שמואל ב

וַיֹּ֣אמֶרa דָּוִ֔ד הֲכִ֣י יֶשׁ־עֹ֔וד אֲשֶׁ֥ר נֹותַ֖רb לְבֵ֣ית שָׁא֑וּל וְאֶעֱשֶׂ֤הc עִמֹּו֙ חֶ֔סֶד בַּעֲב֖וּרd יְהֹונָתָֽן׃

2 וּלְבֵ֨ית שָׁא֥וּל עֶ֨בֶד֙ וּשְׁמֹ֣ו צִיבָ֔אa וַיִּקְרְאוּb ־לֹ֖ו אֶל־דָּוִ֑ד וַיֹּ֨אמֶרc הַמֶּ֧לֶךְ אֵלָ֛יו הַאַתָּ֥ה צִיבָ֖אd וַיֹּ֥אמֶרe עַבְדֶּֽךָ׃

3 וַיֹּ֣אמֶרa הַמֶּ֗לֶךְ הַאֶ֨פֶסb עֹ֥וד אִישׁ֙ לְבֵ֣ית שָׁא֔וּל וְאֶעֱשֶׂ֥הc עִמֹּ֖ו חֶ֣סֶד אֱלֹהִ֑ים וַיֹּ֤אמֶרd צִיבָא֙e אֶל־הַמֶּ֔לֶךְ עֹ֛וד בֵּ֥ן לִיהֹונָתָ֖ן נְכֵ֥הf רַגְלָֽיִם׃

4 וַיֹּֽאמֶרa ־לֹ֥ו הַמֶּ֖לֶךְ אֵיפֹ֣הb ה֑וּא וַיֹּ֤אמֶרc צִיבָא֙d אֶל־הַמֶּ֔לֶךְ הִנֵּה־ה֗וּא בֵּ֛ית מָכִ֥ירe בֶּן־עַמִּיאֵ֖לf בְּלֹ֥ו דְבָֽרg ׃

5 וַיִּשְׁלַ֖חa הַמֶּ֣לֶךְ דָּוִ֑ד וַיִּקָּחֵ֗הוּb מִבֵּ֛ית מָכִ֥ירc בֶּן־עַמִּיאֵ֖לd מִלֹּ֥ו דְבָֽרe ׃

6 וַ֠יָּבֹאa מְפִיבֹ֨שֶׁתb בֶּן־יְהֹונָתָ֤ן בֶּן־שָׁאוּל֙ אֶל־דָּוִ֔ד וַיִּפֹּ֥לc עַל־פָּנָ֖יו וַיִּשְׁתָּ֑חוּd וַיֹּ֤אמֶרe דָּוִד֙ מְפִיבֹ֔שֶׁתf וַיֹּ֖אמֶרg הִנֵּ֥ה עַבְדֶּֽךָ׃

7 וַיֹּאמֶר֩a לֹ֨ו דָוִ֜ד אַל־תִּירָ֗אb כִּ֣י עָשֹׂה֩ אֶעֱשֶׂ֨הc עִמְּךָ֥ חֶ֨סֶד֙ בַּֽעֲבוּר֙d יְהֹונָתָ֣ן אָבִ֔יךָ וַהֲשִׁבֹתִ֣יe לְךָ֔ אֶֽת־כָּל־שְׂדֵ֖ה שָׁא֣וּל אָבִ֑יךָ וְאַתָּ֗ה תֹּ֥אכַלf לֶ֛חֶם עַל־שֻׁלְחָנִ֖י תָּמִֽיד׃

8 וַיִּשְׁתַּ֕חוּa וַיֹּ֖אמֶרb מֶ֣ה עַבְדֶּ֑ךָ כִּ֣י פָנִ֔יתָc אֶל־הַכֶּ֥לֶבd הַמֵּ֖ת אֲשֶׁ֥ר כָּמֹֽונִי׃

9 וַיִּקְרָ֣אa הַמֶּ֗לֶךְ אֶל־צִיבָ֛אb נַ֥עַר שָׁא֖וּל וַיֹּ֣אמֶרc אֵלָ֑יו כֹּל֩ אֲשֶׁ֨ר הָיָ֤הd לְשָׁאוּל֙ וּלְכָל־בֵּיתֹ֔ו נָתַ֖תִּיe לְבֶן־אֲדֹנֶֽיךָ׃

10 וְעָבַ֣דְתָּa לֹּ֣ו אֶֽת־הָאֲדָמָ֡ה אַתָּה֩ וּבָנֶ֨יךָ וַעֲבָדֶ֜יךָ וְהֵבֵ֗אתָb וְהָיָ֨הc לְבֶן־אֲדֹנֶ֤יךָ לֶּ֨חֶם֙ וַאֲכָלֹ֔וd וּמְפִיבֹ֨שֶׁת֙e בֶּן־אֲדֹנֶ֔יךָ יֹאכַ֥לf תָּמִ֛יד לֶ֖חֶם עַל־שֻׁלְחָנִ֑י וּלְצִיבָ֗אg חֲמִשָּׁ֥ה עָשָׂ֛ר בָּנִ֖ים וְעֶשְׂרִ֥ים עֲבָדִֽים׃

11 וַיֹּ֤אמֶרa צִיבָא֙b אֶל־הַמֶּ֔לֶךְ כְּכֹל֩ אֲשֶׁ֨ר יְצַוֶּ֜הc אֲדֹנִ֤י הַמֶּ֨לֶךְ֙ אֶת־עַבְדֹּ֔ו כֵּ֖ן יַעֲשֶׂ֣הd עַבְדֶּ֑ךָ וּמְפִיבֹ֗שֶׁתe אֹכֵל֙f עַל־שֻׁלְחָנִ֔י כְּאַחַ֖ד מִבְּנֵ֥י הַמֶּֽלֶךְ׃

12 וְלִמְפִיבֹ֥שֶׁתa בֵּן־קָטָ֖ןb וּשְׁמֹ֣ו מִיכָ֑אc וְכֹל֙ מֹושַׁ֣בd בֵּית־צִיבָ֔אe עֲבָדִ֖ים לִמְפִיבֹֽשֶׁתf ׃

13 וּמְפִיבֹ֗שֶׁתa יֹשֵׁב֙b בִּיר֣וּשָׁלִַ֔ם כִּ֣י עַל־שֻׁלְחַ֥ן הַמֶּ֛לֶךְ תָּמִ֖יד ה֣וּא אֹכֵ֑ל וְה֥וּא פִּסֵּ֖חַc שְׁתֵּ֥י רַגְלָֽיו׃ פ