 וְאִם־יֵחָֽבְאוּ֙a בְּרֹ֣אשׁ הַכַּרְמֶ֔לb מִשָּׁ֥ם אֲחַפֵּ֖שׂc וּלְקַחְתִּ֑יםd וְאִם־יִסָּ֨תְר֜וּe מִנֶּ֤גֶד עֵינַי֙ בְּקַרְקַ֣עf הַיָּ֔ם מִשָּׁ֛ם אֲצַוֶּ֥הg אֶת־הַנָּחָ֖שׁh וּנְשָׁכָֽםi ׃

4 וְאִם־יֵלְכ֤וּa בַשְּׁבִי֙b לִפְנֵ֣י אֹֽיבֵיהֶ֔ם מִשָּׁ֛ם אֲצַוֶּ֥הc אֶת־הַחֶ֖רֶב וַהֲרָגָ֑תַםd וְשַׂמְתִּ֨יe עֵינִ֧י עֲלֵיהֶ֛ם לְרָעָ֖ה וְלֹ֥א לְטֹובָֽה׃

5 וַאדֹנָ֨י יְהוִ֜ה הַצְּבָאֹ֗ות הַנֹּוגֵ֤עַa בָּאָ֨רֶץ֙ וַתָּמֹ֔וגb וְאָבְל֖וּc כָּל־יֹ֣ושְׁבֵיd בָ֑הּ וְעָלְתָ֤הe כַיְאֹר֙f כֻּלָּ֔הּ וְשָׁקְעָ֖הg כִּיאֹ֥רh מִצְרָֽיִם׃

6 הַבֹּונֶ֤הa בַשָּׁמַ֨יִם֙ מעלותוb וַאֲגֻדָּתֹ֖וc עַל־אֶ֣רֶץ יְסָדָ֑הּd הַקֹּרֵ֣אe לְמֵֽי־הַיָּ֗ם וַֽיִּשְׁפְּכֵ֛םf עַל־פְּנֵ֥י הָאָ֖רֶץ יְהוָ֥ה שְׁמֹֽו׃

7 הֲלֹ֣וא כִבְנֵי֩ כֻשִׁיִּ֨יםa אַתֶּ֥ם לִ֛י בְּנֵ֥י יִשְׂרָאֵ֖ל נְאֻם־יְהוָ֑ה הֲלֹ֣וא אֶת־יִשְׂרָאֵ֗ל הֶעֱלֵ֨יתִי֙b מֵאֶ֣רֶץ מִצְרַ֔יִם וּפְלִשְׁתִּיִּ֥ים מִכַּפְתֹּ֖ורc וַאֲרָ֥ם מִקִּֽירd ׃

8 הִנֵּ֞ה עֵינֵ֣י׀ אֲדֹנָ֣י יְהוִ֗ה בַּמַּמְלָכָה֙ הַֽחַטָּאָ֔הa וְהִשְׁמַדְתִּ֣יb אֹתָ֔הּ מֵעַ֖ל פְּנֵ֣י הָאֲדָמָ֑ה אֶ֗פֶסc כִּ֠י לֹ֣א הַשְׁמֵ֥יד אַשְׁמִ֛ידd אֶת־בֵּ֥ית יַעֲקֹ֖ב נְאֻם־יְהוָֽה׃

9 כִּֽי־הִנֵּ֤ה אָֽנֹכִי֙ מְצַוֶּ֔הa וַהֲנִעֹ֥ותִיb בְכָֽל־הַגֹּויִ֖ם אֶת־בֵּ֣ית יִשְׂרָאֵ֑ל כַּאֲשֶׁ֤ר יִנֹּ֨ועַ֙c בַּכְּבָרָ֔הd וְלֹֽא־יִפֹּ֥ולe צְרֹ֖ורf אָֽרֶץ׃

10 בַּחֶ֣רֶב יָמ֔וּתוּa כֹּ֖ל חַטָּאֵ֣יb עַמִּ֑י הָאֹמְרִ֗יםc לֹֽא־תַגִּ֧ישׁd וְתַקְדִּ֛יםe בַּעֲדֵ֖ינוּ הָרָעָֽה׃

11 בַּיֹּ֣ום הַה֔וּא אָקִ֛יםa אֶת־סֻכַּ֥תb דָּוִ֖יד הַנֹּפֶ֑לֶתc וְגָדַרְתִּ֣יd אֶת־פִּרְצֵיהֶ֗ןe וַהֲרִֽסֹתָיו֙f אָקִ֔יםg וּבְנִיתִ֖יהָh כִּימֵ֥י עֹולָֽם׃

12 לְמַ֨עַן יִֽירְשׁ֜וּa אֶת־שְׁאֵרִ֤ית אֱדֹום֙ וְכָל־הַגֹּויִ֔ם אֲשֶׁר־נִקְרָ֥אb שְׁמִ֖י עֲלֵיהֶ֑ם נְאֻם־יְהוָ֖ה עֹ֥שֶׂהc זֹּֽאת׃ פ

13 הִנֵּ֨ה יָמִ֤ים בָּאִים֙a נְאֻם־יְהוָ֔ה וְנִגַּ֤שׁb חֹורֵשׁ֙c בַּקֹּצֵ֔רd וְדֹרֵ֥ךְ עֲנָבִ֖יםe בְּמֹשֵׁ֣ךְf הַזָּ֑רַע וְהִטִּ֤יפוּg הֶֽהָרִים֙ עָסִ֔יסh וְכָל־הַגְּבָעֹ֖ות תִּתְמֹוגַֽגְנָהi ׃

14 וְשַׁבְתִּי֮a אֶת־שְׁב֣וּתb עַמִּ֣י יִשְׂרָאֵל֒ וּבָנ֞וּc עָרִ֤ים נְשַׁמֹּות֙ וְיָשָׁ֔בוּd וְנָטְע֣וּe כְרָמִ֔ים וְשָׁת֖וּf אֶת־יֵינָ֑ם וְעָשׂ֣וּg גַנֹּ֔ותh וְאָכְל֖וּi אֶת־פְּרִיהֶֽם׃

15 וּנְטַעְתִּ֖יםa עַל־אַדְמָתָ֑ם וְלֹ֨א יִנָּתְשׁ֜וּb עֹ֗וד מֵעַ֤ל אַדְמָתָם֙ אֲשֶׁ֣ר נָתַ֣תִּיc לָהֶ֔ם אָמַ֖רd יְהוָ֥ה אֱלֹהֶֽיךָ׃